Neftdan nima ishlab chiqarish mumkin. Neftdan olinadigan mahsulotlar, ularning qo'llanilishi

Neftni qayta ishlashdan olinadigan mahsulotlar. Xozirgi davrda organik sintezning etilen, propilen, butilen, atsetilen, divinil, izopren, benzol va uning gomologlari, naftalin va boshqa bir qancha muxim mahsulotlarini ishlab chiqarish neft kimyosi xomashyosiga asoslangan. Ular esa o‘z navbatida plastmassalar, tolalar, kauchuklar. Yuvish vositalari, bo‘yoqlar va boshqa yuzlab ishlab chiqarish uchun xomashyo xisoblanadi.

• Neftni qayta ishlashdan olinadigan mahsulotlar. Xozirgi davrda organik sintezning etilen, propilen, butilen, atsetilen, divinil, izopren, benzol va uning gomologlari, naftalin va boshqa bir qancha muxim mahsulotlarini ishlab chiqarish neft kimyosi xomashyosiga asoslangan. Ular esa o‘z navbatida plastmassalar, tolalar, kauchuklar. Yuvish vositalari, bo‘yoqlar va boshqa yuzlab ishlab chiqarish uchun xomashyo xisoblanadi.
• Neft yoqilg‘ilari foydalanish uslubiga qarab qozon va motor yoqilg‘isiga bo‘linadi. Motor yoqilg‘isi ichki yonar dvigatellarining tipiga qarab: karbyurator (benzin, kerosin), dizel va reaktiv yoqilg‘ilarga bo‘linadi. Benzin, yoqilg‘i xavo aralashmasini elektr uchquni bilan alanga oldiradigan porshen karbyuratorli dvigatellar uchun yoqilg‘i sifatida ishlatiladi Benzin malum fraksion tarkibga, dvigatelda to‘liq bug‘lanish, tez alangalanish xossasiga ega bo‘lgan to‘yingan bug‘ bosimiga, detanatsiya va kimyoviy chidamlilikka ega bo‘lishi apparatlarni korroziyaga uchratmasligi lozim. Masalan, B-100 markali aviatsiya benzini 40-180°C da 97,5 % haydaladi. 10 % 75°C da qaynaydi. — 60°C da muzlaydi, 46200 kJ/kg issiqlik beradi
• Dizel yoqilg‘isi - kerosin, gazoyl, solyar moylari bo‘lib, ichki yonuv dvigatellarida qo‘llaniladi. Ular yonish kamerasiga bevosita purkaladi. Katta bosim, yuqori va siqilgan xavo ta’sirida purkalgan yoqilg‘i o‘z-o‘zidan yonib ketadi. Yonishdan hosil bo‘lgan gazlar ish bajaradi. Bunday dvigatellarning foydali ish koeffitsienti (FIK) juda yuqori bo‘ladi, (yuk avtomobillari, teplovozlar , teploxodlar, kichik elektrostansiyalar va boshqalar).