Seminar mashg‘uloti ishlanmasi 2 soat 1-topshiriq. Muhokama uchun savol

5- mavzu: Pedagoglik kasbi rivojlantirishda Ustoz-shogird an’analari.
(Seminar mashg‘uloti ishlanmasi 2 soat)


1-topshiriq. Muhokama uchun savol: Ta’lim muassasalarida milliy tarbiyani samarali tashkil etishda “Ustoz- shogird” an’analarining ahamiyati.


2-topshiriq. Tugallanmagan gaplar metodikasi
Quyida keltirilgan jumlalarni o‘qing va jumlaga mos keladigan bir so‘z bilan ifodalanadigan javobni toping.
1) u pok mazxabli, o‘z aybini ko‘radigan dono va tamizli kishidir dеb aytgil. Unda hasad, gina va baxillikdan asar bo‘lmaydi – ...

2. 
   jamiyatda o‘z o‘rniga ega, ijtimoiy ahamiyatga ega maqsad yo‘lida bir yoki bir nechta kishini o‘z orqasidan ergashtira oladi – ...
   

3-topshiriq. “Tushunchalar iyerarxiyasi” metodikasi
Quyida Xusayin Voiz Koshifiy tomonidan keltirilgan shogirlikning 8 ta odobini iyerarxiyasiga e’tibor qarating va ularning joylashish tartibiga o‘z munosabatingizni bildiring. Har bir atamaga izoh bering.
1. Birinchi bo‘lib salom bеrish.
2. Ustozning oldida oz gapirish.
3. Boshni oldinga egib turish.
4. Ko‘zni har tomonga yugurtirmaslik.
5. Gap so‘ramoqchi bo‘lsa oldin ustozdan ijozat olish.
6. Ustoz javobiga e’tiroz bildirmaslik.
7. Ustoz oldida boshqalarni g‘iybat qilmaslik.
8. O‘tirib turishda hurmat saqlash


4-topshiriq. Sharq mutafakkirlari ijodida ustoz-shogird munosabatlari
Quyidagi fikrlar qaysi mutaffakirga tegishli ekanligini hamda ularda ta’lim-tarbiya masalasi qaysi nuqtai nazardan o‘rganilayotganligini tushuntiring.
1) “Ustoz - shogirdlariga qattiq zulm ham, haddan tashqari ko‘ngilchanlik ham qilmasligi lozim. Chunki ortiqcha zulm shogirdda ustozga nisbatan nafrat uyg‘otadi, bordiyu ustoz juda ham yumshoq bo‘lsa, shogird uni mеnsimay qo‘yadi va u bеradigan bilimdan sovib ham qoladi. U o‘qituvchiga bolalarning fе’l atvoriga qarab tarbiya jarayonida “qattiq” yoki “yumshoq” usullardan foydalanishni maslahat bеradi: Tarbiyalanuvchilar o‘qish o‘rganishga moyil bo‘lsa, ta’lim tarbiya jarayonida yumshoq usul qo‘llaniladi. Tarbiyalanuvchilar o‘zboshimcha, itoatsiz bo‘lsa, qattiq usul (majburlov) qo‘llaniladi;
2) “Gar muallim bo‘lsa beozor, o‘quvchilar darsda qilurlar bozor”;
3) “Bilgilkim hеch bir ish ustozsiz amalga oshmagay va kimki ustozsiz bir ishni qilur ersa, ul ishning asosi mustahkam bo‘lmagan”.;
4) “....ustozlar mansab va amalga qiziqmasligi, o‘zi bilmaydigan ilmdan dars berishga urinmasligi, din ilmidan aniq masalalarni bilmog’i kerak.
5-topshiriq.

1. 
   “Ustoz-shogird” munosabatlari muayyan dastur, reja asosida olib borilishi maqsadga muvofiq. Bu borada shogird bilan olib boriladigan ish shakllarida ustoz nimalarga rioya qilishi lozimligini yoritib bering;
   

2. 
   ustoz-shogird an’analarida qanday pedagogik tamoyillar muhim o‘rin tutadi.