3
Jamiyatda ijtimoiy adolat tamoyilini qaror toptirish
borasidagi asosiy vazifamiz –
bu adolatli qonunlar
qabul qilishdan dalolat. Qisqacha aytganda, qonun
adolatli bo‘lsa, u inson huquqlarini amalda himoya
qilsa, shundagina odamlar qonunni hurmat qiladi.
O‘zbekiston Respublikasi Prezidenti
Sh.Mirziyoyev
KIRISH
Dissertatsiya mavzusining dolzarbligi va zarurati.
Hozirgi kunda shaxsning
huquq va erkinliklarini ta’minlash dunyo hamjamiyatida
turgan eng muhim
masalalardan biridir. Shu asnoda jinoyat protsessida shaxsning huquq va
erkinliklarini himoya qilishni ta’minlaydigan mexanizmlarning takomillashtirilishi
alohida ahamiyatga ega. Jinoyat-protsessual va boshqa qonunchilikka borgan sari
ko‘proq tatbiq etilayotgan hamda o‘zining ijobiy natijasini ko‘rsatayotgan
liberallashtirish bugungi kunda yanada dolzarb masalalarni ko‘tarishni taqozo
etmoqda, chunki qonun inson qadriyatlari bilan uzviy bog‘liq bo‘lishi to‘g‘risidagi
konstitutsiyaviy talab huquqiy demokratik davlat qurish
va adolatli fuqarolik
jamiyatini shakllantirishning shartlaridan biridir. Jinoyat protsessida aybga iqrorlik
bo‘yicha kelishuv ana shunday zaruriy institutlardan biri hisoblanadi. Xususan,
O‘zbekiston Respublikasi Jinoyat-protsessual qonunchiligi sohasida qilinishi kerak
bo‘lgan islohotlar rejasi “O‘zbekiston Respublikasining Jinoyat va jinoyat-
protsessual qonunchiligini takomillashtirish Konsepsiyasi”da o‘rin egalladi. Ushbu
Konsepsiyada jinoyat protsessining yangi shakl va tartib-taomillarini joriy etish
masalalari haqida fikr yuritilib, sudga qadar va sud bosqichida
soddalashtirilgan ish
yuritish tartib-tamoyillarini yanada rivojlantirish, sud-tergov harakatlarining
innovatsion shakllari va uslublarini joriy etish bo‘yicha ko‘rsatmalar berildi. Shu
bilan birga ushbu Konsepsiyadan milliy xususiyatlar va sharoitlarni e’tiborga olgan
4
holda jinoyat va jinoyat-protsessual qonunchilikka ilg‘or
xorijiy tajribani
implementatsiya qilish kabi islohotlar natijasi ham kutilayotgan edi.
O‘zbekiston Respublikasi Prezidentining 2022-yil 28-yanvardagi PF-60-son
Farmonining 1-Ilovasi bilan tasdiqlangan “2022-2026-yillarga mo‘ljallangan yangi
O‘zbekistonning taraqqiyot strategiyasi” jinoyat, jinoyat-protsessual va jinoyat-
ijroiya qonunchiligini takomillashtirish siyosatini izchil davom ettirish, jinoiy
jazolar va ularni ijro etish tizimiga insonparvarlik
tamoyilini keng joriy etish
maqsadini belgilab berdi. Bugungi kunda qonunchiligimiz uchun yangi
yoʼnalishlardan biri boʼlgan aybga iqrorlik toʼgʼrisidagi kelishuv institutini chuqur
o‘rganish va uni yanada takomillashtirish huquqshunoslar oldida turgan dolzarb
masalalardan biridir.
Haqiqattan ham, sud, tergov, prokuratura organlarida ish hajmi salmog‘i
soddalashtirilgan ish yuritish tartib-tamoyillarini yanada rivojlantirishga juda
muhtoj. Konsepsiyada o‘rin olgan islohotlar amalda O‘zbekiston Respublikasining
2021-yil 18-fevraldagi “Jinoyat, Jinoyat-protsessual kodekslariga hamda Ma’muriy
javobgarlik to‘g‘risidagi kodeksga o‘zgartish va qo‘shimchalar kiritish haqida”gi
675-sonli Qonun bilan O‘zbekiston Respublikasining Jinoyat va Jinoyat-protsessual
kodeksiga xorij amaliyotida keng qo‘llaniladigan “Aybga iqrorlik to‘g‘risida
kelishuv” instituti joriy qilinishi bilan o‘z tasdig‘ini topdi. Mamlakatimiz jinoyat-
protsessual qonunchiligi tarixida mutlaqo yangi bo‘lgan, shu bilan birga dunyoning
ilg‘or mamlakatlarida keng ko‘lamda qo‘llaniladigan
ushbu institutning milliy
qonunchilikka implementatsiya qilinishidan ko‘zlangan maqsad sud bosqichida
soddalashtirilgan ish yuritish tartib-tamoyillarini yanada rivojlantirish, sud-tergov
harakatlarining innovatsion shakllari va uslublarini joriy etish edi.
Jinoyat-
protsessual qonunchiligimiz uchun aybga iqrorlik to‘g‘risida kelishuv mutlaqo yangi
institut bo‘lganligi sababli mazkur masala yuzasidan xorijiy mamlakatlar tajribasini
o‘rganish va milliy xususiyatlarimizni hisobga olib, amaldagi aybga iqrorlik
to‘g‘risida kelishuv institutini yanada takomillashtirish muhim ahamiyatga ega.
Qayd etish joizki, aybga iqrorlik – jinoyat ishini yuritishga mas’ul bo‘lgan
davlat organlari bilan gumon qilinuvchi va ayblanuvchi o‘rtasida qo‘yilgan ayblov
5
bo‘yicha kelishish yo‘li bilan tayinlanishi lozim bo‘lgan vositadir. Xorijiy davlatlar
jinoyat protsessida o‘z aybini tan olish bilan aybga iqrorlik to‘g‘risida kelishuv
instituti uzviy bog‘liqdir. Xususan, bu institut AQSH jinoyat protsessining tarkibiy
qismi bo‘lib, amalda 150 yildan ortiq vaqt mobaynida qo‘llanilib kelmoqda
1
. O‘z
navbatida AQSH odil sudlov tajribasida ushbu institutning keng ko‘lamda va uzoq
vaqt amalda bo‘lganligiga qaramasdan, ayblanuvchining aybi to‘la, har tomonlama,
xolisona, isbotlangan bo‘lishi kelishuv tuzishning zaruriy shartidir.
Yangi
institutning milliy qonunchiligimizga tatbiq etilganligi ko‘pgina ijobiy natijalarni
keltirib chiqaradi. Xususan, aybga iqrorlik to‘g‘risida kelishuv instituti jinoyat-
sudlov ishlarini yuritish jarayonini sezilarli darajada qisqartirishga olib keladi,
shubhasiz, jinoyat protsessi ishtirokchilarining vaqti, mablag‘i tejalishiga, jamiyatda
nizolarning sonini kamaytiradigan odil sudlov
rivojlanishiga olib keladi
2
. Shuni
ta’kidlash joizki, aybga iqrorlik to‘g‘risida kelishuvning jinoyat protsessual
qonunchilikka olib kirilganligining bir qancha ijobiy jihatlari mavjud:
Dostları ilə paylaş: