|
Образование и инновационные исследования2311-Текст статьи-6369-1-10-20230422Образование и инновационные исследования (2023 год №1)
ISSN 2181-1717 (E)
209
http://interscience.uz
hadisni, Qurʼoni karimni yoddan bilgan, hatto Qurʼonga to‘rt kitobdan iborat
sharh ham yozgan. Koshifiyning “Axloqi Muhsiniy”, “Risolai Hotamiya”, “Anvori
Suxayliy”, “Futuvvatnomai Sultoniy”, “Tavsiri Husayniy”, “Javohirnoma” kabi
o‘ndan ortiq asari arab, tatar, eski o‘zbek, urdu, turk, nemis, ingliz, fransuz va boshqa
tillarga tarjima qilingan. Hozirgi kunda Koshifiy asarlari Parij, London, Berlin, Sankt-
Peterburg, Moskva kabi shaharlarda, Iroq, Turkiya, Eron, Afg‘oniston, Hindiston,
Bangladesh va boshka sharq mamlakatlarining kutubxonalarida saqlanmoqda.
Chet mamlakatlarda Koshifiy asarlariga qiziqish XVIII–XIX asrlardayoq kuchli
bo‘lib, G‘arbiy Ovro‘poning X. G. Kin, M. Duayt, D. D. Donalson, E. Braun, A. A.
Arberri, E. S. Kennedi, E. Rozental, X. Masse, K. S. Lambton, R. Levi, A M. Shasteri
kabi mashhur olimlari Markaziy Osiyo va Eronning XIV–XV asrlardagi madaniyati
tarixini atroflicha o‘rganishga harakat qilganlar va Koshifiyning ijodi, merosiga yuqori
baho berganlar Husayn Voiz qalamiga mansub “Axloqi Muhsiniy” Ajam xalqining
odob-axloqiga oid eng mashhur va dilga iliq asarlar sirasiga kiradi. Bu asar Husayn
Voizi Koshifiy tomonidan 1495 yilda yaratilgan bo‘lib, Asar Sulton Husayn Mirzoning
o‘g‘li, temuriy shahzoda, Marv hukmdori Abul Muhsin Mirzoga bag‘ishlangan.
“Axloqi Muhsiniy” asari qirq bobdan iborat bo‘lib, turli axloqiy masalalarni o‘z ichiga
oladi. Koshifiy uz pedagogik karashlarida adolat,insonparvarlik, axlokdy kamolot,
vijdoniylik goyalarini ilgari suradi. Uning fikricha, adolat insonni baxt va saodatga
muyassar etadi. Vijdon insonni nazorat kiluvchi tuygudir. Insonparvarlik insonning
eng yaxshi fazilatidir.
Voiz al-Koshifiyning fikricha, yaxshi xulq, mamlakat mazmunini belgilovchi
omildir. Yaxshilik jamiyat, xalq, uchun qilingan ish bilan baholanadi. Inson hayoti
ravon daryodek o‘tib ketaveradi. Gap uni foydali, mazmunli, yaxshi ishlarga sarf
qilishdadir. Inson dunyoda uchta yaxshilik qilishi shart.
Birinchisi: odamlar uchun uy, ko‘prik, yo‘l qurish;
Ikkinchisi: mevali daraxt o‘tkazishi;
Uchinchisi: farzand qoldirish kerak. Chunki bu yaxshiliklar olamda sobit qoladi.
Koshifiy deydi:
Chunki qolmas bu jahon barqaror,
Yaxshi ish qilg‘inki, qolg‘ay yodgor. [2].
Demak, yaxshilik insondan qoladigan abadiy yodgorlikdir. Koshifiy yaxshilik
insonda faqat tarbiya, bilim va turmush, tajribalari orqali tarkib topishini aytadi.
Mutafakkirning yana bir mashxur asarlaridan biri “Anvori Suhayliy”dir. Bu asar
pandnoma janriga taallukli o‘git-nasixat mazmunidagi asardir. “Anvori Suhayliy”da
hikoyat-rivoyat asosiy o‘rinni egallab, o‘git va hikmat tegishli xulosa sifatida
keltiriladi. Koshifiy bu asarni «Kalila va Dimna» ning bir necha talqinini ikkinchi
fors afsonasidagi muhim o‘zgarishlar asosida qayta ko‘rib chiqadi.
Koshifiy o‘z asarini Nizomuddin Suhayliy nomidan “Anvori Suhayliy” deb atagan
bo‘lib, “nur” va “suhayl” maʼnosiga urg‘u beradi. Yaʼni, bu asar nur va hikmatga,
Suhayliyning so‘z va tilaklariga asoslangan.
“Anvori Suhayliy” maʼnaviy kitoblardan biri hisoblanib, jamiyat maʼnaviy-
axloqiy hayoti bilan bog‘liq muhim muammolar tahlil qilinadi. Qolaversa, u bir necha
yil Hindistondagi oliy maktablar talabalari uchun darslik bo‘lib xizmat qilgan. Sug‘d
viloyati tarix muzeyi fondida zikr etilgan kitobning bir nusxasi 4169-raqami bilan
saqlanadi, bu ham Husayn Voizi Koshifiyning fors-tojik tiliga tarjimasi hisoblanadi.
Husayn Voizi Koshifiyning allegorik uslubda yozilgan “Anvori Suhayliy”si
huquqiy masalalar va boshqaruv tizimida Sharq allegorik adabiyotining yuksak
saviyasini ifodalab berganligi bilan juda qiziqarli va ibratlidir. Bu asarning hikoyalari
|
|
|