75
VI-BOB. POYDEVOR VA DEVORLARNI QURISH TEXNOLOGIYASI
4.1. Lentali poydevorlarni qurish texnologiyasi
Sanoat binolari va inshootlari o‘z massasidan tushadigan yukni, shu jumladan,
foydali yukni poydevorlar orqali gruntli zaminga uzatadi. Zaminning ko‘taruvchi
qobiliyatidan va unga ta’sir ko‘rsatuvchi yuklardan kelib chiqib, poydevorlarning
konstruktiv yechimlari turlicha bo‘lishi mumkin.
Ko‘pchilik kam qavatli fuqaro va sanoat binolari uchun tasmali poydevorlar
to‘g‘ri keladi. Tasmali poydevorlar yukni zamin gruntlariga asosan tovoni orqali
uzatuvchi chuqur joylashmagan poydevorlar qatoriga kiradi. Bunday poydevorlar
ochiq kotlovanlarda barpo etiladi. Tayyorlash sharoitlariga ko‘ra ular bevosita
kotlovanda
quriladigan
monolit
poydevorlarga
va
zavodda
tayyorlangan
elementlardan montaj qilinadigan yig‘ma poydevorlarga bo‘linadi (4.1-rasm).
Bino devorlari yoki ustunlar qatoridan yukni zaminga uzatish uchun tasmali
poydevorlardan foydalaniladi. Rejada (planda) ular bir qavatli yoki kesishgan
tasmalardan iborat bo‘lishi mumkin; bir qavatli tasmalar odatda devorlar ostiga
quriladi, kesishgan tasmalar esa ustunlar to‘ri ostiga quriladi. Bir qavatli binolar, shu
jumladan sanoat binolari uchun yaxlit poydevorlar o‘rniga ko‘pincha ustunli
poydevorlar qo‘llaniladi, ular ustunlar orqali bino karkasidan yuklarni bog‘lovchi
to‘sinlar orqali devor to‘sig‘i yuklarini qabul qiladi.
a)
b)
4.1 rasm. Tasmali poydevorlar:
a – yig‘ma tasmali poydevor; b – monolit tasmali poydevor
Tasmali poydevorlarning ancha chuqur joylashtirilishi, yuk ko‘taruvchi
devorlarning o‘zaro yaqin joylushuvi binoning ostiga butun yuzasi bo‘ylab
kotlovanlar qazilishiga majbur qiladi. Odatda qazilgan grunt maydondan olib
chiqarilib uyumga tashiladi va bino yon chetlaridagi bo‘shliqlarni qayta to‘ldirish
uchun grunt olib kelinadi.
Ko‘tarish qobiliyati kuchsiz bo‘lgan gruntlarda poydevorlarni joylashtirish
chuqurligi anchaga oshadi, bu esa tayanch qismi rivojlangan tasmali poydevorlarni
76
qurishga majbur etadi, bu esa o‘z navbatida beton sarfining keskin oshishiga olib
keladi.
Ko‘p qavatli binolar qurilishiga o‘tish zaminga tushadigan yuklarning ortishiga
olib keldi, bu esa yuqori og‘irlikdagi yuklarni qabul qilishga qodir poydevorlarning
yangi konstruktiv yechimlarini topishni yoki qoziqli poydevorlardan foydalanishni
talab etdi. Qoziqlar turli xil bino va inshootlar ostidagi poydevorlarni qurish, kuchsiz
gruntlarning ko‘tarish qobiliyatini orttirish uchun, shpuntli qoziqlar esa kotlovanlar
devorlarini mustahkamlash va ularni o‘pirilishdan saqlash uchun qo‘llaniladi.
Yig‘ma tasmali poydevorlar o‘rniga qoziqli poydevorlarning qo‘llanilishi
qazish ishlarini keskin kamaytirishga, poydevorlar va yerto‘la devorlarini qurish
uchun monolit yoki yig‘ma temirbeton hajmini kamaytirishga, ish muddatlarini va
poydevorlarni qurishga sarflanadigan mablag‘ni qisqartirishga imkon beradi. Qoziqli
poydevorlar tasmali poydevorlardan farqli ravishda kattaligiga ko‘ra kichik va ancha
tekis cho‘kishlar bilan tavsiflanadi (4.2-rasm).
a)
v)
b)
4.2-rasm. Qoziqli poydevorlar: a – qoqilgan qoziqlar maydoni ko‘rinishi;
b – qoziq rostverk bilan; v – qoziqli poydevorlar
O‘ta yuqori qavatga ega binolar uchun, kuchsiz gruntlarda, turlicha yuk
ko‘tarish qobiliyatiga ega zaminda barpo etilayotgan inshootning turli qismlari ostida
va boshqa texnogen omillarni e’tiborga olgan holda poydevor sifatida butun inshoot
ostiga monolit plita (yaxlit poydevor) quriladi (4.3-rasm). Poydevor plitalari planda
faqat cho‘kish choklari bo‘yicha bo‘linadi, plitalar binoning bikrligini va
77
poydevorning hamda inshootning yer usti qismining birgalikda ishlashini ta’minlaydi.
Yaxlit poydevorlar inshoot ayrim qismlarining notekis cho‘kishini keskin
kamaytiradi.
4.3 rasm Monolit plitali poydevorlar
Tasmali poydevorlar devorlar ostiga asosan monolit yoki yig‘ma bloklardan
quriladi. Monolit temirbeton tasmali poydevorlar quyi qismi armaturalangan tasma va
armaturalanmagan yoki kam armaturalangan poydevor devori ko‘rinishida bo‘lib,
uning ustiga bino devorlari tiklanadi.
Poydevorlarni va devorlarni monolit temir betondan barpo etish jarayoni o‘z
ichiga poydevorlar o‘qlarini rejalash, qoliplarni o‘rnatish, armaturani yig‘ish va
o‘rnatish hamda betonlashni oladi. Poydevorlarni qurish texnologiyasini tanlash
poydevorlar va xususan binolarning konstruktiv yechimlariga, shuningdek mavjud
texnologik jihozlar va mexanizmlarga bog‘liq bo‘ladi.
Qolip turini tanlashga betonlanayotgan konstruksiyalarning ko‘rinishi va
ularning takrorlanuvchanligi ta’sir ko‘rsatadi. Qoliplar texnik-iqtisodiy hisoblar
asosida mumkin bo‘lgan variantlar bo‘yicha tanlanadi. Aniqlovchi ko‘rsatkichlar –
material va mehnat sarflari, qolipdan bir marta foydalanish tannarxi.
Ko‘p marta takrorlanadigan hajmi uncha katta bo‘lmagan va oddiy shakldagi
poydevorlarda joyiga kran yordamida o‘rnatiladigan inventar metall blok-formalar
qo‘llaniladi. Blok-formalar ajralmaydigan, ajraladigan va transformalanadigan qilib
tayyorlanishi mumkin; transformalanuvchi blok-formalar o‘z o‘lchamlari va shaklini
maxsus qurilmalar yordamida elementlarni surish, keyin qayd qilish yo‘li bilan
o‘zgartiradi. Ayrim hollarda fazoviy bloklardan yoki yirik shchitlardan qilingan
po‘lat inventar qolip, tekis yoki fazoviy temirbeton elementlardan iborat
ajralmaydigan qolip, palubasi fanerali bo‘lgan suvga chidamli mayda va yirik shchitli
qolip qo‘llaniladi.
To‘r va fazoviy karkaslar ko‘rinishidagi yiriklashtirilgan elementlar bilan
armaturalar montaji bajariladi. Poydevorning quyi armatura to‘ri qolip montaj
qilingunga qadar o‘rnatiladi. Beton himoya qatlamini yaratish uchun qotirgich-
fiksatorlar shaxmat tartibida 1 m qadam bilan o‘rnatiladi. Keyin armatura karkaslari
o‘rnatiladi va ular qotirgich-fiksatorlar bilan mahkamlanadi. Karkaslardagi
vaqtinchalik mahkamlagichlar ular poydevor osti to‘riga payvand qilingandan so‘ng
olib tashlanadi. To‘r va karkaslarlarning alohida sterjenlari ular o‘rnatilgan joyda
payvandlab birlashtirilishi zarur. Qolip ishlari yakunlangandan so‘ng qamrovda
qolipni o‘rnatishga kirishiladi.
78
Ko‘ndalang kesimi o‘zgarmas tasmali poydevorlar qoliplari poydevorlarning
balandligiga bog‘liq holda yig‘iladi. 2...2,5 m balandlikda shchitlar ketma-ket vertikal
holatda o‘rnatilib, ular o‘zaro qulflar bilan birlashtiriladi, inventar tirgaklar bilan
vaqtinchalik bo‘shatiladi. Ularga tutqichlar biriktiriladi, keyin esa qolip tekisliklari
tortqichlar bilan biriktiriladi. Ikkinchi yarus shchitlari pastkilari ustiga o‘rnatilib,
qolip to‘g‘rilangandan keyin mahkamlanadi va ular gorizontal holatda joylashtiriladi.
Tasmali poydevorning balandligi 2,5 m dan ortiq bo‘lganda qolipning konstruktiv
yechimi texnologik xaritada taklif etilgan bo‘lishi kerak.
Ko‘ndalang kesimi o‘zgaruvchan tasmali poydevorlarning shchitli qoliplari
avval poydevorning pastki qismi uchun plita shaklida yig‘ilishi mumkin, qolipning
yuqori qismi poydevorning pastki qismi betonlangunga qadar va betonlangandan
keyin o‘rnatilishi mumkin.
Beton aralashmasini yotqizishdan oldin gruntli zamin tayyorlanishi kerak.
Yumshoq, organik va shunga o‘xshash gruntlar olib tashlanishi kerak, gruntning
kovlangan joylari zichlashtirilgan qum yoki shag‘al bilan to‘ldirlishi lozim.
Temirbeton poydevorlarning monolitligiga erishish uchun betonlashni choklar
hosil bo‘lishiga yo‘l qo‘ymasdan uzluksiz olib borish kerak. Beton aralashmasi
20...50 sm qalinlikdagi qatlamlar bilan yotqiziladi, har bir keyingi qatlam avvalgisi
zichlangandan so‘ng va u odatda qotish boshlagunga qadar yotqiziladi.
Konstruktiv xususiyatlariga bog‘liq holda tasmali poydevorlar bir, ikki va uch
bosqichda betonlanadi (4.4-rasm). Bir bosqichli qatlamli betonlash to‘g‘ri
to‘rtburchak kesimli tasmali poydevorlarni tirgak bilan qurishda yoki o‘zgaruvchan
kesimli ko‘ndalang kesim yuzasi 3 m
2
dan kam bo‘lgan poydevorlar qurishda
qo‘llaniladi. Ko‘ndalang kesim yuzasi 3m
2
dan ortiq bo‘lgan pog‘onali tasmali
poydevorlar ikki bosqichda betonlanadi: avval pog‘onalar, keyin devor. Karkasli
binolarda qo‘llaniladigan ustunostili tasmali poydevorlar uch bosqichda betonlanadi.
Binoning yer osti qismi devorlarini betonlashning o‘ziga xos xususiyatlari
devorlarning qalinligi va balandligi, shuningdek qolipning turiga bog‘liq bo‘ladi.
Ajratib – ko‘chiriluvchi shchitli qolip ikki harakatda o‘rnatiladi: avval devorning
butun balandligi bo‘yicha bir tomondan, armatura o‘rnatilganidan so‘ng ikkinchi
tomonidan o‘rnatiladi. Devorning balandligi va qalinligi katta bo‘lganda ikkinchi
tomonning qolipi betonlash jarayonida yaruslar bo‘yicha o‘rnatiladi. Agar qolip
devorning butun balandligi bo‘yicha o‘rnatiladigan bo‘lsa, u holda qolipda beton
aralashmasini uzatish uchun teshiklar mo‘ljallanadi. Qalinligi 0,5 m dan ortiq bo‘lgan
devorlar qolipini butun devor balandligi bo‘yicha qurish mumkin, bu holda beton
aralashmasi xartumlar yordamida yuqoridan uzatiladi.
79
4.4-rasm Tasmali poydevorlarni betonlash:
a-beton aralashmasini uzluksiz uzatishda ustunli poydevorlarni betonlash;
b-o‘shaning o‘zi, pog‘onalab betonlashda; v-pog‘onalini vibroxartumdan foydalanib
betonlashda; g-poydevorning konstruktiv yechimi; 1 – poydevor qolipi; 2 – bad’ya
beton aralashmasi bilan; 3 –ish maydonchasi; 4 – vibrator; 5 – beton; 6 – bo‘g‘inli
xartum; 7 – bo‘ylama armatura; 8 – ko‘ndalang armatura; 9 – betonli asos;
10 – zichlashtirilgan grunt; 11 – yelimlanuvchi gidroizolyasiya.
Devorning uzunligi 20 m dan ortiq bo‘lganda u 7...10 m li uchastkalarga
bo‘linadi va uchastkalar chegarasida ajratuvchi to‘siq o‘rnatiladi.
Poydevorlarni qurishda asosiy jarayon betonlash hisoblanadi, shuning uchun
har bir oqimdagi ishchilar soni (qolipni o‘rnatish, armaturani joylash, betonlash,
qolipni ajratib olish) asosiy oqim bo‘yicha aniqlanadi. Barcha oqimlardagi ish bir xil
maromda kechishi zarur. Oqimli ishlashni tashkil etish uchun poydevor va devorlar
qamrovlarga ajratiladi, ular sifatida oraliq, oraliqning bir qismi yoki bir o‘qdagi
poydevorlar bo‘lishi mumkin.
Yig‘ma tasmali poydevorlar hisoblash asosida armaturalangan yig‘ma
poydevor yostiqlaridan iborat bo‘lib, ularning ustiga devor bloklari o‘rnatiladi.
Temirbetonli
poydevor
plita-yostiqlar
va
betonli
devor
bloklari
unifikatsiyalashtirilgan, nomenklatura ularning to‘rtta guruhga ajratilishini nazarda
tutadi, bu guruhlarning har biri qabul qilayotgan yuklanishi bilan farq qiladi.
Inshootning bikrligini oshirish, kuchsiz gruntlarda qurishda cho‘kishlarni bir
xillashtirish uchun va zilzilaga qarshi tadbirlar sifatida yig‘ma poydevorlar
armaturalangan choklar bilan yoki poydevor yostiqchalari ustidan quriladigan yoki
devorli poydevor bloklari oxirgi qatori ustidan binoning butun perimetri bo‘yicha bir
sathda quriladigan temirbeton belbog‘lar bilan kuchaytiriladi.
Montaj qilishni devorlarning burchaklari va kesishish joylarida mayoq
bloklarini o‘rnatishdan boshlaydilar. Poydevor bloki kran yordamida uni joylashtirish
joyiga uzatiladi, to‘g‘rilanadi va asos ustiga tushiriladi, loyiha holatidan uncha katta
bo‘lmagan chetlashishlar tortib turilgan strop holidagi blokni montaj qilish lomchasi
bilan siljitilib bartaraf etiladi. Bunda zamin yuzasi buzilmagan bo‘lishi kerak. Blok
plan va balandligi bo‘yicha to‘g‘ri vaziyatni egallagandan so‘ng bog‘langan stroplar
80
olinadi. Tasmali poydevor bloklari va yon bo‘shliqlar orasidagi uzilishlar montaj
qilish jarayonida qum yoki qumli grunt bilan to‘ldiriladi va zichlanadi.
Kolonnalar osti poydevorlarini montaj qilishda o‘rnatilayotgan bloklarning
asosiy o‘qlarga nisbatan holati sinchiklab nazorat qilinadi. Bloklarning balandligi
bo‘yicha holati nivelirlar yordamida nazorat qilinadi, stakan turidagi bloklarda stakan
tubi sathi tekshiriladi, boshqalarida esa blokning yuqori tekisligi sathi tekshiriladi.
4.5-rasm. Yig‘ma tasmali poydevorlarni
montaj qilish:
1 – poydevor yostiqchasi; 2 – devor bloki;
3 – qumli asos; 4 – armaturali belbog‘;
5 – qorishmadan tayyorlagan to‘shama;
6 – to‘tashuv joyini monolit beton bilan
to‘ldirish; 7 – ilgich.
Yerto‘la devorlarini montaj qilish yotqizilgan poydevor bloklarining holati
tekshirilib va gidroizolyasiya bajarilgandan so‘ng boshlanadi. Agar loyihada alohida
ko‘rsatmalar bo‘lmasa, u holda izolyasiya sifatida poydevorlarning tozalangan sirti
bo‘yicha 2...3 sm qalinlikda qorishma yoyib chiqiladi; qorishma bir paytda
tekislovchi qatlam vazifasini ham bajaradi.
Montaj qilish sxemasiga muvofiq poydevorlarda pastki qator devor bloklari
joylashishi belgilab chiqiladi, uning uchun vertikal choklar o‘rnini belgilanadi.
Montaj qilish burchaklarda va devorlarning kesishishi joylarida bir-biridan 20...30 m
masofada mayoq bloklarini o‘rnatishdan boshlanadi. Mayoq bloklari o‘rnatilgandan
so‘ng ularning ustki sathida shnur prichalka tortiladi, unga ko‘ra qator bloklari
o‘rnatiladi.
Bloklarning keyingi qatorlari shunday ketma-ketlikda montaj qilinadi,
bloklarni joylashtirilishi quyida joylashgan qatorda belgilanadi. Dastlabki ikki qator
bloklar yotqizilgan poydevor bloklaridan o‘rnatiladi, undan keyingilari inventar
so‘rilardan o‘rnatiladi. Bloklar montaj qilinadigan qorishma markasi loyihada
ko‘rsatiladi.
Montaj qilish kranini kotlovan chetiga joylashtirish mumkin, unda qamrov
chegarasida avval barcha poydevor bloklari, keyin esa yerto‘la devorlari bloklari
montaj qilinadi. Agar kran kotlovan ichida turgan bo‘lsa, u holda yerto‘la
poydevorlari va devorlari montaj qiluvchi kran zonaga ikkinchi marta kira
olmasligidan kelib chiqib, alohida uchastkalar bo‘yicha o‘rnatiladi.
|