Psixologik masalalar

PSIXOLOGIK JARAYON
O’rta maktabni tugatgandan keyin oltin medal olganlar orasida Po’lat ham bor edi.
Po’lat – kamtarin, odobli, texnikaga qobiliyati kuchli o’smir. U birinchi sinfdan to 11-sinfgacha kishini hayron qoladigan darajada bir tekis – nuqul “4” va “5” baholar bilan o’qidi.
Po’lat asosan dars tayyorlash bilan mashg’ul bo’ladi. U programma materialidan tashqari deyarli hyech narsa o’qimaydi va deyarli hyech qayoqqa bormaydi-buning uchun vaqti yo’q. U o’quvchiar komitetining a’zosi, o’z vazifalariga katta qiziqish bilan, sidqidildan, halol munosabatda bo’ladi, biroq har doim vaqt yetishmasligidan noliyveradi. Maktabdagi o’tgan kun uni qattiq charchatadi va uyga kelgach, tushlikni qiladi-yu, deyarli har safar yonboshlab yotib uxlab qoladi. Dars tayyorlash ancha uzoq vaqt cho’ziladi. Har bir to’siq va har bir kutilmagan vaziyat uning diqqat-e’tiborini anchagacha band qilib turadi. U bir ishni bir necha marta qilishga moyil. Masalan, uy ishini qayta-qayta ko’chirib yozadi, chunki har safar daftarning u yoki bu yerini iflos qilib buzib qo’yadi.
Fikr tarqoqligi Po’latga xos bo’lgan xususiyatdir: kitobni yoki daftarni ochib qo’yib qanchadan-qancha vaqtini xayol surish bilan o’tkazadi. Po’lat mayda-chuyda narsalarni tezda ilg’ab olib ularni tezda unutishga qodir emas. U allaqachon o’tib ketgan voqealar haqida va hyech qanday real ahamiyatga ega bo’lmagan ishlar ustida tez-tez vaqt sarflab ovora bo’ladi. Masaslan, u ko’pincha o’quvchilar komiteti a’zolari oldida o’z nuqtai nazarini yetarli darajada mufassal bayon etib bermagandek his qiladi va xayolida mana shu allaqachon muhokamadan o’tib bo’lgan masalaga yana qaytib, boshini og’ritib o’tiradi.
Po’lat uchun o’qituvchilar bilan o’zaro munosabatlar o’rnatish masalasi murakkab kechinmalar manbai hisoblanadi. U IX sinfda ham o’qituvchilarga quyi sinflarda qanday munosabatda bo’lgan bo’lsa, shunday muomala qiladi – hamisha ulardan sal qo’rqib, hayiqib turadi.Yuqori sinflarda Po’lat bir vaqtning o’zida bin necha o’qituvchini u yoki bu darajada yaxshi ko’rib qolgan edi. U o’sha o’qituvchilarning tanbehlariga g’oyat diqqat-e’tibor bilan qaraydi. Ularning har bir nigoh tashlashini, qo’l haraktlarini kuzatib boradi.
Po’lat o’z o’rtoqlari bilan muloqotda ham qiynaladi. O’ o’z suhbatdoshining irodasi va kayfiyatiga juda tez berilib ketadi, kim bilan gaplashayotgan bo’lsa beixtiyor o’sha kishining xarakteriga moslashib qoladi; o’zining uyatchanligidan va tevarak-atrofdagi kishilarning shaxsiy xususiyatlariga ortiq darajada diqqat-e’tiborli u o’z shaxsiy xulq-odob qoidasini shakllantirisha jur’at eta olmaydi. Goho u xafachilikka moyil bo’ladi va kimningdir yetarli darajada mehribonchilik qilmagani uchun o’zicha ich-ichidan hafa bo’lib, mayus yuradi.
Po’lat o’z aqliy faoliyatini haddan tashqari ko’p urinchoqlik bilan planlashtiradi va tashkil etadi. VI sinfga o’tishi bilanoq bir yilga mo’ljallab va har bir chorakka mo’ljallab kalendar planlari tuzishga kirishadi. U ko’pincha haftalik grafiklar: ertaga qilinadigan ishlar planini yozib-chizib o’tiradi. Bu planlarda u qilishi kerak bo’lgan ishlarni kitoblarning nomlarini va hatto o’qib chiqiladigan boblar, betlarni ham yozib qo’yadi.
U erkin gapira olmaydi, ehtiyotkorlik ko’rsatib har bir so’zini va jumlasini necha bor o’ylab tanlab gapirayotganga o’xshab tuyuladi. Suhbat vaqtida u ijodiy fikrlashni va shu zahoti bir qarorga kelishni bilmaydi. Uning oldindan o’ylab qo’ygan fikrlarigina ovoz chiqarib o’rtoqlariga aytilgan vaqtda qiziqarli va e’tiborga sazovor bo’lib chiqadi.
Po’lat uzoq muddat aqliy mehnat qilgan vaqtlarida, garchi bu unga yoqadigan ish bo’lsa ham, baribir u asta-sekin charchab, xorib-tolib bo’shashib boradi. Maktabda so’nggi soatlarga borib Po’lat birinchi soatlardagi g’ayrati bilan o’qiy olmaydi. Uning sur’ati tushib ketadi, mudroq bosayotgan odamga o’xshab fikrlaydi. Unga takrorlash darslari ayniqsa ko’proq yoqadi. U yangi materialga ham qiziqish bilan qaraydi, lekin yangi materialni o’zlashtirish vaqtida Po’lat hamisha charchaydi. Yangi materialni so’zlab berayotganda u bir oz hayajonga tushadi. Eski mavzularni takrorlagan vaqtda esa butunlay boshqa holni ko’ramiz. U o’sha materialni puxta o’rganib olgani uchun o’zini juda bemalol erkin tutadi. Asosiy faktlar va g’oyalarni egallab olganidan keyin “qolgan” gaplarni, fikr va mulohazalarni g’oyat tiniqlik va aniqlik bilan ifodalab bera oladi. Po’lat qiladigan ishini bir oz muddat “tashlab qo’yishni” yaxshi iko’radi. Bu vaqt ichida u o’sha ishning butun detallarigacha o’rganib oladi. U haqda uzoq muddat o’ylab yurishni va o’z o’y-fikrlarini takomillashtira borishni afzal ko’radi. Po’lat uchun xarakterli bo’lgan aqliy mehnat topshirig’ini qiyinchilik bilan yengib o’tish holati o’zining ijobiy jihatlariga ham egadir. Bajariladigan ishni chuqur va puxta o’ylab ko’rilishi ana shunday ijobiy jihatlardandir. “Har bir ishni chuqur o’ylab ko’radi” degan ibora Po’lat uchun juda mos keladi. U ba’zan javob berayotganda “kattalarga xos” fikr-mulohaza qilishi, javoblarining chuqur o’ylab ko’rilganligi va yetukligi bilan hammani qoyil qoldiradi. U kelajakda buyuk kishi bo’lib yetishishiga ishonging keladi. U kelgusida o’z ish faoliyatida qanday yutuqlarga erishishi mumkinligi to’g’risida gapirganda xuddi o’z ustidan kulayotgandek allaqanday bir itstehzoli ifodalar sezilib turadi: bu gaplarning real emasligi, bunday orzu-xayollar hali fantaziyadan iborat ekanligi uning o’ziga ham tushunarli, biroq baribir u o’z orzu-istaklari haqida qayta-qayta gapiraveradi. Po’lat maktabni tugatganidan keyin boshlanadigan hayoti quvonch va shodliklarga to’la bo’lajagini ishonch bilan gapiradi.
Talabalarga beriladigan mulohaza uchun savollar

1. 
   Po’latga xos bo’lgan individual xususiyatlarni qanday aniqlash mumkin?
   
2. 
   Po’lat shaxslararo muloqotda o’zini qanday his etadi?
   

3. Darsning samaradorligiga o’quvchi-talaba individualligining ta’siri qanday?