Ruwzígershilik buyímlarí

ÚY-RUWZÍGERSHILIK BUYÍMLARÍ
MENEN TANÍSTÍRÍW HÁM ISLEW
Jasap atırǵan úyimiz qolaylı hám úy-ruwzı- gershilik jumısların orınlawda bizler hár túrli ásbap- úskenelerden paydalanamız. Aytıńshı, bizler qan- day mebellerden paydalanamız? Olar bir-birinen nesi menen parıqlanadı? Úy-ruwzıgershilik buyımları qatarına neler kiredi? Ruwzıgershilik júrgiziw ushın jáne qanday úskeneler kerek? Olardıń atların aytıń.
Kestede hár túrli úy ásbap-úskeneleri súwretlengen. Tapsırmanı orınlaw ushın qaǵaz hám qálem alıń. Oǵan dáslep bólme úskeneleri, soń asxana úskeneleriniń atların jazıń.

Adamzat ózi ushın qolaylıq jaratıw maqsetinde bárqulla izlenip, jańalıq ashıp kelgen. Sonıń ishinde, úy-ruwzıgershiliginde paydalanılatuǵın buyımlar da bárqulla jetilisip kelgen. Olar paydalanıw ushın qolay bolıp ǵana qalmay, sulıw da bolıwı shárt. Bunıń ushın dizayner dep atalatuǵın kásip iyeleri xızmet kórsetedi.

Sizler de 4 jıl dawamında texnologiya sabaqlı- ǵında hár qıylı materiallardan hár túrli shıraylı zatlardı islewdi úyrenip aldıńız. Qáne, dizaynerlik kásibi haqqında nelerdi bilesiz?
Dizayner — zatlar hám obyektlerdi bezew, olarǵa súwret salıw, súwret túsiriw menen shuǵıllanıwshı shaxs.
₍^) Ne ushın dizayner, eń dáslep, isleytuǵın
ч^ zatınıń eskizin sızıp aladı?
Gúlalshılıq ustaxanasına sayaxat






Gúlalshılıq — ılaydan hár túrli úy-ruwzıgershilik buyımları, ıdıs-tabaq islewshi usta.
Gúlalshılıq topıraq járdeminde gózzallıq jaratıwshı áyyemgi hám qaytalanbaytuǵın óner esaplanadı.
Gúlalshılıq áyyemnen rawajlanǵan xalıq ámeliy kórkem óneriniń bir túri. Ata-babalarımız ılaydan badiya tabaq, sháynek, kese, lawabı kese, oyın- shıq, músin sıyaqlı hár túrli buyımlar islegen.
Gúlalshılıq ónimleriniń sapası, eń dáslep, buyım tayarlanatuǵın ılayǵa baylanıslı. Xalqımız «islew berseń ılayǵa kóp, onnan shıgar naǵıs kóp» dep biykarǵa aytpaǵan. Gúlalshılar ılayı ápiwayı ılaydan parıq qılıp, ol gúlalshılıq óneriniń uzaq jıllıq táji- riybesiniń nátiyjesi bolıp tabıladı. Usı ılay mayısqaq hám jabısqaqlıq qásiyetine iye boladı. Áyyemde gúlalshılar ılay ushın topıraqtı jerdiń óz aldına qatlamlarınan jıllap izlegen. Búgingi kúnde hár qıylı temperaturada pisetuǵın ılay túrleri kóp, olar ulıwma atama da keramika yamasa gúlalshılıq ılayı delinedi. Burınları buyım islew ushın ayaq kúshi menen isleytuǵın shıǵırdan paydalanılǵan. Házir- gi waqıtta shıǵırlar elektr toki járdeminde aylanadı. lslengen buyım shıǵırdan alınıp, sayada keptiriledi. Kepkennen keyin, ıǵal shúberek penen tegislenedi hám oǵan reń, naǵıs islenedi. Keyin jabıq kamera- da 500 — 600^oC temperatura astında pisiriledi.
Ózińizdi gúlalshı dep esaplap, sińlińizdiń quwır- shaǵı ushın úy-ruwzıgershilik buyımlarınan tayarlap beriń. Bunıń ushın buyımlar tayarlawdı rejelestiriń.Islemekshi bolǵan buyımıńız neshe basqıshta orınlanıwı múmkinligin oylap kóriń.

Súwrette úy-ruwzıgershilik buyımların islew jolları basqıshpa-basqısh kórsetilgen. Kórip shıǵıń hám islewge háreket etiń.