114
şahın hücum edəcəyi təqdirdə İrəvan əhalisinin Osmanlı ərazisinə
axınının başlayacağı təhlükəsi haqqında xəbər verilmişdi. Məktubda
Ağa Məhəmməd xanın İrəvana hücum edəcəyi təqdirdə qala
darısqal olduğundan, təxminən 20-30 min irəvanlının əmlak və mal-
qara ilə birlikdə Qars, Bəyazid, Ərzurum paşalıqlarına sığınacaqları
bildirilmişdi (72, 145-146).
Lakin bəzi Azərbaycan xanları, o cümlədən İrəvan xanı ilə
məktublaşmasına baxmayaraq Osmanlı dövləti ciddi tədbirlər görə
bilmədi. Çünki sultan nə Rusiya, nə də Ağa Məhəmməd xanla
münasibətləri gərginləşdirmək istəmirdi. «Şuşalı İbrahimxəlil xan
və İrəvan xanı 1794-cü ildə Portanın (Osmanlı Türkiyəsinin – E. Q.)
onları köməksiz qoymayacağına ümid edərək, Ağa Məhəmməd
xana qarşı çıxdılar. Onlar qədimdən aralarında olan dostluq əlaqə-
lərinə arxalanaraq Ağa Məhəmməd xanın hücumuna qarşı Portadan
himayədarlıq üçün nümayəndələrini İstanbula göndərdilər. Lakin
Porta onların tələblərinə məhəl qoymayaraq cavab verdi ki, onun
İran xalqı ilə müqaviləsi vardır» (107, c.2, səh.332). Digər tərəfdən,
hadisələri düzgün qiymətləndirən İstanbul sarayı Ağa Məhəmməd
xanı bölgədə Rusiyaya qarşı duracaq real qüvvə hesab edirdi. Buna
baxmayaraq, Osmanlı dövləti ona müraciət edən xanlara ümid ver-
məkdən də çəkinməmişdi.
Azərbaycan xanlarını məktub və fərmanlarla özünə tabe edə
bilməyəcəyini başa düşən Ağa Məhəmməd xan Qacar İrəvan, Xoy,
Naxçıvan, Gəncə və Ərdəbil xanlarını öz hakimiyyətini tanımağa
məcbur etmək üçün 1794-cü ildə sevimli sərkərdələrindən olan
Süleyman xanı 20.000 nəfərlik qoşunla Təbrizə göndərdi (55, 236-
237). Təbrizə gələn Süleyman xan İrəvan hakimini yanına dəvət
etdi. O, Məhəmməd xanı Təbrizə gəlməyəcəyi təqdirdə İrəvan
üzərinə yürüş edəcəyi ilə hədələmişdi. Həmin vaxt İrəvan hakimi iki
od arasında qalmışdı. Digər tərəfdən, II İrakli də, Məhəmməd xanı
İrəvan üzərinə yürüş edəcəyi ilə hədələyirdi. Qeyd etmək lazımdır
ki, Məhəmməd xan son illərdə müstəqil siyasət yeridərək Kartli-
Kaxetiya çarına bac verməkdən imtina etmişdi. 1794-cü ildə şah-
zadə Davidin başçılığı ilə bir dəstə gürcü qoşunu İrəvan sərhəddində
115
dayanaraq, Məhəmməd xandan bacı ödəməyi tələb etməyə başladı.
O, əks təqdirdə İrəvana hücum edəcəyi ilə xanı qorxudurdu. Hətta
şahzadə David katolikos Qukasa məktub göndərərək xanı yola
gətirməyi tələb etmişdi (212, 90).
İki od arasında qalmış Məhəmməd xan İrəvan qalasını möh-
kəmləndirmək üçün müdafiə tədbirləri görməyə başladı. O, Qacar
qoşunlarının hücumunu xanlıq üçün daha təhlükəli olduğunu hiss
edərək, II İraklinin könlünü ələ almağı qərara aldı. Məhəmməd xan
dərhal məktub və hədiyyələrlə Tiflisə nümayəndə heyəti göndərdi.
II İrakli elçiləri qəbul etsə də, güzəştə getməyərək bacı tələb etdi. O,
elçilərə «…xanın dəfələrlə şərtləri pozduğundan verilən vədlərə
inanmadığını söyləyərək, belə demişdi: Siz verəcəklərinizi verin,
mən isə sizi düşmənlərinizdən qoruyum» (161, 153). Əlacsız qalan
və kömək almaq ümüdi ilə Məhəmməd xan verginin bir hissəsini
göndərmiş, digər hissəsini göndərməyi söz vermişdi. Əvəzində o,
İrəvanın müdafiəsi üçün çardan bir neçə yüz nəfərdən ibarət dəstə
göndərməsini xahiş etmişdi. Lakin bu vaxt II İraklinin özünə kömək
lazım idi (161, 153-154; 212, 90).
İrəvan hakiminin heç bir fərmana məhəl qoymadığını görən
Süleyman xan Xoy hakimi ilə birlikdə Təbrizdən Naxçıvana gəldi.
O, İrəvana adam göndərərək Məhəmməd xandan tələbləri yerinə ye-
tirməyi, girov, bac və 500 nəfərdən ibarət silahlı qüvvə göndərmə-
sini tələb etdi (158, 93). Bu xəbər İrəvan əhalisini bərk təşvişə sal-
mışdı. Əhalinin bir hissəsi əmlakı ilə Osmanlı sərhəddinə doğru
hərəkət etdi, digər hissəsi isə qalada və əlçatmaz yerlərə sığındı.
Məhəmməd xan yenidən II İraklidən hərbi kömək istədi. O isə nə-
inki İrəvana kömək göndərmədi, əksinə bacın qalan hissəsini də tə-
ləb etdi. Belə olduqda İrəvan hakimi bu tələbi rədd etdi (161, 154).
Vəziyyətin çıxılmaz olduğunu görən Məhəmməd xan Ağa
Məhəmməd xanın tələblərini bir hissəsini yerinə yetirmək məcbu-
riyyətində qaldı. O, ilk növbədə kəndlərə adamlar göndərərək vergi
yığdırmağa başladı. Hətta Üçmüəzzindən də müəyyən miqdarda
vəsait tələb etdi. Hər şey toplandıqdan sonra yığılanlar İrəvanın bir
neçə nüfuzlu nümayəndəsi ilə birlikdə Süleyman xanın yanına,
116
Naxçıvana yola salındı. Lakin Süleyman xan İrəvan hakiminin tək
bac verməsi ilə qane olmadı. O, xandan digər şərtləri də yerinə
yetirməyi tələb etdi. Məhəmməd xan isə onun bu tələbindən imtina
etdi (161, 154). Vəziyyətin gərgin olduğu bir vaxtda, Ağa Məhəm-
məd xan yenidən yürüşü dayandıraraq, boyun əyməyən xanların
cəzalandırılmasını gələn ilə saxladı.
Ağa Məhəmməd xan Qacarın Cənubi Qafqaza ilk yürüşü
1795-ci ilin yayında baş tutdu. O, 1795-ci ilin iyun ayında 85 minlik
qoşunla üç istiqamətdə – İrəvan, Lənkaran-Muğan və Qarabağ
istiqamətində şimala doğru yürüşə başladı (51, 50-51; 239, 167). Bu
yürüş haqqında tarixi ədəbiyyatda (239, 167-176) ətraflı bəhs
edildiyindən bu məsələnin üzərində dayanmağı lazım bilmirik.
Bizim məqsədimiz Qacar qoşunlarının məhz İrəvan istiqamətində
yürüşünü işıqlandırmaqdır.
Ağa Məhəmməd xan qardaşları Əliqulu xan və Cəfərqulu xa-
nın başçılığı ilə 20.000 nəfərlik qoşunu İrəvan istiqamətdə göndərdi.
Qacar hakiminin güclü qoşunla Cənubi Qafqaza yürüşü əhalini bərk
qorxuya salmışdı. Əhali əmlakını götürərək təhlükəsiz yerlərə
qaçırdı. “Əhali biləndə ki, Qacar qoşunları İrəvana doğru hərəkət
edir, Qarabağdan, Naxçıvandan, İrəvandan və digər yerlərdən həm
müsəlmanlar, həm də xristianlar əmlak və mal-qara ilə Gürcüstan
(Kartli-Kaxetiya – E. Q.) ərazisinə qaçırdı. Onlar bu ərazidə sakit
sığınacaq tapacaqlarına və Ağa Məhəmməd xanın çara (II İrakli –
E. Q.) qalib gələ bilməyəcəyinə ümid edirdilər. Lakin qaçqınların
aqibəti acınacaqlı oldu. Doğma şəhər və kəndlərindən qaçan xalq
ərzaq çatışmazlığı ilə üzləşərək aclığa məruz qaldı. Onlar üç
girvənkə çörəyə bir qoyun, bir lider (10 girvənkə) çörəyə isə bir at
verməli olurdular. Digər tərəfdən, yerli gürcülər qaçqınlara hücum
edərək onların əmlak və mal-qarasını əllərindən alırdılar. Müsibət o
dərəcəyə çatmışdı ki, çoxları aclıqdan və soyuqdan ölməmək üçün
varlı gürcülərin quluna çevrilmişdilər. Bir çoxları isə bu müsibətə
dözməyərək çöllərdə olürdülər və onları dəfn etmək üçün alət belə
tapılmırdı” (86, 89-90; 179, 7; 107, c.2, səh.337).
Dostları ilə paylaş: |