3.
Sahibkarlığın dövlət tərəfindən hüquqi tənzimlənməsi-
“Sahibkarlıq fəaliyyəti” haqqında qanun.
Ölkəmizdə işgüzar fəaliyyətlə bağlı baza xarakterli qanunlardan biri
“Sahibkarlıq fəaliyyəti”
haqqında qanundur. Bu hüquqi sənəd Azərbaycan
Respublikasında sahibkarlığın prinsiplərini, sahibkarlıq fəaliyyəti subyektlərinin
hüquq və vəzifələrini, həmçinin onların məsuliyyətlərini müəyyən edir,
sahibkarlıq fəaliyyətinin dövlət tərəfindən müdafiə edilməsinin və
həvəsləndirilməsinin forma və üsullarını açıqlayır, sahibkarların dövlətlə
qarşılıqlı münasibətlərini tənzimləyir. Bu qanun həmçinin bütün mülkiyyət
formalarının bərabərliyi, müstəqil olaraq işgüzar fəaliyyət sahəsinin seçilməsi və
iqtisadi qərarlar qəbul edilməsi əsasında təşəbbüskarlığın və işgüzarlığın geniş
təzahür etməsi üçün əlverişli şəraitin yaradılmasına yönəldilmişdir.
Qanunda göstərilir ki, dövlət sahibkarlıq fəaliyyətinin qanunvericilik,
inzibati hüquq, büdcə, vergi və pul-kredit sistemləri vasitəsilə tənzimləyir,
sahibkarlığa kömək məqsədilə informasiya, məsləhət, elm və tədris mərkəzləri,
maliyyə fondları yaradır, həmçinin bir sıra belə xarakterli tədbirlər həyata
keçirir. Lakin bu zaman dövlət hakimiyyəti və idarəetmə orqanlarına
8
BAKI-2021
sahibkarlığın bu və ya digər növü üçün əlverişli fəaliyyət şəraiti yaradılmasına
xüsusi imtiyazlar verən qərarlar qəbul etmək qadağan olunur.
Sahibkarlığın dövlət tərəfindən hüquqi tənzimlənməsi üzrə dünya
təcrübəsi göstərir ki, yeni hüquqi sənədlər qəbul edilərkən iqtisadi qanunçuluğu
bərqərar etmək məqsədilə aşağıdakı prinsiplər əsas götürülür:
- dövlətin iqtisadi
qanunları, hüquqi normaları ümumi, dəqiq və daimi xarakter daşımalı, dövlət
onu istədiyi vaxt dəyişmək imkanına malik olmamalıdır; - müvafiq iqtisadi
qanunlar sahibkarlıq subyektlərinə münasibətdə ayrı seçkilik yaratmamalı və
eyni iqtisadi fəaliyyəti həyata keçiriən bütün təsərrüfat subyektlərinə şamil
edilməlidir; - hüquqi qanunlar sahibkarlıq subyektlərinin iqtisadi fəaliyyətinin
yalnız ümumi şəraitini təmin etməli, lakin bu şərait daxilində onların fərdi
qərarlarını məhdudlaşdırmamalıdır; - dövlətin iqtisadi qanunlar sistemində bir-
birinə zidd olan, bir-birini inkar edən sənədlər olmamalı, mövcud olan və yeni
dərc edilən qanunlar bir-birini tamamlamalı və şərtləndirməli, sahibkarlığın
hüquqi bazasının daha da genişləndirilməsinə və yaxşılaşmasına xidmət
etməlidir; - sahibkarlığın hüquqi bazası möhkəm sosila təminata malik
olmalıdır. Bu o deməkdir ki, sahibkarlıq fəaliyyətinin subyektləri qanunlarda öz
əksini tapmış müddəalara etimad göstərməli, sahibkarlığı əhatə edən hüquqi
mühitin daimiliyinə və səmərəsinə inanmalıdırlar.
İqtisadiyyatın
Dostları ilə paylaş: |