Hadisə baş verəndə
Təmkinlə hərəkət edin, təlaşa düşməyin.
Yanğından mühafizə xidmətinə xəbər verin, ünvanınızı aydın və dəqiq
söyləyin.
Qazı və elektrik enerjisini kəsin.
Əl altında olan yanğınsöndürən vasitələrdən istifadə edin. Heç vaxt alışmış
neft məhsullarını su vasitəsilə söndürməyə cəhd etməyin. Elektrik
avadanlığı yanan hallarda ilk növbədə cərəyanı kəsin.
Binanı tərk edin.
Təhlükəyə məruz qalmış insanları və heyvanları xilas etməyə çalışın
(paltarı alışmış adamın üstünə hər hansı bir örtük, adyal atıb onu yerə
sıxın).
Əgər pilləkən qəfəsi və dəhliz tüstüyə bürünmüşsə, onda mənzildə qalın,
qapı və pəncərələri bağlayın ki, içəridə yelçəkmə yaranmasın. Qapının
taylarını tez-tez su ilə isladın və qapıdakı deşik-bacaları yaş əsgi ilə tutun.
Pəncərənin qarşısında dayanın ki, sizin mənzildə qaldığınızı çöldən
görsünlər (lakin pəncərəni açmayın).
Tüstü bürümüş yerlərdə qalarkən döşəməyə uzanın – orada hava nisbətən
təmiz olur.
Alovun mühasirəsində qalmaq təhlükəsindən qaçın.
Dostları ilə paylaş: | 
