Fövqəladə rejimdə - gündəlik rejimdə fəaliyyət göstərən qüvvələrdən əlavə, həmçinin: müşahidə və laboratoriya nəzarəti şəbəkəsinə daxil olan nazirlik, komitə, şirkət, Elmlər Akademiyası və s. idarələrin müvafiq qüvvələri ilə həm müşahidə, həm də laboratoiya nəzarəti aparılır.
Mühazirə 10. Əhalinin mühafizəsinin əsas prinsip və üsulları Mühazirə 12. Fərdi mühafizə vasitələri
Əhalinin mühafizəsi - əsas tədbirlər sistemi olub dövlətin idarəetmə orqanları və bütün əhali tərəfindən aparılmalıdır. İnsanların zərər çəkməsinə yol verilməməsi və zərərçəkmişlərin sayının maksimal surətdə azaldılması əhalinin mühafizəsinin əsas məqsədlərindəndir.
Əhalinin qorunması məqsədilə aşağıdakı tədbirlər görülməlidir:
- fövqəladə hallarda fəaliyyət və qorunma üsulları haqqında əhalinin ümumi maarifləndirilməsi;
- ətraf mühitdə obyektlərin kimyəvi, radioaktiv və bakterioloji çirklənməsinə laboratoriya nəzarəti və müşahidə olunması;
- təbii fəlakətlər, qəzalar, faciə və s. fövqəladə halların baş verməsi haqqında əhalinin vaxtında xəbərdar edilməsi;
- fərdi qorunma vasitələrinin tətbiqi;
- əhalinin qoruyucu tikililər və sığınacaqlara yerləşdirilməsi;
- əhalinin təhlükəli ərazilərdən köçürülməsi;
- fövqəladə hadisələrin nəticələrinin aradan qaldırılması;
- xüsusi profilaktik, sanitar-gigiyenik tədbirlərin aparılması. Əhalinin qorunma vasitələri iki cür olur: kollektiv və fərdi.
Kollektiv - buraya əhalinin kollektiv şəkildə qorunması üçün lazım olan mühəndis qurğuları və obyektlər aiddir:
- sadə sığınacaqlar (səngərlər, zirzəmilər və s.);
- hermetikləşdirilmiş sığınacaqlar;
- radiasiya əleyhinə sığınacaqlar.
Fərdi qorunma vasitələri isə üç əsas qrupa ayrılır:
- tibbi qoruyucu vasitələr;
-dərini qoruyan vasitələr;
- tənəffüs orqanlarının qoruyucu vasitələri.
Fərdi qoruyucu vasitələrdən insanların sağlamlığını radioaktiv və zərərli maddələrdən, bakterial mühitdən qorumaq üçün istifadə edirlər.
Tənəffüs orqanlarının qoruyucu vasitələrinə əleyhqazlar, respiratorlar aiddir. Əleyhqazlar iki cür olur: filtrasiyaedici və izoləedici.
Dostları ilə paylaş: |