Pedagogik innovatsion texnologiyalar va adabiy ta’lim

Ta’lim jarayonida ikkita harakatlanuvchi subyekt:

• Ta’lim jarayonida ikkita harakatlanuvchi subyekt:
• o‘qituvchi bilan o‘quvchining har biri o‘z maqsadi yo‘lida faoliyat ko‘rsatishar va ta’lim metodi ularning faoliyat usuli ekan, bu subyektlarning maqsadga erishish yo‘llari har xil bo‘lishi mumkinligi ham ko‘zda tutilishi kerak. O‘qituvchi faoliyatida yo‘naltirish, bilimlarning o‘quvchi tomonidan o‘zlashtirilishini ta’minlash yetakchilik qiladi.
• O‘quvchining faoliyatida esa o‘z-o‘zini tarbiyalash, o‘qisho‘rganishning samarali yo‘llaridan foydalanish ko‘zga tashlanadi. Badiiy asarda ilgari surilgan g‘oya, fikr va mulohazalarni anglash uchun ularning mantiqiy asosini topish talab qilinadi. Shuning uchun o‘quvchi tafakkuri va faoliyatida mustaqillikni ta’minlovchi mantiqiy metodlardan alohida maxsus darslarda emas, umuman adabiy ta’lim jarayonining barcha bosqichlarida, yangi darsni tushuntirishda ham, o‘tilganlarni mustahkamlashda ham, topshiriqlarni bajarishda ham foydalanish mumkin. O‘quvchida ma’naviy barkamollikni ta’minlash asosi bo‘lgan mustaqil tafakkurni shakllantirish va rivojlantirishda mantiqiy metodlar ko‘proq samara beradi.
• Ta’lim jarayonidagi o‘zgarishlardan o‘quvchi ham xabardor qilinishi maqsadga muvofiq bo‘ladi. Har bir mashg‘ulot darsning maqsadi va mavzuni o‘rganishning rejasini ma’lum qilishdan boshlansa, o‘quvchilarga darsda o‘z faoliyati yo‘nalishini aniqlab olishga imkon beriladi. O‘qituvchi tomonidan e’lon qilingan mana shu qisqagina rejada yangi mavzu mazmunining muhim jihatlari belgilab qo‘yilgan bo‘ladi. Bu, o‘z navbatida, o‘quvchini darsga, bilimlarni o‘zlashtirishga ham ruhan tayyorlaydi. Xulosa qilib aytganda ta’limning innavatsion metodlaridan o‘rni bilan foydalanish adabiy ta’lim samaradorligi garovidir