Termiz Davlat Universiteti Amaliy matimatika va intelektual texnologiyalar fakulteti Fizika yo’nalishi 322-guruh 2-kurs talabasi Abdullayevaning Madinaning Fizika òqitish metodikasi fanidan yozgan

FIZIKADAN O’QUV EKSPERIMENTI VA UNING TURLARI.

Fizikadan o’quv eksperimenti o’qitish metodlari sistemasiga kiradi. ‘’Eksperiment’’ so’zi lotincha ‘’eksperimentum’’ so’zidan olingan bo’lib sinash degan ma’noni anglatadi. Eksperiment hodisaning borishini kuzatishga imkon beradigan, tekshiriladigan hiodisani kuzatish va tahlil qilish hamda uni istalgan paytda qaytadan takrorlash demakdir. Fizikadan o’quv eksperimenti bir vaqtning o’zida bilimlar manbayi, o’qitish metodi va ko’rsatmalilik turi bo’lib xizmat qiladi. Hozirgi kunda ta’lim muassasalarida fizikadan o’quv eksperimentining sistemasi tashkil topgan bo’lib, bu sistema fizikani o’qitish jarayonida bilim oluvchilar egallaydigan bilimlarni ko’rgazmalilik metodi bilan mustahkamlashga yo’naltirilgan. Fizika fanining eksperimental xarakteridan kelib chiqqan holda fundamental fizik nazariyalar, qonunlar, hodisalar jarayonlar va dalillardan tashkil topgan bilimlarning mohiyatini bilim oluvchilarga o’rgatishda quyidagi o’quv eksperimentlari mavjud:

1.Namoyish tajribalari;
2.O’quv kinofilm va diafilmlardagi tajribalar;
3.Frontal laboratoriya ishlari;
4.Fizikadan praktikum ishlari;
5.Sinfdan tashqari va uyda bajariladigan tajribalar.
Bugungi kunda o’quv eksperimenti turlarida o’tkaziladigan tajribalarni virtual ko’rinishda kompyuter yordamida ham namoyish qilish keng avj olmoqda. Bunday virtual tajribalarni:
1.O’quv tajribalari o’tkazish uchun asbob-uskunalar yetishmaydigan ta’lim muassasalarida; 2.Tajriba o’tkazish imkoniyati bo’lmagan auditoriyalarda o’tkazish maqsadga muvofiqdir. Didaktik talablarga rioya qilmaslik o’quv eksperimentining sifatini va pedagogik samaradorligining pasayishiga olib keladi.
Birinchidan didaktik talab – ko’rgazmalilikni ta’minlash maqsadida quyidagilarga amal qilish zarur: Demonstratsiya stoli yuqoriroq o’rnatilishi o’quvchilar diqqatini jalb qilgan ortiqcha narsalar undan olib qo’yilishi;
-Yetarli o’lchamga ega bo’lgan maxsus o’quv asbob uskunalarda foydalanish, o’quv asboblarining shkalasi, ularning strelkasi yoki son ko’rsatkichlari katta bo’lishi asboblarning bir-birini berkitib qo’ymasligi; Ko’tarib tushuriladigan asboblardan, shtativlardan, asboblarni vertikal tekislikda o’rnatish uchun ishlatiladigan turli xil balandlikdagi tagliklardan foydalanish;
-Asboblar tuzilishini, shuningdek ko’rsatilayotgan fizik hodisani tushuntirishni yaxshiroq ta’minlash maqsadida hodisani ekranga proyeksiyalashni qo’llash.
Ikkinchi didaktik talab, ya’ni tajribalarning soda bo’lish talabi, fizikani o’rganishda moslik prinsipiga to’g’ri keladi. Eksperimental qurilmalarda ishlatiladigan asbob-uskunalarning tuzilishi va ish prinspi asosida elektromagnit o’zaro ta’sir kuchlarining, o’zgaruvchan tok generatorlarining ish prinspi asosida esa elektromagnit induksiya hodisasining amal qilishi yotadi.
Uchinchi didaktik talabning bajarilishini ta’minlash, ya’ni namoyish tajribalarining xavfsizligi bo’yicha qoidalarga rioya qilish bilan ta’minlanadi. Bu yerda elektr tokidan, issiqlikdan, turli xil mexanik ta’sirlardan o’qituvchi va talabalarning shikastlanmasligini choralarini ko’rish muhimdir.
To’rtinchi didaktik talab ustida to’xtalib o’tamiz. Namoyish tajribalarining ishonchli bo’lishi deganda, o’qituvchi namoyish qilish tajribaning yaxshi chiqishi tushuniladi. Agar o’qituvchining tajribasi ma’ruza paytida bir marta yaxshi chiqmaslik sabablari turli-tumandir. Bulardagi eng asosiylari – oldindan tekshirilib ko’rilmaslik, asbobning buzuqligi tajribani qilishga pala-partishlik va h.z.
Yetuk pedagogik va fizika eksperimentining ustasi N.S. Drenteln deydi: ‘’tajribaning muvaffaqiyati, albatta, birinchi masala bo’lishi kerak. Agar tajriba chiqmasa ‘’tabiat ovozi’’ o’rniga o’qituvchining ovozi eshitilsa bunday tajribadan yomon narsa yo’q. U holda tajriba o’ziga yengib bo’lmaydigan ishonchsizlikni zerikishni va hatto nafratni vujudga keltiradi. Tajribalarni qo’yishda muvaffaqiyatga kafolat beradigan vosita darsdan oldin tajribalarni bajarib ko’rish hisoblanadi. O’qituvchi shu bilan birga tajribani ma’ruzaning qaysi vaqtida o’tkazishni, tajriba o’tkazish uchun optimal sharoitni aniqlash, tajriba mazmunini tushuntirish va olingan tajriba natijalarini talqin qilinishni ham oldindan rejalab qo’yilishi kerak. Bu yo’nalishda har bir o’qituvchi L.N. Tolstoy aytgan: ‘’O’qituvchiga qancha qiyin bo’lsa o’quvchilarga shuncha oson bo’ladi va o’qituvchiga qancha yengil bo’lsa, o’quvchilarga shuncha qiyin bo’ladi’’. O’gitga amal qilish zarur. Puxta tayyorlangan va ishonchli o’tkazilgan tajriba ma’ruza mashg’ulotini o’tkazishda ko’p vaqtni tejab qoladi.
Beshinchi didaktik talab ya’ni tajribalarning takrorlash va tushuntirish zaruriyatligi talabi shu narsa bilan bog’liqki, namoyish tajribasini talabalarga faqat bir marta ko’rsatilishini yetarli emasligi bilan bog’liq. O’qituvchi konsultatsiyalar vaqtida asosiy namoyish tajribalarini takrorlab ko’rsatish maqsadga muvofiqdir. Namoyish tajribalari albatta yaxshi tushuntirish bilan birga olib borilishi kerak, chunki talabalarning hissiy qabul qilishi o’z-o’zidan ularda to’g’ri tasavvurlar hosil qilishga kafolat bermaydi. Kuzatish jarayonida talabalar predmet yoki hodisani muhim belgilariga diqqat qila olmasligi mumkin, natijada fizik hodisa yoki jarayon haqida talabada to’liq aniq bo’lmagan va hatto noto’g’ri tasavvur qilishi mumkin. Qabul qilishi sezgi organlarining faoliyati bilan chegaralanmaydi. Sezishlarga fikrlash faoliyati ham qo’shilgandagina qabul qilish fizik hodisa yoki jarayon haqida haqiqiy tasavvurlar hosil bo’ladi.
Oltinchi didaktik talab ma’ruzaga belgilab berilgan vaqt (80min) orqali aniqlanadi. Namoyish tajribasini bajarilish vaqti talabalarning tajribada ko’rsatiladigan fizik hodisani qabul qilish vaqtida mos kelish kerak. Demonstratsion tajribaning muhim tomoni – uning o’z vaqtida namoyish qilishidir. Tajribani namoyish qilish o’qituvchining hikoyasi tushuntirish jarayoni bilan birga olib borilishi kerak. Ba’zan muammoli vaziyat hosil qilish uchun, tajriba demonstratsion tajribalarning barchasini ko’rsatish, ma’ruzaning qolaversa demonstratsion tajribalarning sifati va samaradorligini yanada oshiradi.
Yettinchi didaktik talab ya’ni namoyish tajribalarining va zamonaviyligi deganda ularga qo’yiladigan asbob-uskunalarning va qurilmalarning zamonaviyligi hamda tajribaning o’zini zamonaviy usulda namoyish qilish tushuniladi. Hozirgi kunda strelkali eski elektr o’lchovi asboblari o’rnini son ko’rsatkichi asboblar egallagan. Namoyish kompyuter texnikasi va video proyektorlar yordamida virtual ko’rinishda ham bajarilmoqda. Ma’ruzaviy namoyishlarda mana shunday zamonaviy vositalardan foydalanish ularning estetik didini va samaradorligini yanada oshiradi.