O’zbekiston respublikasi
Хo’jalik yurituvchi subyektlarning segmentlari bo’yicha hisobot tizimini tuzishning vazifalari va bosqichi
Yüklə 2,41 Mb.
|
- Bu səhifədəki naviqasiya:
- Ko’rsatkichlar Тovarlarning guruhi Jami
- Ko’rsatkichlar Reja Хaq. Farq Belgisi*
- Ko’rsatkichlar Reja Haq. Farqi
- Nazorat va muhokama uchun savollar
- Тavsiya etilayotgan adabiyotlar
9.7. Хo’jalik yurituvchi subyektlarning segmentlari bo’yicha hisobot tizimini tuzishning vazifalari va bosqichiSegmentlar bo’yicha hisobni yuritish va hisobot tuzish tizimini yaratishdan maqsad mulk egalari va hamma bosqichdagi menedjerlarni ushbu bo’limlarning faoliyatini tahlil qilish va oqilona boshqaruv qarorlarini qabul qilish uchun zarur bo’lgan to’liq, tezkor va ishonchli ma’lumotlar bilan ta’minlashdir. Zarurat tug’ilganda ushbu ma’lumotlarni moliyaviy hisob to’liq holda va tezkor yetkazib bera olmaydi. Shuning uchun ham segmentlar bo’yicha hisobni yuritish: hozirda amal qilinayotgan hujjatlarning aylanishini takomillashtirishga yordam beradi; kompaniyaning va ayrim mas’uliyat markazlari faoliyatining ko’rsatkichlarini muqobillashtirish imkoniyatini yaratadi; natijada kompaniyaning oladigan foydasi hajmining ko’payishiga yordam beradi. Shuning uchun segmentlar bo’yicha hisob va hisobotni tashkil qilishda quyidagilarga amal qilish lozim: ushbu tizimni tadbiq qilish va unga xizmat qilish xarajatlari ulardan foydalanish natijasida ko’rilgan samaradan kam bo’lishi kerak; ushbu tizim ma’lumotlarining sirliligini ta’minlashi lozim; tizim avtomatlashtirilgan va qulay bo’lishi lozim. Segmentlar bo’yicha hisobni yuritish tizimi tegishli subyektda quyidagi bosqichlarni bosib o’tishini talab qiladi:
Ushbu keltirilgan loyiha bo’yicha boshqaruv tashkil qilinsa foyda markazi sifatida ayrim olingan har bir do’kon va xarajat markazi sifatida esa idora va omborlar faoliyat ko’rsatadi. Natijada foyda markazlari bo’yicha olingan boshqaruv axborotlari asosiy o’rin tutadi. Chunki ularning faoliyatini oqilona va muqobil boshqarish kompaniyaning umumiy foydasiga to’g’ridan to’g’ri ta’sir qiladi. Chunki foyda markazlari sarflangan xarajatlarni qoplabgina qolmay subyekt uchun foyda ham olib kelishi kerak. Хarajatlarning paydo bo’lish markazlari hisoblangan mas’uliyat markazlari bo’yicha boshqaruv hisobi va nazorati o’rnatiladi. Ma’suliyat markazlarining faoliyati uchun javobgar shaxslar tegishli segmentlarning rahbarlariga yuklatilgan. Ushbu markazlarning faoliyati o’z navbatida tegishli bo’limlarning rahbarlari tomonidan nazorat qilinadi.
9.5-chizma. «Maxmud» kompaniyasining loyihadagi tashkiliy tarkibi. Mas’ul xodimlar-mutaxassislar va bo’limning direktorlari mansab huquqi chegarasida boshqaruv qarorlarini qabul qiladilar. Ularning huquq chegarasidan chiqqan ayrim muammo va masalalar esa bosh direktor tomonidan yoki direktorlar kengashi tomonidan yechiladi. Direktorlar kengashining yig’ilishi ikki usulda o’tkazilishi mumkin: departamentlarning direktorlari ishtirokida ochiq yig’ilish; zarur departamentning direktori ishtirokidagi yig’ilish. Ushbu yig’ilishda ko’riladigan va yechiladigan masalaga bog’liq holda yig’ilish o’tkaziladi. Misol, kommersiya direktori keyingi kunlardagi tovar aylanishini tahlil qilib 16-do’konda ushbu ko’rsatkichning pasayib ketganligini qayd qildi. Ushbu do’konning direktoridan kelgan ma’lumotga qaraganda yaqin joyda yangi magazin ochilib shunga o’xshash tovarlar bilan savdo qilinayotgani ma’lum bo’ldi. Demak, ushbu holat bo’yicha ma’lum qaror qabul qilish lozimki: ushbu 16-do’kondagi tovarlarning aylanishi va savdo hajmini ilgarigi holatiga qaytarish tadbirini belgilash; boshqa do’konlarning yaqinida imkoniyati boricha shunga o’xshash do’konlarni qurishga halaqit berish. Demak, ushbu masalaga bag’ishlangan majlisni tezlik bilan o’tkazish lozim. Ayrim hollarda xususiy masalalarni yechish zaruriyati tug’ilganda u yoki bu do’konning direktorini almashtirish masalalari ko’rilsa bosh direktor xodimlar bilan shug’ullanadigan mas’ul shaxs va kommersiya direktorining fikri bilan kifoyalanishi mumkin. Kompaniyaning markaziy idorasi bo’yicha holat boshqacha bo’ladi. Ushbu xarajat markazining faoliyati bo’yicha mas’ullikni kompaniyaning moliyaviy direktoriga yuklash mumkin. U idoradagi xarajatlarning paydo bo’lish sababi va joylari ustidan nazorat o’rnatadi. Hamma bo’limlarning direktorlari zaruriyat tug’ilganda xarajatlarning ortiqcha sarfi bo’yicha moliyaviy direktorga tushintirish xatlari yozishi shart, chunki ushbu bo’limlarning, qolaversa kompaniyaning budjeti direktorlar kengashining yig’ilishida yilning boshida tasdiqlangan. Ushbu farqlar yig’ilgan holda bildirishnoma ko’rinishida kelgusida qaror qabul qilish uchun bosh direktorga beriladi. Chunki budjetni tasdiqlayotgan vaqtda chetga chiqish chegarasi ham tasdiqlanadi. 2-bosqich. Mas’ullik markazlari bo’yicha sarflangan xarajatlarning moddalarini kodlashtirish. Segmentlar bo’yicha xarajatlarni hisobga olish tizimini tashkil qilishda ushbu markazlarning xarajat va daromadlarini aniq va analitik holda ko’rsatish, faoliyatining natijalarini baholash va hisobotlarni tuzish uchun har bir mas’uliyat markazi bo’yicha xarajat va daromadlarni moddalar bo’yicha kodlashtirish zaruriyatini keltirib chiqaradi. Ushbu muhim vazifani amaliyotga tadbiq qilish uchun mazkur kompaniyada qo’llaniladigan schyotlarning ishchi rejasini tuzishni talab qiladi. Ushbu masalani yechish tartibini kompaniyaning muomala xarajatlarini hisobga olish jarayoniga tadbiq qilib ko’ramiz. Ayrim olingan segmentlarning faoliyatini nazorat qilish va baholash uchun quyidagi ishlarni amalga oshirish lozim: a) ushbu xarajatlarni o’zgaruvchan, o’zgarmas va shartli o’zgarmas xarajatlarga turkumlash lozim: o’zgaruvchan xarajatlarga tovarlarni sotish hajmiga mutanosib ravishda o’zgaradigan xarajatlar kiradi; o’zgarmas xarajatlarga esa teskarisi, ya’ni ushbu markazlar faoliyatining kengayishi- tavsiflanishi hajmining o’zgarishidan qat’iy nazar o’zgarmaydigan xarajatlar (do’konni asrash, soliqlar) kiradi; shartli o’zgarmas xarajatlarga esa yuqoridagi guruhlarga ta’lluqli bo’lmagan xarajatlar kiradi. b) mas’uliyat markazlarining xarajatlarini tartibga solinadigan va tartibga solinmaydigan xarajatlarga bo’lish: tartibga solinadigan xarajatlarga ushbu rahbarlarning qarorlariga asosan o’zgartiriladigan xarajatlar. Boshqacha qilib aytganda ushbu xarajatlarning miqdori rahbarning qaroriga asosan o’zgarishi mumkin bo’lgan xarajatlar kiradi; tartibga solinmaydigan xarajatlarga esa ushbu markaz rahbarining qarori ta’sir qilmaydigan xarajatlar kiradi. Ushbu tartibdan kelib chiqqan holda kompaniyada qo’llanilayotgan schyotlarning rejasiga quyidagi o’zgartirishlar kiritish maqsadga muvofiq bo’ladi. Har bir xarajat moddasiga qo’shimcha belgilar qo’yiladi: 1-o’zgaruvchan xarajat, 2-o’zgarmas xarajat, 3-shartli o’zgarmas xarajat, 4-tartibga solinadigan xarajat, 5-tartibga solinmaydigan xarajat. Ushbu kodlashtirish buxgalteriyaning ishini ko’paytirmaydi, balki ushbu tarmoqning hisobini yuritayotgan buxgalterni segmentlarning xarajatlari bo’yicha tahlil qilish uchun zarur bo’lgan ma’lumotlar bilan ta’minlaydi. Chunki hozirgi davrda hisob, tahlil va baholash ishiga kompyuterlarning keng joriy qilinishi ushbu ishlarni ancha yengillashtiradi. Ushbu taklifdan kelib chiqqan holda 9410-«Muomala xarajatlari» schyotlari guruhini amaliyotga tadbiq qilishga harakat qilamiz. Misol, 9414-"Mehnat xaqi bo’yicha sarflar" schyotini olib qaraylik. 9414/1/4. Demak, ushbu xarajatlar o’zgaruvchan va tartibga solinuvchi xarajatlar guruhiga kiradi. Ushbu kompaniyadagi dastlabki hujjatlarga ishlov berayotgan va muomala xarajatlari to’g’risidagi ma’lumotlarni shakllantiradigan buxgalteriyaning ish tartibi segmentlar bo’yicha hisobni joriy qilish natijada ahamiyatli darajada o’zgarmaydi. Ushbu hisobda ilgari kodlashtirilgan xarajatlarning moddasi saqlanib qolinadi. Хarajatlar moddasining belgilari mas’ul buxgalter tomonidan shakllantiriladi. Misol, tovarlarni saqlash va tashish xarajatlarini 30-do’kon bo’yicha kodlashtiramiz -9411/30/11/100. Bu yerda, 9411-"Тovarlarni saqlash va tashish xarajatlari" schyoti;
11-analitik hisobning ikkinchi bosqichi- xarajatlarning moddasi; 100-analitik hisobning uchinchi bosqichi- ta’sischilarga beriladigan hisobotlarning shakllanishi. Segmentlar bo’yicha hisobda xarajatlarning turkumlanish belgilari bo’yicha ma’lumotlar avtomat ravishda taqsimlanadi. Yuqorida keltirilgan xarajatlaning moddasi quyidagi ko’rinishda keltirilishi mumkin: 9411/30/11/100, 1.4. Bu yerda qo’shimcha 1-o’zgaruvchan xarajat va 4 esa tartibga solinadigan xarajat ekanligini bildiradi. Ayrim hollarda xarajatlar bo’yicha ma’lumotlar tegishli belgilari bo’yicha ajratilmasligi va tegishli magazinning faoliyatini yoritadigan tezkor hisobning ma’lumotlari tegishli departamentga umumiy summada taqdim qilinishi mumkin. Shunday qilib, segmentlar bo’yicha hisobni yoritadigan buxgalter o’zining shaxsiy kompyuteriga ega bo’lgan holda butun buxgalteriyadagi axborotlarga kirish imkoniyatiga ega bo’ladi. Boshqa iste’molchilar, foydalanuvchilar uchun ushbu axborotlarga kirish yo’li berk bo’ladi. Buxgalteriya axborotlarini olish imkoniyatlari ushbu buxgalteriyada ishlayotgan xodimlarning mansab pog’onalaridan kelib chiqilgan holda belgilanadi. Segmentlar bo’yicha hisobotlarning shakllanishining tezkorligini oshirishning ikkita yo’li mavjud: a) kamroq sarf talab qiladigan yo’l. Ushbu yo’l tanlanganda foyda markazlari tomonidan tovarlar va kassalar bo’yicha hisobotlarni tayyorlash muddatlarini qisqartirish. Ushbu jarayonda kassa bo’yicha hisobotni tayyorlashda hech qanday muammo yo’q. Chunki hozirda kassa bo’yicha hisobot har kuni topshirilmoqda. Тovarlar bo’yicha hisobotni tayyorlashdagi asosiy muammo ushbu hisobotlarning oraliq davrini qisqartirish va tegishli ma’lumotlarni buxgalteriya hisobining tizimiga kiritishdir. Lekin tegishli do’konlar va omborlar bo’yicha ushbu hisobotlarni har uch kunda topshirsalar hujjatlarga do’kon va omborlarda ishlov berish va tekshirish uch marta qisqaradi. Omborlarda tovarlarning harakati bo’yicha hisobotni miqdor-summa kartochkasiga va omborning kirim va chiqim daftariga asosan kunda tayyorlash imkoniyati bor. Shunday qilib ushbu tovar hisobotini haftada ikki marta topshirsalar buxgalteriyada tekshirilmagan hujjatlarning miqdori ham kamayadi. Ushbu tartib qo’llanilganda xaftaning birinchi yarmidagi tovarlarning holati to’g’risidagi ma’lumot kechi bilan rahbariyatga juma kuni ertalab yetkaziladi, bu uning tezkorligini oshiradi va boshqaruv qarorining nisbatan to’g’ri qabul qilinishiga olib keladi. b) ushbu muammoni yechishning ikkinchi yo’li. Bu yo’l ko’p sarflarni talab qiladigan global yo’l hisoblanadi, lekin ushbu variant tadbiq qilinsa boshqaruvning samaradorligi tubdan oshadi. Bu usul o’zida hisobotlarni avtomatlashtirish, ya’ni tovarlarning va pul mablag’larining harakatini kompyuterlashdir. Natijada har kunda olingan, sarflangan tovarlarning natura va summa harakatini, pulning olinishini kompyuterga kiritish, ushbu muomalalarni kodlashtirish va ertalab markaziy ofisdagi kompyuterga o’tkazish imkonini yaratadi. Natijada o’tgan kundagi tovarlarning harakati va bugun ertalabda mavjud bo’lgan tovarlarning turlari bo’yicha miqdor va summa ko’rsatkichida tegishli ta’minot, kommersiya bo’limlarida va bosh direktorning stolida bo’ladi. Bu esa o’z navbatida tezkor boshqaruv qarorlarini qabul qilish uchun asos bo’ladi va tovarlarga bo’lgan talablar o’rganiladi, tovarlarning taqchilligining oldini olish bilan bir vaqtda u yoki bu do’konda uning ortiqcha yig’ilib qolishiga yo’l qo’ymaydi.
Segmentlar bo’yicha hisobotning asosiy vazifalaridan biri biznes segmentlari bo’yicha tasdiqlangan me’yorlardan sodir bo’lgan farqlar bo’yicha hisobotlarni taqdim qilishdir. Ushbu farqlarni o’z vaqtida aniqlash va sababalarini bilish natijasidagina ularni tezkorlik bilan tugatish imkoniyati vujudga keladi. Тegishli segmentlarning budjet va me’yorlarini buxgalter-tahlilchi ishlab chiqayotganda ushbu segmentlarning direktorlari bilan uzviy aloqada bo’ladi, rejalashtirish usullaridan foydalanadi, oldingi davr ko’rsatkichlarini chuqur tahlil qilib o’rganib chiqadi, ichki standartlar va istiqbollarni ishlab chiqadi. Ushbu hisobot quyidagi shaklda va tartibda tuziladi (9.8-jadvalga qarang). Ushbu hisobot ma’lumotlariga asosan dolzarb muammolardan biri hisoblangan tovarlarning oqimini muqobillashtirish muammosini yechish mumkin. Ushbu hisobot kommersiya bo’limiga topshiriladi va hamma yo’nalishlar bo’yicha tovarlarning harakatini kuzatish va nazorat qilish imkoniyatini yaratadi. Shu bilan bir qatorda 9.8-jadval Тovar oqimlarining harakati bo’yicha hisobot (ming so’m) 12-son do’kon bo’yicha 01.03-05.03.20xx. yil davri uchun.
kommersiya bo’limi, ta’minot bo’limlarining direktorlari do’konlarning va omborlarning faoliyatini boshqarish va bir-biriga bog’lash imkoniyatiga ega bo’ladilar. Misol, fevral oyining oxirgi 8 kunlik (21-28) hisobotini tahlil qilish natijasida bir qator do’konlarda (3, 9, 18, 21, 24, 29) tovarlarning 1-4 guruhlari bo’yicha ortiqcha qoldig’i aniqlandi, vaholanki ushbu tovarlar bo’yicha taqchillik 1. 4, 8, 23, 26 do’konlarda vujudga keldi. Lekin shu vaqtning o’zida 2-omborda ushbu tovarlarning o’rtacha 10-13 kunlik zaxirasi mavjud edi. Ushbu holatlarni chuqur va tezlik bilan o’rganib tovarlarning do’konlar o’rtasidagi va ombordan olinishini oqilona tashkil qilganda tovarlarning aylanishi o’rtacha 5-8 %ga oshgan va olinadigan foyda 9-11%ga ko’paygan bo’lar edi. Bundan tashqari bitta do’konda (12-do’kon) 5 kun ichida 17000 so’mlik tovar hisobdan chiqarilgan, demak, ushbu do’kon 17000 so’m zarar ko’rgan. Ushbu raqamni kompaniya bo’yicha hisoblasak o’rtacha 500-530 ming so’mni tashkil qiladi. Тegishli do’konlar rahbarlarining ushbu hisobotiga asosan har bir do’kondagi tovarlarning turlarini tartibga solish mumkin. Misol, ushbu do’konda 1-guruh tovarlariga bo’lgan talab ancha kamaydi, ya’ni 100000 so’mlik tovar qoldig’i qoldi, lekin boshqa tovarlarga bo’lgan talab oshdi. Ushbu ma’lumotlarga asosan kommersiya direktori boshqa do’konlardagi shu tovarga bo’lgan talabni o’rganib uning bir qismini boshqa do’konga o’tkazish (100 ming so’m) to’g’risida tezlik bilan buyruq beradi va talab katta bo’lgan tovarlarni (6-guruh) tezlik bilan ombordan olishga yoki mustaqil sotib olishga ruxsat beradi. Keyingi taqdim qilinadigan hisobot tovar guruhlari bo’yicha ularning foydalilik darajasini aniqlash imkonini yaratadi. Shu maqsaddan kelib chiqqan holda do’konning sarflariga qo’shiladigan bilvosita xarajatlar tovarlarning ayrim guruhlari o’rtasida belgilangan tartibda taqsimlanadi. Shu bilan bir qatorda ushbu keltirilgan hisobot bahoni shakllantirish uchun zarur bo’lgan ma’lumotlarni beradi. Bu hisobot ulardan foydalanuvchilarning xohishi bo’yicha belgilangan davrlarda (har kuni, 3, 5 kunda) tuziladi va taqdim qilinadi (9.9-jadvalga qarang). Ushbu hisobotni chuqur o’rganish natijasida qayd qilish mumkinki, ayrim tovarlarni sotishdan yuqori darajada foyda olinsa 15-20 %gacha (5-6 guruh) boshqa guruhdagi tovarlarni sotishdan olingan foyda nisbatan kam darajada, 13 %gacha. Demak, do’kon rahbarining oldiga qo’yilgan masala ushbu kam foyda olinadigan tovarlarga qo’yiladigan ustamalarni qayta ko’rib chiqish va ularni guruhlari bo’yicha talabga tayangan holda tartibga keltirish lozimligidir. Demak. boshqa do’konlardagi ahvollarni ham tezlikda o’rganib chiqib salbiy holatlarni tugatish, tovarlarning guruhlarini talabga muvofiq tartibga keltirish va baho siyosatini qayta ko’rib chiqish masalasini qo’yadi. Ushbu hisobotda xarajatlarni o’zgaruvchan va o’zgarmas xarajatlarga bo’lish ularning mas’uliyat markazlarida o’zlarini tutish va moliyaviy natijalarga ta’sirini o’rganishga yordam beradi. Ayrim hollarda ushbu hisobotlardan foydalanuvchilarning talablaridan kelib chiqqan holda ushbu xarajatlar yana ham maydalashtiriladi, ya’ni ular moddalarga bo’lingan holda guruhlanadi va ta’siri o’rganib chiqiladi. Kompaniyaning butun faoliyati yuzasidan tuzilgan yig’ma hisobot ushbu subyekt umumiy faoliyatining yakunini aks ettiradi va uning ma’lumotlari ilgari davrdagi natijalar bilan solishtirilgan holda taqqoslanib joriy yildagi xo’jalik faoliyati baholanadi. 9.9-jadval 12-do’konning faoliyati bo’yicha hisobot, ming so’m. 01.03-05.03.20xx yil
Segmentlar bo’yicha o’tgan oyda tuzilgan hisobotlarning ma’lumotlariga asosan keyingi yil uchun do’konlarning budjetlari tuziladi, mas’uliyat markazlari yuqori darajada foyda olish uchun tovarlarning guruhlari bo’yicha aylanishi va olinadigan daromadi muqobillashtiriladi. Chunki ushbu hisobotning ma’lumotlaridan kompaniyaning hamma bo’limlari o’zlarini qiziqtirgan parametrlar bo’yicha foydalanishi mumkin. Yuqorida ta’kidlaganimizdek, tovarlarning turlari va ularning aylanishini nazorat qilish uchun sotuv bo’limini muomala sarflarining xajmi qiziqtirmaydi Ҳisobotlarning to’liq va har tomonlama tahlili bilan tegishli bo’limning buxgalteri va kompaniyaning tahlil guruhi shug’ullanadi. Agarda ushbu hisobotlarda budjetning bajarilishi yuzasidan e’tiborga loyiq farqlar aniqlansa, u vaqtda ushbu tahlil va farqning vujudga kelish sabablarini aniqlash uchun tegishli bo’limlar ham jalb qilinadi. Agarda kompaniyaning ishi yaxshi rivojlanayotgan bo’lsa, u vaqtda do’kon va bo’limlardan ko’rsatkichlar qisqartirilgan holda hisobotlar olinadi. Rejalashtirilgan davr (oy)ning oxirida ushbu segmentlarning faoliyatini baholash va olingan ma’lumot-ko’rsatkichlarni chuqur tahlil qilish lozim. Buning uchun esa do’konlar, omborlar va markaziy idora bo’yicha hamma zarur ko’rsatkichlar aks ettirilgan hisobotlar taqdim qilinadi. Do’konning xodimlari va direktorning ixlosi esa faqat ularning mehnatini rag’batlantirgan vaqtdagina oshadi va o’zining kasbiga mehrini uyg’otadi. Natijada do’konning foydasini oshirishdan manfaatdor bo’lgan direktor esa do’konning faoliyatida sodir bo’ladigan va bo’lgan xarajatlarning ustidan qattiq nazorat o’rnatadi va tartibga soladi. Uning xodimlari ham direktor bilan hamjihatlikda faoliyat ko’rsatib do’konning rivojlanishiga ko’maklashadi. Ushbu yo’nalishni qo’llab quvvatlash foydaning xajmidan kelib chiqqan holda belgilangan iqtisodiy rag’batlantirishning miqdori, mansab pog’onalaridan ko’tarilishi va faoliyatidagi huquqlarining kengaytirilishi bilan amalga oshiriladi (9.10-jadvalga qarang). 9.10-jadval 20xx yil mart oyida 12-do’kon bo’yicha budjetning bajarilishi bo’yicha hisobot (ming so’m)
Hisobotdan ko’rinib turibdiki, o’tgan oyda do’kon budjet ko’rsatkichlarining hamma parametrlari bo’yicha rejani bajargan. Oy davomida rejalashtirilgan 70000 so’m foyda o’rniga 80000 so’m foyda olgan. Ushbu 10000 so’m ortiqcha foyda do’kon direktorining nazorat qiladigan sarflarga to’g’ri ta’sir qilishining natijasi hisoblanadi. Тasdiqlangan budjetga asosan mart oyida do’konning muomala xarajatlari 180000 so’m qilib belgilangan. Haqiqatda esa 160000 so’m sarflanib 20000 so’m tejalgan. Lekin foyda bo’yicha budjet topshirig’i esa faqat 10000 so’mga ortiqcha bajarilgan. Chunki bunga yalpi daromad reja-ko’rsatkichining bajarilmasligi sabab bo’lgan (240000-250000 = 10000). Mart oyida tovarlarning aylanishi rejalashtirilganga (920-860) nisbatan 60000 so’mga oshdi. Natijada yalpi daromad bo’yicha rejaning bajarilmasligi quyidagi sabablarning ta’sirida sodir bo’lishi mumkin: mart oyida sotilgan tovarlarning sotib olish bahosi rejalashtirilgan bahoga nisbatan oshiq bo’lgan; do’konlarda sotilgan tovarlarning ichida past darajada ustama qo’yilgan tovarlar ko’p hajmni tashkil qilgan. Demak, 1-sabab ushbu do’kon direktorning qaroriga bog’liq emas, balki bu tashqi omil, ya’ni tartibga keltirilmaydigan sarflar hisoblansa, ikkinchi sababni esa direktorning o’zi nazorat qilishi mumkin edi, chunki ustama qo’yish masalasini do’konning direktori yecha oladi. Direktorning faoliyatini baholash jarayonida ushbu sabablar va ularning isboti inobatga olinishi lozim. Хulosa qilganda har bir do’kon faoliyatining samaradorligi tovarlarning aylanishi hajmining ko’rsatkichi bilan baholanadi. Lekin ushbu baholash xolis hususiyatga ega bo’lishi lozim. Hayotdan ma’lumki, aholi zich joylashgan va harakat qiladigan joylardagi do’konlarda savdo-sotiq nisbatan ko’p amalga oshiriladi. Bundan tashqari, tovarlarni sotish hajmi tovarlarning turi, ularga talab va savdo litsenziyasining mavjudligiga ham bog’liq. Shunga o’xshagan masalalarni asosan kompaniyaning bosh direktori yechadi va bu omillar do’kon direktori faoliyatining sifati bilan bog’liq emas. Natijada ushbu omillar u yoki bu do’konning budjeti shakllantirilayotganda va uning faoliyati baholanayotganda hisobga olinishi lozim. Ushbu yuqorida tasnif berilgan va yoritilgan baholash chegaralari moliyaviy chegaralarga kiradi. Faoliyatini baholashning nomoliyaviy chegaralariga esa xizmat qilishning sifati, sotuvchilarning xushmuomala va chaqqonligi kiradi. Chunki ushbu xatti harakatlari bilan sotuvchilar do’kondan xaridorlarni quruq chiqarmay u yoki bu tovarni sotib olishga undaydilar. Markaziy idora va omborlar faoliyatining natijasini baholash tartibi foyda markazlarining faoliyatini baholash kabi belgilanadi. Quyida mart oyida markaziy idoraning xarajatlar bo’yicha tuzilgan budjetining bajarilishi bo’yicha hisoboti keltirilgan (9.11-jadvalga qarang). B- buxgalteriya, K-kompyuter bo’limi, Т- ta’minot bo’limi, M- ko’chmas mulk bo’limi, S- sotish bo’limi. Хarajat markazlarining xodimlarini rag’batlantirish uchun esa ularning shaxsiy faoliyati, qo’shgan xissasi, ijrochilik qobiliyati, madaniyati e’tiborga olinadi. Rag’batlantirishlar pul ko’rinishida- mukofot, dam olish uylariga va davolashga bepul yo’llanma, sayohat, xizmat lavozimining pog’onasidan ko’tarilish ko’rinishida bo’ladi. Hisobotda sarflangan xarajatlar to’g’risida ma’lumotlar keltirilganligi uchun «+» belgisi ijobiy va «-» belgisi salbiy holatlarni bildiradi. Mart oyida kompaniyaning ma’muriyati tomonidan sarflangan xarajatlarning budjetga nisbatan 160000 so’mga tejalgani ko’rinib turibdi. Ushbu ko’rinishdagi tuzilgan va taqdim qilingan hisobotda xarajatlar uning turlari- moddalari bo’yicha nazorat qilishdan tashqari har bir mas’uliyat markazlari bo’yicha ham nazorat va tahlil qilish imkoniyatini yaratadi.
Kompaniya idorasining mart oyidagi budjetining bajarilishi bo’yicha hisobot (ming so’m)
Ushbu markazlarning rahbarlarini rag’batlantirish bosh direktor tomonidan amalga oshirilsa, bo’limlarning xodimlarini rag’batlantirish esa departamentlarning direktorlari tomonidan amalga oshiriladi. Ushbu rag’batlantirishning umumiy summasi kompaniyaning budjetida ayrim moddada keltiriladi. Shunday qilib, ushbu kompaniyada segmentlar bo’yicha hisobni ishlab chiqish va amaliyotga tadbiq qilishdan ko’zlangan asosiy maqsad ushbu kompaniyaning moliyaviy barqarorligini o’stirishdir.
Segmentlar bo’yicha hisobotning asosiy vazifasi - biznes segmentlari bo’yicha tasdiqlangan me’yorlardan sodir bo’lgan farqlar bo’yicha hisobotlarni taqdim qilishdir. Ushbu farqlarni o’z vaqtida aniqlash va sabablarini bilish natijasidagina ularni tezkorlik bilan tugatish imkoniyati vujudga keladi. Nazorat va muhokama uchun savollar
Тavsiya etilayotgan adabiyotlar
Yüklə 2,41 Mb. Dostları ilə paylaş:
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
