Mm-dən mühazirələrin kanspekti

Tibbi sarğı paketi. İPP-1 – tipli fərdi tibbi sarğı paketi (PPM) yaralara, yanıqlara aseptik sarğı qoyulması və bəzi qanaxmaların saxlanması üçün istifadə edilir. Qoyulmuş sarğı yara səthini (yanıq səthinin) ikincili infeksiyadan mühafizə edir və qanaxmanın dayandırılmasını tam təmin edir. Fərdi sarğı paketi hermetik qablaşdırılmış steril bint və 2 ədəd pambıq-tən­zif yastığından ibarətdir. Yastıqlardan biri bintin ucuna bər­ki­dil­mişdir, digəri isə hərəkətli olur. Belə quruluşa görə dəlib keçən zədələnmələrdə yaranın həm giriş, həm də çıxış dəliyini bağlamaq olur. Yastıqların üstü əllə götürmək üçün rəngli sap­lar­la işarələnir. İstifadə etmək ardıcıllığı: hermetik örtük üzə­rin­dəki xətt boyunca kəsilir və çıxarılır; bir əllə bint, digər əllə isə yastıq götürülüb içəri səthi ilə yaranın üzərinə qoyulur; bu za­man çalışmaq lazımdır ki, rəngli sap olan hissə üst tərəfdə qal­sın; daha sonra sarğı aparılır.