Operatsion kuchaytirgichda bajarilgan relaksatsion generatorni tadqiq qilish

Ishni bajarish tartibi
1. Electronics Workbench dasturini ishga tushiring va unda (20.9-rasm) ga asosan relaksatsion generatorning modelini yig‘ing va ossillograf hamda grafik analizator oynalarini oching (3.10-rasm).

3.10-rasm. Relaksatsion generatorning modeli

2. Modelni ishga tushiring va tebranishlarning ossillogrammalarini oling (3.11-rasm).

3.11-rasm. Tebranishlarning ossillogrammalari

3. Qarshiliklar va sig‘imning qiymatlarini o‘zgartirib generatorning ishlashida qanday o‘zgarishlar bo‘lishini kuzating.

4. Tebranishlarning chastotasini aniqlang. Ossillografning asosiy oynasida yoki grafik analizator oynasida chastotani aniqlash ancha qiyin bo‘lganligi sababli Expand tugmasini bosib ossillografning kattalashtirilgan oynasini oching
(3.12-rasm).

3.12-rasm. Ossillografning kattalashtirilgan oynasi

Oynadagi qizil va ko‘k rangli vizir chiziqlarning yuqori qismidagi uchburchak shaklidagi belgilarni sichqoncha yordamida bosgan holda suring. Ular orasidagi farq (T2-T1) tebranishlarning 1 davriga mos kelsin. f=1/(T2-T1) ifoda yordamida chastotani aniqlang va uni

(20.1)
ifoda yordamida hisoblangan chastota bilan taqqoslang.
5. Operatsion kuchaytirgichning invertirlovchi kirishidagi kuchlanishning ossillogrammasini oling.
6. Operatsion kuchaytirgichning invertirlamaydigan kirishidagi kuchlanishning ossillogrammasini oling.
7. Olingan natijalarni tahlil qiling.
8. Tajribalarni qarshiliklar va sig‘imning (3.1-jadval) da ko‘rsatilgan qiymatlari uchun qaytadan bajaring.
(3.1-jadval)

n/n	R, kOm	R1, kOm	R2, kOm	C, nF
1	100	10	51	15
2	100	10	51	33
3	100	10	100	15
4	100	10	200	33
5	51	100	1000	68
6	100	51	1000	33
7	100	100	2000	15