Tikuv buyumlarini konstruksiyalash va texnologiyasi

KURS LOYIHASI BO'LIMLARINI BAJARISH USLUBI
1.Kirish bo'limi
Qisqa qilib hozirgi zamon tikuv sanoati va uning asosiy ko'rsatkichlari, bundan keyingi rivojlanish istiqbollari bo'yicha, ya'ni mehnat unumdorligini o'sishi, assortiment turlarini ko'payishi va ularning sifati oshishi to'g`risida ma'lumot beriladi.


2. MODELLARNI TANLASH VA ASOSLASH
Modellar asosan hozirgi kunda tikilayotgan yoki ishlab chiqarishga tushirishga mo'ljallanganidan tanlab olinadi va bunda moda yo'nalishi, maqsadga muvofiqligi texnologiyabopligi va tejamliligi ko'zda tutiladi.
Model texnologiyabopligi asosiy samaradorlik elementi hisoblanadi. Model texnologiyabop deganda buyum konstruksiyasi iste'molchilarning hamda korxonaning talablariga juda mos keladigan, ishlab chiqarish sharoitlari yuqori mehnat unumiga imkon beradigan, kiyim detallariga texnologik ishlov berish va ularni yig`ishning eng murakkab usullaridan foydalanish imkonayatini beradigan deb tushuniladi.
Ko'p fasonli ishlab chiqarish oqimlari uchun tanlangan modellar sermehnatligini bir-biriga taqqoslash yo'li bilan asoslanadi. Katta quvvatli ko'p fasonli ishlab chiqarish oqimlarda tikiladigan modellarni sermehnatligi bir-biridan 3-5 % dan ortiq farq qilmasligi kerak.
Tushuntirish xatida bu bo'lim bo'yicha quyidagilar beriladi:
1.Moda yo'nalishi
2.Kiyimga bo'lgan talablar
3.Tanlangan modellarni asoslash
Tavsiya etilayotgan modellarga konstruktiv tavsif 1- jadval shaklida beriladi.


BUYUM MODELLARIGA KONSTRUKTIV TA'RIF
1- jadval

№	Modelning qisqacha tasnifi	Modelning homaki rasmi	Detallar nomi					Tavsiya etiladigan o'lcham va bo'ylar
			Old bo`lak	Ort bo`lak	Yoqa	Yeng	va hokazo
1	2	3	4	5	6	7	8	9