Logistik material axının kəsilməsi ilə bağlı yaranan itkilər.(xərclər)
Bu xərclər əsasən: əmtəələrin gətirilməsi və əmtəələrin göndərilməsi kimi iki hissəyə bölünür.
Əmtəələrin gətirilməsi xərcləri - özündə məhsulların logistik iştirakçılarının anbarlarına gətirilməsi ilə əlaqədar olaraq ödənilmiş bütün tariflar, nəqliyyat rüsumları və habelə yükləmə - boşaltma işlərinin xərcləri birləşdirir.
İkinci hissə logistik xərclər isə məhsul- göndərmələrin bazis şərtləri əsasında material resursları, hazır məhsullar, eləcə də məhsulların logistik vasitəçilərin anbarlarına göndərilməsi zamanı kənar təşkilatların yerinə yetirdikləri yükləmə - boşaltma işlərinin və xidmətlərinin ödənilməsi üzrə xərcləri əks etdirir.
İstehsalcının anbarlarının müxtəlif ərazilərdə sayı artdıqca, istehsal olunmuş məhsulların istehlakçılara göndərilməsi üzrə nəqliyyat xərcləri azalır, Bu əsasən nəqliyyat vasitələrinin yürüşlərinin kəskin şəkildə azalması nəticəsində baş verir.
İstehlakçı sifarişlərinin yerinə yetirilməsi ilə hağlı xərclər.
Bu növ xərclərə anbar uçot əməliyyatlarının aparılması, sifarişlərin qəbulu və onların yerinə yetirilməsi ilə məşğul olan anbar işçilərinin əmək haqları, qablaşdırma və anbar daxilində məhsulların daşınmasına çəkilən xərclər aid edilir. Buna görə də logistik sistemin fəaliyyət stıategıyasının dəyişilməsi ilə adekvatlıq təşkil edən xərclərin müəyyənləşdirilməsi zamanı bu faktoru nəzərə almağa ehtiyac yoxdur.
Potensial istehlakçıların itirlməsi ilə bağlı itkilər.
Bu itkilər anbarların sayının azaldılması və təchizat anbarlarının istehlakçılardan uzaqlaşdırılması ilə əlaqədar satış həcmin azalması nəticəsində baş verə bilər
Anbarların sayının azaldılması nəticəsində xidmət göstərilən məntəqəyə qədər orta məsafə artır. Buna görə də əvvəlki səviyyədə xidmət göstərmək çətinləşir.
Xidmət və ya bölüşdürmə zonalarında anbarların sayının azaldılması istehlakçıların nəqliyyat - tədarükat məsrəflərinin artmasına gətirib çıxara bilər.
Anbar şəbəkələri logistik sistemin mühüm elementi olduğundan bölüşdürmə sistemi üzrə hər bir anbarın normal fəaliyyətini təmin etmək üçün sadalanan xərc maddələrinin minimumluğuna nail olmaq lazımdır. Bu məqsədlə çəkilən məsrəflərin kəmiyyəti qiymətləndirilməli və ümumi məsrəflərin içərisində xüsusi çəkisi yüksək olan maddə üzrə konkret fəaliyyət strategiyası işlənib hazırlanmalıdır. Çəkilən ümumi məsrəflər aşağıdakı formula əsasən hesablanır:
Dostları ilə paylaş: | 
