14-mavzu. Hozirgi zamon iqtisodiy qarashlar evolyustiyasi

Dinamikadagi iqtisodiy o’sish tenglamasi. Xarrod-Domar formulasi quyidagi ko’rinishga ega:
Y = S / K, yoki Y  K = S,
bu erda: Y – iqtisodiy o’sish sur’ati, S – milliy daromaddagi jamg’arma hissasi, K – kapitalning yaratilgan mahsulotga bo’lgan nisbati (kapital sig’imi koeffistienti).
Ko’rsatilgan tenglamadan xulosa qilib shuni aytish mumkinki, iqtisodiy o’sish sur’ati Y milliy daromaddagi jamg’arma hissasining S kapital sig’imi koeffistientiga K bo’lgan bo’linmasiga teng. Y  K ifodasi milliy daromaddagi sof investistiya hissasini bildiradi.
Nega bunday bog’liqlik hisobga olinadi?

1. 
   
   Sof jamg’armaning milliy daromadga bo’lgan nisbati, S.
   

Sof jamg’arma hissasi qancha ko’p bo’lsa, umuman olganda, investistiyalar miqdori shuncha ko’p bo’ladi. Ularning o’sishi qancha yuqori bo’lsa iqtisodiy o’sish sur’ati ham shuncha yuqori bo’ladi: investistiyalar o’sishi bilan iqtisodiy o’sish sur’ati o’rtasida to’g’ri bog’liqlik mavjud.

2. 
   
   Kapital sig’imi koeffistienti, ya’ni kapitalning mahsulotlarga bo’lgan nisbati, K.
   

O’sish sur’ati kapital sig’imi bilan bog’liq. Kapital sig’imi qancha

yuqori bo’lsa, iqtisodiy o’sish sur’ati shuncha past bo’ladi. Aksincha, kapital sig’imi darajasi qancha past bo’lsa (texnika taraqqiyoti, strukturali o’zgarishlar tufayli), o’sish sur’ati shuncha yuqori bo’ladi. Kapital sig’imi koeffistienti bilan iqtisodiy o’sish sur’ati o’rtasida teskari bog’liqlik mavjud.


O’sish sur’atining son ko’rsatkichlarda ifodalanishi. Xarrod-Domar formulasi qanday ishlashini AQSh misolida ko’rib chiqamiz.
O’sish sur’ati kapital qo’yilmasining o’sishiga va uning samaradorligiga (qaytimiga) muvofiq aniqlanadi. Ish bilan band bo’lganlar sonining o’sish sur’ati kapitalning o’sish sur’ati bilan bir xil deb faraz qilinadi. Oddiy va tushunarli bo’lishi uchun raqamlar yaxlit ko’rinishda beriladi. AQSh milliy daromadi 4000 mlrd. doll., milliy kapitali 12000 mlrd. doll. (1988 y.) teng deb olamiz.
Sof investistiyalar sof jamg’arma S miqdori bilan muvofiq ravishda uzoq vaqt mobaynida 9% teng bo’lgan, yoki milliy daromad miqdorining 0,09 foizini tashkil etgan. Bu 360 mlrd. doll. tashkil etadi (0,09  4000).
Barcha kapitalning mahsulotga (milliy daromadga) bo’lgan nisbati ko’rinishida kapital sig’imi koeffistienti K ga teng bo’ladi: 3 (12000 : 4000).
Bu ko’rsatilgan miqdorlarni Xarrod-Domar modelida ifodalasak quyidagi natijaga ega bo’lamiz:
Y = 0,09 : 3 = 0,03
Boshlang’ich iqtisodiy parametrlarni bilgach, kelajakda bo’ladigan o’sish sur’atini prognozlashtirish mumkin. Albatta, real o’sish sur’ati bunday hisoblashdan kelib chiqadigan o’rtacha ko’rsatkichdan farq qilishi mumkin.

Aslida iqtisodiy o’sish biz ko’rib chiqqan model hisobga olmagan boshqa omillar ta’sirida ham shakllanadi. Haqiqatda iqtisodiy o’sish xo’jalik stikli fazasiga, investistiyalarning tuzilishiga, texnika yutuqlaridan foydalanishga va boshqa omillarga bog’liq.

Dinamikadagi iqtisodiy o’sish qanday bo’ladi?
Agar milliy daromadda jamg’armaning S doimiy ulushi saqlanib qolinsa va kapital koeffistienti o’zgarmasdan qolsa, iqtisod o’sish sur’ati hisoblab chiqilgan (3 foiz o’sish) darajada bo’lishi mumkin.

Dinamikadagi muvozanatga erishish muammosi. Iqtisodiyotda mutanosib o’sish sur’atini ta’minlovchi S va K ning “me’yordan” (bizning misolda S = 0.09, K = 3 ) og’ishini bartaraf etuvchi avtomatik mexanizm yo’q. Kapital sig’imi koeffistienti qisqa vaqt ichida “me’yordan” yuqori yoki pastga og’ishi mumkin. Ushbu koeffistientning me’yorli ahamiyati to’la ish bilan bandlik sharoitida bir xil, to’la ish bilan bandlik bo’lmagan sharoitda boshqacha bo’ladi.
To’la ish bilan bandlik sharoitida kapital sig’imi koeffistienti ancha past bo’ladi ( K = 2,85 ), negaki kapital ancha to’la va intensiv ishlatiladi va natijada asbob uskuna, stanok, xom ashyoning etishmasligi kelib chiqadi. To’la ish bilan bandlik bo’lmaganda teskari vaziyat yuzaga keladi (kapital sig’imi koeffistienti K, aytaylik 3,15 tashkil etadi).

Ziddiyat shundaki, o’sish sur’ati yuqori bo’lganda uni bir oz pasaytirish zarurligi taqozo etilsada, kapital sig’imi koeffistienti o’sish sur’atini yana ham tezlashtirib yuboradi. Pasayish davrida esa, ishlab chiqarish quvvatlari etishmasligi kuzatiladi (Y/K ko’rsatkich pasayadi) va iqtisodiy o’sish sur’ati yana ham sekinlashadi. Demak, bozor mexanizmining o’zi, rivojlanib borayotgan tizimini barqarorlashtirish o’rniga uni tebratib turadi.

Xarrod – Domar modeli bo’yicha, dinamikadagi muvozanat shart- sharoitlari to’g’risida gapirganda, yuqorida qayd qilib o’tilganidek, haqiqiy jamg’armalar bilan tahmin qilinadigan investistiyalarning teng kelishi nazarda tutiladi. U Xarrod formulasida ifodalanadi:
Y_w  K_r = S,
Bu erda, Y_w  K_r – dinamik muvozanat uchun talab qilinadigan miqdorlar;
K_r – talab qilinadigan kapital koeffistienti (kapital sig’imi) miqdori;
Y_w – kafolatlangan o’sish sur’ati.
“Kafolatlangan” va haqiqiy o’sish sur’atlari o’rtasidagi farqlar sababli - milliy daromaddagi jamg’arma hissasining va kapital sig’imi koeffistientining o’zgarib turishi ta’sirida dinamikadagi muvozanatga muntazam ravishda emas, balki vaqti-vaqti bilan xato va tuzatishlar orqali erishiladi.
“Kafolatlangan” o’sish sur’ati – bu haqiqiy jamg’armalar va talab qilinadigan investistiyalar o’rtasidagi dinamik muvozanatni ta’minlaydigan o’sish sur’ati hisoblanadi (Xarrod R. K teorii ekonomicheskoy dinamiki. M., 1959.)
Haqiqiy o’sish sur’ati – bu milliy daromadning bir yildagi real o’sishi: Y =  V / V
“Kafolatlangan” o’sish sur’ati milliy daromadning kutilgan o’sish sur’atiga teng bo’lgan taqdirdagina muvozanatga erishiladi. Agar kutilgan sur’at “kafolatlangan” o’sish sur’atiga muvofiq kelmasa, unda haqiqiy o’sish sur’ati “me’yordan” ancha chetga og’adi.
Bunday chetga og’ish va beqarorlik sababli, haqiqiy o’sish sur’ati “kafolatlangan” o’sish sur’atidan doimo chetga og’ib turadi. Shu sababdan, Xarrod fikriga ko’ra, iqtisodiy kon’yunkturaning tebranib turishi muqarrar.
Bozor iqtisodiyoti mamlakatlarida “kafolatlangan” o’sish sur’atiga, yangi keynschilar fikri bo’yicha, avtomatik tarzda doimo erishib bo’lmasligi sababli, ular dinamik muvozanatga erishish uchun iqtisodiyotni davlat tartiblab turishi zarur deb ko’rsatib beradilar.


Barqaror o’sish shartlari. Iqtisodiy o’sishning keynschilikka asoslangan tahlilida investistiya muammosi asosiy hisoblanadi. Xarrod- Domar modelida ko’zda tutilgan maqsadlardan biri ana shu tahlilni kengaytirishga qaratilgan. Mazkur model qisqa muddatdagi (masalan, bir ishlab chiqarish doirasidagi) iqtisodiy o’sish holatini emas, balki uzoq davrdagi iqtisodiy o’sish egri chiziq qanday bo’lishini aniqlashga yordam beradi. Model doimiy, bir me’yordagi iqtisodiy o’sishga erishish uchun qanday shartlar zarurligini ko’rsatib berishga yordam beradi.
Amerika iqtisodchilarining tahlilidan, bir qator shart- sharoitlarning zarurligi kelib chiqadi:

• iqtisodiy o’sish nafaqat joriy investistiyalar darajasini va davlat kapital qo’yilmalarini qo’llab-quvvatlashni, balki ularning ko’payishini taqozo etadi; investistiyalarning ko’payishi iqtisodiy o’sishga undovchi yangi kuch sifatida qaraladi;

  
  

• bugungi jamg’armalar o’simi bilan kutiladigan investistiyalar o’simi o’rtasidagi optimal nisbatni ta’minlash: S = i ; I ;

  
  

• talab (investistiyalarni rag’batlantirish) va taklifni (barcha ishlab chiqarish omillaridan foydalanish va to’la ish bilan bandlik sharoitida yaratilishi mumkin bo’lgan yalpi mahsulot) doimo balanslab turish zarur;

  
  

• taklifning ko’payishi bilan talabning oshishi o’rtasidagi tenglik, asosiy kapitalning ko’payishini ta’minlovchi investistiyalarning hal qiluvchi ta’siri asosida o’rnatiladi.

  
  

Bu erda shu narsaga e’tibor berish kerakki, Xarrod-Domarning bir omilli modeli konkret andozalarni, iqtisodiy siyosat yo’nalishlarini ishlab chiqish vositasi emas, balki nazariy tahlil vositasi hisoblanadi. Mazkur model faqat uzoq muddatli davrdagi o’zgaruvchan iqtisodiy o’sishni muvozanatlashtirib turadigan murakkab o’zaro aloqalarni tushunishga yordam beradi. Kapital sig’imi koeffistienti qancha past bo’lsa, jamg’armadan foydalanish uchun imkoniyatlar shuncha ko’p, kapital elementlari shuncha samarali bo’ladi. Yuqori kapital sig’imi koeffistienti va uncha yuqori bo’lmagan jamg’arma darajasi talab uchun qulay sharoit yaratib beradi, ammo o’sish sur’ati nuqtai nazardan noqulay vaziyatni yuzaga keltiradi. Model mualliflari iqtisodiy o’sishni tartiblab turish uchun davlat aralashuvini zarur deb hisoblaydilar. Bunday aralashuv barqaror iqtisodiy o’sish sharti hisoblanadi.

2.