202
gün oktyabr ayının biri, 1868-ci ildir. Mənim həyatım Tanrının
istəyi ilə xilas olundu, sağ qaldım. Bundan sonrakı həyat mənə
hədiyyədir. Mən qalan həyatımı da səmərəli yaşamalı, hər dəqiqəmi
qiymətləndirməliyəm”.
Həsən bəy işdən çıxması haqqında ərizə ilə məhkəməyə
müraciət etdi. Dərhal ərizəsinə müsbət cavab verildi.
Qubadan yola düşməmiş Muxtar bəyə baş çəkdi. Onu heç
vaxt belə kədərli görməmişdi:
– Gedirsən, qardaşoğlu?
– Bəli, gedirəm. Gəldim, sizinlə xudahafizləşəm, haqqınızı
halal edin. Sizə çox zəhmət vermişəm.
– Yox, ay oğul, mən heç nə edə bilmədim. Sən qoymadın mən
şübhələndiyim adamların bircə-bircə dərsini verim. Amma yenə də
bu məsələni belə qoymayacam.
– Siz özünüzdən, səhhətinizdən muğayat olun. Bir işiydi oldu,
keçdi. Elə bilin olmayıb.
Muxtar bəy təkid etsə də, Həsən bəy Bakı yolunacan müşayiət
edəcək atlıların onunla gəlməsinə qəti etiraz etdi.
– Yox, məndən nigaran qalmayın. Əsas məsələ buradan
getməyim idi, onların meydanını daraldırdım burada, indi
istəklərinə nail oldular. Düşünürsünüz onlar məni yolda incidərlər?
Əsla. Onlar özlərinə bu əziyyəti verib ardımca gəlməzlər, rahat
olun.
Həsən bəy yola düşdü. Yol boyu başında dolaşan qayğılı
suallar ona rahatlıq vermirdi. Bundan sonra necə olacaq?
Uğurların açarı hardadır? Nədən başlamalı? Bəlkə, mən Muxtar
bəyin məsləhət etdiyi kimi məktəbdə çalışım? Hansı məktəbdə
və necə? Suallar onu rahat buraxmırdı. Bircə onu dəqiq müəyyən
edə bilmişdi, harada, nə işlə məşğul olmasına baxmayaraq, xalqın
inkişafı üçün çalışması onun həyatının məqsədidir. Anası ilə son
söhbətini, evlənmək mövzusunu xatırladı: “Bax, ana, mən hələ
cəlayi-vətən dolanıram, camaatın qızını da qoltuğuma vurub
bölgə-bölgə gəzdirə bilmərəm,” – söyləmişdi onda. Anasının ni-
ga ran siması gözləri qarşısında canlandı. “Anam, anam, məni
han sı mələyin istəyi ilə dünyaya gətirdin? Həmişə mücadilə,
203
həmişə mübarizə. Barı sonunda bir qalibiyyət işığı yandırmağa
nail olacağamsa, içimdə düşündüklərimin yarısını həyata keçirə
biləcəyəmsə, demək, dünyanın ən xoşbəxt adamı olacam. Muxtar
bəy demişkən, istəsəm, bir rahat həyatım ola bilər. Amma mən tək
özümü düşünsəm, onda nə oldu ki. Yox, yox, mən belə həyatı bir
gün də yaşaya bilmərəm. Rahat həyat mənim ən böyük narahatlığım
olar. Minlərlə insan savadsızlığın, ədalətsizliyin içində boğulduğu,
məndən imdad gözlədikləri halda, mən tək özümü, yaxınlarımı
düşünə bilmərəm axı”.
Həsənin öz-özü ilə belə səmimi söhbət etməyə az vaxtı olurdu.
Öz-özü ilə söhbətində yenə də anası həmişəki kimi gözləri önündə
durdu: “Yaşın ötür, oğlum, nə qədər sağam, sənin toyunu görüm.
Vaxtdır, cəlayi-vətən dolaşıb bu qədər işləməyin bəsdir, daha bir
yerə kül tökməyin vaxtıdır, ev olmağın zamanını yubatmaq olmaz”.
“Əcəb sözdür, – cəlayi-vətən. Vətənin içində cəlayi-vətən
olmaq özü də qəribə bir həyatdır”.
Həsən bəy mart ayında Qubaya işləməyə gedəndə həzin, narın
yağış yağırdı. İndi də qayıdıb geri dönəndə, oktyabr ayının ilk
payız yağışları başlamışdı.
Yağışlı, duman-çiskinli, palçıqlı yolların yorğun yolçusu
Həsən bəy Bakıya qayıdırdı, özü də yorğunluğunu büruzə
vermədən, toxtaq görünməyə çalışırdı.
204
1869-cı il, noyabr, Bakı, Realnı Gimnaziya
Fayton şəhərə daxil oldu. Həsən bəy gecələmək üçün faytonu
“Metropol” mehmanxanasına sürdürdü. “Bu gün dincələrəm, sa-
bahsa mənzil kirayələməklə məşğul olaram,” – düşündü. Bakı dan
uzaqlaşmasından elə bil min illər ötmüşdü. Fayton mehmanxana
həyətində dayananda hava küləkli və yağışlı idi. Sərin havanı
ciyərlərinə çəkdi. Qıraqdan baxan olsa, onun Bakıdan yana
darıxdığını aydınca sezə bilərdi.
Bakının küləyi, yağışı onu heç vaxt bezdirməzdi. Bu şəhər ha-
vası, suyu, yaşıllığının azlığına görə yaşamaq üçün o qədər də mü nasib
hesab olunmasa da, nədənsə hamı bura can atırdı. Neft, mazut iyinin
hər tərəfə yayılmasına, havasızlığa baxmayaraq, həm bölgələrdən,
həm də xarici ölkələrdən Bakıya axışanların sayı getdikcə artırdı. Bu
şəhərə ilk növbədə iş, qazanc dalınca gələnlər zaman keçdikcə bu
şəhərə bağlanır, heç kim Bakını daha tərk etmək istəmirdi.
Həsən bəy də bu gün Bakıya bağlılığın səbəbini öz-özünə izah
etməyə çalışırdı. O, Bakını xüsusi məftunluqla sevir, xəyalında
Moskva, Peterburqdakı ən məşhur binaları, xiyabanları Bakıda
“qurub, ucaldırdı”.
Şəhərin yayda dözülməz istisini, yağlı, nəmli, yapışqanlı
havasını, qışdasa Bakı küləyinin qılınc kimi iliyə işləməsini Həsən
bəy elmi cəhətdən izah etməyə çalışar, həmişə Seyid Əzimin
uzun zaman öncə “Dərviş” karvansarasında ona İçərişəhərlə bağlı
söylədiyini xatırlayardı: “Sənin yaşadığın bu İçərişəhər seçilmiş
yerdir. Vaxtı ilə Şirvanşahların rütbeyi-məkanının yerləşdiyi bu
yerlərdə indi Qız Qalasının, Seyid Yəhya türbəsinin və məscidin
yerləşməsinin öz kəraməti və səbəbləri var. Bu səbəblərin bəziləri
izah olunandır, bəzilərisə elə orada yerləşən sufilərin xəlvəti
xanəgahları kimi sirli və toxunulmazdır. Tarixi məkanlar, dənizlər,
şəhərlər də insanlara bənzəyir. Malik olduqları gücə, qüvvətə,
qüdrətə və taleyə görə onların tarixə çevriləni də, əbədiyaşar olanı
da var, tezliklə unudularaq tarixdən silinəni də…” Seyid ağa həm
də söyləyərdi ki, Bakının cazibədar şəhər kimi hamıya qucaq
Dostları ilə paylaş: |