105
Yüksək turşuluqlu mezofil qarışıqlar. Mezofil südturşusu bakteriyaları
yabanı mikrofloranın inkişafını dayandırır, maya hüceyrələrini aktivləşdirir,
səmərəli aktiv turşuluğa malik mühit (pH 5,0-5,2) yaratmaqla texnoloji prosesi
intensivləşdirir və xəmirin yetişməsi müddətini qısaldır. Mezofil südturşusu
bakteriyaları maya hüceyrələrinə nisbətən az miqdarda şəkərləri qıcqırdır. Oparaya
bu mayaların daxil edilməsi reduksiyaedici şəkərlərin yaranmasını 0,6-1,3 %
artırır. Onların qatı və ya duru oparalara daxil edilməsi ənənəvi qıcqırma prosesləri
(südturşusu və spirt) zamanı qıcqırmaya sərf olunan xərcləri 2 dəfə azaldır.
Yarımfabrikatda bu proseslərin gedişi simbioz mühitin varlığına baxmayaraq, hər
bir qıcqırma prosesi üçün ayrı-ayrılıqda səmərəli şərait yaratmır. Buna görə də
maya hüceyrələrinin və südturşusu bakteriyalarının metabolizminə quru
maddələrin sərfi artır (oparaların qıcqırma müddəti 4-5 s. təşkil edir). Maya
hüceyrələrinin qıcqırma prosesinə hazırlanması dövrü 90 dəqiqədən artıq deyildir.
Bu dövr südturşusu bakteriyaları üçün də xarakterikdir. Lakin oparada
yarımfabrikatın hazır olmasını göstərən turşuluq 90 dəq. ərzində təmin olunmur.
2,5-3 saat qalan maya hüceyrələri qidalı maddələr sərf etsə də, yarımfabrikatın
turşuluğunun dəyişməsinə praktiki olaraq təsir göstərmir, lakin kleykovinanı xeyli
zəiflədirlər. Birgə sudturşusu və spirt qıcqırması xəmir hazırlanmasında yaxşı
seçim deyildir, belə ki, unun quru maddələrinin sərfi 2,8-3,3 % təşkil edir.
Əvvəlcədən nəmliyi 70 % olan duru yarımfabrikatın alınmasını nəzərdə
tutan xəmir hazırlanması üsulu səmərəli hesab olunur. Yarımfabrikatı çörəkçilik
üçün buğda unu, mezofil mayadan və qabaqcadan aktivləşdirilmiş çğrəkçilik
mayalarından hazırlayırlar. Qıcqırmış maya (xəmrə) və mayalarla birlikdə xəmirə
onun ümumi kütləsinin 10 %-i miqdarında buğda unun daxil edirlər. Xəmirin
yoğrulması zamanı reseptura üzrə nəzərdə tutulmuş yarımfabrikatı, qalan unu və
bütün xammalı dozalara ayırırlar. Xəmirin yetişməsi 50-60 dəq. davam edir. Bu
zaman quru maddələrin sərfi 2 dəfə azalır.
Maya yarımfabrikatında xəmirin hazırlanması zamanı qabaqcadan mezofil
qarışığı, onda unun bir hissəsini fermentləşdirməklə hazırlayırlar. Fermentasiya
mərhələsində yetişmənin ilk 3 saatı ərzində yarımfabrikatın elastiklik xassələri
106
aşağı düşür. Verilmiş turşuluq 2,5-3,0 saatdan sonra, 4 və 6 % mayanın daxil
edilməsi zamanı əldə edilir. Bu zaman maya (xəmrə) aşağıdakı göstəricilərə malik
olur: temperatur - 28-30 ºC, nəmlik – 42-43 %, turşuluq – 3,5-4,0 dər., südturşusu
bakteriyalarının sayı – 350-400 mln/q.
Mayalarda mezofil südturşusu bakteriyalarının (Lactobacillus fermenti-27)
tətbiqi, spirtsiz, daha faydalı südturşusu qıcqırmasının intensivləşdirməsi sayəsində
yarımfabrikatların yetişməsi müddətini qısaldır.
Südturşusu mayaları azotun sulu fraksiyalarının yaranmasını intensivləşdirir,
xəmirin yetişməsi zamanı gedən biokimyəvi və mikrobioloji prosesləri
sürətləndirir.
Mayalar zülalların şişməsinə və peptidləşməsinə mane olur, lakin proteoliz
prosesinə təsir göstərmirlər. Xəmirin vacib fiziki-mexaniki xassələrinin təmin
edilməsi və zərif elastiki içliyə, nazikdivarlı, bərabərölçülü məsaməliliyə malik
çörəyin alınması bu proseslərin nəticəsidir.
Asidofil, vitaminli və kompleks qıcqırmış qarışıqlar. Oparalı və oparasız
xəmirin hazırlanması zamanı istifadə edilməsi məsləhətdir, bu halda preslənmiş və
qurudulmuş mayaları qismən və ya təmamilə resepturadan çıxarılır. Bu onunla
əlaqədardır ki, mayalar çox aktiv maya ştamlarından ibarətdir: Saccromyces
cerevisiae - P17, maya hibridi (69 ştammı) və “Krasnodarskaya - 11” növü.
Onların qalxma gücü uyğun olaraq 15-18, 12-17 və 18-20 dəqiqədir.
Asidofil və kompleks mayalar formalı və formasız çörəklərin tezləşdirilmiş
üsulla bişirilməsi üçün tövsiyə oluna bilər.
Zəif kleykovinaya malik unun emalı prosesində xəmirdə un kütləsinə 10-15
% olmaqla vitaminli və kompleksli qıcqırmış mayaların tətbiqi zamanı yaxşı nəticə
əldə etmək mümkündür.
Möhkəm və ovulan kleykovinaya malik undan istifadə olunması zamanı,
xəmiri asidofil qarışıqda hazırlamaq məsləhət görülür, belə ki, Lactobacillus
acidophilus-146 bakteriyaları proteolitik təsirə malik ekzofermentlərdən ibarətdir.
Ekoloji cəhətdən əlverişsiz zonalarda xəmirin hazırlanma üsulunun (oparalı,
oparasız və ya tezləşdirilmiş üsul) seçilməsi zamanı, mikroorqanizmlərin
107
biotexnoloji xüsusiyyətlərinin stabilləşdirilməsi üçün yarımfabrikatlarda un
kütləsinə 15 % olmaqla vitaminli və erqosterinli mayalardan istifadə olunur. Bu
mayaların mikroflorası və turşuları xəmirin mikroorqanizmlərinin metabolizminin
fəallığını təmin edir, qazəmələgəlmə prosesini intensivləşdirir, bunun da
nəticəsində mayaların qaldırma gücü və hazır çörəyin keyfiyyəti yaxşılaşır.
İsti iqlim və yuxarı nəmlik şəraitində vitaminli və asıdofilli mayalardan
istifadə etmək məqsədəuyğundur.
Zəif kleykovinaya malik buğda unundan tezləşdirilmiş üsulla xəmir
hazırlanması zamanı vitaminli mayaların tətbiqi məsləhət görülür. Bu halda
xəmirin yayılması azalır, elastikliyi və qazsaxlama qabiliyyəti isə artır.
Kompleks
mayalardan
“soyuq”
texnologiyada
istifadə
etmək
məqsədəuyğundur. Bu maya hüceyrələrinin (69 hibridi) və Lactobacillus casei-Cl,
Lactobacillus brevis-78, Lactobacillus fermenti-34, Propionibacterium shermanii
BKM-103 bakteriyalarının metabolizmi nəticəsində toplanan ətirverən maddələrin
kompleks mayalarda yüksək miqdarda olması ilə bağlıdır.
Propionturşusu mayaları. Propionturşusu mayalarının əsasını propion
turşusu bakteriyaları təşkil edir. Propionibacterium shermanii BKM-103 kompleks
mayalar kimi bu qarışıqlardan resepturasına qida lifləri (buğda kəpəyi) daxil olan
məmulatların istehsalında tətbiq edilir. Bu zaman kəpəyi onların 6 saat ərzində
fermentləşməsi məqsədilə bilavasitə qıcqırmış qarışığa daxil etmək məsləhət
görülür. Nəticədə kəpəyin tərkib komponentlərinin qismən hidrolizi baş verir, süd
turşusunun miqdarı 1,5-2,0 dəfə artır, bu isə kəpəklə birlikdə daxil edilən kənar
mikrofloranın kəskin sürətlə azalmasına gətirib çıxarır.
Verilən sxem üzrə hazırlanmış məmulatlar yaxşılaşmış keyfiyyət
göstəriciləri ilə xarakterizə olunur.
Əla sort buğda unundan bu mayalardan istifadə etməklə hazırlanmış kəsmə
batonların keyfiyyət göstəriciləri onların müsbət təsirini sübut edir (cəd. 6.1).
Cədvəl 6.1. Yüksək turşuluğa malik mayalarda hazırlanmış baton çörəyinin
keyfiyyət göstəriciləri
Dostları ilə paylaş: |