Uchinchi yo‘nalish iqtisodiyotni rivojlantirish va liberallashtirishning ustuvor yo‘nalishlarini o‘zida ifoda etadi. Bunda makroiqtisodiy barqarorlikni yanada mustahkamalash va yuqori iqsdiy o‘sish sur'atlari ni saqlab qolish, qtisodiyotning etakchi tarmoqlarini modernizatsiya va diversifikatsiya qilish hisobidan ishlab chiqarilayotganishlab chiqarilayotgan mahsulotlarning raqobatbardoshligini oshirish, mamlakat eksport salohiyatini kchaytirish bosh vazifa qilib qo‘iylgan.
Qishloq xo‘jaligini modernizatsiya qilish, tuproq unumdorligini va ekinlar hosildorligini oshirish, yangi va xaridorgir mahsulotlar etishtirish orqali jahon bozoriga chiqishning yangi yo‘nalishlarini joriy etish nazarda tutilgan.
Iqtisodiyotda davlat ishtirokni kamaytirish, xususiy mulk huquqini himoya qilish, mulkka egalik qilish va uning hajmini oshirish orqali yuqori saradorlikka yerishish, kichik biznes va xususiy tadbirkorlikni yanada rivojlantirish, uni rag‘batlantirish mo‘ljallangan. Viloyat, tuman va shaharlarni ularning tabiiy-geografik imkoniyatlari, yer sharoiti va dehqonchilik madaniyatini nazarda tutgan holda, hududiy ehtiyoj va manfaatlar nuqtai nazaridan iqtisodiy rivojlantirish choralarini ko‘rish belgilangan.
To‘rtinchi yo‘nalishda ijtimoiy sohani rivojlantirishning ustuvor yo‘nalishlari o‘z ifodasini topgan. Bunda aholi bandligi va uning real daromadlarini izchil oshirish, jumladan, mehnatga layoqatli aholi qatlami uchun yangi ish o‘rinalari yaratish, mehnat faoliyatning yangi shakl va turlarini joriy etish nazarda tutilgan edi. Aholining ijtimoiy himoya qilish va sog‘likni saqlash tizimini takomillashtirish, xotin-qizlarning ijtimoiy-siyosiy faolligini oshirish orqali jamiyatda sog‘lom turmush tarzini yanada chuqurlashtirish masallariga alohida ahamiyat berilgan. Shuningdek, aholini arzon uy-joylar bilan ta'minlash, hayot sharoitlarini yaxshilash, yo‘l-transport, muxandislik-kommunikatsiya va ijtimoiy infratuzilmalarni modernizatsiya qilish orqali uzoq istiqbolga mo‘ljallangan va munosib turmush darajasini ta'minlaydigan yuksak madaniyatli yashash sharoitiga yerishish chora-tadbirlarini ko‘rish eng muhim vazifa qilib belgilanganligi e'tiborga sazovordir.
Ta'lim-tarbiya va ilm-fan sohasini rivojlantirishga, har tomonlama barkamol, etuk inson – yuqori malakali mutaxassisni tarbiyalashga alohida e'tibor beriladi. Bu esa yoshlarga oid davlat siyosatinitunu chorlar bilan takomillashtirishni taqozo etadi.
Beshinchi yo‘nalish xavfsizlik, millatlararo totuvlik va diniy bag‘rikenglikni ta'minlash, chuqur o‘ylangan, o‘zaro manfaatli va amaliy tashqi siyosat sohasidagi usutuvor vazifalar bilan bog‘liq bo‘lib, bunda dunyo qalqib turgan, turli mintaqalarda urush davom etayotgan, qon to‘kilayotgan bir sharoitda milliy xavfsizlikni ta'minlashga jiddiy e'tibor berish eng muhim vaziflardan biri sifatida belgilangan. O‘ndan ortiq diniy konfessiyalar, 130 dan ziyod millat va elat vakillari yashayotgan O‘zbekistonda tinchlik va barqarorlikni ta'minlash, o‘zaro ishonch, bir-birini tushunish, turli e'tiqod va madaniyatlarni hurmat qilish singari bag‘rikenglik fazlatlarini yanda chuqurlashtirishning ahamiyati beqiyos ekanligi ta'kidlanadi. O‘zbekiston deb atalgan umumiy xonadonimiz, 32 millionli oilamiz istiqboli uchun diniy e'tiqodi, milliy mansubligi, kasbu kori va yoshidan qat'i nazar, har bir fuqaro mas'ul ekanini anglash, farzandlarimizni Shu ruhda tarbiyalash asosiy vazifa etib belgilangan.
O‘zbekistonning tashqi siyosatida, O‘zbekiston Respublikasi Konstitutsiyasida belgilanganidek, davlatlarning suverenitetini, hududiy yaxlitligini hurmat qilish, kuch ishlatmaslik yoki kuch bilan taxdid qilmaslik, chegaralarning daxlsizligini saqlash, nizolarni tinch yo‘l bilan hal etish, boshqa davlatlarning ichki ishlariga aralashmaslik qoidalariga va xalqaro huquqning umume'tirof etilgan boshqa qoida va normalariga asoslanib, o‘zaro manfaatli va amaliy tashqi siyosat olib borish bo‘yicha ustuvor yo‘nalishlarini ishlab chiqish muhim vazifa qilib qo‘yilgan.
Aytish mumkinki, 2017-2021-yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasi o‘tgan 25 yil davomida mamlakatimiz yerishgan ulkan yutuqlar, tarixiy tajribalarni umumlashtirib, hozirgi kunda davrning o‘zi oldimizga qo‘yayotgan dolzarb masalalarni hisobga olib, keyingi besh yilga va undan keyingi davrga mo‘ljallangan tarixiy taraqqiyotning yangi ufqlarini ochib berishga qaratilgan bo‘lib, u o‘zining mohiyat e'tibori bilan O‘zbekistonni yangi rivojlanish bosqichiga ko‘tarishni ta'minlaydigan strategik dasturdir.
Albatta, xalqimiz o‘rtasida «Harakatlar strategiyasi» degan nom bilan tobora mashhur bo‘lib, uning hayotiga chuqur kirib borayotgan mazkur dasturning har bir yo‘nalishi va bandi, uning ajralmas qismi bo‘lgan «Xalq bilan muloqot va inson manfaatlari yili» Davlat dasturining samarali amalga oshirilishi har birimizning mazkur jarayonda ongli va vatanparvar fuqaro, Shu yurtning fidoyi farzandi sifatida faol ishtirok etishimizga bevosita bog‘liqdir. Buning uchun esa eng avvalo, Harakatlar strategiyasining ma'no-mazmunini, uning har bir yo‘nalish bo‘yicha qo‘yilayotgan amaliy va dolzarb vazifalarini chuqur tuShunib olishimiz kerak.
Harakatlar strategiyasida belgilangan vazifalarni amalga oshirilishi ta'minlash maqsadida O‘zbekiston Respublikasi Prezidentining farmoyishi bilan 2017- yil 14-fevralda mamlakatimizda keng ko‘lamda amalga oshirilayotgan Harakatlar strategiyasi samaradorligini ta'minlash maqsadida «Taraqqiyot strategiyasi» markazi tashkil etildi. Ushbu markaz nohukumat va notijorat tashkilot bo‘lib, uning faoliyati doirasiga quyidagi yo‘nalish va vazifalar kiritildi.
Harakatlar strategiyasida belgilangan chora-tadbirlarning amalga oshirilish jarayonlarini ularning bajarilishi bo‘yicha mas'ul komissiya bilan hamkorlikda qo‘llab-quvvatlash;
Harakatlar strategiyasi doirasida amalga oshirilayotgan ishlar bo‘yicha xalqaro tashkilot va ekspertlar fikrlarini baholash, shuningdek, xalqaro tajribalar, jahon standartlarini o‘rganib borish;
amalga oshirilayotgan tadbirlarning keng jamoatchilik va ekspertlar ishtirokidagi muhokamasini tashkil etish;
Harakatlar strategiyasida belgilangan tadbirlarni samarali amalga oshirish bo‘yicha asoslangan taklif va tavsiyalar ishlab chiqish.
«Taraqqiyot strategiyasi» markazining eng muhim vazifalaridan biri Harakatlar strategisida belgilangan eng muhim chora-tadbirlarning bajarilishini tizimli monitoring qilib borish hamda har bir yo‘nalish bo‘yicha guruhlarga asoslangan tavsiyalar ishlab chiqishdan iborat qilib belgilandi
2017- yilning mart-iyun oylarida Markaz qoshida tashkil etilgan maxsus media maydonda o‘ttizdan or tiq brifing, press-konferensiya va tok-shoular tashkil etildi.
Davlat dasturi ijrosi doirasida ishlab chiqiladigan barcha qonunlar va boshqa me'yoriy-huquqiy hujjatlar loyihalari Markaz qoshida dastlabki ekspertlik muhokamasidan o‘tkazilishi amaliyoti joriy etilmoqda. Jumladan, Markazda O‘zbekiston Respublikasi Qonunchilik palatasi va ekspertlar ishtirokida «Jamoatchilik nazorati to‘g‘risida» va «Jismoniy va yuridik shaxslar murojaatlari to‘g‘risida»gi qonun loyihalarining keng muhokamasi o‘tkazildi. Tashqi ishlar vazirligi va Oliy Majlisning Inson huquqlari bo‘yicha vakili (Ombudsman) tomonidan takdim etilgan qonunlar loyihalari bo‘yicha muhokamalarda Markaz vakillari ishtirok etishdi.
Shu bilan birga, Harakatlar strategiyasini amalga oshirishga oid Davlat dasturida ko‘zda tutilgan tadbirlarning amalga oshirilishida Markazning imkoniyatlaridan to‘liq, samarali va tizimli foydalanish mexanizmlarini joriy qilish, jumladan, yuqori malakali mutaxassislar bilan taxdiliy va boshqa hujjatlarni ishlab chiqish maqsadida Markaz huzurida Doimiy faoliyat yurituvchi ishchi maydon tashkil etildi va O‘zbekiston Milliy kutubxonasining axborot-kutubxona fondiga va etakchi xorijiy litsenziyaga ega axborot-kutubxona resurslari fondlariga elektron ulangan tizimdan foydalanish yo‘lga qo‘yildi.
Dostları ilə paylaş: |