Pedagog kadrlarini qayta tayyorlash va ularning malakasini oshirish tarmoq markazi
Yüklə 1,19 Mb. Pdf görüntüsü
|
| XULOSA VA TAVSIYALAR
Bugungi kunda zamonaviy ta’lim metodlari o‘z maqsadi va mohiyatiga ko‘ra an’anaviy ta’limdan farq qilib, ta’lim oluvchi shaxsining ichki imkoniyatlarini namoyon qilish, rivojlantirish uchun qulay sharoitni yaratishga xizmat qiladi. Bunda ta’lim oluvchilarning o‘zlarini o‘quv faoliyatining sub’ekti sifatida his qilishlari, o‘z ustida ishlashlari, o‘z-o‘zini rivojlantirishlari muhim ahamiyat kasb etadi. Bitiruv loyiha ishida mavzu bo‘yicha ma’lumotlar nazariy jihatdan o‘rganib chiqildi. Mavzuga aloqador bo‘lgan bir qator zarur ilmiy- metodik adabiyotlar tahlil qilindi. Shuningdek, pedagogik texnologiyalar, xususan, interfaol ta’lim texnologiyalarining o‘zbek adabiyotini o‘qitishda qo‘llanilishiga oid ilmiy-uslubiy manbalar o‘rganildi va tahlil qilindi. Malaka oshirish davrida olingan bilimlarga tayangan holda bitiruv loyiha ishida “O‘zbek adabiyoti” fanidan ma’ruza va amaliy mashg‘ulotlar uchun zamonaviy interfaol metodlardan foydalangan holda dars ishlanmalari tayyorlandi. Shuningdek, mustaqil ta’lim soatining shakl va mazmuni ko‘rsatildi. Ishda, asosan, ta’lim jarayonida talabalarning ilmiy-nazariy tafakkurini o‘stirishga, ularni faollashtirishga qaratilgan “Idrok xaritasi”(Mindmapping), “Erkin yozish metodi”, Aqliy hujum, FSMU metodi, BBB jadvali, Keys-stadi texnologiyalaridan ma’ruza va amaliy darslarni o‘tkazishda foydalanish haqida to‘xtalib o‘tildi. Bu, albatta, ta’lim samaradorligini oshishiga xizmat qiladi hamda talabalarda shaxsiy sifatlarning rivojlanishiga, ulardagi iqtidorning yanada yaqqol namoyon bo‘lishida, mustaqil fikr yuritish ko‘nikmalarining shakllanishiga va mavzularni yuqori darajada o‘zlashtirib olishlariga yordam beradi. Talabalar va o‘qituvchi o‘rtasidagi o‘zaro hamkorlikni ta’minlaydi hamda talabalarning ko‘proq o‘z ustida ishlash ma’suliyatini oshiradi. Chunki interfaol metodlarda o‘qituvchi tayyor bilimni bermaydi, u talabalarni to‘g‘ri yo‘l sari yo‘naltiradi. Fikrlarni jamlashga o‘rgatadi, savollar yordamida muammoning yechimini topishga undaydi. Zamonaviy ta’lim metodlari vositasida “O‘tkir Hoshimov asarlarida milliy ruh mavzusining badiiy talqini” modulini o‘qitish asosida talabalarda fuqarolikka doir kompetentlikni rivojlantirish O‘zbekiston Respublikasida fuqarolik jamiyati barpo etilayotgan mavjud sharoitda dolzarb pedagogik ahamiyatga ega masalalardan biri hisoblanadi. Talabalar yozuvchi ijodi va asarlarini puxta o‘rganishlari va o‘z faoliyatlarida olgan bilimlarini mohirona tarzda qo‘llashni bilishlari lozim. Bo‘lajak tarjimonlarda o‘zbek adabiyoti, xususan, O‘tkir Hoshimov ijodini o‘rganishga doir kompetentlikni rivojlantirish, ularni badiiy tarjimaga yo‘naltirilgan pedagogik jarayonning talabaga hurmat bilan yondashish, qiziqish va ehtiyojlarini inobatga olish, ishonch va tashabbuslarni qo‘llab-quvvatlash, hamkorlik, sub’ektivlik, tanlash va individual yondashuv kabi tamoyillarga asoslanishi ularni ta’lim muassasasi va jamiyat ijtimoiy hayotiga faol jalb etishda o‘ziga xos ahamiyat kasb etadi. O‘tkir Hoshimov ijodi talabalar ma’naviyatini yuksaltirishda, badiiy didini o‘stirishda, ularni milliy qadriyatlar asosida tarbiyalashda beqiyos imkoniyatlarga ega bo‘lgan ma’naviy boylikdir. Yozuvchi ijodini o‘qitishda, bir tomondan, yaratilgan xarakter namunalariga tayanib tarbiyalanuvchilar o‘y-fikrlari, kechinmalarning, tuyg‘ularining tarbiya topishi - tozarishi maqsad qilib olinsa, ikkinchi tomondan, ularda milliy vatanparvarlik, yurt uchun mas’ullik tuyg‘usini kamol toptirish vazifasi amalga oshiriladi. Oliy ta’lim muassasalarida o‘zbek adabiyotini o‘qitish jarayonida zamonaviy ta’lim texnologiyalarini keng joriy etish uchun ta’lim muassasalarida faoliyat olib borayotgan professor-o‘qituvchilarga innovatsion ta’lim texnologiyalarini qo‘llash masalalari bo‘yicha o‘z sohasining yetuk mutaxassislarini jalb etgan holda, maxsus seminar-treninglar tashkil etish maqsadga muvofiqdir. |