Microsoft Word Vaqif Memmedov xatirelerde doc
Yüklə 21,11 Mb. Pdf görüntüsü
|
Vaqif Məmmədov xatirələrdə 80 söz oyununa dəvət edir və asanlıq naminə hazır misraların təqdimini lazım bilir. Diqqət edilərsə, yuxarıdakı misraların yerini dəyişmklə bizim üçün daha asan qavranılan poetik bənd də yaratmaq da mümkündür: Nəsibim, pənahım-könül sirdaşım, Nazını-qəmzəni görəydim kaş ki... Ən boyük günahım-könül sirdaşım... Əlimi əlinə verəydim kaş ki... Bəli, Vaqif Məmmədovun qoşayarpaq misraları göz önündə əsrarəngiz bir dünyanı canlandırmaqdadır. Sadəcə oxucunun poetik mənlə baş başa qalmasına, bütün gözəlliklərə sevgi ilə yanaşmasına ehtiyac vardır. Başqa sözlə, təqdim olunan qoşa- yarpaq misralar hər bir insan üçün sanki bədii tərcumeyi-hal göstəricisidir. Və həmin tərcumeyi-halın bütün mətni sevgi nəğmələrindən ibarətdir. Noğulum, şərbətim, şəkərim, qəndim, Ən gizli bir sirrim, ən zərif bəndim... Nağılım, dastanım, qoşmam, bayatım, Əlim yetişməyən ömrüm, həyatım. Nəhayət, Vaqif Məmmədov qoşayarpaq misraları ilə bir daha təsdiqlədi ki, nəzmin istənilən formasında böyük sənət yaratmaq, ölməzliyə qovuşmaq, insanlara sevinc bəxş etmək mümkündür. Vaqif Məmmədov xatirələrdə 81 Seyfəddin Eyvazov Filologiya üzrə fəlsəfə doktoru,dosent TELLİ TEJGARIN ŞAİR OĞLU Vaqif Məmmədov haqqında xatirə yazmağa gecikmişəm. Lap doğrusunu desəm, yazmaq çətindir. Dünənə qədər yoldaşlıq etdiyin, səmimi söhbətə ehtiyac duyduğun, dərdləşdiyin, elə sənətkar, şair, alim kimi qədrini bildiyin bir insan haqqında söz demək, yaranın qaysağını qopartmaq kimi çətindir. Onunla nə vaxt tanış olduğumu dəqiq deyə bilmərəm, ancaq onu bilirəm ki, 70-ci illərdə ikimiz də məktəb direktoru işləyirdik; Vaqif Sədərəkdə, mən Tənənəmdə. Yəqin ki, elə o zamanlar olub bu tanışlıq. Elə o zaman da “Şərur” Ədəbi Birliyinin sayılıb-seçi- lən vaxtı idi. Altay Tağızadə Vaqifin yaradıcılığına böyük önəm verirdi. Sonra öyrəndim ki, Vaqif tarix müəllimidir. Amma daha çox şair kimi tanınırdı. Elə mövzularında da tarix görünürdü: Tarixdə ara qaldı Tarixdə yara qaldı 41-45 arası. Bu deyim sadə bir söz deyilmiş, sən demə. Sonralar dünya ədiblərinin “itirilmiş nəsil”, yəni müharibəyə həsr edilmiş ömür sahibləri, daha doğrusu vuruşmuş əsgər ömrü ifadəsini eşidəndə, Vaqifin poetik sözünün dəyəri haqqında bir daha düşündüm. O zaman cavan idik, çox məsələlərin üstündən keçirdik. Amma sonra birdən-birə hiss etdik ki, yaşlanmışıq. Vaqiflə birlikdə yol yoldaşı da olmuşam. Qatarla Bakıya gedib-gələndə belə “təsadüflərə” təəccüblənməzdik. Amma bir yoldaşlıq heç unudulmaz. Naxçıvan Dövlət Universitetinin nü- mayəndə heyəti ilə Maku Universitetinin dəvətinə görə daşların ətəyindəki Makuya, Şəhriyar konfransına getdik. Şəhriyarın oğlu Hadi və böyük şairin səmimi həmsüfrəsi, dostu, yaradıcılı- ğını əzbər bilən Böyük (Böyükağa) Nikəndiş də konfransın işin- də iştirak edirdilər. Mən də məruzəçilərdən idim. Gecə kiminlə Vaqif Məmmədov xatirələrdə 82 bir otaqda qalacağımızı soruşanda tərəddüd etmədən Vaqif müəllimlə bir otağa düşməyimizi xahiş etdim. Yoldaşlar xahiş etdilər ki, Vaqif müəllim Şəhriyara bir şeir həsr etsin. O gecə o şeirin yaranması mənim gözlərim qarşısında baş verdi. Səhərisi şeir oxunanda alqış sədaları onun qiymətini müəyyən etdi. Naxçıvan Dövlət Universitetində elmi-tədqiqat işi olaraq Nax- çıvan ədiblərinin yaradıcılığı haqqında yazı yazmaq istəyimi Vaqifə bildirib öz yaradıcılığı haqqında mənə bilgi verməsini xahiş etdim. Bir az fikirləşib, “Sağ ol, vallah, indiyə qədər öz yaradıcılı- ğımı sistemləşdirməmişəm, gedim, bir qaydaya qoyum” dedi. Və bu “arayış” əsasında yazdıqlarımı “Şərur Ədəbi Birliyi” kitabımda (2002) Vaqif Məmmədova həsr olunmuş bölmədə verdim. Daha sonra keçən il təsisçisi və redaktoru olduğum “İnam işığı” qəzetimdə “Vaqif Məmmədov haqqında söz” adlı vida yazısı yazdım. (05 may 2016) Orada da qeyd etdiyim kimi, universitetə daxil olanda ərklə onun otağına daxil olar, hal-əhval tutub kafedraya qalxardım. Vaqif Məmmədov erkən yaşlarından sayilıb-seçildi. Bunun iki səbəbi var idi: Birincisi, Vaqif sözünə düz, dilinə yaraşma- yan ifadələr alan adam deyildi, onun ağır təbiəti buna yol verməzdi. Əxlaq və mənəviyyatca yüksək adam idi. İkincisi, şair idi, yaradıcılığı onu tanıdırdı. “Sədərəkli şair” desəydin, hamı sözün leksik anlamına görə Vaqif müəllimi düşünərdi. Sədərəyin ağır günlərində evini qərargah etdi, Naxçıvan Muxtar Respublikası Ali Məclisinin deputatı oldu. Ona xalq inamı var idi. Sədərək şəhidlərinə kitab həsr etdi, bu vuruşun salnaməsinin əsasını qoydu. Naxçıvan Dövlət Universitetinin “Qeyrət” nəşriyyatının di- rektoru kimi özünün “İkinci nəfəs”ini yaşadı, səmərəli fəaliyyət göstərdi. Tarix elmini də unutmadı, müdafiə edərək tarix üzrə fəlsəfə doktoru, dosent oldu. Bir fakültənin müəllimləri idik. Hər oxuyan Molla Pənah olmaz demişlər, amma sən oxu- dun, Vaqif oldun! Bu yazının məşhur deyimlərdən alt qatı da var: “Nəslimizin yarpaq tökümü”, “Bizim dost itirən vaxtımız deyil” və s. amma heyhat! Vaqif Məmmədov xatirələrdə 83 Ölümündən bir az qabaq qış tətilində Bilgəhdə dincəlirdi, müalicə olunurdu, bilmirəm, amma bir başqa dostumu orada görməyə gedəndə Vaqif müəllimlə də görüşdüm. Sonra qəfildən xəstəlik və inanmaq istəmədiyimiz xəbər.. Vaqif şair idi və yaddaşlarda da əsasən şair kimi qalacaq. Mən “Şərur Ədəbi Birliyi” kitabımda onun haqqındakı səhifəyə baxdım və oradakı, habelə, qəzetdəki yazdıqlarımı təkrar etmək istəmədim. Çünki, o kitabı həm də elmi məqsədlə yazmışam və Vaqif müəllimin əsərləri orada xatırlanır. Amma onun haqqında hazırlanacaq kitabda Vaqifin yaradıcılığının əks olunması yaxşı olardı. Məsələn, onun məqalə və kitablarının siyahısı, məşhur şeirlərindən seçmələr və s. Onun publisistikası dəyərli fikirlərlə doludur. “Kərkük yadigarı Kərki” bu qəbildəndir. İndi işğal altın- da olan Kərki kəndinin ən yaxşı anlamını Vaqif müəllim verib. Hər kəsə ölümsüzlük verən onun əsərləridir. Vaqif müəllimi də yaşadan SÖZü var. (Oğul-uşağı da Allah var eləsin) Amma sözün yaşarı gücü daha önəmlidir . İndi onun xatirəsini əziz tutan bir neçə mənbə var: Sədərək- lilər, şagirdləri, Şərur Ədəbi Birliyinin üzvləri, Naxçıvan Dövlət Universitetinin kollektivi, tələbələri, Naxçıvan və Azərbaycan Yazıçılar Birliyində onu tanıyan sənət yoldaşları və.s bu siyahını daha da uzatmaq olar. Onu hətta yaradıcılığına görə Özbəkistan- da da tanıyırdılar. Vaqif Məmmədov Azərbaycan ədəbiyyatında öz sözünü demiş şairdir. Bir dost və yaradıcılıq yoldaşı olaraq bildirirəm: Vaqif Məmmədov kimi insanlar ölmürlər, çünki onlar daim yaşayacaq ruh adamlarıdır. Ruhun şad olsun, Vaqif! P.S. Dunən (18.05.2017) Naxçıvan Dövlət Universitetinin 50 illiyi ilə əlaqədar olaraq Sədərək kənd 1 nömrəli orta məktəbdə görüş keçirilirdi. O məktəb ki, Vaqif Məmmədov uzun müddət orada dərs hissə müdiri və məktəb direktoru işləmişdi. Vaqif müəllimin yaxın qohumu, NDU-nun “Qeyrət” nəşriyyatının mətbəə müdiri Vidadi Kazımov da iştirakçı idi. Mən çıxışıma belə başladım: Bu gün gərək bu tribunadan Vaqif Məmmədov danışaydı... Amma o gözəl insan indi Allahın rəhmətindədir. Yer- dən hamı “Allah rəhmət eləsin” dedi. Məncə, haqq yerini tapdı. Yüklə 21,11 Mb. Dostları ilə paylaş:
|