“ZİRAAT BANK AZƏRBAYCAN” ASC-DƏ
FATCA SAZİŞİ ÜZRƏ TƏLƏBLƏRİN İCRA EDİLMƏSİ HAQQINDA
QAYDALAR
BAKI - 2016
1
MÜNDƏRİCAT
1. Ümumi müddəalar ................................................................................................................... 2
2. Əsas anlayışlar ...................................................................................................................... 2-3
3. ABŞ şəxsləri ilə işgüzar münasibətlərin qurulması.............................................................3-4
4. ABŞ şəxslərinin bank hesablarının monitorinqi...................................................................... 4
5. ABŞ şəxsləri ilə maliyyə əməliyyatlarının hədləri ............................................................... 4-5
6. ABŞ fiziki və hüquqi şəxslərinin maliyyə əməliyyatları üzrə hesabatlılıq..........................5-7
7. ABŞ şəxslərinin müştəri məlumatlarının saxlanılması /yenilənməsi ...................................... 7
8. Yekun müddəalar .................................................................................................................... 7
2
1.ÜMUMİ MÜDDƏALAR
“Ziraat Bank Azərbaycan”
ASC-də FATCA sazişi üzrə tələblərin icra edilməsi haqqında Qaydalar
(bundan sonra Qaydalar) Ziraat Bank Azərbaycan ASC-nin (bundan sonra “Bank”) ABŞ məbəli hüquqi
və fiziki şəxslər ilə işgüzar münasibətlərin qurulması, hesabların monitorinqi, Azərbaycan
Respublikasının ərazisində həyata keçirdikləri maliyyə əməliyyatları barədə məlumatların bu dövlətlərin
səlahiyyətli orqanlarına verilməsi hədlərini və qaydalarını müəyyən edir.
Ziraat Bank Azərbaycan ASC ABŞ-Azərbaycan dövlətləri arasında bağlanmış FATCA sazişinin
tələblərinə uyğun olaraq 05.02.2015-ci il tarixində ABŞ-ın Daxili Gəlirlər Xidməti (IRS) portalına
müraciət edərək qeydiyyatdan keçmişdir. Bankın GIIN nömrəsi ZKPVH5.99999.SL.031, müraciət statusu
“Model 1 IGA uyğun olaraq Azərbaycan Respublikasının hesabat verən maliyyə institutu” (Registered
Deemed-Compliant Financial Institution including a Reporting Financial Institution under a Model 1
IGA) olaraq qeydiyyata alınmışdır.
2. ƏSAS ANLAYIŞLAR
FATCA - Xarici Hesablar üzrə Vergi Əməletməsi Aktı (Foreign Account Tax Compliance Act) ABŞ
vətəndaşları və digər vergi ödəyicilərindən onların başqa dövlətlərdə olan maliyyə hesabları haqqında,
xarici maliyyə institutlarından özlərinin bu cür müştəriləri haqqında məlumatların ABŞ-ın Daxili Gəlirlər
İdarəsinə (İRS) açıqlanmasını tələb edən ölkələr arasında bağlanan beynəlxalq aktdır.
GIIN nömrə - 19 Simvoldan ibarət olan hesabat verən maliyyə institutunun xüsusi eyniləşdirmə nömrəsi.
hüquqi şəxs - Azərbaycan Respublikasının xarici dövlətlərlə bağladığı müvafiq beynəlxalq müqavilələrdə
nəzərdə tutulmuş fiziki şəxs olmayan hər hansı şəxs;
hesab sahibi: Hesabı aparan maliyyə institutu tərəfindən hesabın adına olduğu şəxs kimi
müəyyənləşdirilmiş və reyestrə alınmış şəxs
maliyyə institutu- bank, depozitar və həyatın yığım sığortası fəaliyyətlərindən birini həyata keçirən
hüquqi şəxs, habelə investisiya təşkilatı;
depozitar-fəaliyyətinin əhəmiyyətli hissəsini digər şəxslərin xeyrinə maliyyə aktivlərinin saxlanılması
fəaliyyəti təşkil edən hüquqi şəxs. Depozitarın aşağıdakı müddətlərdən daha az olan müddətdə digər
şəxslərin xeyrinə maliyyə aktivlərinin saxlanılması və əlaqədar maliyyə xidmətlərinin göstərilməsi
fəaliyyətindən əldə etdiyi mənfəət onun ümumi fəaliyyəti üzrə əldə etdiyi mənfəətin ən azı 20 %-ni təşkil
edirsə, maliyyə aktivlərinin saxlanılması təşkilatın fəaliyyətinin əhəmiyyətli hissəsini təşkil etmiş hesab
olunur:
`Öz Müştərini Tanı` proqramı – Ziraat Bank Azərbaycan bankının müştərilərlə işgüzar münasibətlərin
qurulması prosesini tənzimləyən beynəxalq standartlar əsasında hazırlanmış ÇPY/TMM daxili nəzarət
proqramı.
ABŞ şəxsi - ABŞ vətəndaşı və ya vergi rezidenti olan istənilən fiziki şəxs və ya ABŞ hüquqi şəxsi;
ABŞ hüquqi şəxsi - ABŞ-da və ya ABŞ federal qanunvericiliyinə və ya ABŞ-ın hər hansı ştatının
qanunvericiliyinə əsasən təsis olunmuş hüquqi şəxs və ya belə hüquqi şəxsin ABŞ xaricindəki filial,
törəmə və ya nümayəndəlikləri;
ABŞ əlamətləri - Fiziki şəxsin ABŞ şəxsi olmasının müəyyənləşdirilməsi üçün yoxlanılan məlumatlar
toplusu.
Model 1 - 1-ci model müvafiq məlumatların digər dövlətin maliyyə institutları tərəfindən İRS-ə birbaşa
deyil, mərkəzləşdirilmiş qaydada, həmin dövlətin təyin edilmiş səlahiyyətli orqanı vasitəsilə ötürülməsini
nəzərdə tutur.
Model 2 - Hökumətlərarası Sazişin 2-ci Modeli məlumatların maliyyə institutlarının özləri tərəfindən
İRS-in elektron portalında qeydiyyatdan keçməklə birbaşa İRS-ə təqdim edilməsini nəzərdə tutur.
investisiya təşkilatı - müştəri üçün və ya onun adından aşağıdakı fəaliyyət və ya əməliyyatlardan birini
və ya bir neçəsini sahibkarlıq fəaliyyəti kimi həyata keçirən (və ya belə fəaliyyətlə məşğul olan təşkilat
tərəfindən idarə olunan) təşkilat:
pul bazarı alətlərinin (çeklər, veksellər, depozit sertifikatları, törəmə qiymətli kağızlar və s.) ticarəti, xarici
valyuta mübadiləsi, məzənnə, faiz dərəcəsi və indeks alətlərinin ticarəti, qiymətli kağızlarla ticarət və ya
əmtəə üzrə fyuçerslərin ticarəti;
-fərdi və kollektiv portfellərin idarə olunması;
3
-digər şəxslərin kapital və ya pul vəsaitlərinin investisiya edilməsi və idarə olunması;
Azərbaycan Respublikasının hesabatverən maliyyə institutu – Azərbaycan Respublikasının xarici
dövlətlərlə bağladığı müvafiq beynəlxalq müqavilələrə uyğun olaraq, həmin xarici dövlətlərin müvafiq
səlahiyyətli orqanlarına təqdim edilməsi nəzərdə tutulmuş məlumatları təqdim etmək öhdəliyi daşıyan
maliyyə institutu;
nəzarət edən şəxs – hüquqi şəxs üzərində nəzarəti və ya idarəetməni həyata keçirən, qərarların qəbul
edilməsində əhəmiyyətli təsirə malik olan fiziki şəxs. Nəzarət edən şəxs anlayışı Maliyyə Tədbirləri üzrə
İşçi Qrupunun (FATF) tövsiyələrinə uyğun qaydada təfsir edilməlidir;
nağd pul dəyəri – müvafiq tarixə aşağıdakı məbləğlərin daha böyük olanıdır:
-həyatın yığım sığortası müqaviləsi üzrə qaytarılan məbləğ;
-sığortalının həyatın yığım sığortası müqaviləsi üzrə borc almaq hüququ olan məbləğ;
bank hesabı – kommersiya hesabı, cari hesab, əmanət hesabı, müddətli və tələbli depozit hesabı və ya
depozit sertifikatı, əmanət sertifikatı, investisiya sertifikatı, borc sertifikatı və ya maliyyə institutları
tərəfindən bank işi və ya analoji fəaliyyətin normal gedişində aparılan digər analoji alətlə təsdiq olunan
hesab., Zəmanətli investisiya müqaviləsinə və ya kredit faizlərinin ödənilməsini nəzərdə tutan digər
müqaviləyə əsasən sığortaçılar tərəfindən saxlanılan məbləğlər də bank hesablarına aiddir;
depozitar hesabı – investisiya məqsədi ilə əldə olunmuş maliyyə alətlərinin və ya müqavilələrin (o
cümlədən, bunlarla məhdudlaşmamaqla, şirkətdəki səhm və ya paylar, notlar, istiqrazlar, təminatsız borc
öhdəlikləri və ya digər borc alətləri, valyuta və ya əmtəə əməliyyatları, kredit defolt svopları, qeyri-
maliyyə indeksinə əsaslanan svoplar, şərti əsas məbləğ müqavilələri, sığorta və ya annuitet müqavilələri,
opsiyonlar və ya digər törəmə alətlər) digər şəxslərin xeyrinə saxlanıldığı hesab (həyatın yığım sığortası
müqaviləsi üzrə hesablar istisna olmaqla);
elektron hesabat (bundan sonra – e-hesabat) – ABŞ-Azərbaycan dövlətləri arasında bağlanmış sazişə
uyğun olaraq, barəsində məlumat tələb edilən hüquqi və fiziki şəxslərinin Azərbaycan Respublikasının
ərazisində həyata keçirdikləri maliyyə əməliyyatları barədə hədləri elektron-rəqəmsal formada Bank
tərəfindən Azərbaycan Respublikasının Vergilər Nazirliyinə (bundan sonra – Vergilər Nazirliyi) təqdim
edildiyi sənəd;
paketləmə – e-hesabat fayllarından vahid arxiv faylının hazırlanması;
maliyyə institutlarında vergi monitorinqi portalı – www.tmfi.gov.az veb səhifəsi;
e-hesabat tərtibatı proqramı – e-hesabatların tərtibi və paketlənməsi üçün istifadə olunan proqram
təminatı;
e-hesabat faylı – e-hesabatın tərtibi üçün zəruri olan məlumatların daxil edilməsi məqsədi ilə Vergilər
Nazirliyi tərəfindən hazırlanmış XML formatlı elektron sənəd;
gücləndirilmiş elektron imza əməliyyatını icra etmək üçün proqram təminatı – oflayn rejimdə
hazırlanaraq paketlənmiş e-hesabatın gücləndirilmiş elektron imza ilə imzalanması üçün istifadə olunan
proqram təminatı.
E-hesabatı oflayn rejimdə hazırlamaq üçün e-hesabat tərtibatı proqramı, gücləndirilmiş elektron imza
əməliyyatını icra etmək üçün proqram təminatı və e-hesabat faylı Azərbaycan Respublikasının hesabat
verən maliyyə institutu tərəfindən öz kompyuterinə maliyyə institutlarında vergi monitorinqi portalının
müvafiq bölməsindən yüklənilməlidir.
E-hesabat tərtibatı proqramı oflayn rejimdə istifadə üçün Vergilər Nazirliyi tərəfindən hazırlanır və
Azərbaycan Respublikasının hesabat verən maliyyə institutlarına əvəzsiz (ödənişsiz) verilir.
3. ABŞ ŞƏXSLƏRİ İLƏ İŞGÜZAR MÜNASİBƏTLƏRİN QURULMASI
3.1.
Bank bütün müştərilərlə bank hesabının açılmasından öncə və işgüzar münasibətlərin qurulması
prosesində Bankın cinayət yolu ilə əldə edilmiş pul vəsaitlərinin leqallaşdırılması və terrorçuluğun
maliyyələşdirilməsi ilə mübarizə haqqında daxili nəzarət sisteminin tələblərini həyata keçirməlidir.
3.2.
ABŞ fiziki və hüquqi şəxslərin ABŞ mənbəli olması bu qaydaların və bankın `Öz Müştərini Tanı`
proqramına daxil olan ABŞ şəxslər ilə işgüzar münasibətlərin qurulması prosedurlarının tələbləri əsasında
həyata keçirilməlidir.
3.3.
Bank tərəfindən hesab açılışı üçün müraciət edən hər bir fiziki və ya hüquqi şəxsin ABŞ mənbəli
olub-olmamasını bu qaydalarda göstərilmiş xüsusi ABŞ əlamətləri əsasında müəyyən edilməlidir.
4
3.4.
Bank bank hesabının açılışı prosesində hər bir müştərini bankın `Öz Müştərini Tanı` proqramının
tələblərinə uyğun olaraq, eyniləşdirmə və verifikasiya prosedurlarını həyata keçirməlidir.
3.5.
Bank hər bir müştərini onun subyektindən, rezident və ya qeyri-rezident olmasından asılı olmayaraq
ABŞ mənbəli olub-olmamasını müəyyən etmək üçün müvafiq özünüqiymətləndirmə anket formalarını
işgüzar münasibətlərin qurulması prosesindən öncə doldurulmasını təmin etməlidir.
3.6.
ABŞ mənbəli fiziki və hüquqi şəxslərin müəyyən edilməsi üçün xüsusi ABŞ əlamətləri
aşağıdakılardır:
ABŞ vətəndaşlığı və ya rezidentliyi;
ABŞ-da anadan olma;
ABŞ-da qeydiyyat və ya faktiki yaşayış ünvanı (o cümlədən ABŞ poçt qutusu – U.S. PO Box);
ABŞ-da telefon nömrəsi;
Maliyyə vəsaitlərinin ABŞ-da mövcud olan hesaba köçürülməsinə dair dövri ödəniş göstəriciləri;
ABŞ-da ünvanı olan şəxsə hesab ilə əlaqədar verilmiş etibarnamə və ya imza səlahiyyəti;
Maliyyə institutunun baza məlumatlarında hesab sahibinə məxsus yeganə ünvanın “vasitəçi ünvanı” və
ya “əmanət ünvanı” olması.
3.7.
Bankda müştərilərin qəbulu ilə məşqul müvafiq struktur bölmələr, müştəriyə onların ABŞ mənbəli
olmasını müəyyən etmək məqsədilə təqdim olunan ABŞ özünüqiymətləndirmə formasının mahiyyəti və
şərtləri haqqında ətraflı məlumat verməlidir.
3.8.
Bank, hər bir fiziki və ya hüquqi şəxs üzrə müvafiq formaları bank hesabı açılışı prosesində
doldurulmasını təmin etməlidir.
3.9.
Banka hesab açılışı üçün müraciət edən şəxsin dolduraraq təqdim ediyi özünüqiymətləndirmə
formaları müştərini qəbul edən bankın struktur bölmə əməkdaşları tərəfindən yoxlanılmalıdır.
3.10.
Müştəri tərəfindən doldurulmuş anket formalarında hər hansı uyğunsuzluq aşkar olunduğu halda
Bank bu barədə müştəriyə məlumat verməli və formanın düzgün şəkildə doldurulmasını bildirməlidir.
3.11.
Banka hesab açılışı üçün müraciət edən şəxs ABŞ özünüqiymətləndirmə anket formalarını
doldurmaqdan imtina etdiyi halda, bank müştəriyə hesab açmamalı, bank əməliyyatları aparmamalıdır.
3.12.
Bank əməkdaşı təqdim olunan özünüqiymətləndirmə anket formasında şəxsin ABŞ mənbəli
olmasını müəyyən edərsə, bu zaman özünüqiymətləndirmə formasının doldurulması qaydalarına uyğun
olaraq digər formanı (fiziki/hüquqi şəxs W9 forması) müştəriyə təqdim etməli, formanın mahiyyəti və
doldurulması qaydaları haqqında müştəriyə məlumat verilməlidir.
3.13.
Təqdim olunan özünüqiymətləndirmə anket formasında şəxsin ABŞ mənbəli olması müəyyən
olunmursa, bu zaman özünüqiymətləndirmə formasının doldurulması qaydalarına uyğun olaraq digər
forma (fiziki şəxs – W8 BEN , hüquqi şəxs – W8BEN-E) müştəriyə təqdim olunmalı və formanın
mahiyyəti və doldurulma qaydaları haqqında müştəriyə məlumat verilməlidir.
3.14.
Bu qaydaların tələblərinə uyğun olaraq müştəri əgər hər hansı formanı doldurmaqdan imtina
edərsə, bu zaman bank müştəriyə bank hesabı açmamalı, bank əməliyyatlarını icra etməməlidir.
3.15.
Bank, hər bir müştərinin hesab açılışı üçün təqdim etdiyi məlumatları `Öz Müştərini Tanı`
proqramının tələblərinə uyğun olaraq bankın daxili bankçılıq sisteminə daxil etməlidir.
4.
ABŞ ŞƏXSLƏRİNİN BANK HESABLARININ MONİTORİNQİ
4.1.
Bank tərəfindən ABŞ fiziki və ya hüquqi şəxsi olaraq müəyyən olunmuş şəxslərin bank hesabları
yüksək riskli müştəri qrupu olaraq müəyyən edilməlidir.
4.2.
Bankın FATCA sazişinin tələblərinə riayət olunması məqsədilə ABŞ şəxslərinin bank hesabları üzrə
mütəmadi olaraq məsul şəxs tərəfindən monitorinqi aparılmalıdır.
4.3.
ABŞ şəxslərinin bank hesablarının monitoriqi nəticəsində hesabların qalığı, hesab üzrə aparılan bank
əməliyyatları və s. xüsusiyyətlər nəzərə alınmalıdır.
5.
ABŞ ŞƏXSLƏRİ İLƏ MALİYYƏ ƏMƏLİYYATLARININ HƏDLƏRİ
Bank tərəfindən ABŞ məbəli hüquqi və fiziki şəxslərinin Azərbaycan Respublikasının ərazisində
həyata keçirdikləri maliyyə əməliyyatları barədə məlumatlar həmin dövlətlərin səlahiyyətli orqanlarına
aşağıdakı hədlərdə verilir:
5
5.1. ABŞ məbəli hüquqi və fiziki şəxslərinin Azərbaycan Respublikasının ərazisində maliyyə
əməliyyatları həyata keçirən və ABŞ-Azərbaycan dövlətləri arasında bağlanılan müvafiq beynəlxalq
sazişə uyğun olaraq, barəsində məlumat tələb edilən hər bir hüquqi və fiziki şəxsinin adı, ünvanı və vergi
eyniləşdirmə (identifikasiya) nömrəsi (əgər varsa), habelə beynəlxalq müqavilənin tərəfi olan xarici
dövlətin şəxsi hesab olunmayan hüquqi şəxsin bir və ya bir neçə nəzarət edən şəxsi həmin dövlətin şəxsi
olduğu halda, belə hüquqi şəxsin və nəzarət edən şəxsin hər birinin adı, ünvanı və həmin xarici dövlətdə
aldığı vergi identifikasiya nömrəsi (əgər varsa);
5.2. ABŞ məbəli hüquqi və fiziki şəxslərinin Azərbaycan Respublikasının ərazisində maliyyə
əməliyyatları həyata keçirən, ABŞ-Azərbaycan dövlətləri arasında bağlanılan müvafiq beynəlxalq sazişə
uyğun olaraq, barəsində məlumat tələb edilən və vergi identifikasiya nömrəsi Bankın məlumat bazasında
olmayan fiziki şəxsinin və beynəlxalq müqavilənin tərəfi olan xarici dövlətin şəxsi hesab olunmayan
hüquqi şəxsin həmin xarici dövlətin şəxsi olan və həmin xarici dövlətdə aldığı vergi identifikasiya
nömrəsi Bankın məlumat bazasında olmayan nəzarət edən şəxsinin doğulduğu tarix;
5.3. Hesab nömrəsi (hesab nömrəsi olmadıqda, digər funksional ekvivalent);
5.4. Bankın adı və beynəlxalq müqaviləyə uyğun olaraq, xarici dövlətin məlumat bazasında maliyyə
institutu kimi qeydiyyata alınması tələb olunduğu halda müvafiq identifikasiya nömrəsi;
5.5. Hesab sahibinin Bankda olan hesablarının müvafiq təqvim ilinin və ya digər müvafiq hesabat
dövrünün sonuna və ya əgər hesablar il ərzində bağlanmışdırsa, bilavasitə bağlanmazdan əvvəl cəmi
qalığı və ya dəyəri (həyatın yığım sığortası müqaviləsi üzrə nağd pul dəyəri və ya qaytarılan məbləğ);
5.6. hər hansı depozitar hesabı üzrə:
5.7. təqvim ili və ya digər müvafiq hesabat dövrü ərzində hesabda saxlanılan aktivlərlə bağlı hesaba (və
ya hesabla bağlı) ödənilmiş və ya hesablanmış faizlərin, dividendlərin və digər gəlirlərin ümumi məbləği;
5.8. Bank hesab sahibi üçün depozitar, broker, nominal saxlayıcı və ya agent kimi çıxış etdiyi aktivin
satılmasından və ya girovdan azad edilməsindən əldə olunan və təqvim ili və ya digər müvafiq hesabat
dövrü ərzində hesaba ödənilmiş və ya hesablanmış ümumi gəlirləri;
5.9. təqvim ili və ya digər müvafiq hesabat dövrü ərzində bank hesabına ödənilmiş və ya hesablanmış
faizlərin ümumi məbləği;
5.10. bu Qaydaların 5.8-cı və 5.9-cu yarımbəndlərində göstərilməyən hər hansı hesab üzrə, təqvim ili və
ya digər müvafiq hesabat dövrü ərzində Bankın öhdəlik götürdüyü və ya borclu olduğu hesabla əlaqədar
hesab sahibinə ödənilmiş və ya hesablanmış ümumi məbləğ, o cümlədən hesab sahibinə geri qaytarılan
ödənişlərin ümumi məbləği.
6.
ABŞ FİZİKİ VƏ HÜQUQİ ŞƏXSLƏRİNİN MALİYYƏ ƏMƏLİYYATLARI ÜZRƏ
HESABATLILIQ
BankınAzərbaycan Respublikasının hesabatverən maliyyə institutu olaraq, ABŞ məbəli hüquqi və
fiziki şəxslərinin Azərbaycan Respublikası ərazisində həyata keçirdikləri maliyyə əməliyyatları barədə
məlumatların Vergilər Nazirliyinə verilməsi qaydası aşağıdakı şəkildə müəyyən olunmuşdur:
6.1. ABŞ-Azərbaycan dövlətləri arasında bağlanan sazişə uyğun olaraq, hesabat verilməli maliyyə
əməliyyatları barədə məlumatlar Bank tərəfindən Azərbaycan Respublikasının xarici dövlətlərlə bağladığı
müvafiq beynəlxalq müqavilələrdə nəzərdə tutulmuş müddətlərdə, lakin məlumatların aid olduğu təqvim
ili başa çatdıqdan sonrakı ilin 01 iyul tarixindən gec olmayaraq Vergilər Nazirliyinə ötürülməlidir.
6.2. ABŞ-Azərbaycan dövlətləri arasında bağlanan sazişə uyğun olaraq, hesabat verilməli maliyyə
əməliyyatları barədə məlumatlar Bank tərəfindən Vergilər Nazirliyinə ötürülərkən, Azərbaycan
Respublikasının müvafiq qanunvericilik aktlarında və tərəfdar çıxdığı beynəlxalq sazişlərdə nəzərdə
tutulmuş məxfiliklə bağlı tələblərə əməl edilməlidir.
6.3. ABŞ-Azərbaycan dövlətləri arasında bağlanan sazişə uyğun olaraq, hesabat verilməli maliyyə
əməliyyatları barədə məlumatlar Bank tərəfindən Vergilər Nazirliyinə ötürülərkən, məbləğlərin əks
olunduğu valyuta mütləq göstərilməlidir.
6.4. ABŞ-Azərbaycan dövlətləri arasında bağlanan sazişə uyğun olaraq, hesabat verilməli maliyyə
əməliyyatları barədə məlumatlar yalnız e-hesabat vasitəsilə təqdim edilir.
6.5. Bank elektron sənəd mübadiləsi ilə bağlı Vergilər Nazirliyinin bütün təlimat və qaydalarına əməl
edir, e-hesabatı bu Qaydaların 6.1-ci bəndində nəzərdə tutulmuş müddətlərdə vergi orqanına göndərir. E-
6
hesabatın Bank tərəfindən Vergilər Nazirliyinə təqdim edilməsi və Vergilər Nazirliyi arasında elektron
sənəd mübadiləsinin aparılması gücləndirilmiş elektron imza vasitəsilə həyata keçirilir.
6.6. E-hesabat Bank tərəfindən Vergilər Nazirliyinə vergi monitorinqi portalından istifadə edilməklə
onlayn rejimdə və ya e-hesabat tərtibatı proqramından, yaxud e-hesabat faylından istifadə edilməklə
oflayn rejimdə tərtib edilə bilər.
6.7. E-hesabatın onlayn rejimdə tərtibi üçün, gücləndirilmiş elektron imza ilə maliyyə institutlarında vergi
monitorinqi portalının “Şəxsi kabinet” bölməsinə daxil olunur və zəruri məlumatlar daxil edilir. Tərtib
edilmiş e-hesabat bu bölmədə imzalanaraq Vergilər Nazirliyinə təqdim olunur.
6.8. E-hesabatın e-hesabat tərtibatı proqramından istifadə edilməklə tərtibi üçün zəruri məlumatlar e-
hesabat tərtibatı proqramının müvafiq bölmələrinə daxil edilir və həmin proqram təminatı vasitəsilə
paketlənir.
6.9. E-hesabatın e-hesabat faylından istifadə edilməklə tərtibi üçün zəruri məlumatlar e-hesabat faylının
müvafiq bölmələrinə yerləşdirilərək XML fayl hazırlanır və həmin fayl paketlənir.
6.10. Bank e-hesabatı bu Qaydaların 6.8-ci və ya 6.9-cu bəndlərində nəzərdə tutulmuş qaydada tərtib
edərsə, Bank e-hesabatı paketlədikdən sonra gücləndirilmiş elektron imza əməliyyatını icra etmək üçün
proqram təminatı vasitəsilə imzalayır, internetə qoşularaq maliyyə institutlarında vergi monitorinqi
portalına bağlanır və hazırladığı imzalanmış paket faylını sistemə göndərir.
6.11. E-hesabat bu Qaydaların 6.7-ci, 6.8-ci və 6.9-cu bəndlərində nəzərdə tutulmuş qaydada tərtib
edilərkən, məlumatlar Bank tərəfindən e-hesabatın tələblərinə uyğun olaraq daxil edilir. Bank tərəfindən
daxil edilmiş məlumatlar müvafiq olaraq maliyyə institutlarında vergi monitorinqi portalı və ya e-hesabat
tərtibatı proqramı tərəfindən ilkin olaraq yoxlanılır və müvafiq tələblərə cavab vermədikdə qəbul edilmir.
6.12. E-hesabat Bank tərəfindən Vergilər Nazirliyinə təqdim edilməzdən əvvəl Bankın ən azı iki vəzifəli
şəxsi (rəhbər və FATCA sazişinin şərtlərinin əməl edilməsi üzrə təyin olunmuş məsul şəxs (bundan sonra
– məsul şəxs) tərəfindən gücləndirilmiş elektron imza ilə təsdiq olunmalı və maliyyə institutlarında vergi
monitorinqi portalından istifadə edilməklə Vergilər Nazirliyinə təqdim olunmalıdır.
6.13. Bank tərəfindən Vergilər Nazirliyinə təqdim edilmiş müvafiq e-hesabat, Vergilər Nazirliyi
tərəfindən Azərbaycan Respublikasının bağladığı beynəlxalq müqavilənin tərəfi olan xarici dövlətin
səlahiyyətli orqanına ötürülənədək, həmin e-hesabatdakı məlumatlarda hər hansı dəyişiklik edilməsinə
zərurət yarandığı halda Bank “dəqiqləşmiş” e-hesabat təqdim edir.
6.14. Bank tərəfindən Vergilər Nazirliyinə təqdim edilmiş müvafiq e-hesabat Vergilər Nazirliyi tərəfindən
Azərbaycan Respublikasının bağladığı beynəlxalq müqavilənin tərəfi olan xarici dövlətin səlahiyyətli
orqanına ötürüldükdən sonra həmin səlahiyyətli orqan tərəfindən e-hesabatdakı hər hansı hesab sahibi
barədə məlumatlara düzəliş edilməsi tələb edildikdə, Bank müvafiq hesab sahibləri barəsindəki
məlumatların düzəliş edilmiş versiyasını həmin hesab sahibləri üçün “düzəliş” bölməsini seçməklə
yenidən tərtib edərək imzaladıqdan sonra “düzəliş” e-hesabatı formasında Vergilər Nazirliyinə təqdim
edir.
6.15. Bank tərəfindən Vergilər Nazirliyinə təqdim edilmiş müvafiq e-hesabat Vergilər Nazirliyi tərəfindən
Azərbaycan Respublikasının bağladığı beynəlxalq müqavilənin tərəfi olan xarici dövlətin səlahiyyətli
orqanına ötürüldükdən sonra Bank müvafiq e-hesabatdakı hər hansı məlumatda dəyişiklik etmək
istədikdə, müvafiq hesab sahibləri barəsindəki məlumatların dəyişiklik edilmiş versiyasını həmin hesab
sahibləri üçün “dəyişiklik” bölməsini seçməklə yenidən tərtib edərək imzaladıqdan sonra “dəyişiklik” e-
hesabatı formasında Vergilər Nazirliyinə təqdim edir.
6.16. Bank tərəfindən Vergilər Nazirliyinə təqdim edilmiş müvafiq e-hesabat Vergilər Nazirliyi tərəfindən
Azərbaycan Respublikasının bağladığı beynəlxalq müqavilənin tərəfi olan xarici dövlətin səlahiyyətli
orqanına ötürüldükdən sonra e-hesabatdakı hər hansı hesab sahibi barədə məlumatların ləğv edilərək
yenidən göndərilməsi zərurəti yaranarsa, Bank Vergilər Nazirliyinə “ləğv” e-hesabatı təqdim edir. Bu
halda, Bank, məlumatları ləğv edilən müvafiq hesab sahibləri barədə təqdim etdiyi məlumatları “ləğv”
bölməsini seçərək yenidən təqdim etməklə yanaşı, həmin hesab sahibinə dair məlumatların yenilənmiş
versiyasını “yeni” bölməsini seçməklə əlavə olaraq e-hesabata daxil edir.
6.17. E-hesabatın tərtibi və dəqiqləşdirilməsi, e-hesabata düzəliş və ya dəyişiklik edilməsi və ya e-
hesabatdakı məlumatların ləğv edilməsi üzrə əməliyyatların həyata keçirilməsi qaydaları Vergilər
Nazirliyi tərəfindən müəyyən edilir.
7
6.18. E-hesabatın tərtibi və dəqiqləşdirilməsi, e-hesabata düzəliş və ya dəyişiklik edilməsi və ya e-
hesabatdakı məlumatların ləğv edilməsi Bankın rəhbəri tərəfindən səlahiyyət verilmiş məsul şəxs və ya
operator tərəfindən həyata keçirilir və Bank rəhbəri isə həmin e-hesabatları təsdiq və ya rədd edir.
6.19. E-hesabatın tərtibi və dəqiqləşdirilməsi, e-hesabata düzəliş və ya dəyişiklik edilməsi və ya e-
hesabatdakı məlumatların ləğv edilməsi, yaxud e-hesabatın imzalanması üzrə əməliyyatların həyata
keçirilməsinin digər səlahiyyətli şəxs (şəxslər) tərəfindən həyata keçirilməsinə icazənin verilməsi rəhbər
tərəfindən maliyyə institutlarında vergi monitorinqi portalının “Şəxsi kabinet” bölməsində yaradılmış
“İdarəetmə” səhifəsindən istifadə edilməklə həyata keçirilir və gücləndirilmiş elektron imza vasitəsilə
təsdiq edilir.
6.20. Bank vergi orqanına təqdim etdiyi e-hesabatların, Azərbaycan Respublikasının xarici dövlətlərlə
bağladığı müvafiq beynəlxalq müqavilələr çərçivəsində həmin hesabatverən maliyyə institutunun
yoxladığı bütün fiziki və hüquqi şəxslərlə əlaqədar əldə etdiyi sənədlərin və vergi orqanından daxil olmuş
bütün elektron sənədlərin Banka daxil olduğu gündən etibarən 7 ildən az olmayan müddətdə
saxlanılmasını təmin edir.
6.21. Bank Azərbaycan Respublikasının xarici dövlətlərlə bağladığı müvafiq beynəlxalq müqavilələr
çərçivəsində yoxladığı bütün fiziki və hüquqi şəxslərlə əlaqədar əldə etdiyi sənədlərin əslini və ya təsdiq
edilmiş surətlərini Vergilər Nazirliyinin və ya Azərbaycan Respublikasının bağladığı beynəlxalq
müqavilənin tərəfi olan xarici dövlətin səlahiyyətli orqanının tələbi əsasında Vergilər Nazirliyinə təqdim
edir.
6.22. Bank elektron sənədlər mübadiləsinin aparıldığı iş yerinin təhlükəsizliyini müstəqil təmin edir.
6.23. Elektron mübadilənin aparılması prosesində aşkar edilmiş səhvlərin və ya uyğunsuzluqların aradan
qaldırılması Bank və vergi orqanının qarşılıqlı təşəbbüskarlığı əsasında həyata keçirilir.
7.
ABŞ ŞƏXSLƏRİNİN MÜŞTƏRİ MƏLUMATLARININ SAXLANILMASI
/YENİLƏNMƏSİ
7.1. Bank tərəfindən ABŞ fiziki və hüquqi şəxslərin müştəri dosyeləri Öz Müştərini tanı proqramının və
digər bankdaxili qaydalar nəzərə alınmaqla, hesabın bağlanmasından sonra minimum olaraq 5 il
müddətində saxlanılması təmin edilməlidir.
7.2. Özünüqiymətləndirmə anketində qeyd olunan məlumatlarda hər hansı bir dəyişiklik baş verərsə və ya
hər hansı bir yanlışlıq olduğu ortaya çıxarsa, həmin özünüqiymətləndirmə anketini təqdim edən şəxs
tərəfindən 30 (otuz) gün ərzində yeni özünüqiymətləndirmə anketi təqdim edilməlidir.
8.
YEKUN MÜDDƏALAR
Bu Qaydalar Bankın Müşahidə Şurası tərəfindən təsdiq olunur. Bu Qaydalara bütün dəyişikliklər
və əlavələr Bankın Müşahidə Şurasının qərarı əsasında aparılır.
Dostları ilə paylaş: |