58
dərinləşəcək. Ekspertlərin proqnozuna görə, yeni iqtisadi böhranın 2015-ci ilin yazından
başlanması gözlənilirdi. Əslində, dünyada iqtisadi sabitliyi pozan bir çox problemlər toplanmışdır.
Bu problemlərə çoxsaylı etnik münaqişələri, Ukrayna münaqişəsini, Suriya və İraq hakimiyyət
bölüşdürülməsi kimi geosiyasi məsələləri aid etmək olar. Bu amillər bütövlükdə dünya
iqtisadiyyatına təsir göstərən amillərdir [3].
Bundan başqa, dünya ölkələrinə, onların qeyri-bərabər inkişafına təsir göstərən birbaşa
amillər də vardır. Bu amillərə fond bazarında kiçik köpüklərin əsassız şəkildə şişirdilməsini, enerji
sektorunda artan böhranı, bir çox ölkələrdə əhalinin kütləvi yoxsullaşmasını aid etmək olar. Bu,
dünya ölkələrinin əksəriyyətinə aiddir. İstehsalın azalması öz ardınca infilyasiya gətirir. Bu
zəncirvari reaksiya 2015-ci ildə qlobal iqtisadi böhranı şərtləndirdi. 2015-ci ildə dünya
iqtisadiyyatında qeyri-sabitlik və Çinin iqtisadi artım sürətinin geriləməsi və fond birjalarındakı
təlatümlərlə, xammal məhsullarına, o cümlədən neft və neft məhsullarının qiymətlərinin enməsi ilə
yadda qaldı. 2015-ci ilin ötən dövründə də BVF növbəti dəfə iqtisadi artım proqnozunu aşağı saldı.
BVF-nun məlumatına görə 2015-ci ildə dünya ölkələri üzrə iqtisadi artım tempi 3.3% olmuşdur.
2016-cı ildə isə 3.8% olacağı proqnozlaşdırılır. BVF-nun 2016-cı il üçün qlobal ÜDM-in artım
tempini 3.8% proqnozlaşdırsa da, bu göstərici inkişaf etmiş ölkələrdə inkişaf etməkdə olan ölkələrə
nisbətən aşağı olacağı gözlənilir. Avrozonada iqtisadi artım 1.7%, MDB ölkələri üzrə 0.3%, Çin
üçün isə 6.3% proqnozlaşdırılır. Qlobal iqtisadiyyat böhrandan çıxa bilmir. Neft qiymətlərinin
kəskin aşağı düşməsi, xüsusilə, büdcəsi ondan asılı olan inkişaf etməkdə olan ölkələrə mənfi təsir
edib. Bu ölkələr sırasında Qazaxıstan, Rusiya, Azərbaycan və digər ölkələr də vardır.
Qlobal maliyyə böhranı dünya iqtisadiyyatına sıx inteqrasiya olunmuş Azərbaycan
Respublikasının iqtisadiyyatı üçün də əhəmiyyətli risklər yaratmışdır. Lakin qlobal maliyyə
böhranının birinci dalğasından Azərbaycan zərərsiz və ya qismən zərərlə ötüşə bildi. Avrozonada
böhranın Azərbaycana təsirini azaltmaq üçün manatın məzənnəsinin sabit saxlanılması üçün
tədbirlər davam etdirildi. 2014-cü ildə neftin qiymətinin aşağı düşməsi Azərbaycan iqtisadiyyatına
ciddi təsir etdi. Ölkəmizdə də devalvasiya artıq qaçılmaz idi. 2015-ci il fevralın 16-sında Mərkəzi
Bank manatın devalvasiyasını həyata keçirdi və dollara və Avropa nəzərən dəyəri aşağı salındı.
Milli iqtisadiyyatın rəqabət qabiliyyətinin qorunması, tədiyyə balansının tarazlığının saxlanılması,
ölkənin ölduqca azalmış valyuta ehtiyatlarının qorunması məqsədilə Azərbaycan Respublikasının
Mərkəzi Bankın İdarə Heyəti 21 dekabr 2015-ci il tarixində üzən məzənnə rejiminə keçilməsi
barədə qərar qəbul etdi. Beləliklə, 2015-ci il dekabrın 21-ində manatın bu il üçün ikinci
devalvasiyası oldu. Milli valyutanın ikinci devalvasiyası ilk devalvasiyada olduğu kimi
qısamüddətli dövr üçün bir çox iqtisadi və sosial problemlər doğurdu. Devalvasiya xüsusilə bank
sektoruna təsir etdi [1].
Ümumiyyətlə, qlobal maliyyə böhranın dərinləşməsi milli səviyyədə iqtisadi
tənzimləmələrin səmərəsini azaltmış və dövlətlərüstü tənzimləmə orqanlarının yaradılması
zərurətini doğurmuşdur. Qlobal maliyyə böhranın təsirlərini minimumlaşdırmaq üçün beynəlxalq
maliyyə-kredit təşkilatlarının rolu çoxdur. Beynəlxalq maliyyə-iqtisadi təşkilatları tərəfindən
həyata keçirilən çoxtərəfli tənzimləmələrin inkişafı istiqamətləri həmin məsələlərdə iştirak edən
dövlətlərin konkret maraqlarından, milli dövlətlərin həyata keçirdiyi siyasətdən asılıdır. Bu zaman
çoxtərəfli razılaşmalar iştirakçıların milli suverenliyinə toxunmadan hökumətlər tərəfindən ticarət,
maliyyə, valyuta məsələləri üzrə qəbul olunan qərarlara təsir göstərir. Bu sahəyə, dövlət
siyasətində həyata keçirilən tənzimləmə tədbirləri ilə yanaşı, beynəlxalq iqtisadi əlaqələrin
inkişafına təsir mexanizmi də daxildir. Çoxtərəfli tənzimləmələrin mərkəzi halqasını beynəlxalq
ticarət, maliyyə, valyuta, invetisiya sahəsində hamı tərəfindən qəbul edilən normaların yaradılması
təşkil edir [5].
Kifayət qədər kapitala malik olan Dünya Bankı (DB) qrupu qloballaşmanın inkişafı və
maliyyə böhranının dünya qarşısında qoyduğu qlobal məsələlərin həllində aparıcı rol oynamağa
qadirdir. Bu təşkilat öz fəaliyyətini qlobal miqyasda, dövlət və özəl sektorla əməkdaşlıq ilə zəruri
Qlobal maliyyə böhranının aradan qaldırılmasında beynəlxalq maliyyə-kredit təşkilatlarının rolu
59
bilik və təcrübəyə malik dövlət və sektorlarda, orta və aşağı gəlir səviyyəli ölkələrlə həyata keçirir.
O inkişaf sahəsində aparıcı beynəlxalq təcrübə məsələləri üzrə daima təkmilləşən informasiyaya
malikdir; onun sərəncamında risk və bank fəaliyyətinin idarə edilməsi sahələrində dünya təcrübəli
mütəxəssislər, eləcə də əlavə maliyyə resurslarının cəlb edilməsi üzrə imkanlar vardır. Ehtimal ki,
DB qrupunun postböhran dövründə rolu dörd əsas amillə müəyyən olunur:
Birinci müəyyənedici amil inkişaf prosesinin ənənəvi və innovasiya maliyyələşdiril-
məsidir. DB-nın müştəriləri maraqlıdırlar ki, böhran başa çatan zaman bu təsisat kifayət qədər
kapitala malik olsun və qlobal iqtisadiyyatın inkişafına və yoxsulluq səviyyəsinin azaldılmasına
imkan verən miqyasda maliyyələşdirməni təmin etməyə qabil olsun [2].
İkinci müəyyənedici amil məlumatların genişləndirilməsidir. DB qrupu inkişaf sahəsində
qabaqcıl beynəlxalq təcrübə məsələləri üzrə geniş informasiya bazasına, layihə və proqramların
həyata keçirilməsi təcrübəsinə, tədqiqat fəaliyyəti və təlimin aparılmasına, eləcə də həm dövlət,
həm də özəl sektorda resurslara təsir etmək imkanlarına malikdir.
Üçüncü müəyyənedici amil qlobal ictimai nemətlərin müdafiəsi, yəni iqlim dəyişikliyi və
infeksiya xəstəlikləri ilə mübarizə kimi ən mühüm qlobal problemlərin həllidir.
Dördüncü amil – gələcək böhranlardır. Bu gün onların nə vaxt baş verəcəyini qabaqcadan
demək çətindir, ancaq bilirik ki, onlar baş verəcəkdir.
Qlobal iqtisadiyyatda baş verən dəyişikliklər nəzərə alınmaqla dünyaya dinamik, çevik,
kompotent və məsul təşkilatlar lazımdır. DB qrupu bundan sonra da öz legitimliyini
möhkəmləndirmək, fəaliyyətinin səmərəliliyi və nəticəliliyini yüksəltmək, hesabatlı olmaq,
Beynəlxalq Maliyyə Korporasiyası, Beynəlxalq Valyuta Fondu və digər çoxtərəfli inkişaf
bankları, inkişaf səhəsində daha çox çəkidə rol oynayan donorlar, vətəndaş cəmiyyətləri və
fondlarla əməkdaşlığı davam etdirmək və dərinləşdirmək niyyətindədir.
Qeyd edək ki, 2008-ci ildə DB böhran şəraitində maliyyə yardımı qaydasında bütün dövr
ərzində ən böyük məbləğdə - 59 mlrd. ABŞ dolları ayırmışdır. Beynəlxalq Yenidənqurma və
İnkişaf Bankının ehtiyatda saxlanılan vəsaitinin həcmi 33 mlrd. ABŞ dollarına çataraq təxminən
üç dəfə artmışdır. Beynəlxalq İnkişaf Assosiasiyasının kreditləşməsi də ən rekord həddə - 14 mlrd.
ABŞ dollarına çatmışdır. Beynəlxalq Maliyyə Korporasiyasının (BMK) yeni layihələrinin 50%-
dən çoxu Beynəlxalq İnkişaf Assosiasiyası (BİA) tərəfindən maliyyələşdirilən ölkələrə çatır.
İnfrastruktur – iqtisadi artımın bərpa edilməsi və yeni iş yerlərinin yaradılması üçün mühüm
əhəmiyyət kəsb edən sektorlara maliyyə köməyinin həcmi 21 mlrd. ABŞ dollarına çatmışdır.
Əhalinin sosial təminatı sisteminə kömək üçün və əhalinin ən zəif qruplarına böhranın təsirini
yumşaltmaq iqtidarında olan digər sosial müdafiə proqramlarına ayrılmış vəsaitlərin məbləği 4,5
mlrd. ABŞ dollarına qədər artmışdır [6].
BMK-sı öz güclü innovasiya potensialını resursların mobilləşdirilməsi üzrə imkanlarını
birləşdirməklə istifadə edir; o bankların kapitallaşdırılması, ticarətin maliyyələşdirilməsi,
infrastrukturun və mikromaliyyələşdirmənin inkişafı sahəsində yeni təşəbbüslərin həyata
keçirilməsinə başlamışdır. 2009-cu maliyyə ilində Beynəlxalq Yenidənqurma və İnkişaf Bankının
(BYİB) ehtiyat vəsaitlərinin həcmi rekord səviyyəyə - 40 mlrd. ABŞ dollarına çatmışdır. BYİB-
nın borcuna tələbat bu gün 100 mlrd. ABŞ dollarını ötüb keçmişdir. BİA-dan maliyyə resursları
alan dövlətlər üçün böyük maliyyələşmə defisiti qorxusu var. Qiymətləndirmələrə görə, yoxsul
ölkələrdə səhiyyə, təhsil, sosial müdafiə və infrastruktur üçün riskə meyilli dövlət xərclərinin
ödənməsi üçün tələb olunan maliyyələşmə kəsiri 11,6 mlrd. ABŞ dolları təşkil edir. İnkişaf etmiş
ölkələrin büdcə imkanları məhduddur.
BVF qlobal maliyyə böhranının aradan qaıldırılması istiqamətində fəaliyyətini davam
etdirir. O qlobal maliyyə böhranı şəraitində qlobal sistemli risklərin idarə edilməsi metodlarına
yenidən baxılmasını təkid edir. Fond aparılan təhlil nəticəsində üç müxtəlif səviyyədə
uyğunsuzluq olduğunu göstərir:
Mahmudova L.F., Osmanov İ.O., Abdullayeva Y.T.