“Kommunist” (4) qəzetində çap edilən “Şeyx Sənan” haqqında”
sərlövhəli böyük həcimli məqaləsində geniş bəhs olunur. “Şeyx
Sənan”ı hazırkı ictimai tərbiyə nöqteyi-nəzərindən cəmiyyət üçün
zərərli” hesab edən C.Cabbarlı məqaləsində əsasən Sənan obrazını çox
ciddi ittiham edirdi.
“Şeyx Sənan”ın mühakimə edildiyi bir zamanda dövri mət-
buatda ədibin “İblis” əsəri haqqında da məqalələr, resenziyalar çap
edilməkdə idi. “İblis” (4), “İblis”in son quruluşu” (4), “İblis” və s.
məqalələrlə yanaşı, “Maarif və mədəniyyət” jurnalında (9, 14)
A.Şaiqin böyük həcmli “Cavidin “İblis”nam hailəsi haqqında duyğu-
larım” adlı məqaləsi nəşr edilib. Bitkin bir elmi məqalə təsiri bağış-
layan bu məqalə tədqiqatçıların fikrincə, “A.Şaiqi həm də bir təd-
qiqatçı kimi xarakterizə etməyə imkan verir” (10, 9).
Müəllif “İblis”i bəşəri mövzuda qələmə alınmış bir əsər kimi
yüksək qiymətləndirərək “Cavidin bütün əsərləri içində “İblis” qədər
həyati və realist bir əsər yoxdur zənn edirəm” – deməkdə zaman sübut
etdi ki, nə qədər haqlı imiş. Çünki, çox böyük tərbiyəvi əhəmiyyəti
olan əsərdə müəllif insanları iblis xislətindən uzaq olmağa səsləyərək
yazırdı: “Cavidcə, həyat yaşamaq və yaşatmaqdan ibarətdir” (6).
Bu ədəbi-ictimai mühakimələri isə bolşevik diktaturasının ədə-
biyyata münasibətinin qabarıq təzahürü kimi qiymətləndirmək olar.
Çünki əsərlərə qiymət vermədə ədəbi tənqid öz vəzifəsini büs-bütün
unudaraq siyasi yönümdə, ideologiyanın tələblərindən çıxış edərək,
bolşevik ruhda dəyərləndirirdi. Belə olduqda isə bu ədəbi mühaki-
mələr yazıçının mühakiməsinə çevrilirdi. Odur ki, “Cavid yaradıcılı-
ğına münasibətdə də bu ideologiyanın tələblərindən çıxış etməyin
getdikcə daha ciddi bir şəkil aldığı”, ədibə qarşı olan hücumları daha
qorxulu və amansız edirdi. “İdeoloji meyillərdən yanaşma “buzu” 50-
60-cı illərin bir qədər demokratik mühitində belə əriməmişdir” (1, 76).
Odur ki, cavidşünas M.Cəfər 1960-cı illərdə belə 20-26-cı illəri
“Cavid üçün məfkurəvi tərəddüd dövrü” (11, 138) adlandıraraq onu
proletar inqilabının əsl qayəsini “aydın dərk edə bilməməkdə günah-
landırırdı”.
H.Cavid yaradıcılığı haqqında dövri mətbuatda yazılan mə-
qalələrlə tanış olarkən bir daha bəlli oldu ki, ədəbi mühit ədibi nə
qədər tənqid etsə də cəmiyyətdə, ədəbiyyatda, teatrda onun əvəz-
olunmaz yeri görünüb və bəzən elə onu tənqid edənlərin özü bunu
etraf etməli olublar. “Cavid böyük sənətkardır bunu kimsə inkar edə
bilməz” (12). “Cavid kimi istedadlı sənətkarlar...” (13).
Əlbəttə, belə bir sənətkarın qiymətini tarix verməlidir və verdi
də. Q.Məmmədli demişdir: “Cavid haqqında son sözü tarix deyə-
cəkdir” (8, 21). Doğrudan da, H.Cavid kimi bəşəri ideyaları təbliğ
edən, xalqına, millətinə sadiq qalan, onun azadlığı uğrunda canını belə
fəda edən söz əhlinin layiqli qiymətini yalnız tarix verməyə qadirdir.
“...tarixi və elmi həqiqət güzgüsündə yenidən görünməyə Cavid
qədər ehtiyacı olan ikinci böyük ədəbi simamız bəlkə də yoxdur” (8,
6) söyləyənlər çox haqlı idilər. Çünki sosrealizmin ideoloji və me-
todoloji “prinsiplərini” əsas gətirərək H.Cavid qədər haqsız tənqidə
məruz qalan böyük ədəbi simamız bəlkə də yoxdur. Bütün həyatı və
yaradıcılığı boyu məttahlıqdan çox uzaq olan: “Mənim təbiətimi
bilirsiniz. Mən hamballığı, xidmətkarlığı çox sevirəm. Fəqət... mənli-
yimi satmaq, əsir olmaq istəməm” – deyən ədib sona kimi əqidəsinə
sadiq qalmaqla yanaşı, əsərlərində də, pedaqoji fəaliyyətində də gənc-
ləri bu istiqamətdə tərbiyə etdi. Odur ki, özü və ailəsi nə qədər
haqsızlıqlara məruz qalsa da, əzablara dücar olsa da daima heysiyyət
və şəxsiyyətinə hörmətlə yanaşan ədib “inqilab epoxasının şairi” (14)
ola bilmədi (əslində olmağa can atmadı).
Baxmayaraq ki, sovet dövründə (xüsusən də 37-ci ildən sonra)
H.Cavidin yaradıcılıq nümunələri ümumtəhsil proqramlarından uzaq-
laşdırılaraq, təlim materialı kimi proqramlara daxil edilmədi. Lakin
zaman sübut etdi ki, ədibin yaradıcılığı və şəxsiyyəti “təlim-tərbiyə
baxımından hər zaman əhəmiyyətlidir, aktualdır, yenidir və ümum-
təhsil məktəblərinin “Ədəbiyyat” proqramlarını Hüseyn Cavidsiz
təsəvvür etmək çətindir” – fikrini təkidlə irəli sürən cavidşünas alim
Şəmistan Mikayılov çox haqlıdır (15, 4).
Unutmayaq ki, xalqımızın həyat tərzi, tarixi, milli psixologiyası,
mənəvi keyfiyyətləri, əxlaqi sifətləri, adət və ənənələri mətbuatımızda
və ədəbiyyatımızda öz ifadəsini tapıb. Ayrı-ayrı dövrlərdə yetişən
gənclərin xalqın milli mədəniyyəti, mənəvi keyfiyyəti ilə yaxından
tanış olması üçün ən etibarlı mənbə, şübhəsiz ki, milli mətbuat və ədə-
biyyatdır. Ədəbiyyatşünas alim K.Talıbzadə demişdir: “Bədii fikirlə ic-
timai həyat tarixin bütün dövrlərində paralel inkişaf edib və biri digə-
rinə müxtəlif zamanlarda təkan verib. Nəticədə çoxsaylı düşüncə məh-
sulları, milli əxlaqi-mənəvi dəyərlər toplusu bizə miras qalıb” (16, 41).
Ədəbiyyatın çox təsirli təlim-tərbiyə vasitəsi olduğunu nəzərə
alsaq, H.Cavid yaradıcılığı bu (istər dramaturgiyası, istərsə də publi-
sistikası) cəhətdən daha zəngin material verir, – deməyə haqqımız var.
Hələ 1915-ci ildə “Aşıq söz” qəzetində çap etdirdiyi “Müharibə və
ədəbiyyat” məqaləsində “...əgər bir millətin fəlsəfə və ədəbiyyat kitab-
ları həssas, xəyalpərvər, laübali qələmlərlə yazılmışsa, şübhə yoq ki, o
Dostları ilə paylaş: |