O’qituvchi va murabbiylar kuniga bag’ishlangan tadbir ssenariysi

---

O’qituvchi va murabbiylar kuniga bag’ishlangan tadbir senariysi 
1 boshlovchi: 
Azaldan ustozni ulug’lar xalqim, 
Ularga ezgulik tilamoq haqqim. 
Bunchala buyuksiz, bunchalar zukko, 
Umringiz mo’jiza-yetmaydi aqlim. 
2 boshlovchi: 
Ustozni e’zozlash azaliy odat, 
Shogirdning kamoli ustoz uchun baxt. 
Millionlar qalbida so’nmas mayoqsiz 
Bir duo tilamoq insoniy burchim. 
1 boshlovchi: 
Assalomu-alaykum mehri daryo, qalbi quyosh, jonkuyar, fidoyi muallimlar, aziz 
ustozlar!! 
Assalomu-alaykum ezgulik bunyodkori bo’lmish siz muhtaram ustozlaru, aziz 
mehmonlar!!

1 boshlovchi:
Siz ustozlarga atalgan bugungi kechamizni Davlatimiz madhiyasi bilan boshlashga 
ijozat bersangiz. Marhamat. 
2 boshlovchi 
Nechog’ baxtiyorman, ta’zimda shut ob, 
Sizning sha’ningizga bitmoqdaman bayt. 
Ne odam bo’lardim qo’limda kitob 
Biror harf tanimay tursaydim loqayd. 

 
1 boshlovchi 

---

Dunyoda kasblar ko’p, har birining hayotda o’z o’rni, o’z ahamiyati bor. Lekin 
ular orasida shunday ulug’ kasb borki, boshqa barcha kasblar uning negizida 
shakllanadi va taraqqiy etadi. Bu olijanob kasb – muallimlikdir.
 
2 boshlovchi 
To’g’ri aytasiz, o’qituvchilikni ko’p qirrali, sermazmun, murakkab faoliyati 
zamirida yosh avlodni barkamol shaxs sifatida tarbiyalash, ularni ilm- fan 
sirlaridan boxabar etish kabi muhim vazifalar yotadi. 
O’quvchi: ( Feruza opaga) 
Qo’limga qalamni ushlatdi ilk bor, 
Shu ondan qalbimda boshlandi bahor. 
Undanda buyukroq, ulug’roq kim bor? 
Ustozim, ustozim sizga ming ta’zim! 
O’quvchi: (Zavuchga) 
Barcha ilmlarning kaliti sizda, 
Sahovot nuri bor bu qalbingizda. 
Otasiz, onasiz har o’g’il –qizga 
Ustozim, ustozim sizga ming ta’zim!