31
II BOB. «AYBGA IQRORLIK TO‘G‘RISIDA KELISHUV» INSTITUTI
TARAFLARINING VA SUDNING VAKOLATLARI
2.1. “Aybga iqrorlik to‘g‘risida kelishuv”ni tuzish jarayonida prokurorning
roli
O‘zbekiston Respublikasi Jinoyat-protsessual qonunchiligiga ko‘ra aybga
iqrorlik to‘g‘risida kelishuv tuzishda himoyachi va prokuror asosiy ahamiyatga ega
protsess ishtirokchilari sanaladi. Xususan, O‘zbekiston Respublikasi Jinoyat-
protsessual kodeksining 382-moddasida prokurorning vakolatlari sanab o‘tilgan
bo‘lib, ulardan biri sifatida gumon qilinuvchi va ayblanuvchi bilan aybga iqrorlik
to‘g‘risida kelishuv tuzish vakolati ham keltirib o‘tilgan. Bundan tashqari
O‘zbekiston Respublikasi Jinoyat-protsessual kodeksining 586
1
-moddasida aybga
iqrorlik to‘g‘risidagi kelishuv va uni tuzish shartlariga alohida ta’rif berilgan bo‘lib,
unga ko‘ra: “Aybga iqrorlik to‘g‘risidagi kelishuv jinoyat ishini yuritishni o‘ziga
nisbatan qo‘yilgan gumonga, ayblovga rozi bo‘lgan, jinoyatning
ochilishiga faol
ko‘maklashgan va keltirilgan zararni bartaraf etgan gumon qilinuvchining yoki
ayblanuvchining iltimosnomasiga asosan nazorat qiluvchi prokuror bilan ijtimoiy
xavfi katta bo‘lmagan, uncha og‘ir bo‘lmagan va og‘ir jinoyatlar bo‘yicha
tuziladigan kelishuvdir”. Ushbu normadan kelib chiqadiki, nazorat qiluvchi
prokuror aybga iqrorlik to‘g‘risidagi kelishuv tuzish
jarayonini boshqaruvchi va
qonuniylikni ta’minlovchi markaziy ishtirokchidir. Bundan tashqari nazorat qiluvchi
prokuror aybga iqrorlik to‘g‘risidagi kelishuvning haqiqattan ham
1) gumon qilinuvchi, ayblanuvchi o‘z harakatlarining mohiyatini, shuningdek o‘zi
bergan iltimosnomaning oqibatini anglab yetganligini;
2) iltimosnoma ixtiyoriy ravishda va ishda ishtirok etayotgan himoyachi bilan
maslahatlashuvlar o‘tkazilganidan keyin berilganligini;
3) gumon qilinuvchi, ayblanuvchi surishtiruv yoki tergov organi tomonidan
qo‘yilgan gumonni yoxud ayblovni, ish bo‘yicha mavjud bo‘lgan
dalillarni,
shuningdek yetkazilgan zararning xususiyati va miqdorini inkor etmaganligi hamda
uni bartaraf etganligini tekshiradi.
32
Agar aybiga iqrorlik to‘g‘risidagi kelishuvni tuzish jarayonida quyudagi
holatlar aniqlansa, kelishuv tuzishga yo‘l qo‘yilmaydi:
1) ushbu Kodeksning 61-bobida belgilangan tartibda tibbiy yo‘sindagi majburlov
choralarini qo‘llash uchun asoslar mavjud bo‘lsa;
2) shaxs tomonidan bir nechta jinoyat sodir etilgan bo‘lib, ulardan loaqal bittasi
ushbu moddada belgilangan talablarga to‘g‘ri kelmasa.
O‘zbekiston Respublikasi Jinoyat-protsesual kodeksining 586
3
-moddasiga
ko‘ra: “Aybga iqrorlik to‘g‘risida kelishuv tuzish haqidagi
iltimosnoma jinoyat
ishini yuritayotgan surishtiruvchiga, tergovchiga taqdim etiladi. Surishtiruvchi,
tergovchi aybga iqrorlik to‘g‘risida kelishuv tuzish to‘g‘risidagi iltimosnomani
olgan paytdan e’tiboran yigirma to‘rt soat ichida jinoyat ishi materiallarini kelishuv
tuzish masalasini hal qilish uchun prokurorga yuboradi. Prokuror kelishuv tuzish
to‘g‘risidagi iltimosnomani u kelib tushgan paytdan e’tiboran
yetmish ikki soat
ichida surishtiruvchi yoki tergovchi hamda gumon qilinuvchi, ayblanuvchi, uning
himoyachisi
ishtirokida
ko‘rib
chiqadi
va
ushbu
Kodeksning 586
1
-
moddasida ko‘rsatilgan talablarga rioya etilganligini tekshiradi. Zarur hollarda,
prokuror jabrlanuvchini yoki fuqaroviy da’vogarni ham kelishuv tuzish masalasini
ko‘rib chiqish uchun jalb qiladi”. Bundan tashqari, prokuror kelishuv tuzish haqidagi
iltimosnomani ko‘rib chiqayotganda:
1) jinoyat ishi materiallarini va taqdim qilingan yoki talab qilib olingan qo‘shimcha
materiallarni o‘rganadi, kelishuv tuzishning
asoslarini tekshiradi, shuningdek
gumon qilinuvchining, ayblanuvchining kelishuv predmeti bo‘lgan harakatlarni
amalga oshirish imkoniyatlarini baholaydi;
2) gumon qilinuvchi, ayblanuvchi aybga iqrorlik to‘g‘risidagi kelishuvning barcha
shartlari bilan tanishgan-tanishmaganligini, iltimosnomani ixtiyoriy ravishda va o‘z
xohishi bilan, shuningdek himoyachi bilan muhokama qilganidan keyin bergan-
bermaganligini, unga nisbatan biron-bir tazyiq yoki majburlov o‘tkazilgan-
33
o‘tkazilmaganligini,
tuzilayotgan
kelishuvning
mohiyatini
tushungan-
tushunmaganligini aniqlaydi.
Shundan
keyin prokuror, agar kelishuvga asosan hukm chiqarilib, jazo
tayinlanganidan keyin gumon qilinuvchining, ayblanuvchining bila turib yolg‘on
ko‘rsatuvlar berganligi yoki tergovdan biron-bir muhim va ish uchun ahamiyatli
bo‘lgan ma’lumotlarni qasddan yashirganligi, kelishuvda nazarda tutilgan shartlar
va majburiyatlarni bajarmaganligi aniqlansa, hukm qayta ko‘rib
chiqilishi
mumkinligini aybga iqrorlik to‘g‘risida kelishuv tuzish haqida iltimosnoma bergan
gumon qilinuvchiga, ayblanuvchiga tushuntiradi.
O‘zbekiston Respublikasi Jinoyat-protsesual kodeksining 586
4
-moddasiga
ko‘ra: “Prokuror aybga iqrorlik to‘g‘risida kelishuv tuzish haqidagi iltimosnomani
ko‘rib chiqib, quyidagi qarorlardan birini qabul qiladi:
1) aybga iqrorlik to‘g‘risida kelishuv tuzish haqidagi iltimosnomani qanoatlantirish
haqida;
2) aybga iqrorlik to‘g‘risida kelishuv tuzish haqidagi iltimosnomani rad qilish
to‘g‘risida.
Prokuror tomonidan aybga iqrorlik to‘g‘risida kelishuv tuzish haqidagi
iltimosnomaning rad qilinishi gumon qilinuvchi, ayblanuvchi va uning
himoyachisini ushbu masala yuzasidan takroran iltimosnoma
berish huquqidan
mahrum etmaydi”.
Endi esa e’tiborimizni O‘zbekiston Respublikasi Jinoyat-protsesual
kodeksining 586
5
-moddasida belgilanagan kelishuvning mazmuniga qaratamiz.
Dostları ilə paylaş: