kitabları oxumaq üçün kitabxanaçıya müraciət
edirlər.
Sərgilər
məktəbli
oxucular arasında
kitabların kütləviliyini artırır. A.Şaiq adına Yasamal
rayon uşaq kitabxanasında uşaqlar üçün kitab sərgisi
təşkil edərək onu rəngarəng sərlövhə və müvafiq
illüsturasiya ilə bəzəməyə məxsusi diqqət verirlər
ki, bu da uşqların diqqətini daha çox cəlb edir.
Kitabxanaçılar bu məqsədlə təşkil etdikləri sərgilərə
ad seçərkən onun yüksək çağırış xarakterli olmasına
xüsusi fikir verirlər. Uşaqlar üçün kitab sərgiləri
düzəldərkən əyaniliyin güclü olmasına ona görə
fikir vermək lazımdır ki, uşaqların mücərrəd
təfəkkürü həmişə dayaq nöqtəsi axtarır. Eyni
zamanda bu mücərrəd təfəkkür müəyyən obrazlarda
təşəkkül tapır. Bu mənada müəyyən mövzu ilə
əlaqədar kitab təbliği zamanı həmin mövzu
haqqında onlarda müəyyən təsəvvür yaratmaq üçün
uyğun şəkillərin verilməsi və ümumiyyətlə
əyaniliyin gücləndiriməsi vacibdir. Məsələn,
Azərbaycanda Milli ordunun yaradılması günü
münasibəti ilə adı çəkilən kitabxanada təşkil olunan
“Vətənimizin etibarlı keşikçiləri “ mövzusunda, 8
Mart Qadınlar Bayramı münasibətilə “Azad ana,
azad qadın” adlı sərgilərdə həmin mövzularda
məktəblilərin səviyyəsinə müvafiq olan kitablar
nümayiş
etdirilmiş,
lazimi
şəkillərlə
tamamlanmışdır. Yaxşı haldır ki, uşaq
kitabxanalarında keçirilən kütləvi tədbirlərin həm
sənədləri, həm də hər bir kütləvi tədbirlərlə əlaqədar
kitabxanaçıların gördüyü işlər yazılı şəkildə xüsusi
qovluqlarda mühafizə olunub saxlanılır.
Bir qayda olaraq uşaq kitabxanalarında
təşkil olunan sərgilərin mövzusu məktəb proqramı
ilə bağlı olmalıdır. Bu mənada kitabxanaçı ayrı-ayrı
siniflər üzrə tədris proqramı ilə yaxşı tanış olmalıdır
ki, hər hansı mövzuya aid tədbir keçirərkən tövsiyə
edilən kitablar proqramı tamamlamağa kömək etmiş
olsun. Sərgi təşkil etmək üçün seçilmiş mövzuya
dair kitabxanada mövcud kitablar azlıq etdikdə,
sərgini uşaqlar üçün nəşr olunan qəzet və jurnal
məqalələri ilə tamamlamaq lazımdır. Məlum olduğu
kimi məktəbli oxucular qəhrəmanlıq haqqında
oxumağı çox sevirlər. Bununla əlaqədar olaraq
Azərbaycan xalq qəhrəmanları haqqında məktəblilər
üçün nəzərdə tutulub nəşr olunan əsərləri əks
etdirən kitab sərgiləri təşkil olunmalıdır. Sərgi iki
bölmədən ibarət olmalıdır: Birinci bölmədə həm
xalq qəhrəmanları, həm də vətən yolunda canından
keçən milli qəhrəmanların həyatı və qəhrəmanlığına
həsr edilmiş kitablar, faktlar və rəqəmlər verilməli,
ikinci bölmədə isə uşaqları təhsilə və əməyə çağıran
kitablar, qəzet və jurnal məqalələri, şəkilləri və s.
əks etdirilməlidir. Eyni zamanda sərgi milli
qəhrəmanların şəkilləri və şəkillərinin altında
onların hər birinin haqqqında yığcam mətn
verilməlidir.
Kitabxanalarda sərgi təşkil etmək üçün
birinci növbədə onun mövzusunu və qarşısında
qoyulan tərbiyə məqsədini müəyyən etmək lazımdır.
Ümumiyyətlə qeyd edilməlidir ki,uşaqlar üçün
təşkil edilən hər hansı kütləvi tədbir forması və
yaxud da məktəblilər üçün yazılan hər bir əsərin adı
onun məzmunu ilə əlaqədar olmalı, daha doğrusu
sərlövhə əsərin məzmununun açilmasına xidmət
etməlidir. Bu mənada kitab sərgisilərinin sərlövhəsi
seçilərkən elə etmək lazımdır ki, uşaqlar sərlövhəni
oxuyarkən sərgidəki kitabların konkret olaraq nədən
bəhs etdikləri haqda dəqiq təsəvvürə malik olsunlar.
Kitab sərgilərini sərlövhəsinin müvəffəqiyyətlə
seçilməsi həmin mövzuda ədəbiyyatın düzgün və
asan seçilməsinə kömək edir. Kitabxanada kiçik
məktəbyaşlılar üçün “Özün düzəlt “, Yeniyetmə
yaşlılar üçün isə “Bunları bilmək maraqlıdır” adda
kitab sərgisi düzəldilmişdir. Belə sərgilər uşaqlar
üçün olduqca maraqlı olur. Bu mövzular uşaqların
diqqətini cəlb edir. Sərgidə ayrı-ayrı kitabların
məzmununu açmaq məqsədilə verilən şəkillər
uşaqların sərgiyə və oradakı kitablara olan marağını
daha da artırır. Məhz uşaqların bu cəhətini nəzərə
alaraq uşaqlar üçün nəşr olunan kitablarda əsərin
məzmunu ilə əlaqədar çoxlu şəkillər verilir. Ona
görə
də
kitabxanalar
məktəblilərin
bu
xüsusiyyətlərindən istifadə edərək kitabxanada
həyata keçirilən kütləvi tədbirlərdə əyaniliyi hər
cəhətdən gücləndirilməlidir. Məktəblilər üçün təşkil
edilən sərgilərin bir xüsusiyyəti də ondan ibarətdir
ki, burada kitablara maraq yaratmaq üçün onların
bəzilərinin içərisindən maraqlı səhifələri, yaxud
diqqəti daha çox cəlb edə bilən şəkil olan səhifəni
açıb göstərmək lazım gəlir. Sərgilərin təşkilində
istər sərginin fonu, istərsə də kitabların və yazıların
rənginə
uyğun
olaraq
materiallar
elə
yerləşdirilməlidir
ki,
rəngarənglik
yaransın.
Məsələn, eyni rəngli kitabların yanaşı düzülməsi
düzgün olmazdı. Eyni zamanda kitablarla
illüstrasiyaları çox yanaşı vermək də məsləhət
bilinmir. Çünki eyni rəngli kitabları və şəkilləri
yanaşı verdikdə uşaqlar bızi kitabları nəzərdən
qaçıra bilir. Eyni zamanda yeknəsəklik onları yorur.
Müəyyən mövzu üzrə kitabları tövsiyə etmək üçün
həmin mövzuda sərgi təşkil etməklə işi bitmiş hesab
etmək olmaz. Ona görə də sərginin yaxşı təşkil
olunmasından və quruluşundan asılı olmayaraq
kitabxanaçının sərgi yanında oxucularla həmin sərgi
haqqında söhbət aparması vacibdir. Söhbət ayrı-ayrı
kitabların məzmununun dahadərindən açılmasına,
oxucunun kitabdan istifadə edə bilməsinə köməklik
göstərir. Kitabxanaçının sərgi haqqında xülasə
Dostları ilə paylaş: |