Tashkiliy tuzilma

Tashkiliy tuzilma
SOS O’zbekiston Bolalar Mahallalari Uyushmasi O’zbekiston Respublikasi hududidagi o’z faoliyatini O’zbekiston Respublikasi Hukumati va SOS Kinderdorf International (Avstriya) tomonidan 1997 yilda imzolangan “O’zbekiston Respublikasida SOS bolalar mahallalarini va ular bilan bog’liq loyihalarni tashkil etish, qurish, jihozlash va ularning faoliyat ko’rsatishi to’g’risida”gi shartnomaga hamda Vazirlar Mahkamasining 31.12.1997 yildagi 585-sonli “O’zbekistonda SOS Bolalar Mahallalari Uyushmasini tashkil etish to’g’risida”gi Qaroriga muvofiq amalga oshiradi. 



Toshkent Shahar



Toshkent
Toshkent SOS Bolalar Mahallasi 2000 yilda ochilgan bo'lib, bugungi kunda 149 nafar bola va o'smirni qamrab olgan, ulardan::

• 
  90 nafari 14 ta SOS-оoilada yashaydi;
  
• 
  35 nafari 2009 va 2013 yillarda davlat ko'magida ochilgan ikkita Yoshlar uyida istiqomat qiladi;
  
• 
  24 nafari yarim mustaqil yashash dasturi bo'yicha ko'mak oladi.
  

2007 yilda Mirzo Ulug'bek tumanidagi mahallalarda oilani mustahkamlash va ijtimoiy etimlikni oldini olish bo'yicha xizmat o'z faoliyatini boshladi. Bugungi kunga kelib 123 ta oiladan 324 nafar bola va 201 o'smirlar oilani mustaxkamlash tuzilmasining xizmatlarini olishga muvaffaq bo'ldi. 
2009 yilda bolalar ta'limini qo'llab-quvvatlash maqsadida Mirzo Ulug'bek tumanidagi 49-sonli maktab qoshida ta'lim loyixasi o'tkazildi, uning doirasida ikkita kompyuter sinfi yangi uskunalar bilan jihozlandi, darslar uchun multimedia materiallari taqdim etildi, qo'shimcha fakultativlar va to'garaklar tashkil etildi, o'qituvchilar, ota-onalar va bolalar uchun treniglar o'tkazildi.
Toshkent SOS Bolalar Mahallasi loyixalarida jami 68 ta xodim, shu jumladan 14 nafar SOS-ona, 7 nafar SOS-xola, ijtimoiy xodimlar, psixologik-pedagogik, ma'muriy va texnik xodimlar faoliyat ko'rsatadi.

Bolalarni muqobil parvarish qilish

Samakrand shahrida 77 nafar bola 
Urganch shahrida 38 nafar bola 
Toshkent shahrida 87 nafar bola.
SOS O'zbekiston Bolalar Mahallalari Uyushmasi – bu ota-onasining qaramog'isiz qolgan bolalarni tarbiyalashning alohida, iloji boricha oilaviy modelga yaqinlashtirilgan uzoq muddatli modelidir. Ushbu model 60 yildan ortiq vaqt mobaynida dunyoning 134 ta mamlakatida muvaffaqiyatli faoliyat ko'rsatib kelmoqda.
SOS O'zbekiston Bolalar Mahallalari Uyushmasi doirasida uchta filialda bolalarni muqobil parvarish qilish xizmatlari ko’rsatilmoqda: Toshkent shahrida 14 ta oilaviy uy, Samarqand shahrida 13 ta oilaviy uy barpo etilgan, Urganch shahrida mahallalarga integratsiyalashtirilgan 6 ta oilaviy uy tashkil etilgan, ularda SOS-oilalar boshqa oddiy oilalar bilan qo’shnichilikda istiqomat qiladilar.
Har bir SOS-oilada har xil yosh va jinsdagi 4-7 nafar bola yashaydi. Ularning orasida tug’ishgan aka-ukalar va opa-singillar ham bor, ularning bir oilada tarbiyalanishi Uyushmaning ustuvor vazifalaridan biri hisoblanadi.
SOS-ona/ota-ona – bu bolani asrab olgan «professional» ota yoki ona bo’lib, u har bir bolaga individual yondashuvdan foydalangan holda bolalar bilan birga yashaydi, bolalar to’laqonli rivojlanishi uchun barcha zarur narsalar bo’lishi haqida qayg’uradi.
Individual yondashuv – bu faoliyatimizning muhim tarkibiy qismidir: faqat shu yo’l bilangina biz har bir bola munosib mustaqil hayotga to’liq shakllanishi uchun zarur bo’lgan barcha narsalarga ega bo’lishiga ishonch hosil qilishimiz mumkin.