Reja: Oziq-ovqat xavfsizligini

2. O’zbekistonda oziq-ovqat sanoatini rivojlantirish omillari

O’zbekiston mustaqillikning dastlabki yillaridan ijtimoiy yo’naltirilgan bozor iqtisodiyotiga asoslangan huquqiy demokratik davlat qurish, barcha sohalarda keng ko’lamli izchil islohotlarni amalga oshirish bo’yicha o’zining tadrijiy taraqqiyot yo’lini tanladi. Bunda aholini to’g’ri ovqatlanish me‘yorlariga mos, yuqori sifatli va xavfsiz oziq-ovqat mahsulotlari bilan ta‘minlash mamlakatimizni ijtimoiy-iqtisodiy rivojlantirishning asosiy yo’nalishlaridan biri etib belgilandi. Shu munosabat bilan fermer xo’jaliklarini rivojlantirish asosida iqtisodiy islohotlarni kuchaytirish, qishloqda ishlab chiqarish munosabatlarini takomillashtirish, boshqaruvning bozor tamoyillariga mos tashkiliy tuzilmasini joriy etish, qishloq xo’jaligi mahsulotlari ishlab chiqaruvchilarning mustaqilligini kengaytirish va ularning huquqiy himoyasini ta‘minlashga doir chora-tadbirlar amalga oshirildi.
O‘zbekiston Respublikasini birinchi prezidenti 1991 yil 29 noyabrda qabul qilingan ―Respublikada dehqon (fermer) xo’jaliklarini yanada mustahkamlash va


⁵ Muslimbekova D. ―Oziq-ovqat xavfsizligi – muhim masala‖.//‖Mening mulkim-Chastnaya sobstvennost‖. – Toshkent, 2014. 08 avgust
tadbirkorlik faoliyatini davlat yo’li bilan qo’llab-quvvatlash to’g’risida‖gi farmoni mamlakatimizda fermerlik harakatini rivojlantirish uchun asos bo’lib xizmat qildi. Bu borada qabul qilingan Yer kodeksi, ―Fermer xo’jaligi to’g’risida‖, ―Dehqon xo’jaligi to’g’risida‖ va ―Tadbirkorlik faoliyati erkinligining kafolatlari to’g’risida‖gi qonunlar fermerlikni rivojlantirish, ularning iqtisodiy hamda moliyaviy mustaqilligini ta‘minlash uchun mustahkam huquqiy asos yaratdi.
Bundan tashqari, ishlab chiqarish hajmini kengaytirish, fermer xo’jaliklari samaradorligi va rentabelligini izchil oshirishni ta‘minlaydigan moddiy-texnik bazani mustahkamlash, yer maydonlarini optimallashtirish bo’yicha kompleks chora-tadbirlar amalga oshirildi. Ayni paytda qishloqlarda fermer xo’jaliklariga keng turdagi xizmatlar ko’rsatadigan zamonaviy ishlab chiqarish va bozor infratuzilmasi shakllantirilmoqda.
Mamlakatimiz birinchi prezidenti 2012 yil 22 oktyabrdagi ―O’zbekistonda fermerlik faoliyatini tashkil qilishni yanada takomillashtirish va uni rivojlantirish chora-tadbirlari to’g’risida‖gi Farmoni mamlakatimizda qishloq xo’jaligi tarmog’ini isloh etishning mantiqiy davomi bo’ldi. Mazkur hujjat fermer xo’jaliklarining samaradorligini oshirish, huquq va vakolatlarini kengaytirish, yer- suv resurslari va yaratilgan ishlab chiqarish salohiyatidan unumli foydalanish, qishloqni jadal rivojlantirish va obodonlashtirish, aholi bandligi hamda farovonligini ta‘minlashda ularning rolini kuchaytirish imkonini bermoqda. Farmonga muvofiq, tashkil qilingan O’zbekiston Fermerlari kengashi, viloyatlar va tumanlar fermerlar kengashlari davlat va xo’jalik boshqaruvi organlari, mahalliy davlat hokimiyati idoralari, tayyorlov, ta‘minot va xizmat ko’rsatish tashkilotlari bilan munosabatlarda, shuningdek, sudlarda ish ko’rib chiqilayotganda fermer xo’jaliklarining huquq va qonuniy manfaatlarini himoya qilmoqda.
Chunonchi, O’zbekistonda 1990 yilda aholining oziq-ovqat, asosan go’sht, sut va qandolatchilik mahsulotlariga ehtiyoji import hisobiga qondirilgan bo’lsa, unda bugungi kunda aholining ushbu mahsulotlarga ehtiyoji 96 foizga respublikada ishlab chiqarilayotgan mahsulotlar hisobiga qondirilmoqda.
Ayni paytda O’zbekistonning har bir fuqarosi bir oy ichida 40 turdagi oziq- ovqat mahsuloti sotib olishi mumkin va bunga o’rtacha ish haqining 40 foizini sarflaydi.
―Qishloq xo’jaligi xom ashyosini chuqur qayta ishlash, yetishtirilgan mahsulotlarni saqlash infratuzilmasini rivojlantirishga ham alohida e‘tibor qaratilmoqda. O’tgan yili qishloq xo’jaligi mahsulotlarini qayta ishlaydigan korxona, yangi sovutish kamerasi tashkil etildi va modernizatsiya qilindi.. Bu esa, yil davomida narxlarning mavsumiy keskin oshib ketishiga yo’l qo’ymasdan, aholini asosiy turdagi qishloq xo’jaligi mahsulotlari bilan uzluksiz ta‘minlash, ushbu mahsulotlarni eksport qilishni kengaytirish, narx-navo barqarorligini saqlash imkonini bermoqda‖ ⁶.
Mustaqillik yillarida go’sht iste‘moli aholi jon boshiga 1,3 marotaba, sut va sut mahsulotlari 1,6 barobarga, qayta ishlangan meva-sabzavot mahsuloti iste‘moli esa deyarli 4 barobarga oshgan. Bu xalqimiz turmush tarzining o’sib borayotganidan guvohlik beradi.
Tahlillarning ko’rsatishicha, respublikada, umuman olganda, iste‘molning minimal darajasi asosan mahalliy ishlab chiqarish hisobiga ta‘minlanmoqda.
Oziq-ovqat sanoati korxonalari ishlab chiqarayotgan mahsulotlar turi ham sezilarli darajada kengaydi. Masalan, soya, maxsar, kungaboqar kabi tarkibida moy bo’lgan o’simliklarni yetishtirish uchun ajratilayotgan yer maydonlaridan olingan hosil hisobiga yog’-moy korxonalari tomonidan yiliga o’rtacha 95 ming tonna xom ashyo tayyorlanib, qayta ishlanmoqda. Non va non mahsulotlari turi ham ko’paydi. Ayni paytda mamlakatimiz korxonalarida uch yuzdan ziyod turdagi non mahsulotlari tayyorlanmoqda.
Oziq-ovqat sanoati korxonalari tomonidan 3 mingdan ko’proq nomdagi turli oziq-ovqat mahsuloti ishlab chiqarilmoqda va oziq-ovqat mahsulotlari assortimenti har yili 80 ta yangi nom bilan boyib bormoqda.


⁶ I.A.Karimov. ―Bosh maqsadimiz – mavjud qiyinchiliklarga qaramasdan, olib borayotgan islohotlarni, iqtisodiyotimizda tarkibiy o’zgarishlarni izchil davom ettirish, xususiy mulkchilik, kichik biznes va tadbirkorlikka yanada keng yo’l ochib berish hisobidan oldinga yurishdir.//‖Xalq so’zi‖, 2016 yil 16 yanvar.
Ishlab chiqarilayotgan mahsulotlarning sifatini ta‘minlash maqsadida oziq- ovqat sanoatining korxonalari ISO-9001 xalqaro sifat standartlari va tayyor mahsulotlar xavfsizligi xalqaro sifat standarti ISO-22000 joriy qilingan.
Mahalliy oziq-ovqat va xom ashyo ishlab chiqarishni barqaror rivojlantirish, bozorga xavfsiz oziq-ovqat mahsulotlari va iste‘mol me‘yorlarida o’rnatilgan assortimentda yetkazish bo’yicha choralar amalga oshirilmoqda. Bu choralar respublikada oziq-ovqat mahsulotlari xavfsizligini oshirishga ko’maklashmokda.
Real sektor korxonalarida ishlab chiqarishni modernizatsiya va diversifikatsiya qilishni rag’batlantirish hamda qo’llab-quvvatlash bo’yicha amalga oshirilgan chora-tadbirlar oziq-ovqat tovarlari ishlab chiqarishning o’sishini ta‘minladi. 2015 yilda oziq-ovqat sanoatida ishlab chiqarish umumiy hajmi 16729,2 mlrd. so’mni, o’sish sur‘ati esa o’tgan yilga nisbatan 114,4 foizni tashkil etdi.
2014 yilga nisbatan mahsulotlar ishlab chiqarish hajmi shakar sanoatida – 23,7 foizga, meva va sabzavot sanoatida – 17,9 foizga, go’sht va sut sanoatida – 5,7 foizga, yog’ va moy sanoatida – 3,7 foizga o’sgani kuzatildi.
Hisobot davrida, o’tgan yilning tegishli davriga nisbatan, tarmoqning yirik korxonalari tomonidan ishlab chiqarish hajmlari quyidagi mahsulot turlari bo’yicha oshirildi: go’sht konservalari – 8,0 martaga, go’sht va o’simlik konservalari – 2,0 martaga, shinni (melassa) – 40,9 foizga, margarin va spredlar – 16,5 foizga, marmelad, jele – 20,2 foizga, uzoq saqlanmaydigan qandolat mahsulotlari – 17,8 foizga, shakar – 16,3 foizga, uzoq saqlanmaydigan boshqa non mahsulotlari – 14,0 foizga, ishlov berilgan suyuq sut – 11,4 foizga, saryog’ – 7,9 foizga, bug’doy noni
– 6,3 foizga.
Shuningdek, 2014 yilga nisbatan, spirt nastoykalari (113,4 foiz), pivo (105,3 foiz) ishlab chiqarish hajmi oshdi.
Oziq-ovqat mahsulotlari ishlab chiqarish hajmining asosiy qismi Toshkent shahri (tarmoqning umumiy hajmidagi ulushi 22,2 foiz), Toshkent (18,2 foiz), Samarqand (13,4 foiz) va Farg’ona (6,5 foiz) viloyatlari korxonalari hissasiga to’g’ri kelmoqda.
Tarmoqdagi kichik tadbirkorlik sub‘ektlari tomonidan mahsulot ishlab chiqarish hajmining 2014 yilning shu davriga nisbatan 14,3 foizga oshishi ta‘minlandi hamda ularning oziq-ovqat sanoati jami hajmidagi ulushi 69,0 foizni tashkil etdi.
2015 yilda respublikada 1501 ta oziq-ovqat sanoati korxonalari yangidan tashkil qilingan, 2016 yil 1 yanvar holatiga respublikada tarmoqning 8711 ta korxonasi faoliyat ko’rsatmoqda.
Mamlakatimizda faoliyat ko’rsatayotgan Oziq-ovqat sanoati korxonalari uyushmasi aholiga sanoat mahsulotlari, iste‘mol tovarlari, o’simlik yog’i, margarin, mayonez, shakar va boshqa mahsulotlar yetkazib berayotgan yuzdan ziyod korxonani o’z tarkibida birlashtirgan. Ular ishlab chiqarayotgan mahsulotlarning bir qismi eksport qilinayotir.
Ayni paytda tarmoq korxonalari sohada iqtisodiy islohotlarni chuqurlashtirish, oziq-ovqat mahsulotlari turini kengaytirish va ichki bozorni yurtimizda ishlab chiqarilayotgan sifatli tovarlar bilan to’ldirish ishlarini izchil davom ettirmoqda. Ishlab chiqarishni modernizatsiya qilish, texnik va texnologik yangilash bo’yicha investitsiya loyihalarining amalga oshirilishi bu borada muhim omil bo’layotir.
2015 yilda hududlarda oziq-ovqat sanoatini rivojlantirish uchun 1 ming 660 dan ziyod investitsiya loyihasi amalga oshirildi. Qoraqalpog’iston Respublikasi va viloyatlarda 21 ming 500 fermer xo’jaligi ko’p tarmoqli xo’jalikka aylantirilib, intensiv va mahalliy bog’lar barpo etildi, go’sht, sut va meva-sabzavotni qayta ishlash korxonalari ko’paydi. Chorvachilik, parrandachilik, baliqchilik, asalarichilik hamda servis xizmatlari rivojlantirildi. Natijada 96 ming 200 yangi ish o’rni yaratildi.
Bu boradagi yutuqlarni yanada oshirishda intensiv usulda mahsulot yetishtirishni keng targ’ib qilish, yerdan samarali foydalanish va mahalliy xom ashyo asosida yuqori qo’shimcha qiymatga ega mahsulotlarni ishlab chiqarish hajmini kengaytirish muhim ahamiyat kasb etadi.
O’zbekistonning oziq-ovqat sohasidagi islohotlari Xalqaro jamoatchilik tomonidan ham keng e‘tirof etilmoqda. Jumladan, BMT Oziq-ovqat va qishloq xo’jaligi tashkiloti (FAO)ning 39-sessiyasi doirasida 2015 yilda O’zbekiston Mingyillik rivojlanish dasturi bo’yicha yutuqlari (oziq-ovqat sohasidagi omilkorligi) uchun mukofotlandi.
Shuningdek, O’zbekiston Britaniyaning ―Economist‖ jurnali tomonidan 2015 yil natijalariga ko’ra tuzilgan yangi oziq-ovqat xavfsizligi darajasi reytingida
9 pog’onaga ko’tarildi ⁷ . Bu reytingga hammasi bo’lib 109 davlat kiritilgan.
O’zbekiston reytingdan 64-o’rin egallab, o’tgan yilgi natijasini 9 punktga yaxshiladi.
Oziq-ovqat xavfsizligi indeksi (The Global Food Security Index) Britaniyaning ―The Economist Intelligence Unit‖ tahliliy kompaniyasi tomonidan AQShning ―Dupon‖ transmilliy kompaniyasi ko’magida chiqariladi. Tadqiqotlar 2012 yildan beri olib boriladi. Bugungi kunda bu indeks o’zidan turli davlatlarning oziq-ovqat xavfsizligi holati ko’rsatkichlarining eng to’liq shaklini namoyon qiladi. Barcha davlatlar uchta kategoriya bo’yicha baholanadi: oziq-ovqat bilan ta‘minlanganlik va iste‘moli darajasi, ularning mavjudligi va yetarliligi, oziq-ovqat mahsulotlarining sifati va xavfsizlik darajasi. Bu mezonlardan har biri 28 ta turli ko’rsatkichni o’z ichiga olib, ularning qiymati ikki yillik davr davomida
o’lchangan.
Ma‘lumotlarga ko’ra, O’zbekiston sanab o’tilgan mezonlar ichida ―etarlilik‖ bo’yicha eng ko’p ball olgan. Tadqiqotchilar ma‘lumotlariga ko’ra, O’zbekistonda oziq-ovqat mahsulotlari shunchalik ko’pki, har bir fuqaro kuniga 39 kilokalloriyadan iste‘mol qilish mumkin.
Hisob-kitob qilishda xalqaro tashkilotlar va milliy institutlar ma‘lumotlaridan foydalanilgan. Davlatning reytingdagi yuqori pozitsiyasi uning oziq-ovqat xavfsizligi yuqori darajada ekanligini bildiradi.


⁷ http://www.dupont.com/forms/dupont-food-security.
2015 yilgi reytingda 2014 yildagi kabi 1-o’rinni AQSH egalladi. Yetakchi o’ntalikka Singapur, Irlandiya, Avstriya, Niderlandiya, Shveysariya, Kanada, Germaniya, Avstraliya kiritildi.
Yana bir misol, 2015 yilning sentyabr oyida Hindistonning diplomasyindia.com axborot-tahlil portalida mamlakatimiz qishloq xo’jaligida erishilayotgan muvaffaqiyatlar mavzusiga bag’ishlangan maqola chop etildi ⁸.
Maqolada qayd etilishicha, O’zbekistonda hozirgi paytda har yili 17 million tonna oziq-ovqat mahsulotlari ishlab chiqariladi. Aholi jon boshiga deyarli 300 kilogramm sabzavot, 75 kilogramm kartoshka va 44 kilogramm uzum to’g’ri kelmoqda. Bu ko’rsatkich optimal deb hisoblanadigan iste‘mol me‘yoridan uch baravar ko’p hisoblanadi. Maqolada O’zbekiston ayni paytda dunyoning 80 ta davlatiga 180 turdan ortiq sarxil meva-sabzavot yuborayotgani alohida ta‘kidlangan.
Shu kabi misollarni ko’plab davom ettirish mumkin.
Bugungi kunda oziq-ovqat ishlab chiqaruvchi korxonalar oldiga ishlab chiqarish sifatini oshirish va uni boshqarishning yangi standartlari, zamonaviy texnologiyalarni joriy etish masalasi qo’yilgan. Ularning joriy etilishi istiqbolda korxonalar quvvatini yangi darajaga ko’tarish, ishlab chiqarilayotgan mahsulot sifatini oshirish va turini kengaytirish imkonini beradi. Bundan tashqari, korxonalarni yangi qoidalar bo’yicha sertifikatlashga tayyorlash, xodimlarni qayta o’qitish, maxsus ta‘mirlash guruhlari tashkil qilish va boshqa masalalar katta ahamiyat kasb etayotir.
Shu maqsadda faoliyati tugatilayotgan O’zbekiston oziq-ovqat sanoati korxonalari uyushmasi negizida ―O’zoziqovqatsanoatxolding‖ xolding kompaniyasi tashkil etildi ⁹.
Respublikamiz birinchi prezidenti 2016 yil 18 fevraldagi Qaroriga ko’ra, xolding tarkibiga oziq-ovqat, yog’-moy va go’sht-sut mahsulotlari ishlab chiqaruvchi aksiyadorlik jamiyati va mas‘uliyati cheklangan jamiyat shaklidagi


⁸ http://diplomacyindia.com/development-of-agriculture-in-uzbekistan-during-the-years-of-independence-4671. ⁹ O’zbekiston Respublikasining birinchi prezidentining ―Respublika oziq-ovqat sanoatini boshqarishni tashkil etishni yanada takomillashtirish chora-tadbirlari to’g’risida‖gi 2016 yil 18 fevraldagi PQ-2492-son Qarori.
176 ta korxona kiradi. Xolding ustav kapitali tugatilayotgan uyushma tarkibiga kirgan korxonalarning ustav jamg’armalaridagi davlat aksiyalari paketini balans qiymati bo’yicha berilishi hisobiga shakllantiriladi.
Qarorga ko’ra, yangi xolding kompaniyasi tarkibiga a‘zo sifatida ko’ngilli tarzda oziq-ovqat mahsulotlari ishlab chiqaruvchi korxonalar kirishi mumkin.
Xolding negizida oziq-ovqat sanoati korxonalarini rivojlantirish, rekonstruksiya va modernizatsiyalash jamg’armasi yaratiladi.
2015-2019 yillarda oziq-ovqat sanoatida 391 ta investitsiya loyihasini amalga oshirish, kamida 1 million 300 ming tonna meva-sabzavot mahsulotlarini saqlash hajmiga ega bo’lgan 2 mingdan ortiq zamonaviy sovutish kameralarini qurish, saqlash joylarining umumiy hajmini 2 million tonnagacha yetkazish nazarda tutilmoqda.
Ko’rsatib o’tilgan chora-tadbirlarning amalga oshirilishi natijasida 2015- 2019 yillarda oziq-ovqat xavfsizligini yanada mustahkamlash va oziq-ovqat mahsulotlarining asosiy turlari bilan respublikaning o’zini-o’zi ta‘minlashi, shuningdek, tashqi bozorlarda talab yuqori bo’lgan ushbu mahsulotlar eksportini sezilarli oshirish ta‘minlanadi.
Shuningdek, ―2015-2019 yillarda ishlab chiqarishni tarkibiy o’zgartirish, modernizatsiya va diversifikatsiya qilishni ta‘minlash chora-tadbirlari‖ Dasturida 2016 yildan boshlab O’zbekistonda quritilgan oziq-ovqat mahsulotlari ishlab chiqarish ko’rsatib o’tilgan ¹⁰.
Dasturga binoan nazarda tutilgan prognozlarga ko’ra, 2016 yilda 180 tonna mahsulot ishlab chiqarilsa, 2019 yilga kelib bu ko’rsatkich 2300 tonnagacha yetadi.
Umuman olganda, istiqlol yillarida mamlakatimizda ichki iste‘mol bozori va aholini, ayniqsa, qish-bahor mavsumida meva-sabzavot mahsulotlari bilan barqaror ta‘minlash, ularni eksport qilish ko’lamini kengaytirishga doir keng ko’lamli chora-tadbirlar amalga oshirildi, jumladan, chekka tumanlardagi savdo


¹⁰ O’zbekiston Respublikasi birinchi prezidentining ―2015-2019 yillarda ishlab chiqarishni tarkibiy o’zgartirish, modernizatsiya va diversifikatsiya qilishni ta‘minlash bo’yicha chora-tadbirlar dasturi to’g’risida‖gi 04.03.2015 yildagi PF-4707-sonli Farmoni.
tarmoqlarini ijtimoiy ahamiyatga ega oziq-ovqat tovarlari bilan uzluksiz ta‘minlashga ham katta e‘tibor berildi.
Xulosa qilib aytganda, so’nggi yillarda oziq-ovqat sanoatini rivojlanirishga ijobiy ta‘sir etgan omillar quyidagilardir:

• 
  sifat menejmentining xalqaro andozalari asosida jahon oziq-ovqat mahsulotlari bozorida milliy bozor ulushini oshirish;
  
• 
  zamonaviy agrotexnologiyalarni jalb qilish bo’yicha loyihalarni amalga oshirish borasida xalqaro moliya institutlari va investorlar bilan hamkorlik qilishni rivojlantirish;
  
• 
  meva-sabzavot ekinlari va uzum hosildorligini oshirish, infratuzilma va logistika tizimlarini takomillashtirish;
  
• 
  oziq-ovqat mahsulotlari ishlab chiqarishni kengaytirish, sohaga xorijiy investitsiyalarni jalb qilish, yuqori texnologiyali uskunalarni joriy etish, eksport salohiyatini oshirishga oid zarur qo’shimcha choralar ko’rish va boshqalar.
  

O’zbekistonda hayotga tatbiq etilayotgan iqtisodiy islohotlar, oziq-ovqat xavfsizligini, chunonchi, qishloq xo’jaligini tubdan isloh etish va oziq-ovqat sanoatini rivojlantirish hisobidan ta‘minlash bo’yicha amalga oshirilayotgan chora- tadbirlarni quyidagi yo’nalishlarda izchil davom ettirish maqsadga muvofiqdir:

• 
  oziq-ovqat mahsulotlarini jahon bozori talablari darajasida tayyorlash uchun korxonalarga zamonaviy texnologiyalar, sifatni boshqarishning yangi standartlarni joriy etish;
  
• 
  savdo logistika markazlari tashkil etish;
  
• 
  yarim tayyor va tayyor mahsulotlar, idishlar, qadoqlash materiallari ishlab chiqaruvchi yangi korxonalar tashkil etish;
  
• 
  oziq-ovqat mahsulotlarini vakuum usulida halqaro talablar darajasidagi shisha idishlarda qadoqlash usulini kengaytirish va boshqalar.
  

Bu, o’z navbatida, ijtimoiy-iqtisodiy taraqqiyotning uzviy qismi sifatida oziq-ovqat xavfsizligini ta‘minlash, ulkan ishlab chiqarish salohiyatiga ega agrosanoat kompleksini jadal rivojlantirish uchun barcha zarur sharoitlar yaratish
va shu tariqa mamlakatimiz farovonligi hamda barqarorligining kafolati bo’lib xizmat qiladi.

3. Oziq-ovqat mahsulotlari iste’moli va unga ta’sir etuvchi omillar. ASM tarmoqlari

O’zbekistonda iqtisodiyotni modernizatsiyalash va diversifikatsiyalash sharoitida uning tamoyillariga to’la-to’kis amal qilishga katta e‘tibor berilmoqda. Bu esa, o’z navbatida, aholining bozor sharoitida ishlash va yashash tartib- qoidalari to’g’risidagi tasavvurlarini ham o’zgarib borishiga olib kelmoqda. Shu bilan birga, bozor iqtisodiyotining asosiy g’oyalari tamoyillari, talablarini amalga oshirish imkoniyatlari ham kengayib bormoqda.
Respublikamizda bozor tovarlar bilan to’yinib, bozorning barqaror tuzilmasi va infratuzilmasi shakllanib kelmoqda, xo’jalik sub‘ektlarining mustaqilligi kengayib, tadbirkorlikning rivojlanishiga qulay muhit yaratilmoqda. Bularning hammasi bozor munosabatlarining ob‘ektiv qonuniylik va demokratik asoslarining kuchayib borishi va natijada bozorning yangi bosqichiga o’tish uchun shart-sharoit yaratilayotganidan dalolat beradi. Bozorning bu yangi bosqichi haridor bozori va sifat bozori bo’lib, bu bosqichda to’la mazmundagi tovar iste‘molchilar tasavvuriga mos keladigan tushunchalar bilan baholanadi. Tovarni iste‘molchi sifatli deb qabul qilgan taqdirda uning harid qilinishi sodir bo’ladi.
Iste‘molchi aniq tovar sifati, o’zi uchun muhim bo’lgan alohida xossalarini boshqa ishlab chiqaruvchi yoki sotuvchining aynan bir xil tovarning xuddi shunday xossalari bilan taqqoslab, uning ahamiyati, qadr-qimmati to’g’risida xulosa chiqaradi. Bu esa korxona, firma uchun eng katta yutuq hisoblanadi.
Shunday qilib bozor, ishlab chiqarilgan, taklif etilayotgan va sotilayotgan tovarlar zamonaviy talabga naqadar mos, ularga sarf qilingan harajatlar naqadar foydali ekanligini baholovchi asosiy mezondir. Prezident Islom Karimov aytganlaridek, ―...bugun bozor qonunlariga asoslanuvchi yangi iqtisodiyot yaratayapmiz. Bunda mahsulot talab va taklifni hisobga olgan holda,
raqobatbardosh bo’lishi va u umum qabul qilingan standartlarga javob berishini
nazarda tutgan holda ishlab chiqarilishi lozim‖ . Jumladan, ―...xalqimizni oziq- ovqat mahsulotlari bilan to’liq ta‘minlashga zamin tug’dirdi, kerak bo’lsa, ularni chet mamlakatlarga eksport qilishga imkon bermoqda.‖.
Shu boisdan har bir korxona, firma, tadbirkor o’z faoliyatini ana shu talablar nuqtai nazaridan tashkil etishi va amalga oshirishi, respublika iqtisodiyotida marketing elementlaridan samarali foydalanishi maqsadga muvofiqdir. Masalan, U.Breddik marketing strategiyasining quyidagi elementlarini qayd qiladi:

• 
  haridorlarning ehtiyojlarini aniqlash;
  
• 
  raqobatchilarning strategiyasini tushunish;
  
• 
  mahsulotlar ishlab chiqarish va ularning bozori;
  
• 
  narx-navoning hosil bo’lishi;
  
• 
  tovarlar harakati; ta‘minlash.
  

Shuningdek, K.Berri, A.Pulfordlar marketing strategiyasining quyidagi jihatlarini ko’rsatib o’tadilar: bozorlar iste‘molchilar, kuch-raqobat ustunligi, faoliyat kengligi, maqsadi, resurslar, vaqt.
Har qanday mahsulot va xizmatlarga bo’lgan talabning shakllanishiga bir necha omillar ta‘sir ko’rsatadi. Shuningdek, oziq-ovqat mahsulotiga bo’lgan talabning shakllanishiga ham qo’yidagi omillar mavjud.

1. 
   Demografik omillar – aholi soni, uning tarkibi, jinsi, yoshi, oila soni va ularning o’rtacha ko’rsatkichlarining o’zgarishi va h.k.
   
2. 
   Iqtisodiy omillar – aholining pul daromadlari va ularning ijtimoiy guruhlarga taqsimlanishi, chakana savdo baholari, tovarlar taklifi hajmi va tarkibi, aholini ijtimoiy himoya qilish fondlari, aholining shaxsiy xo’jaliklaridan olayotgan mahsulotlari va boshqalar.
   
3. 
   Tabiiy iqlim sharoitlari – yil davomida fasllarning uzun-qisqaligi, hududning relefi va boshqalar.
   
4. 
   Ijtimoiy omillar – aholining ijtimoiy va mamlakatlar bo’yicha tarkibi, ularning bilim va madaniy saviyalari, tarixiy urf-odatlari, an‘analari, milliy bayramlari va boshqalar.
   

Odamning yashashi va komil inson bo’lib yetishishi uchun ular turli narsalarga ehtiyoj sezishadi. Ba‘zi bir ehtiyojlarning kamayishi bilan ularning o’rniga boshqa bir yangi narsaga ehtiyoj paydo bo’ladi. Shuningdek, oziq-ovqatga bo’lgan ehtiyoj aholi sonining o’sishiga ham bog’liq, bu esa, demografik omillar sirasiga kiradi.
Aholi sonining o’sishi oziq-ovqat mahsulotlariga bo’lgan ehtiyojning o’sishiga olib kelmoqda. Shuning uchun O’zbekiston Respublikasining aholi talabi, asosan, mahalliy oziq-ovqat mahsulotlari bilan ta‘minlashga qaratilgan. Shu nuqtai nazardan, maqoladagi asosiy vazifalardan biri sifatida oziq-ovqat mahsulotlarining me‘yorga nisbatan iste‘molini o’rganish va unga ta‘sir ko’rsatuvchi omillarni tahlil qilishga qaratilishi lozim.
Umuman, bugungi kunda mamlakatimizning oziq-ovqat sanoatida tadbirkorlik sub‘ektlari tomonidan ishlab chiqarilayotgan bir qancha mahsulotlar tabiiyligi, arzonligi, qulayligi va sifati bilan ajralib turadi. Biroq, bu mamlakatimiz oziq-ovqat sanoati tarmoqlarida muammolar yo’q va hamma imkoniyatlar ishga solindi, degani emas. Chunki, mazkur mahsulotlarni mamlakatimiz aholisiga sotish bilan birga, xorijiy mamlakatlarga ham eksport qilinadi. Zero, ekologik toza, sifatli mahsulotlarga jahonning barcha davlatlarida ham ehtiyoj katta. Faqat ularga mahsulotni yetkazib berish mexanizmlarini yo’lga qo’yish kifoya. Bu esa, sohani yanada jadal rivojlantirish uchun katta imkoniyatdir. Ishdagi tahliliy natijalar shuni ko’rsatadiki, oziq-ovqat sanoatida tadbirkorlik faoliyatining rivojlanishi hisobiga viloyatda mehnat resurslarini yangi ish o’rinlari bilan ta‘minlash yanada ortadi. Bugungi kunda bu sohada mehnat qilayotgan ishchi-xodimlar soni ham sezilarli darajada ko’payib bormoqda.
Tadbirkorlik sub‘ektlari tomonidan yetishtirilayotgan poliz ekinlari va sabzavot mahsulotlarining o’ziga xos xususiyatlarini hisobga olgan holda, ularni yetishtirish va sotish davridan emas, balki iste‘molchi talabini hisobga olgan holda, ekinlar seleksiyasini yaratish va ularni ekish vaqtidan oxirgi iste‘molchiga yetib borishigacha bo’lgan bo’g’inlari yaratilishi kerak. Buning uchun bozorga tadbirkorlik sub‘ektlari tomonidan ishlab chiqarilgan poliz ekinlari va sabzavot
mahsulotlarini yetkazib berish bilan bog’liq muammolarni hal qilishda quyidagilarga alohida e‘tibor berish zarur:

• 
  tabiiy-iqlim sharoitlari va tashkiliy-iqtisodiy salohiyatdan yetarli darajada samarali foydalanish;
  
• 
  poliz ekinlari va sabzavot mahsulotlari yetishtirish bo’yicha ixtisoslashgan xo’jaliklar va ulgurji bozorlar tashkil etish;
  
• 
  poliz ekinlari va sabzavot mahsulotlari saqlash uchun zamonaviy muzlatkichlar bilan ta‘minlash;
  
• 
  poliz ekinlari va sabzavot mahsulotlarini yetishtirishning intensiv texnologiyasiga o’tish hamda texnologik xususiyatlarga ega bo’lgan yuqori hosilli, kasallikka chidamli, mexanizatsiyalashgan qayta ishlovga yaroqli navlarni yaratish.