246
qardaşların ölüm-dirim məsələsi, ən ağrılı - acılı, necə
deyərlər, Vətəndən Vətənə həsrətlə baxan adamların
dərdi -səri kimi bədii ümumiləşdirmələr şəklində öz
ifadəsini tam aydınlığı ilə tapmışdır:
Araz qırağında dayandı qatar,
Elə bil qəlbim də dayandı bir dəm...
Sıxlaşdı göydəki seyrək buludlar,
Deyəsən, başıma dolandı aləm.
Bundan sonra şair ətraf aləmi az qala bədii nəsr-
dəki dəqiqliyi ilə verir: körpünü basmış yabanı otlar-
dan, onu quran mühəndisin xar olmuş əməllərindən
danışdıqdan sonra birdən qəlbin iç dünyasının vul-
kanik püskürməsi nəticəsində lirik ricətə vararaq ya-
zır:
Şairim, bu sözlər qalsın bır yana,
Yaş ötür... Qayıtma ricətlərə sən!
Bir şeir bağışla Azərbaycana,
Araz üstündəki bir daş körpüdən.
Göründüyü kimi, şairin ricəti lap yerinə düşmüş-
dür; hətta burada ricətin leksik mənasına da diqqət
yetirilmişdir.
Yaş ötür... Qayıtma ricətlərə sən.
Həqiqətən də, ricətin mənası geriyə çəkilmək,
geriyə qayıtmaq, nəyi isə yenidən xatırlamaq anlamla-
rına gəlir.
Epik poeziyaya gəlincə, böyük istiqlal şairimiz
X.R.Ulutürk özünün elmi-nəzəri tədqiqatlarının
247
birində Müşfiqin poemalarındakı lirik ricətlərdən bəhs
edərkən yazırdı ki, epik poeziyada, konkret olaraq
poemalarda lirik ricəti mən bol sulu çaylara, nəhrlərə
bənzədirəm. Bütün fəsillərdə, gecə - gündüz öz
məcrası ilə dayanmadan burula-burula dənizlərə,
ümmanlara can atan çaylar ilin müəyyən fəsillərində
suyun səviyyəsinin qalxması ilə əlaqədar olaraq bəzən
öz məcrasından çıxıb bənd - bərəni qıraraq ətraf
torpaqlara yayılır və bu yerləri gülüstana çevirib
yenidən öz məcrasına dönür.
Oxuculara təqdim olunan bu monoqrafiyada da
belə bir konsepsiya əsas tutulur və tədqiqatın
obyektinə, orbitinə çevrilmiş poemaların elmi-nəzəri
təhlili məhz bu baxımdan həyata keçirilir.
Geniş və zəngin erudisiyaya malik olan,
ədəbiyyatımızın keçdiyi tarixi inkişaf yolunu yaxşı
bilən, xüsusilə həssas və incə poetik duyumu ilə
seçilən tədqiqatçı monoqrafiya boyu müəyyən
problemlərlə əlaqədar olaraq çox zəngin bədii
materialdan istifadə etməklə yanaşı, çox hallarda
həmin problemə dair yazılan əsərlərin (onların
müəlliflərinin nüfuzundan, titulundan asılı olmayaraq)
istisnasız olaraq hər biri ilə qızğın polemikaya girir,
öz qənaətlərini məntiqi şəkildə xüsusi prinsipiallıqla,
ən başlıcası, elmi və poetik faktlarla sübuta yetirir.
Ümumiyyətlə, monoqrafiyada bir sıra terminlər
tədqiqatçının qələmi altında, sanki yeni məna kəsb
edir və onların işləklik dairəsi və funksiyası daha da
fəallaşmış olur.
Bədii əsərin mətni və lirik ricət ənənə və
novatorluğu ilə əlaqədar olaraq, lirik ricətin əhatə
248
dairəsi, realist və romantik əsərlərdə lirik ricətin
çoxsaylı məna və ifadə çalarları, poemalarda lirik
ricətin epik təsvirlə həmahəngliyi, lirik ricətlərdən bir
bədii ifadə vasitələri kimi yaradıcı istifadə məsələləri,
şairin lirik ricətlərə münasibəti və onlardan faydalan-
ma ustalığı və s. haqqında olduqca maraqlı müşahidə-
lər aparan tədqiqatçı bunların hamısını şeirimizin və
hətta dünya şeirinin poetik təcrübəsinin ümumi nailiy-
yətləri ilə bütöv və birgə kontekstdə öz elmi- nəzəri
ümumiləşdirmələri ilə gəldiyi qənaət və nəticələri
məhz bu aspektdə əsaslandırmağa çalışmışdır.
Monoqrafiyanın dilinə gəlincə, ədalətlə deməli-
yəm ki, lirik ricətdən, poeziyadan, poemadan, ümu-
miyyətlə poetik irsdən yazan müəllifin dili olduqca
sadə, emosional, hətta poetik əsərin özü qədər heyrət
və həyəcan doğuran şeiriyyət dili təsirini bağışlayır.
Biz əminik ki, bu kitabı oxuyan şeir sevənlər
bundan sonra poetik sözü daha çox sevəcək və bu
sahədə yeni mövzular, ideyalar, fikirlər tapacaqlar.
2005
249
VURĞUN SƏNƏTİNƏ YENİ BAXIŞ
Azərbaycanın xalq şairi Səməd Vurğunun
yaradıcılığı həmişə tənqid və ədəbiyyatşünaslığın
diqqət mərkəzində olmuş, bu mövzuda namizədlik və
doktorluq dissertasiyaları, monoqrafiyalar, məqalələr
yazılmışdır. Bu araşdırmalarda şairin ümumi yaradı-
cılığı və onun müəyyən sahələri, konkret əsərləri, ədə-
bi-tənqidi və estetik görüşləri, ədəbi əlaqələrin
inkişafında rolu, sənətkarlıq xüsusiyyətləri və s.
tədqiqat obyekti kimi götürülmüşdür. Nəticədə
ədəbiyyatşünaslığımızın vurğunşünaslıq qolu yaran-
mışdır. Vurğunşünaslar şairin yaradıcılığında millilik
və ümumbəşərilik problemlərinə öz araşdırmalarında
yeri gəldikcə toxunsalar da, müəlliflərdən heç biri bu
mövzunu geniş şərh etməyi bir məqsəd kimi qarşısına
qoymamışdır. Bu baxımdan Adilxan Bayramovun
«Səməd Vurğun: milli və ümumbəşəri» monoqrafi-
yası xüsusi maraq doğurur.
Adilxan Bayramov Bakı Dövlət Universitetinin
filologiya fakültəsinin məzunudur. O, ilk tədqiqat
vərdişlərinə məhz Səməd Vurğun yaradıcılığını
araşdırmaqla başlamış, bu mövzuda namizədlik
dissertasiyası müdafiə etmiş, doktorluq dissertasiyası
yazmışdır.
30 ilə yaxın bir müddətdə Səməd Vurğun
yaradıcılığı ilə məşğul olan Adilxan Bayramov özünü
bacarıqlı, səriştəli və əməksevər tədqiqatçı kimi
göstərmişdir. O, tədqiqatçı kimi xeyli iş görmüş,
şairin bir çox çıxış və məqalələrini, məktublarını,
Dostları ilə paylaş: |