219
olar ki, bütün hekayələri geniş təhlilə cəlb olunur.
Müəllifin dili elmi, üslubu aydın olduğu üçün
monoqrafiya həvəslə - maraqla oxunur. Sevinc Abasova
İsi Məlikzadə sənətinə yaxın orijinal təhlilləri ilə bədii
ədəbiyyata oxucu həvəsini artırmağa nail olur. Müəllifin
elmi-bədii-publisist üslubu bütövlükdə monoqrafiya
haqqında xoş təəssürat oyadır. «Həsrətin sonu», «Vəfa»,
«Kürsü», «Oxuma, Cəmil» hekayələrindən bəhs
edərkən müəllif haqlı yazır ki, bu hekayələrin hər
birində konkret bir məsələ qoyulsa da, onları ideyaca
yaxınlaşdıran əsas cəhət insan təbiətinin incə, kövrək
məqamlarını araşdırmaq yolu ilə düzlüyü, məhəbbəti,
təmizliyi, mənəvi-əxlaqi saflığı təbliğ və tərənnüm
etməkdir.
«Qocanın əlləri əsirdi. Bunu müdir görürdü. O,
gözləyə bilərdi ki, yaxşı tanımadığı bu yaşlı kişi
yalvaracaq, xahiş edəcək ki, ona töhmət verilməsin.
Müdir nimçəyə qoyulmuş qrafini götürüb qalın stəkana
su tökdü. Əvvəlcə kişiyə təklif etdi. Gözləri qocanın
gözlərinə sataşanda özünü itirdi. Bu gözlərdə
həyəcandan, kədərdən uzaq təmiz, mənalı bir təbəssüm
əks olunurdu» («Dəmir divar»).
Tədqiqatçı hər bir hekayənin təhlilində ilk əvvəl
«insan və zaman» məsələsinin qoyuluşunu və həllini
izləyir, ədibin mövqeyini açıqlamağa, müasir filoloji
fikrin tələblərinə cavab verməyə çalışır. Mülahizələrini
əsaslandırmaq və möhkəmləndirmək üçün İsi
Məlikzadənin hekayələrindən tutarlı dəlillər, misallar
gətirir. Bu yolla həm ədibə, həm mövcud zamana haqq
qazandırır. Demək istəyir ki, dövr-mühit bütün uğur və
ziddiyyətləri ilə nə qədər aydın, nə qədər realdırsa, ədib
220
də öz müasir düşüncələrində bir qədər haqlıdır. «Ədibin
balaca sıravi qəhrəmanlarının başına gələn kiçik
əhvalatlar sonradan konkret bir həyat problemi kimi
ciddi və aktual məna kəsb edir. Ədibin qənaətlərinə görə
imkan və şəraitdən asılı olmayaraq insan qüdrətlidir, hər
cür köhnəliyi yeniliklə əvəz etməyə qadirdir. Bu yolda
o, insanlığa əngəl olan maneələrə qarşı çıxmaq uğrunda
mübarizə aparmaqdan da çəkinmir. Bu o zaman yaranır,
mümkün olur ki, həyat, müasir günlər bunu tələb edir,
yazıçı müşahidəsi seyrçi xarakter daşımır, yaradıcı
mahiyyətdə olur. Sənətkar mövqeyi özünün cəsarətli,
kəsərli, prinsipial xarakteri ilə əsərin bədii ruhuna işıq
salır».
Monoqrafiyanın ən maraqlı səhifələrini İsi
Məlikzadənin povestlərinin təhlili təşkil edir. Tədqiqatçı
ədibin «Haram tikə»dən «Qırmızı şeytana» qədər bütün
povestlərindən bəhs edir. Onların ideya mövzusu, surətlər
aləmi haqqında öz qənaətlərini ümumiləşdirir. Yeri
gəldikcə 60- 90-cı illərdə yaranan digər povestlərə
toxunur. Maraqlı müqayisələr aparır. Belə qənaətə gəlir ki,
İsi
Məlikzadə daxil olmaqla həmin illərdə yazıb yaradan
əksər nasirlər zamanla taleyin acı anları arasında qalan
sadə, sıravi insanların iztirabları, həyəcan və təlaşlarla
dolu əzablı ömür yolunun təsviri altında sağlam hisslər,
duyğu və ideyalar təbliğ edir, kamil insan uğrunda
axtarışların təzə yollarını, cığırlarını tapmağa çalışırlar. Bu
baxımdan
İsi
Məlikzadənin «İki günün qonağı», «Özgə
anası», «Quyu» povestlərinin təhlili diqqəti cəlb edir.
Müəllif haqlı olaraq yazır: «
Adilikdə
böyüklüyü,
sadəlikdə təbiiliyi, real həqiqətlərin şərhi yolu ilə humanist
ideyaların gücünü göstərmək 60- 90-cı illərin bir sıra
əsərləri kimi «İki günün qonağı» pov
estini nəsrimizin
nü-
221
munələri sırasına çıxardı. İki günlük yol səfəri əslində bir
ömrə sığmayan mənəvi dəyərlərin, saflıq və ucalığın qüd-
rətindən yaranan, müasir günlərin ümumi psixologiya-
sından xəbər verən, «İnsan necə olmalıdır?» sualına ca-
vablar axtaran bir səfər idi». İsi Məlikzadənin digər
əsərləri də bu səpgidə təhlilə cəlb olunur. Tədqiqatçının
dili, üslubu aydın, gəldiyi nəticələr məntiqi və ağlabatan
olduğu üçün monoqrafiya maraqla oxunur. Xüsusilə onun
ümumiləşdirmələri kamil tədqiqatçılıq bacarığından xəbər
verir. İsi Məlikzadənin nəsr yaradıcılığı haqqında
fikirlərini ümumiləşdirərkən o, belə qənaətə gəlir ki, ədib
cəmiyyətdə özünü göstərən nöqsan və qüsurlara qarşı
mübarizələrini müsbət idealların təbliği xatirinə daha
ciddi, daha kəsərli səviyyəyə qaldırır. Mənəvi-əxlaqi
dəyərlərin işığı ilə qaranlıq bucaqların kölgə və ləkələrini
üzə çıxarır. Bu başlıca məqamın və ideyanın əsasında
ədibin «Dədə palıd» povestini təhlil edir. Povestin Bağır,
Nurcabbar və digər surətlərinin təhlili adamı valeh edir.
Ümumiyyətlə, monoqrafiya orijinal, təsirli təhlil üsulu ilə
yazılmışdır. Tədqiqatçı «Evin kişisi», «Günəşli payız»,
«Gümüşgöl əfsanəsi» povestlərinin hər birinin təhlili
zamanı ədibin mövqeyini açıqlamağa böyük səy göstərir
və buna müvəffəq olur. Onun «İnsan və zaman» anlayışına
münasibətini olduğu kimi çatdırmağa çalışır. «Günəşli
payız»dan danışarkən qeyd edir ki, yerindən, yurdundan,
mövqeyindən asılı olmayaraq insan kamil olmalıdır.
Mənəvi -əxlaqi kamillik əsl insan faktıdır. Cəbrayıl belə
bir nemətin daşıyıcısıdır. Sağlam ənənələrdən, müqəddəs
əxlaq normalarından, müasir tələb və ehtiyaclardan
yoğrulmuş belə bir insan nəinki müasirlərinə, eyni
zamanda gələcək nəslə də nümunə göstərir. O, kiçik bir
ömür yaşasa da, özündən sonrakı üzün ömürlərdə
əbədiləşən bir insandır. «Gümüşgöl əfsanəsi»ndən alınan
Dostları ilə paylaş: |