___________________________________________________188
biganə qaldılar. Rəhim Qazıyev satqınlıq etdi, xəyanət etdi. Getdi,
Qraçovla sövdələşdi və onlar tələb edən, Rusiya tələb edən - bizim
ekspertlərin tələbi qaldı - imza atıldı. Özü də həmin o Əzizbəyov buna
imza atdı. Onlar Azərbaycan xalqına böyük xəyanət ediblər.
Bundan üç gün sonra- ayın 17-də yenə də hakimiyyət mübarizəsi
gedirdi. Bilirsiniz ki, mayın 18-də Ali Sovetin sessiyası keçirilirdi.
Xalq Cəbhəsi Ali Soveti əlinə keçirmək istəyirdi və o vaxt İsa
Qəmbəri Ali Sovetin sədri seçdilər. O gün də Laçın işğal olundu. Bəli,
həmin o gün Laçın işğal olundu, çünki onlar hamısı burada
hakimiyyət mübarizəsi ilə məşğul idilər, orada da rayonlar işğal
edilirdi.
Beləliklə, o vaxt edibn xəyanət, şübhəsiz ki, bizə böyük bir zərbə
olubdur, Azərbaycanın hərbi potensialına zərbə olubdur. Bunu sizə
ona görə deyirəm ki, dörd il bundan öncə amerikanlar bu müqavilənin
yeni şəraitə uyğunlaşdırılması prosesini başlayarkən biz bunun
qarşısını alırdıq. Məqsədimiz də o deyildi ki, bunun
uyğunlaşdırılmasına yol verməyək. Məqsədimiz ondan ibarət idi ki,
biz çalışırdıq müqavimət göstərək, çalışırdıq ki, kvotamızı artıraq.
Amma bizim kvotamızı artırmadılar.
Mən keçən dəfə demişdim,- Lissabon sammitindən əvvəl
Amerikanın böyük nümayəndə heyəti gəldi. Bizdən nə qədər xahiş
etdilər, biz buna razı olmadıq. Mənə Lissabonda ən yüksək səviyyədə
nə qədər müraciət etdilər, mən buna razı olmadım. Amma ondan üç il
keçibdir. Nə edək? İndi bu müqavilənin yeni şəraitə
uyğunlaşdırılmaması, şübhəsiz ki, ümumi təhlükəni daha da artırır.
Yəni Rusiya, məsələn, Şimali Qafqazda bu kvotadan artıq silah
saxlayır. Amma orada, o müqavilədə cinahlar məsələsi vardır - hansı
cinahda nə ola bilər. Məsələn, cənub cinahında Rusiya nə qədər silah
saxlaya bilər. Həddindən artıq silah saxlayır. İndi, bu müqavilə
imzalanandan sonra, şübhəsiz ki, hər şey qanunlaşdırıl-
___________________________________________________189
malıdır. Ona görə də bu müqavilənin imzalanmasına biz razılıq
verdik və bu müqavilə imzalandı.
Hesab edirəm, indi biz burada ağır vəziyyətdə olmağımıza
baxmayaraq - əgər mənim çıxışımı dinlədinizsə, orada dedim, -
Azərbaycan, bizim region hərbiləşdirildiyi halda, hərbi silahla
doldurulduğu bir halda və nəzarət olmayan - yəni Dağlıq Qarabağı
deyirəm - bölgədə həddindən artıq silah olduğu halda biz kvotamızın
az olmasına baxmayaraq belə bir müqavilənin imzalanmasına səs
vermişik və imzalayırıq. Demək, bu da əsas sənədlərdən biridir,
imzalandı. Hesab edirəm ki, bu da sammitin ən gözəl nəticəsidir.
Üçüncüsü, siyasi bəyanat, siyasi bəyannamə. Bu, hər sammitdə
qəbul olunur. Orada bugünkü reallıqlar əks olunur - harada hansı
münaqişə var, harada hansı məsələlər olmalıdır və s.
Bilirsiniz ki, Lissabon sammitində biz çox mübahisə apardıq ki,
bizi qane edən sənəd, maddə qəbul olunsun. Ermənistan buna
konsensus vermədi. Mən isə bütün sənədə konsensus vermədim. O
maddə, yəni biz istədiyimiz maddə oradan çıxarıldı. Amma mən bütün
sənədə konsensus vermədiyimə görə həmin o maddənin məzmunu,
müddəaları ondan geniş şəkildə ATƏT-in sədrinin bəyanatında əks
olundu. Bu bəyanat da 53 dövlətin səs verməsi ilə qəbul edildi.
Bu dəfə belə bir mübahisə aparmağa ehtiyac yox idi. Orada bizim
bugünkü reallığı nəzərə alaraq, hesab edirəm ki, uyğun müddəalar
göstərililə və xüsusən indi əsas fikir ona yönəldilibdir ki, Azərbaycan
və Ermənistan prezidentlərinin birbaşa görüşləri yüksək
qiymətləndirilir. Onu bir çox natiqlər çıxışlarında da dedibr və orada
da yazılıbdır ki, bu, Minsk qrupunun fəaliyyəti ilə bərabər, məsələnin
sülh yolu ilə həll olunmasına bizi yaxınlaşdırır.
Mənim çıxışımı siz eşitmisiniz, oxumusunuz. Mən çox sərt çıxış
etdim. Eyni zamanda çox konstruktiv çıxış etdim və konstruktivlik də
ondan ibarətdir ki, mən təklif etdim ki,
___________________________________________________190
Cənubi Qafqazda təhlükəsizlik və əməkdaşlıq paktı yaransın. Bu,
ciddi bir məsələdir. Çünki bu, sadə bir şey deyildir. Mən orada onun
şərtlərini də dedim. Yəqin o şərtləri oxumusunuz. Həmin o şərtlər ki,
buradan xarici silahlar tamamilə çıxarılmalıdır və ikili standartlara yol
verilməməlidir, terrorizmin, ekstremizmin, seperatizmin və s. -
bunların qarşısı alınmalıdır, münaqişələr sülh yolu ilə həll olunmalıdır,
baş vermiş faktlar əsasında qərarlar qəbul edilməməlidir. Mən bunu
bir çox belə müddəalarla bağladım. Güman edirəm ki, indi biz bu
sahədə öz işimizi aparacağıq. Çünki belə bir paktın qəbul olunması,
şübhəsiz ki, Cənubi Qafqazda münaqişələrin aradan götürülməsini
təmin etməlidir. Biz bunu edəcəyik. Bu da siyasi bəyannamə - üç əsas
sənəd. Yekunlaşdıraraq onu demək istəyirəm ki, hesab edirəm, bu, çox
müsbət nəticəli bir sammitdir. Mən bundan çox məmnunam və hamı,
iştirakçılar da məmnundur. Belə bir məmnunluqla da biz bir-
birimizdən ayrıldıq.
Ancaq orada bizim üçün və Türkiyə üçün, bizim bölgə üçün daha
da böyük əhəmiyyət kəsb edən tarixi bir hadisə baş verdi ki, o da
Bakı-Ceyhan neft kəməri haqqında müqavilənin imzalanması idi.
Müqaviləni Azərbaycan, Türkiyə, Gürcüstan imzaladılar. Sonra
dövlətlərin öhdəliyinə dair siyasi bəyannamə imzalandı. Bunu
prezident Klinton imzaladı. Nazarbayev də Qazaxıstanın bizim bu
Bakı-Ceyhan xəttinə qoşulması barədə bəyanat verdi, o da imzalandı.
Bir çox başqa sənədlər də imzalandı. Beş il bundan öncə bizim
başladığımız iş indi öz nəticəsini verdi. Əgər eşitmisinizsə,-mən orada
çıxışımda da dedim, - biz «Əsrin müqaviləsi»ni yaratmasaydıq Bakı-
Ceyhan olmayacaqdı. Amma Bakı-Ceyhanı da beş il müddətində
həyata keçirmək üçün çox böyük maneələrin qarşısını aldıq, çox işlər
gördük. Nəhayət, buna nail olduq. Bu, bizim üçün böyük bir
hadisədir- həm Azərbaycan üçün, həm Türkiyə üçün. Eyni zamanda
əgər
Dostları ilə paylaş: |