ahmedalhasan313.wordpress.com
92
Bir qüslün digər qüslləri əvəz etməsi
Sual 27: Həcc ziyarətində olduğum zaman, boynuma Cənabət qüslü gəlsə həmin
günü həm Cümə günü, həm Ərəfə günü olsa, həm də Həcc ziyarətində olduğum
üçün qüsl almalı olsam, bu qüsllərdən hansını alım? Vacib qüslü niyyət edib bir
dəfə qüsl almaq hamısına kifayət edərmi?
Cavab: İmam Cəfəri Sadiq (ə.s) buyurur: “Fəcr tulu edəndən (səhər alatoranlıq
başlayandan) sonra qüsl alsan, bu sənə cənabət olan vaxt, cümə günü, ərəfə günü,
nəhr edəndə (dəvə qurban kəsəndə), həcc və ümrədə həlq edəndə (saçını
qırxdırandan sonra) və qoyun (və ya inək) kəsəndə və ziyarət edən zaman alacağın
qüsllər üçün kifayt edər. Ona görə də, elə ki, bir neçə qüsl bir yerə cəmləşsə, sənə
bir qüsl almaq kifayətdir. Qadınların hökmü də bu cürdür. Yəni bir dəfə qüsl almaq
heyzinə də, ihramına da, cüməsinə də, bayramına da kifayət edər (yəni hamısına
niyyət edib bir qüsl ala bilər)
- Vəsailuş-Şiə, cild 3,/hədis: 3813
Bövldən sonra əmələ gələn nəmin və məninin
hökmləri
Sual 28: Cinsi əlaqədə olduqdan sonra kişi sidiyə çıxmadan gedib Cənabət qüslü
alsa və qüsldən sonra o adamın cinsi orqanından nəmlik gəlsə, qüsl batil olarmı?
Cavab: İmam Muhəmməd Baqir (ə.s) buyurur: “Bövl etmədən (sidiyə çıxmadan)
cənabət qüslü alan kişinin cinsi orqanından yaş gələrsə, bu yaş onun qüslünu
pozar. Əgər bövl edib cənabət qüslü alsa (sidiyə çıxandan sonra qüsl alsa), sonra da
cinsi orqanından yaş gəlsə qüslü pozulmaz, lakin ona dəstəmaz vacib olar, çünki
sidiyə görə heç bir şeyə icazə verilməmişdir (yəni sidik çıxan yerdən sidik çıxmışsa
dəstəmaz almadan ibadət etməyə icazə verilmir)”
(Qeyd: Cənabət qüslündan əvvəl bövl etmisənsə, istibra edib istinca da etməlisən
(cinsi orqanı təmizləməli və bu kitabda göstərilən şəkildə cinsi orqanın yolunu
təmizləməlisən), sonra da qüsl almalısan. Əgər istibra etməyib qüsl almamısansa
sonra da səndən yaş gəlsə, mütləq dəstəmaz almalısan, çünki bu yaş artıq sidik
kanalında qalan sidik damcısıdır.)
- Vəsailuş-Şiə, cild 1/h. 748. Təhzib, cild 1/bab 144, h. 407. İstibsar, cild 1/bab 119, h. 402
ahmedalhasan313.wordpress.com
93
Sarğı, gips və açıq yara zamanı qüsl almağın qaydası
Sual 29: Əgər bir şəxsin boynuna Cənabət qüslü düşübsə və ya Cümə qüslü
almaq istəyirsə, amma bədəni sarğılıdırsa və ya hər hansısa yeri sınıbsa və
gipsdədirsə və ya açıq yarası varsa, nə etsin?
Cavab: İmam Cəfəri Sadiq (ə.s) buyurur: “Gərək bədəninin qüsl yetişən (su
yetişən, çatan) yerlərini yusun. O yerləri ki, görünən və açıqdır və o yerləri ki, onun
üzərində sarğı taxtası ( gips) yoxdur. Ondan başqa yerləri saxlasın (yəni yumaya
bilər), o yerlər ki, imkan yoxdur onu yumağa və sınıq taxtasını sınığın üzərindən
götürməsin və yarasına əl vurmasın (və ya ona toxunmaqla yaranı dərinləşdirib
özünü əziyyətə salmasın, imkan olan yerləri yusun, olmayanları isə saxlasın)”
- Vəsailuş-Şiə, cild 1/hədis: 1227
Sual 30: Əgər bədənimdə ağrıdıcı bir kəsik olsa, qüsl zamanı nə edim?
Cavab: İmam Cəfəri Sadiq (ə.s) buyurur: “O kəsiyin ətrafını yu.”
- Vəsailuş-Şiə, cild 1/hədis: 1228
Qüsl zamanı zinət əşyalarının hökmü
Sual 31: Əgər bir qadının hər hansısa bir biləyində bilərzik (braslet) olarsa və
(qüsl alanda) bilməsə ki, su o bilərziyin altına getdi ya yox. Bu qadın dəstəmaz
və qüsl alanda nə cür etsin?
Cavab: İmam Cəfəri Sadiq (ə.s) buyurur: “Bilərziyi hərəkət elətdirsin (sağa-sola və
ya irəli-geri) ki, su onun altına daxil olsun və yaxud da ki, bilərziyi çıxartsın.”
- Vəsailuş-Şiə, cild 1/hədis: 1240
Sual 32: Barmağında üzük olan şəxs qüsl alan zaman nə etsin?
Cavab: İmam Cəfəri Sadiq (ə.s) buyurur: “Onu (üzüyü, qüsl alanda) yerindən
hərəkət elətdirsin və dəstəmaz alanda da onu fırlatsın (sağa və ya sola) və əgər bu
iş yadından çıxsa və namaza dursa, onda məsləhət deyil ki, namazını təzədən
qılsın.”
- Vəsailuş-Şiə, cild 1/hədis: 1240
ahmedalhasan313.wordpress.com
94
Ağır xəstəliklər zamanı qüsl almağın hökmü
Sual 33: Ağır xəstəlik zamanı qüsl üçün köməklik almaq olarmı?
Cavab: Hədis Ravisi Abdullah İbn Abdullah İbn Süleyman deyir: “İmam Cəfəri
Sadiq (ə.s) çox möhkəm ağrıyırdı və həm də boynuna cənabət qüslü düşmüşdü və
soyuq bir yerdə idi. İmam (ə.s) belə buyurdu: “Qulamları (orta yaşlı xidmətçi
kişiləri) çağırdım və onlara dedim: Məni götürün və mənə qüsl verin, sonra onlar
məni götürdülər və taxta parçasının üzərinə qoydular, sonra mənim üzərimə su
töküb mənə qüsl verdilər.”
(Qeyd: İmamın (ə.s) xəstələnməsi, İmamın (ə.s) qüsl üçün köməyə möhtac qalması
və ya İmamın (ə.s) boynuna Cənabət qüslü gəlməsindən məqsəd, İmamın (ə.s)
hikmət üzrə bu halətə düşməsi və İmamın (ə.s) adi insanlara bunun necə
edilməsini başa salması üçündür. Yoxsa, həqiqi mənada hikmətsiz yerə İmamda
(ə.s) bu halların baş verməsi mümkün deyildir. Və İmam (ə.s) bu kimi məxluqata
aid sifətlərdən munəzzəhdir.)
- Təhzibul-Əhkam, cild 1/575-198. İstibsar, cild 1/563-162. Vəsailuş-Şiə, cild 1/səhifə 478,
hədis: 1270
Qüsl və dəstəmaz üçün suyun miqdarı
Sual 34: Qüsl və dəstəmaz üçün nə qədər su kifayətdir?
Cavab: İmam Muhəmməd Baqir (ə.s) buyurur: “Peyğəmbər (s.ə.v.v) belə buyurub:
Dəstəmaz 1 müdd (750 qram) su ilə alınar, qüsl isə 1 sa (3 litr) su ilə alınar və
tezliklə məndən sonra qövmlər gələcəklər ki, bu miqdarı az hesab edəcəklər. Bəs
onlar mənim sünnəmin əksinə olarlar. Mənim sünnəmdə sabit olanlar (möhkəm
qalanlar) isə cənnətdə mənimlə birlikdə olarlar.”
- Mən Lə Yəhzuruhul-Fəqih, cild 1/70-23. Vəsailuş-Şiə, cild 1/hədis: 1280
Cümə qüslü haqqında hökmlər
Sual 35: Cümə qüslü vacibdir ya müstəhəb?
Cavab: İmam Cəfəri Sadiq (ə.s) buyurur: “Cümə qüslü səfərdə də, vətəndə də
vacibdir. Lakin qadınlara səfərdə rüxsət (icazə) verilir ki, suyun azlığı olsa almaya
bilərlər.”