148
betinə, 601 saylı «Satış», 177 saylı «Digər uzunmüddətli debitor borcları» və i.a.
hesabların kreditinə yazmaqla uçotda əks etdirir.
Balans tərtib olunan tarixə qədər sahibi (masatan) tərəfindən alınmamış poçt
köçürmələrinin məbləği üçün malalan tərəfindən alınmış rabitə orqanlarının
bildirişinə əsasən 222 saylı «Yolda olan pul köçürmələri)) hesabının debetinə, 601
saylı «Satış)) hesabının kreditinə yazılmaqla rəsmiyyətə salınır.
Hazırkı şəraitdə nağdsız hesablaşmaların bir forması da çeklər ilə
hesablaşmadır. Çek, ödəyicinin onun hesabından müəyyən məbləğin ödənilməsi
haqqında öz bankına verdiyi yazılı sərəneamdır. Çek- lərin pul və hesablaşma
çekləri forması mövcuddur. Pul çeklərindən müəssisənin hesabından nağd pulun
alınması üçün istifadə edilir. Əmək haqqına, təsərrüfat ehtiyaclarına, ezamiyyə
xərclərinə, pensiya, təqaüd verilməsinə, eləcə də kənd təsərrüfat məhsullarının satın
alınması üçün banklardan nağd pulun alınması pul çekləri vasitəsilə aparılır.
Hesablaşma çekləri isə nağdsız hesablaşmaların bir forması kimi tətbiq olunur və
hesablaşma çeki dedikdə ödəyicinin onun hesabından müəyyən məbləğin silinib,
başqa təşkilatın hesabına köçürülməsi haqqında banka verdiyi yazılı sərəncam başa
düşülür. Hesablaşma çekləri ödəmə tapşırıqları kimi ödəyici təşkilat tərəfindən
tərtib olunur və ödəniş üçün öz bankına təqdim olunur. Respublika ərazisində
Mərkəzi Bankın əməliyyat idarəsinin və ZHKM təsdiq etdiyi limit çeklərindən
istifadə olunur.
Limitli hesablaşma çekləri dedikdə çek məbləğinin çek verən təşkilat
tərəfindən əvvəljədən ayrıca hesabda bronlaşdınlan forması başa düşülür. Həmin
çeklər yalnız təqdim olunduqda ödənişə qəbul edilir. MDB ölkələrində örtülməyən
çeklərdən, yəni limitləşdirilməmiş çek- lərdən istifadə olunur. Belə ki, çek verən
təşkilatın hesabında müvəqqəti olaraq vəsait olmadıqda həmin məbləğ bank vasitəsi
ilə ödənilir. Hesablaşma çeki almaq üçün müştəri özünə xidmət edən banka
təşkilatın hesabı üzrə əməliyyat aparmaq üçün ərizə ilə müraciət edir. Ərizədə
sənədləri imzalamaq hüququ verilmiş şəxslərin imzası olmalı və möhürlə təsdiq
olunmalıdır. Ərizə bir nüsxədən ibarət yazılır.
Bank, ərizəni aldıqdan sonra onda göstərilən çek məbləğini təşkilatın
hesablaşma hesabının və ya ssuda hesabının və özünün ZHKM-dəki müxbir
hesabının qalığı ilə üzləşdirir. Üzləşmə zamanı müxbir hesabının qalığının çekin
ödənilməsinə imkan verməsi aşkar edilərsə, bank təşkilatın hesablaşma hesabından
müəyyən olunmuş vəsaiti silib «Limitləşdirilmiş çek kitabçaları)) balans hesabına
daxil
149
edərək ondakı məbləği bronlaşdırır və xidmət olunduğu ZHKM-nə öz təşkilatı üçün
müəyyən olunmuş məbləğə çek kitabçası verilməsi üçün müraciət edir.
Bankın müraciəti əsasında müəyyən olunmuş məbləğə ZHKM öz möhürü ilə
təsdiq olunmuş limitləşdirilmiş çek kitabçası verir. Bank ZHKM-dən çek
kitabçasını aldıqdan sonra onu öz təşkilatına təqdim edir.
Çeklərlə hesablaşma zamanı çek verən çeki doldurduqdan sonra çek alanla
birlikdə həmin çeki benefısor banka (hesabına müəyyən məbləğdə pul köçürən
benefisara xidmət göstərən bank) təqdim edir. Çekin məbləğinin, qalığa uyğun
olub-olmaması benefısar bank tərəfindən möhürlə təsdiq olunur. Deməli, çekin
düzgünlüyü benefısar bankda yoxlanılır.
Çeklərlə hesablaşma zamanı sənəd dövriyyəsi aşağıdakı kimi həyata
keçirilir. Mal-material dəyərliləri alan təşkilat hesablaşma çeki yazaraq onu
malgöndərənə təqdim edir. Çekdə: ödəniş məbləği (yazı və rəqəmlə); ödəniş alanın
adı; çekin yazıldığı yer; ödənişin aparılma tarixi göstərilməlidir. Yazılmış çek, çek
verənin imza və möhürü ilə rəsmiləşdirilməlidir. Çekləri ödəniş üçün qəbul edən
təşkilat aşağıdakılara əmin olmalıdır:
-
çekin məbləği onun arxa tərəfində göndərilmiş ən yüksək həddən, bundan
əvvəl istifadə olunmuş çeklərin məbləği çıxıldıqdan sonra qalan qalıqdan artıq
olmamasına;
-
çek sahibinin hesabının çekdə qeyd olunmuş sayının çekin üzərində
göstərilən saya uyğun gəlməsinə;
-
çek verənin pasport məlumatlarının çek kartoçkasında göstərilmiş
məlumatlara uyğun gəlməsinə;
-
çek verənin çeki doldurarkən etdiyi imza ilə onun çek kartoç- kasmdakı
imzasının eyniliyinə əmin olmasına.
Malgöndərən malalandan çeki qəbul etdikdən sonra çekdəki vəsaitin hesaba
daxil edilməsi üçün onu özünə xidmət edən banka təqdim edir.
Çek ödənilmək üçün banka verildiyi gün nəzərə alınmadan 3 iş günü ərzində
təqdim oluna bilər.
Çek saxlayan çekləri 4 nüsxədə tərtib edilmiş siyahı (reyestr) ilə birlikdə
özünə xidmət edən banka təqdim edir. Benefisarm bank çeki yoxladıqdan sonra onu
4 nüsxədən ibarət tərtib edilmiş siyahı ilə birlikdə açıq şəkildə xidmət edən
ZHKM-nə verir.
Siyahıda çek haqqında aşağıdakı məlumatlar olmalıdır:
a)
emitent bankın adı;
Dostları ilə paylaş: |