Azərbaycan respublikasi məDƏNİYYƏt və turizm naziRLİYİ F. KÖÇƏRLİ adina respublika uşaq kitabxanasi elmi-metodika şÖBƏSİ
Yüklə 371,21 Kb. Pdf görüntüsü
|
| Məktəbli oxucumuzun ifasında sözləri Vaqif Kəhrizliyə aid olan”Şəfəq saçır yenə
Heydər” şeiri dinlənilir. Vətən eşqi gecə - gündüz ürəyində alovlanan, Xalqı üçün yorulmadan zəhmət çəkən hey yaradan. Həyatının mənasını bəxş eyləyən bu xalqına, Əməliylə yol açan Vətənin baharına. Gələcəyə işıq saçan, nur bəxş edən günəş kimi, Düşmənləri yandıran bir alov kimi, atəş kimi, Prezidentim bu xalqına bir qürurdur, bir inamdır. Ölkəmizi bəlalardan hifz eyləyən qəhrəmandır! Onun sonsuz məhəbbəti ürəklərdə tutub qərar. Abadlaşır gündən – günə Vətənimdə hər bir diyar! Xalqa birdir rəhbərimin əqidəsi, vuran qəlbi, O, xalqının böyük oğlu, qüdrətli gənc Heydər idi. Gənc Heydərdir yeni əsrə addımlayır daha mətin, Qapısını açır xalqa, xoşbəxtliyin səadətin! İnam ilə xalqımızın inamına verir təpər. Bu Vətəndə gündüz günəş, gecə nurlu aydır Heydər! II Aparıcı: Bəli, adı müasir tariximizə qızıl hərflərlə yazılan Heydər Əliyevi ancaq yeri-göyü işığa qərq edən, qaranlıqları aydınlaşdıran Günəşlə, bir də qartal məskəni, uca göylərə yüksələn zirvə ilə müqayisə etmək mümkündür. O, bütün cəhətlərə görə hər zaman zirvədə dayanacaq bir şəxsiyyətdir.Onun zəkası, ideyaları daim Azərbaycanın üzərində Günəş kimi parlayacaq, yolumuzu nura qərq edəcək. Heydər Əliyev Tanrının Azərbaycan xalqını sevərək ona göndərdiyi 25 fədakarlıq simvolu idi. Böyük öndərin yeganə amalı, yaşamaq devizi belə idi: Taleyin ona bəxş etdiyi fitri qabiliyyətini, bütün qüvvə və bacarığını, əqli və fiziki potensialını ana yurdu Azərbaycana həsr etmək! Heydər Əliyevin adı tarixə digər böyük xidmətləri ilə yanaşı, ilk növbədə müstəqil Azərbaycanın qurucusu kimi daxil olmuşdur. Heydər Əliyevin böyüklüyü ilk növbədə onun milliliyində, mənsub olduğu xalqa, adət- ənənələrə bağlılığında, vətənpərvərliyində idi.O, varlığı, duyğuları və yanğıları ilə əsl azərbaycanlı idi. Heydər Əliyevin həyatsevərliliyinin, bitib-tükənməyən həvəsinin təməlində ana Vətən, doğma Azərbaycan dayanırdı. Bu böyük insan köklərə möhkəm bağlı olduğuna görə güclü, qüdrətli idi. Böyük öndər bütün həyatı və fəaliyyəti boyu xalqını özünə arxa sanmış və özü də xalqa dayaq durmuşdur. Dillər əzbəri olan musiqisi Kamal, sözləri Baba Vəziroğlu olan “Xalq Heydər söyləyəcək – Heydər xalqım deyəcək “deyimi də məhz bu qırılmaz bağlılığın dəqiq ifadəsidir. Bu vaxt sözləri və musiqisi Xanim İsmayılqızına aid olan “Dahi” mahnısı Faiq Ağayevn ifasında səslənir. Ekranda həmin musiqiyə çəkilmiş klip nümayiş etdirilir. I Aparıcı: Heydər Əliyev Azərbaycan müstəqilliyinin tarixi yaradıcısıdır. O, neçə ömürlərə bəs edən ömür yaşamışdır. Qarşılaşdığı bütün dramatik şəraitlərdən, çıxılmaz və ağır anlardan o, yalnız qalib kimi çıxmışdır. Şair Nəsib Qaramanlı yazır: Bu Vətənə xidmətində, Bu millətə hörmətində, Bu dövlətin qüdrətində Yaşayır Heydər babamız! Əməli zəfər babamız! Heydər Əliyev totalitarizm labirintlərindən Azərbaycanı məharətlə və salamat çıxarmışdır.Ulu öndər nəinki ölkədə sabitliyi bərqərar etdi, həmçinin, Azərbaycanı dünya arenasında sayılıb – seçilən ölkələr içərisinə çıxardı. Hörmətli tədbir iştirakçıları. İndi isə gəlin kitabxananın fəal oxucusunun ifasında şairə Şəlalə Çingizqızının ulu öndərə həsr etdiyi “Xalqın öndəri “şeirini dinləyək. Oxucu: Xalqın tükənmişdi səbri – dözümü, O, yetirdi ağır gündə özünü, Sülh carçısı dedi haqqın sözünü Heydər kimi öndəri var xalqımın. Tanıtdı dünyaya, Azərbaycanı, Torpaqdır, Vətəndir onun imanı, Dağıtdı yurdumdan qara dumanı Heydər kimi öndəri var xalqımın. Doğdu Günəş kimi göylərdən baxdı, 26 Nur olub yurduma şəfəqlər saçdı. Tilsimli yollardan düyünü açdı, Heydər kimi öndəri var xalqımın. II Aparıcı: Bəli, böyük şəxsiyyətləri tarix yetişdirir. Onlar isə tarixdə əbədi iz qoyurlar. Heydər Əliyev böyük dövlət adamı, siyasi xadim, siyasət şahmatının məğlubedilməz qrossmeysteridir. O, müstəqil Azərbaycan Respublikasının bu gününün və gələcəyinin inkişafını təmin edən strategiyanın müəllifi olmuşdur. Azərbaycan xalqının ümummilli lideri Heydər Əliyev, sözün əsl mənasında böyük ömür yaşadı. Lakin onun ideyalarının ömrü, qurduqlarının və yaratdıqlarının ömrü daha böyükdür. Bu sonsuza qədər uzunömürlülük onun öz əlləri ilə qurub yaratdığı və indi Prezident İlham Əliyev tərəfindən uğurla inkişaf etdirilən müstəqil Azərbaycan Respublikasının tərəqqisində, möhkəmlənməsində, qüdrətlənməsində təcəssüm edir. Bu gün dünyanın müxtəlif guşələrində yaşayan hər bir azərbaycanlı böyük iftixar hissi və vüqarla “Mən müstəqil Azərbaycan Respublikasının vətəndaşıyam” – deyə bilir, bununla fəxr edirsə, ulu öndərin Vətəni və Azərbaycan xalqı yolunda şərəfli mücadiləsini, ömrünü şam kimi əritməsini unuda bilməz. Heydər Əliyevin bu mənalı ömür yoluna neçə - neçə dastanlar , poemalar yazıldı. Gəlin bu gün o poemalardan birinə müraciət edək. Xalq şairi Zəlimxan Yaqubun qələmə aldığı ”Böyük ömrün dastanı” poemasına. Yüklə 371,21 Kb. Dostları ilə paylaş:
|