Strukturalizm va uning yo’nalishlari reja

STRUKTURALIZM VA UNING YO’NALISHLARI
REJA
1.Tilshunoslikda strukturalizm yo`nalishi. Praga maktabi.
2. Amerika strukturalizm maktabi
3. Kopengagen strukturalizm maktabi.

Strukturalizm (lot. structure — tuzilish, joylashish, tartib) — tilshunoslik,adabiyotshunoslik, etnografiya, tarix va shu kabi gumanitar fanlarda struktur usullar va modellashtirishdan, formallashtirish, semiotika, matematikalashtirish elementlaridan foydalanish bilan bogʻliq yoʻnalish;20-asrning 20y.larida paydo boʻlgan. S.ning tadqiqot obʼyekti belgi tizimlari (til, fan, sanʼat, mifologiya, moda, reklama) majmui sifatida olingan madaniyatdir. S.ning asosini narsa va hodisalarning invariant munosabatlari yigindisi tarzida tushuniladigan tuzilma (struktura)lar tashkil etadi. Strukturalizmdan ibtidoiy kabilalar madaniyatini oʻrganishda hamda folklorshunoslikda samarali foydalanildi.Strukturalizm antropologiyadagi tadqiq qilishning yangi turlaridan biri hisoblanadi. Bu yo‘nalish madaniyatning tartibiy strukturasini o‘rgatuvchi etnologiya va famzliantropologiyaga o‘z e’tiborini qaratadi. Strukturalizmantropologiyada fransuz antropologiK.Livi Stross tomonidan ilgari surilgan. Hususan, u shunday deydi: “Biz inson tafakkuridagi strukturani topish orqali dunyo borasidagi umumiy qoidalar tartib etishimiz mumkin”. Bu nazariyadagi muamrno shundaki, ular jamiyat o‘zgarishlarini statik tarzda tushuntirishlaridadir. Nazariya madaniyatni o‘matilgan tartib deb ko‘rib, madaniyatga ko‘nikish darajalarini baholab chiqadi. 1.Tilshunoslikda strukturalizm yo`nalishi. Praga maktabi.

Strukturalizm atamasi va tushunchasi dastlab golland faylasufi X.I.Boasning 1939 yilda nashr qilingan maqolasida tilga olingan bo‘lib, u tilni belgilar sistemasi sifatida o‘rganuvchi, tilshunoslikning asosiy komponentlari – fonetika, grammatika, leksika o‘rtasidagi o‘zaro bog‘lanish va munosabatlarni tekshiruvchi, tilning tuzilishi to‘g‘risidagi ta’limot hisoblanadi. Bu aslida Ferdinand de Sossyur tomonidan bildirilgan g‘oya asosida yuzaga kelgan lingvistik yo‘nalish bo‘lib, XX asrning 30- yillaridan struktural lingvistika maqomini oldi va Chexoslovakiya hamda Daniya olimlari tomonidan rivojlantirildi.
1.Tilshunoslikda strukturalizm yo`nalishi. Praga maktabi.
Strukturalizm yo‘nalishining umumiy xususiyatlari:
1.Til belgi – semiotik tizim: tilning tuzilishi pog‘onali,unda har bir belgi mavjud strukturaning ichki munosabatidir
2. Tilning asosiy birliklari - fonema va morfemalar, ular o‘rtasidagi paradigmatik va sintagmatik munosabatlar til birliklarining asosiy tuzilish shakllari hisoblanadi.
3. Tilni o‘rganishda diaxronik metodlarga qaraganda sinxronik tavsif metodlari afzalroqdir.
4. Til birligi tarkibini lingvistik tavsif qilishda lingvistik tadqiqotlar birinchi o‘rinda turadi.
1.Tilshunoslikda strukturalizm yo`nalishi. Praga maktabi.
Strukturalizm tilni faqat tarixiy tomondan va qiyoslab o‘rganishni cheklash, har bir tilni grammatik qurilishi va amal qilishi nuqtai nazaridan o‘rganishni ilgari suradi.
Strukturalizmning quyidagi maktablari yuzaga keldi:
1. Praga funksional lingvistika maktabi;
2. Amerika deskriptiv lingvistika maktabi;
3. Kopengagen glossematika lingvistika maktabi.
1.Tilshunoslikda strukturalizm yo`nalishi. Praga maktabi.
Strukturalizmning dastlabki qarashlarii 1926 yilda Chexoslavakiyadagi Praga lingvistik to‘garagi tomonidan tashkil qilingan, 1929 yildan mustaqil oqim sifatida rivojlanib, o‘z qarashlarini 10 yil mobaynida muntazam nashr qilingan “Praga lingvistik to‘garagining asarlari”da ifoda qilingan. Bu maktab XX asrning 30-yillarida gullab-yashnadi, ammo 40-yillarga kelib, uning faoliyati pasaydi va 1953 yilda tashkiliy jihatdan tarqalib ketdi. Biroq ushbu maktabning g‘oyalari jahon lingvistikasiga katta ta’sir qildi va hozirgi kunda ham ta’sir qilib kelmoqda.
1.Tilshunoslikda strukturalizm yo`nalishi. Praga maktabi.
Uning yetakchi namoyondalari: chex tilshunosi Vil’yam Matezius (1882-1945), Garvard universiteti professori Roman Osipovich Yakobson (1896), rus tilshunosi, slavyanist va fonolog Nikolay Sergeevich Trubeskoy (1890-1938)lar bo‘lganlar.
Praga struktural maktabining funksional lingvistika deb atalishiga sabab u tildagi har bir elementning o‘z funksiyasi mavjud, deb hisoblaydi. Ushbu maktab namoyondalari tilning morfologik tuzilishi, sintagmalar, lingvistik nominatsiyalarni jiddiy o‘rgandilar, sintagmatikani alohida nazariya sifatida ilgari surib, gap bo‘laklarini an’anaviy o‘rganuvchi sintaksisga qarama-qarshi qo‘ydilar.
O‘zaro mantiqiy munosabatlarda gap bo‘laklarining aktual qismlarga bo‘linishi to‘g‘risidagi Mateziusning ta’limoti katta obro‘ga ega bo‘ldi. Unga ko’ra agar rasmiy, an’anaviy mantiqiy grammatik bo‘linishdagi asosiy elementlar grammatik ob’ekt va grammatik predikat bo‘lsa,bo‘linishda so‘zning o‘zak va yadrosi o‘zini namoyon qiladi.
2. Amerika strukturalizm maktabi
Ushbu lingvistik maktab Amerikaning mashhur lingvisti va antropologi Frans Boas (1858-1942) ilmiy qarashlari asosida 1933-1957 yillarda AQShda vujudga keldi. F.Boas Amerika hindularining tasviriy grammatikasiga bag‘ishlangan asarlarida barcha tillarni tasvirlashning yagona tamoyilini inkor qilishga va aniq tilning o‘z mantiqi asosida, tilning “ichidan” induksiya yo‘li bilan o‘rganishga chaqirgan edi.
2. Amerika strukturalizm maktabi
F.Boasning ishini Eduard Sepir (1884-1939) hamda Leonard Blumfild (1887-1949) davom ettirdilar. E.Sepir Kanada, Meksika va AQShdagi mahalliy aholilar tillari bo‘yicha tadqiqotlar olib borib, o‘zining asosiy “Til” (1921) asarida tilni insonning aloqa quroli bo‘lgan aniq tillar ta’siri ostida bo‘lishini, insonlarning madaniyati qanday bo‘lishi ham tillarga bog‘liq bo‘lishini ilgari surgan. Sepir tilshunoslikda etnolingvistika yo‘nalishining shakllanishiga asos soldi.
Sepirning izdoshi E.Sepir va uning izdoshlari Benjamen Uorf (1897-1941), L.Blumfildlar dastlab Sossyur ta’limotidan ilhomlangan bo‘lsalar ham, keyinchalik chetga chiqib ketdilar. Sossyurdan farq qilgan holda Sepir tilda shaklni (formani) ikkilamchi deb hisoblaydi.
2. Amerika strukturalizm maktabi
L.Blumfild tilni tasvirlashning metodini psixologiyadagi bixeviorizm (hatti-harakat psixologiyasi) oqimiga mosladi. Shunga ko‘ra u so‘zlashish jarayoni qator fiziologik stimullar va reaksiyalar – qabul qilish, eshitish, tinglab tushunish, bunda tashqi ta’sirning o‘rni va ahamiyati kabilardan iborat bo‘ladi. Ularning fikricha, til – tashqi va ichki aloqalarga ega bo‘lgan signallar (xabarlar) sistemasi, shunga ko‘ra til metalingvistika va makrolingvistika qismlaridan iborat.
Metalingvistika tilning og‘zaki faoliyati-tashqi holatini o‘rganib, etnolingvistika, psixolingvistika, sotsiolingvistika, mentalingvistika, paralingvistika (til atrofidagi hodisalar, imo-ishoralar, intonatsiya va boshqalar) kabi fanlarni birlashtiradi.
2. Amerika strukturalizm maktabi
Makrolingvistika ifodalar to‘g‘risidagi fan bo‘lib, matn (nutq bo‘lagi) bilanshug‘ullanadi. Matnbo‘laklari- fonema va morfemalar muayyan izchillik, ketma-ketlikdagi til birliklaridir.
Aynan shu deskriptiv lingvistikani shakllantirdi. Deskriptiv lingvistika matnni har tomonlama tasvirlashga yo‘naltirilgan bo‘lib, uning asosida distrubitsiya tushunchasi yotadi. Distrubitsiya muayyan til birligi qo‘llanishi mumkin bo‘lgan yoki mumkin bo‘lmagan kontekstlar yig‘indisi, ya’ni gap bo‘laklarining bir-biriga nisbatan joylashish o‘rni, tarkibi, birikishi va qo‘llanish xususiyatidir. Ushbu qarashlar tilni sistema sifatida o‘rganish, til va nutqni farqlashga qaratilgan hozirgi zamonaviy tilshunoslikning rivojlanishida muhim omil bo‘ldi.
3.Kopengagen strukturalizm maktabi.
Kopengagen strukturalizmi XX asrda - 30 yillarning boshlarida Daniyada tashkil topdi. Tilshunoslikdagi bu yo`nalish glossematikadeb ham ataladi.
Kopengagen strukturalizmining asoschisi Lui Yelmslev (1899-1965) bo`lib, o`zi yaratgan maktabga 1936 yilda glossematika nomini berdi. Bu bilan olim tilga, til hodisalariga avvalgi tilshunosliktadqiqotchilardan farqli yangicha nuqtayi nazardan yondashayotganligini alohida qayd etadi.
Kopengagen strukturalizmining - glossematikaning nazariy asoslari L. Yelmslevning «Umumiy grammatika printsiplari» (1928), «Kelishik kategoriyasi» (1935,1937), «Til va nutq» (1942) va, ayniqsa, «Lingvistik nazariya asoslari» (1943) kabi asarlarida bayon qilinadi.
3.Kopengagen strukturalizm maktabi.
Daniyalik V.Bryondal, X. Uldallar ham glossematika maktabining vakillari hisoblanadi.
Glossematiklarda til sinxron - hozirgi bir davrdagi sof munosabatlarning mavhum sistemasi sifatida beriladi. Bunda har bir konkret tilning o`ziga xosligi, xususiyatlari inkor qilinadi. Ular «tilshunos tilning real elementlari orasidagi o`zaro munosabatni emas, balki tildagi zamon va makon chegarasi bo`lmagan munosabatlar strukturasinigina tekshirishi lozim, degan universal tahlimotni yaratmoqchi bo`ladilar. Shunday qilib, «munosabatlar lingvistikasi» birinchi o`ringa qo`yilib, real tillar, ularning tovush materiyasi va mahno masalasi ikkilamchi hodisalar deb qaraladi”.
L.Elmslev F.de Sossyurning til va nutq antinomiyasiga munosabat bildirar ekan, u nutqni individual jarayon (akt) sifatida tushunib, unga sxema – til sxemasi, norma – til normasi (mehyori) va uzus – til uzusini zid qo`yadi.
3.Kopengagen strukturalizm maktabi.
Sxema – til sxemasi o`zining ijtimoiy amalga oshishiga va moddiy voqelashishiga bog`liq bo`lmagan alohida sof formadir.
Norma – til normasi (mehyori) muayyan ijtimoiy reallashishiga ko`ra aniqlanuvchi, ammo batafsil bayon qilinishiga bog`liq bo`lmagan moddiy formadir.
Uzus – til uzusi muayyan ijtimoiy jamoada qabul qilingan va kuzatilayotgan voqelikdagi faktlar bilan aniqlanuvchi malakalarning jamidir.
L.Elmslev konkret, individual nutq aktining til uzusi bilan yaqindan bevosita aloqada ekanligini, uning til uzusi bilan tilning moddiy jihatini tashkil qilishini alohida qayd etadi.
Glossematiklarning g`oyaviy rahbari L.Elmslev F.de Sossyur ta`limotidagi ifodalanuvchi va ifodalovchi antinomiyani - ushbu terminlarni mazmun plani va ifoda plani terminlari bilan almashtiradi.
Ifoda plani termini ostida tilning tashqi, tovush tomoni tushuniladi.
Mazmun plani termini ostida esa tilda o`z ifodasini topuvchi, ifodalanuvchi fikrlar, g`oyalar tushuniladi.
xulosa
Strukturalizm maktablari - Praga strukturalizmi (funksional tilshunoslik), Amerika strukturalizmi (deskriptiv tilshunoslik) va Kopengagen strukturalizmi (glossematika) bir – biridan tashkil topgan joy nomiga, tilni struktural hodisa sifatida olib, uni tuzilishiga ko`ra tahlil qilishda qo`llaniladigan metodlariga ko`ra, lisoniy hodisalarga qaysi pozitsiya nuqtai nazaridan yondashishiga ko`ra o`ґzaro farqlanadi.
Ayni vaqtda struktural tilshunoslik maktablari eng asosiy, eng muhim nuqtalarda umumiy g`oyalarga ko`ra o`zaro birlashadilar.
1. Tilshunoslik faning tekshirish ob`ekti tildir.
2. Til muayyan munosabatda bo`lgan, o`zaro bog`liq, bir – birini talab qiladigan belgilar, elementlar sistemasidir.
3. Til sinxron tadqiqot ob`ektidir.
4. Til alohida yaruslardan tashkil topgan strukturadir.
5. Til va nutq farqlidir.
6. Fonema - til birligi, tovush nutq birligidir va boshqalar.
Strukturalizm Bu atama gumanitar, ijtimoiy va iqtisodiy fanlar bo'yicha turli nazariyalarni nazarda tutadi, ularning ko'pchiligi tushunchalar orasidagi tizimli munosabatlar turli madaniyatlar/tillar o'rtasida farq qiladi va bu aloqalarni foydali tarzda ochish va o'rganish mumkin degan taxminni bildiradi.

Aniqroq qilib aytganda, bu umuman ilmiy fanlarning yondashuvi sifatida ta'riflanishi mumkin, bu til, adabiyot va boshqa yuqori darajadagi aqliy, lingvistik, ijtimoiy yoki madaniy "tuzilmalar" va "tizimli tarmoqlar" ning asosiy asosiy elementlari o'rtasidagi munosabatlarni o'rganadi. qurilgan. Bu tarmoqlar orqali ma'no ma'lum bir shaxs, tizim yoki madaniyat ichida ishlab chiqariladi. Bu ma'no keyinchalik shaxslar va guruhlarning harakatlarini rag'batlantiradi va rag'batlantiradi. Oxirgi ko'rinishida, ilmiy qiziqish sohasi sifatida strukturalizm 1958 yilda boshlangan va 1960 -yillarning oxiri va 1970 -yillarning boshlarida avjiga chiqqan.

Tarix
Strukturalizm akademiyada birinchi marta XIX asrda paydo bo'lgan, keyin esa XX asrning ikkinchi yarmida, til, madaniyat va jamiyatni tahlil qilish bilan bog'liq ilmiy sohalarda eng ommabop yondashuvlardan biriga aylanganda paydo bo'lgan. Ferdinand de Sossurning tilshunoslikka oid ishi, odatda, XX asr strukturizmining boshlanish nuqtasi hisoblanadi. "Strukturizm" atamasining o'zi frantsuz antropologi Klod Levi-Strauss asarlarida paydo bo'lgan va Frantsiyada tarixchi Mishel Fuko kabi turli sohalardagi mutafakkirlarning ishiga turtki bo'lgan "tizimli harakat" ni keltirib chiqardi. olim Louis Althusser, psixoanalist Jak Lakan, shuningdek, Nikos Poulantszaning tarkibiy marksizmi. Bu harakat deb atalganlarning deyarli barcha a'zolari, uning bir qismi ekanligini rad etishdi. Strukturalizm semiotika bilan chambarchas bog'liq. Post-strukturalizm strukturaviy usulni qo'llashdan ajralib turishga harakat qildi. Dekonstruksiya - bu tizimli fikrni buzishga urinish edi. Masalan, Yuliya Kristeva singari ba'zi ziyolilar, keyinchalik post-strukturalistlar bo'lish uchun boshlang'ich nuqtasi sifatida strukturalizmni (va rus formalizmini) oldilar. Strukturalizm ijtimoiy fanlarga har xil ta'sir ko'rsatdi: sotsiologiya sohasida juda ko'p, lekin iqtisodiyotda deyarli hech kim.