225
çıxmağın qeyri-mümkünlüyünü konkret misallarla
sübut edə bilir. Tədqiqatçı çox haqlı yazır ki, «İsi
Məlikzadənin bədii dil aləmi son dərəcə zəngin,
obrazlı və çoxcəhətlidir. Bu aləmin bədii söz fəzası
geniş, real olduğu qədər də romantika və
fantaziyalarla əhatə olunmuşdur. Belə zəngin, geniş
miqyaslı bədii dilin mahiyyətində dilin tarixi inkişafı,
qanunauyğunluğu, sözün qüdrəti və müdrikliyi, canlı
danışıq dilinin oynaqlığı və ahəngdarlığı ilə yanaşı,
torpağın - Vətənin və millətin ruhundan, ədibin öz
aləmindən gələn yüksək mədəniyyət vardır».
Monoqrafiya Azərbaycan ədəbiyyatına, İsi
Məlikzadə irsinə böyük məhəbbətlə yazılmışdır.
Tədqiqatçı hissiyyata qapılmadan İsi Məlikzadə irsinə
prinsipiallıqla, müasir filoloji fikrin tələblərinə uyğun
yanaşmış, təhlil və şərhlərində tam orijinal mövqe
tutmuş, ədibin yazıb-yaratdığı illərin ədəbi mərhələsi
haqqında dəyərli mülahizələr söyləmişdir.
Nəticə etibarı ilə deməliyik ki, Sevinc
Abasovanın İsi Məlikzadənin yaradıcılığına həsr
olunmuş monoqrafiyası müasir ədəbiyyatşünaslığa
yeni töhfədir. Bizcə bu əsər təkcə həmin bu yazıçının
sənətini sevənlər üçün yox, hətta daha geniş
auditoriya üçün maraqlı və cazibəli bir tədqiqat işidir.
2001
226
SÖZ GÖYƏRÇİNİ
Bəlkə də həyatımın ən gözəl anları bir vaxt dərs
dediyim tələbələrimin kitablarını əlimə aldığım
anlardır. Ömrünü ədəbiyyata, ən nəcib sənət olan
müəllimliyə həsr etmiş insan üçün bundan əziz nə ola
bilər?!
Universiteti bir neçə il öncə fərqlənmə diplomu
ilə bitirmiş Fidan Nizaməddin qızının «Göyərçin və
büllur» (Bakı, «Ozan», 2005) adlı hekayələr kitabını
oxuyanda da qürur duydum. Bu kitaba son dərəcə
səmimi ön söz yazmış professor Nizaməddin
Şəmsizadə də mənim görkəmli tələbələrimdən olub.
Bəlkə onun nəvəsi - Fidanın oğlu Nicat da bu yolu
seçəcək, kim bilir ?
Fidanın kitabına bir-birindən maraqlı altı hekayə
toplanıb. Bu hekayələri birləşdirən başlıca cəhət
həyata həssas münasibətdir. Gənc yazıçı sanki həyatı
tutub saxlamağa, onun fani olmadığını sübut etməyə
çalışır. Bunun üçün də Fidanın hekayələrində həyatın
nəcib və gözəl anları şirin bir dillə poetikləşir.
Yazıçı öz gördüklərini, qəlbinin süzgəcindən
keçirdiklərini qələmə alır .
Onun yazılarında təsvir obyekti ilə müəllif
«mən»i elə bir ecazkarlıqla birləşir ki, yazıçı həmin
təsvir etdiyi hadisələrin iştirakçısına çevrilir. Belə
olan surətdə bədii material möhkəm və uğurlu bir
həqiqət, reallıq qazanır. «Qəm işığı» hekayəsində
valideyn itirmiş məşhur bir professorun gözəl insani
iztirabları qələmə alınır. Fidan əslində iztirabın
227
ağırlığından, acılığından yox, onun təmizləyici,
insaniləşdirici gözəlliyindən yazır. Belə hesab edirəm
ki, «Qəm işığı» ifadəsi təkcə bir hekayənin adı deyil,
onun bütün əsərləri üçün səciyyəvi olan bir rəmz, bir
obrazdır. Bu, həssas bir gəlin ürəyinin qəm işığıdır.
Fidan qəmi insan varlığının ən doğma hissi kimi
tərənnüm edir. Mən bu və digər hekayələrdə kifayət
qədər yaxşı işlənmiş psixoloji məqamlar, obrazın iç
dünyasına baş vurmaq, təşrih etmək üsulu görürəm.
Yeri gəlmişkən onu da deməliyəm ki, Fidan tələbəlik
illərində bədii ədəbiyyatda psixologizm problemi ilə
bağlı mövzular axtarırdı; istər kurs işlərində, istərsə
də, Buraxılış işində. Ona görə də indi bir yazıçı kimi
qələmə aldığı mövzulara da məhz bu yöndən yanaşır
ki, bu da elə sənətkarlıq məsələləridir. «Göyərçin və
büllur» hekayəsində təzə ailə qurmuş gənclərimizi
narahat edən evsizlik problemi nəzərdən keçirilir.
Lakin Fidan onu adi publisistik dillə, sadəcə sosial
problem kimi vermir. Təbiət və məhəbbətin, ülviyyət
və sonsuz arzuların fəlsəfi vəhdətində, tamamilə göz-
lənilməz bir konteksdə işləyir. Sonrakı dörd hekayədə
– «İt yerişi», «Kölgə», Buta» və «Yelləncək» əsər-
lərində Fidan xanım filosof ədası ilə mühakimələr
yürüdür. Mən bu baxımdan «Kölgə» və «Yelləncək»
hekayələrini xüsusi ilə fərqləndirərdim. Qəhrəmanın
psixoloji ovqatını açmaq bacarığı, gözlənilməz yanaş-
ma, üslubun dəqiq psixoloji biçimlənməsi, süjet xətti-
nin düzümündə inandırıcı bədii məntiq bu fəlsəfi he-
kayələrin dəyərli cəhətləridir.
Kitabda toplanan hekayələrin elə bəri başdan
adları da özlərinin poetikliyi ilə cəlb edir. Kitaba
228
yazılmış ön sözdən yarım cümləni misal vermək
istəyirəm: «...onun hekayələrində göyərçin qəlbinin
kövrəkliyi var və Fidan söz üzərinə kəpənək çiçəyin
ləçəyinə qonduğu həssaslıqla qonmağı bacarır».
Olduqca gözəl emosional müəyyənlik!
Mən əziz tələbəm Fidanı həssas söz göyərçini
adlandırıram. Qoy göyərçin pəncərələrə qonub insan-
lara fərəh gətirdiyi kimi, gənc yazıçı Fidan da öz dərin
mənalı kövrək əsərləri ilə ailələrə daxil olub qəlblərə
sevinc bəxş etsin. Fidanın daha böyük əsərlərini oxu-
maq arzusu ilə.
2002
229
CAVİDŞÜNASLIQDA YENİ SÖZ
Sovet siyasi rejiminin süqutu və Azərbaycan
istiqlaliyyəti ədəbi-mədəni dəyərlərə milli və ümum-
bəşəri meyarlar mövqeyindən yanaşmaq zərurəti
doğurdu. Məhz bunun nəticəsi kimi, klassik və müasir
ədəbiyyatımızın adları yasaq edilmiş bir çox müəl-
liflərinin yaradıcılıq irsinin öyrənilməsi üçün şərait
yarandı. Son illərdə Ə.Hüseynzadə, Ə.Ağaoğlu,
M.Ə.Rəsulzadə, Ə.Cavad, A.Yıldırım, Ümmül-banu,
C.Hacıbəyli və başqa müəlliflərin həyat və yaradıcılıq
yollarının araşdırılması ilə yanaşı, sovet dövründə
yaradıcılığına sinfilik və partiyalılıq mövqeyindən
yanaşılan və qiymətləndirilən müəlliflərin ədəbi-bədii
irsi də yeni elmi-metodoloji prinsiplər əsasında tədqiq
olunmağa başlandı. Bu mənada böyük Azərbaycan
şairi və dramaturqu Hüseyn Cavidin yaradıcılığı
xüsusilə qeyd olunmalıdır. Tural Tofiq oğlu
Hüseynovun böyük şairə həsr etdiyi «Hüseyn Cavid
və Azərbaycan mühacirət ədəbiyyatşünaslığı» adlı
monoqrafiyası mövzu və problematikasının aktuallı-
ğına, ədəbi irsə yanaşma metodologiyasının yeniliyinə
görə ilk baxışdan diqqəti cəlb edir.
Qeyd edək ki, Hüseyn Cavid yaradıcılığa
başladığı vaxtdan Azərbaycan ədəbiyyatşünaslığının
inkişafının müasir mərhələsinə qədər ədəbi-tənqidi və
elmi-nəzəri fikrin daim diqqət mərkəzində olmuşdur.
Cavidşünaslıq bir istilah kimi XX əsrin 60-cı illərində
işlədilməyə başlansa da, onun yaranma tarixi Cavid
yaradıcılığının, demək olar ki, ilk dövrlərinə təsadüf
Dostları ilə paylaş: |