179
• II mərhələ •
XX əsrin ortalarından günümüzə qədərki ədəbiyyat
•
2
2. Əsər hansı mövzuda yazılıb? Şairi narahat edən başlıca problem nədir? Cədvəldən istifadə edin.
Əsərin mövzusu
Əsərdə qaldırılan başlıca problem
Nə üçün belə düşünürsünüz?
3. Əsərdə əksini tapmış mətləblərdən hansılarını mühüm sayırsınız? Nə üçün?
4. Şairin qələbəyə qəti inamı nədən qaynaqlanır? Fikrinizi nümunələrlə əsaslandırın.
5. Xocalı soyqırımını törədən düşmən obrazını səciyyələndirin. Fikrinizi əsərdən gətirdiyiniz nümu-
nələrlə əsaslandırın.
Düşmən obrazı üçün
səciyyəvi olan cəhətlər
Müəllifin düşmən obrazına münasibəti
6. Əsərin təsir gücünün artmasında bədii təsvir və ifadə vasitələrinin rolunu aydınlaşdırın. Cədvəldən
istifadə edin.
Bədii təsvir və ifadə vasitələrinin işləndiyi cümlələr
Fikrin təsir gücünün artmasında onların rolu
7. Əsərin başlıca ideyası, sizcə, nədir? Cədvəldən istifadə edin.
Əsərin əsas ideyası
Nə üçün belə düşünürəm
• Şeirdən seçdiyinz nümunələr əsasında şairin ovqatında baş verən dəyişikliyin səbəbini aydınlaşdırıb
qısaca yazın.
1.
Müzakirə edin: Milli azadlıq hərəkatına münasibətinə və yaradıcılığındakı başlıca istiqamətə görə
Xəlil Rza Ulutürk hansı sənətkarla müqayisə oluna bilər?
2. “Qaytar mənim qüdrətimi, Azərbaycan!” şeirini Q.İlkinin “İntiqam” əsəri ilə müqayisə edin. Mü-
qayisə cədvəlindən, yaxud Venn diaqramından istifadə edin.
3. “Qaytar
mənim qüdrətimi, Azərbaycan!” şeirinin lirik növdə olduğunu əsaslandırıb qısaca yazın.
4. Şeirin ilk altı misrasının ifadəli oxusunu hazırlayın:
– misraları iş vərəqində, yaxud dəftərinizdə yazın, sağ tərəfdə ağ yer saxlayın;
– ifaçılıq vəzifəsini – dinləyicilərə nə çatdıracağınızı mətnin sağ tərəfindəki boş yerdə yazın;
– mətni misra-misra oxuyub səsinizin aldığı çalarları (kədər, həsrət, təntənə və s.) ifaçılıq
vəzifəsinin altında qeyd edin;
– səsinizdəki dəyişilmələri (tonun yüksəlməsi, alçalması və s.), tələffüzcə fərqləndiriləcək söz-
ləri (məntiqi vurğu qəbul edənləri), fasilələrin yerini müəyyənləşdirib şərti işarələrlə göstərin.
5. İfaları dinləyib münasibət bildirin.
• Şeirin sizdə daha güclü təəssürat yaradan parçasının ifadəli oxusuna hazırlaşın. Şərti işarələrdən
istifadə etməyi unutmayın.
• Bölmədə tanış olduğunuz sənətkarların həyatı haqqında kitabxana və
ya internetdəki mənbələrdən
topladığınız məlumat əsasında təqdimata hazırlaşın.
A r a ş d ır ı n • F i k i r l ə ş i n • C a va b v er i n
E v d ə i ş
I I I d ə r s
T ə t b i q • M üz a k i r ə • Y a r a d ı c ı i ş
E v d ə i ş
M ü s t ə q i l i ş ü ç ü n
180
Sabir Əhmədov
DƏNİZDƏN GƏLƏN SƏDA
(ixtisarla)
Əziz ana!
Əvvəla, salam. İkincisi, əgər zəhmət çəkib mənim əhvalımı xəbər almaq istəsən... Mən
indi Dərbənd yaxınlığındayam. Çiskinli-dumanlı bir havadı. Əsla nigaran qalma, bircə gilə
üşümürəm. Yaxşısı budur, hər şeyi olduğu təki sənə söyləyim. Bilirəm, gecən-gündüzün
yoxdur. Bilirəm, şəhərin bütün xəstəxanalarını, meyitxanaları dolaşmısan. Bircə saat
gecikəndə gəlib görürdüm, ayağından asılmış quş təki eyvandasan... Səni intizarda qoy-
mayacam. Hər şeyi bilməlisən...
Yanvarın on doqquzundan iyirmisinə keçən gecə, haman qaramat gecə məni evdən
buraxmaq istəmədin. Səni ovundurub inandırdım ki, heç nədən qorxma. Dostlarım oradadır,
getməsəm, inciyərlər. Biz Tiflis prospektində, Biləcəri yoxuşunun şəhərə aşdığı yerdə da-
yandıq. Qoşun şəhərə soxulanda birinci bizimlə qarşılaşdı. Tanklar yeridi üstümüzə. Heç
birimiz inanmadıq. Dedik, bəs qorxudurlar, çatıb dayanacaqlar. Tankların ardınca gələn
soldatların avtomatdan atdığı güllələri fişəng sandıq...
Hə, əziz ana! Həndəvərimdə neçə oğlan yıxıldı, yenə inanmadım. Onda inandım ki,
sinəmi güllələr odladı.
...Tanklar ötdü, avtomatlar xiyaban boyu gurladı. Biçib-tökdülər. Ardınca yeni dəstələr,
maşınlar gəldi. Küçə fanarları söndürülmüşdü. Nə baş verdiyini, yoldaşlarımın başına nə
gəldiyini öyrənməkdən ötrü dikəlib boylanmağa çalışdım. Yaxında bir neçə hərbi sanitar
maşını dayandı. Oradan soldatlar düşdülər. Yır-yığış başlandı. Aralarında saqqallı, qarasifət
cavanlar vardı. Bunlar lap insafsızdılar.
Kolların arasına cumur, küçəyə sərilmiş şəhidlərin üstünü alır, avtomatdan, tapançadan
atəş açır, can verəni yenidən gülləyə tutur, öləni bir də öldürürdülər. Kürüdülər, topladılar.
Ocaq çatıb yandırdılar... Bizi örtülü maşınlara mindirib, aradan çıxartdılar. Şəhərin bu yan-
larına yaxşı bələd deyildim. Amma anladım, maşınlar dəniz körpülərinə gedirdi.
Torpaqdan
çıxıb, taxta döşəmə ilə sürdülər.
Yaxınlıqda bir neçə hərbi kater dolanmaqda idi. Körpüyə iki “Hidroqraf” gəmi bağlan-
mışdı. Ardımızca “Ural” avtomobilləri, PDM sanitar – “təcili yardım” gəlməkdə idi. Bizi
“Hidroqraf”ın göyərtəsinə götürdülər. Düşürəndə dönə-dönə yoxlayırdılar. Fanarları üzümü-
zə saldılar, gözlərimizə tuşladılar. Əyilib, nəfəsimizi imsilədilər.
Tək-tək tapançalar açıldı, baltalar işə düşdü; iri bıçaqlar götürmüşdülər. Gülləyə qənaət
etdilər. Tam sakitlik olsun deyə əl-ayağı tərpənəni oradaca bitirdilər. Göyərtədə üstümüzə
çadır çəkdilər. Gəmi körpüdən aralandı. Səhər açılmışdı. Səfərə yollanacağımızı, amma ha-
raya aparılacağımızı bilmədiyimiz halda, göyərtədə təşvişə düşdülər. Demə, Xəzər Gəmiçilik
İdarəsi hərbi gəmilərin buxtadan çıxmağına icazə verməmişdi. Bizim neftdaşıyan, quru yük
aparan böyük gəmilərimiz limanın giriş-çıxışını, kanalları tutub dayanmışdılar.
Körfəz mühasirəyə alınmışdı. Radio-ratsiya ilə danışığa başlamışdılar. Bumbuz dəmir
anbarlardan nə söyləndiyini eşidirdik: hərbi donanma Xəzər Gəmiçiliyindən tələb edirdi ki,
yolu açsınlar. Bizimkilər qəti etiraz edib bildirdilər: “Sizin gəmilərə baxmalıyıq. Apardığınız
nədir?” “Hərbçilərin ailəsini köçürürük”, – dedilər.
Xəzər gəmiçiləri bildirdi ki, bizim adamlar sizin gəmiləri yoxlamalıdır. Əks halda, bircə
hərbi gəmi limandan çıxa bilməyəcək. Üç gün öcəşdilər. Xəzər gəmiçiləri hərbi gəmilərin
Q i y m ə t l ə n d i r m ə m a t e r i a l ı