O‘zbek milliy an’ana va qadriyatlari

Ma’lumki, madaniyat, ma’-rifat, tarixiy xotira, milliy, ma’naviy qadriyat, milliy til, an’ana, urf-odat – bular xalqning o‘zligini ko‘rsatuvchi eng muhim omillardir.

• Umuman olganda, ma’naviy meros, milliy qadriyatlar ma’na-viyat rivojining, uzoq davrlar mobaynida tarkib topgan inson aql-zakovatining mujassam-lashgan ifodasidir. Har bir xalq o‘ziga xos uzoq tarixiy davrni bosib o‘tgan milliy qadriyatlariga, ma’naviy merosiga ega. Shu o‘rinda ilk ajdodlarimiz-ning manzilgohlari hozirgi Farg‘ona, Toshkent, Surxon-daryo va Samarqand viloyatlaridan topilganligini alohida ta’kidlashni istardik. Yuqori paleolit davrida Vatanimiz hududida yashagan odamlarning mehnat qurollari ancha takomillashgan bo‘lgan. Ular suyak va shoxdan igna, qarmoq, turli bezaklar, buyum-lar yasashgan, qoyalarga, g‘orlarga hayvonlarni ovlash manzarasini mahorat bilan tasvirlashgan. Paleolit davrida amaliy va tasviriy san’at maydonga kelgan bo‘lib, odamlar toshlarga, suyaklarga hayvon, odam, baliq, qush rasmlarini o‘yib qoldi-rishgan. Urug‘chilik davrida ilk diniy e’tiqod va marosimlar vujudga keldi. Yangi tosh davrida sopol buyumlardan foydalanish kashf etildi, hayvon terisi, juni, o‘simlik tolasidan to‘qilgan matodan kiyim-kechak tikila boshladi.