Nizomiy nomidagi

Shkalalar	Yuqori	O’rta
Past
Tavakkalchilik	1 ta (5%)	14 ta (70%)	5 ta (25%)
Qiziquvchanlik	12 ta (60%)	7 ta (35%)	1 ta (5%)
Murakkablik	1 ta (5%)	11 ta (55%)	8 ta (40%)
Tasavvur	6 ta (30%)	14 ta (70%)	0
Jami o’quvchilar soni 20 ta 100%

Tavakkalchilikka moyillik va Murakkablkk shakalalari bo’yicha maksimal ball 26 ball to’plash mumkin. Bu shkalalar bo’yicha ballar taqsimoti quyidagicha bo’ladi:0-10-ball past,11-17-ball o’rta,18-26-ball yuqori.

Qiziquvchanlik va tasavvur shkalalari bo’yicha maksimal ball 24 ball to’plash mumkin. Bu shkalalar bo’yicha ballar taqsimoti quyidagicha bo’ladi.
0-9-ball past, 10-17-ball o’rta, 18-24-ball yuqori
Jadvalda ko’rinib turibdiki, eng yuqori natijada qiziquvchanlik, ikkinchisida tasavvur, uchinchisida tavakkalchilik va so’ngi to’rtinchi o’rinda esa murakkablik shkalasi egallab turibdi.Birinchi o’rinda qiziquvchanlik shkalasi chiqqaniga sabab bizning fikrimizcha, qiziquvchanlik o’smirda intilish, faollik, ichki motiv, ehtiyojni ro’yobga chiqarish manbayi vazifasini bajaradi. Qiziquvchanlik o’smirning borliqqa tanlab munosabatda bo’lishida, o’ziga xos qaror qabul qilishida, o’zini o’zi nazorat eta bilishida, maqsadga intiluvchanligida yuzaga kelgan to’siqlarni yengishida ifodalanadi. Qiziquvchanlik sinchkovlik, qiziqish, bilishni o’z ichiga oladi. Masalan, turli xil musiqiy asboblarni chalishga, she’rlar yozishga,uskunalarni tuzatish, biron narsa yasash, rasm chizishga yoki fan sohalariga qiziquvchanlik paydo bo’lishi mumkin. Ikkinchi o’rinda turgan tasavvur shkalasi o’smirlar uchun tabiiy holat bo’ladi. Chunki o’smirlik davrida xayol-tasavvurlar yanada kuchliroq namoyon bo’la boshlaydi. O’smirlarning qiziqqan yo’nalishlari o’z-o’zidan ular haqidagi tasavvurlarni yanada kuchaytiradi. Uchinchi o’rinda tavakkalchilik ko’rsatgichi chiqdi. Bu esa qiziqqan narsalari, tasavvurlarini amalda qo’llash uchun oqibati-natijasi qanday bo’lishidan qat’iy nazar biror ishga jazm qilish hisoblanadi. O’smirlarda bu natija nisbatan pastroq chiqqanligining sababi ularda manashu qiziqqan faoliyatini bajarib ko’rishdagi qo’rquv, havotir sabab bo’lishi mumkin. To’rtinchi o’rinda murakkablik shkalasi chiqdi. Bu o’smirlarning murakkab hodisa va tushunchalarni anglashga intiluvchanlik, murakkab masalalarni yechishga intiluvchanlik, murakkab hodisalarni xush ko’rish kabilari pastligini ko’rsatmoqda. Bunga sabab oila a’zolaridan o’smirlarga ko’plab to’siqlar qo’yilgani, mustqil biror ishlarni bajarish vazifasini ham ota-ona bo’yniga olganligi, ustozlari tomonidan mustaqil ishlash uchun, ijodkorlikni namoyon etish uchun topshiriqlar berilmasligi sabab bo’lishi mumkin.Aksariyat ota-onalar o’smirlarning maktabda yaxshi o’qimasligiga, darslarni bajarmasligiga ustozni aybdor qilishadi va farzidiga esa mustaqil biron yangiliklarni o’zi o’rganishi haqida aytishmaydi.
Ijodiy qobiliyatlar darajasini 4 ta shkalalar balini qo’shish orqali hosil qilingan natijalar quyidagi jadvalda aks etadi(2-jadval)