54
NAXÇIVAN DÖVLƏT UNİVERSİTETİ.
ELMİ ƏSƏRLƏR, 2017, № 6 (87)
NAKHCHIVAN STATE UNIVERSITY.
SCIENTIFIC WORKS, 2017, № 6 (87)
НАХЧЫВАНСКИЙ ГОСУДАРСТВЕННЫЙ УНИВЕРСИТЕТ.
НАУЧНЫЕ ТРУДЫ, 2017, № 6 (87)
YAŞAR RƏHİMOV
ASƏF ORUCOV
AMEA Naxçıvan Bölməsi
UOT: 94 (479.242)
XIX-XX ƏSR NAXÇIVANIN ƏKİNÇİLİK TƏSƏRRÜFATI HAQQINDA
BƏZİ QEYDLƏR
Açar sözlər: əkinçilik təsərrüfatı, ХIХ- ХХ əsrlər, etnoqrafik materiallar, Naxçıvan,
Ordubad, mənbələr
Key words: Agricultural farm, the 19
th
-20
th
centuries, the ethnographical materials,
Nakhchivan, Ordubad, the sources
Ключевые слова: хозяйства земледиле, ХIХ-ХХ вв, этнографические материалы,
Нахчыван, Ордубад, источники
Naxçıvanın təsərrüfat həyatı XIX-XX əsrə aid olan mənbələrdən və topladığımız etnoqrafik
çöl materialların tədqiqindən aydın olur ki, bu dövrdə bölgədə təsərrüfat çoxsahəli və rəngarəng
olmuşdur. Demək olar ki, əkinçilik təsərrüfatının bütün sahələri Naxçıvan və Ordubad şəhərlərində
mövcud olubdur. Regionun torpaqları ayrı-ayrı sahələr üçün yararlı olmaqla yanaşı, həm də çox
bərəkətli idi. Ərazi ovalıq olduğuna görə taxıl, pambıq, çəltik, üzüm və bostan bitkiləri yetişdirilirdi.
Tarixi mənbədə Naxçıvan şəhərin ətrafı ilə birlikdə şumlanan torpaq sahəsinin 600 xalvar və ya
xəlvər (xalvar-torpaq sahəsi ölçüsü olub, onda birin yarısına bərabərdir. Bir xəlvər 1,5 ha-dır.
Xalvar həm də çəki vahididir) olduğu, onun yarısında isə pambıq, çəltik, bostan bitkiləri əkildiyi
göstərilir: taxıl məhsulları (arpa, buğda) əkilən ərazi 250 xalvar, pambıq əkilən sahə 20 xalvar,
çəltik əkilən sahə 10 xalvar, bostan məhsulları əkilən ərazi-20 xalvar- cəmi 300 xalvar. Bundan
başqa, şəhərdə 21 meyvə və üzüm bağı yerləşir ki, onların 11-i daha geniş sahəni əhatə edir.
Bağların əhatə etdiyi ərazi 30 xalvara qədərdir (9, s. 70).
Əkinçiliklə bağlı adətlərin, inamların və mərasimlərin başlanğıcı Novruz bayramından hesab
olunurdu. Toplanmış etnoqrafik çöl materiallarından aydın olur ki, xalqımız əkinə (yazlıq) çıxmaq
üçün hazırlıq işlərinə kiçik çillədən başlayırdı. Əkin üçün lazım olan alətlər itilənib hazırlanır,
qoşquya qoşulacaq heyvanlar xüsusi bəslənirdi. Əkiləcək məhsulların toxumları çeşidlənib seçilirdi.
Ömrünü torpağa bağlayan əkinçilər səpin üçün ayrılmış toxumu yeməzdilər, onu müqəddəs hesab
edərdilər. Səpiləcək toxum haram olmamalı idi, çünki torpaq haram götürmür. Naxçıvan şəhərində
Arazboyu ərazilərdəki (dövlətin adı ilə İran dağları-A.O.,Y.R) dağlarda qar getməyincə əkinə
çıxmazdılar. Ordubad şəhərində isə məlumatçılar qeyd edirlər ki, Kəmki dağının başında qar varsa,
əkinə çıxsan taxıl dən bağlayar, yox əgər qar əriyibsə, dən olmaz, ot olar. Burdan aydın olur ki,
əkinə çıxmağın vaxtı aparılan feneoloji müşahidələr nəticəsində müəyyən edilmiş, Ordubad və
Naxçıvan şəhərləri arasında əkinə çıxmaq üçün fərqli vaxtlar olmuşdur. Başqa bir müşahidəyə görə
isə xalq arasında qara ot kimi tanınan ot çiçək açandan sonra o yerdə torpağa toxum səpməzlər,
demək, artıq əkinin vaxtı keçib. Taхılçılıqda payızlıq və yazlıq əkini mövcud idi. Daha çох payızlıq
əkinə üstünlük vеrilirdi. Yazlıq əkinin də daha çox buğdanın “yazlıq”, “lümə”, arpanın isə “qılıcı”,
“güzlək”, payızlıq əkinində isə buğdanın “qaraqılçıq”, “dəvədişi”, arpanın isə “şeşəli” növlərini
əkərdilər. İl quraqlıq оlduqda tоrpaqlar şumlanıb yaza hazır saхlanılırdı və еrkən yazda yazlıq
buğda və arpa əkilirdi. Əgər yazlıq əkin yubadılsa о taхıl vеrməz, оt оlardı.
Tədqiqatda maraqlı məsələlərdən biri biçim və döyüm adətləridir. Хalq arasında dеyirlər ki,
qara arının (buna “biçinçi” də dеyirlər) görünməsi taхılın yеtişməsinə işarədir. О vızıldaya-
vızıldaya еvləri, həyətləri dоlaşıb insanlara bildirir ki, biçinə hazırlaşın, оraqları, kərənti və
mərəndiləri itiləyin. Taхıl biçini çох çətin оlduğundan bu işə bütün ailə üzvləri qatılırdı. Bəzən
55
cənubdan, Arazın о tayından biçinçilər gələrdi. Biçin başlandıqdan sоnra həftələrlə, bəzən daha çох
bu işlə məşğul оlurdular.
Naxçıvan diyarı əhalisinin məşğuliyyət sahələrindən biri də pambıqçılıq idi. Naxçıvan
əyalətində pambıqçılıq geniş inkişaf etmişdir. Hələ XVII əsrin ortalarında Naxçıvanda olmuş
E.Çələbi qeyd edir ki, pambıq əkinçiliyi əsasən iri və orta şəhərlərin ətrafında cəmləşdirilmişdir.
Belə şəhərlərdən biri də Naxçıvan şəhəri idi ki, burada xüsusi pambıq növləri yetişdirilirdi. 1928-ci
ildə Naxçıvan dairəsində 300 xalvar və ya 96 ton pambıq istehsal olunmuşdur ki, bu da orta hesabla
30000 rubul gümüş pul edirdi. (9, s. 93) M.Vəlili yazır ki, XX əsrin əvvəllərində Naxçıvanda
pambıq əsasən Araz çayının çəmənlərində becərilirdi. Azərbaycanda əkilən 94, 5 min desyatin
pambığın 13,5 min desyatini Naxçıvanın payına düşürdü (8, s. 96). Ş.Həsənov mənbələrə
əsaslanaraq yazır ki, 1914-cü ildə Naxçıvan şəhəri ətrafında 6 min desyatin pambıq əkilsə də 1920-
ci ildə pambıq əkini sahəsi 9 min 300 desyatindən 300-400 desyatinə enmişdi. Bunun başlıca səbəbi
I Dünya müharibəsi və ermənilərin Naxçıvana basqınları olmuşdur (4, s.71). Sonrakı dövrdə
pambıq əkini genişlənmişdir. XX əsrin 70-ci illərinə qədər Naxçıvan şəhərində indiki Xıncov
məhəlləsi adı ilə bilinən məhəllə pambıq sahəsi olmuşdur. Onu da qeyd edək ki, Naxçıvanda
bəzzazçılıq sənəti ilə məşğul
olanlar olmuşdurlar ki, onlar da pambıq parça toxuyarmışlar.
XIX əsrdə Naxçıvan bölgəsində faydalı və gəlirli təsərrüfat sahələrindən biri bostançılıq idi.
XIX əsrin 20-ci illərində diyarın əkilən torpaqlarının 50 xalvarında bostan əkilmişdi. Naxçıvan
şəhərində, Əlincəçay, Naxçıvan və Dəstə mahallarında bostan sahələri daha çox idi. Təkcə
Naxçıvan şəhərində əhaliyə məxsus 20 xalvarlıq bostan sahələri var idi. Əldə olan məlumata görə,
buradan yarım milyon pud bostan məhsulları yığılırdı. Bostançılıqla Naxçıvan və Əlincə mahalının
müxtəlif yerlərilə yanaşı Naxçıvan şəhərində də məşğul olurdular. İndiki Naxçıvan şəhərində Xətai
məhəlləsi adı ilə bilinən ərazidən aşağıdakı torpaqlar bostan sahələri olmuşdur. Bölgədə bostan
dedikdə əsasən qovun, qarpız nəzərdə tutlur. Bununla yanaşı xiyar, pomidor, kələm və.s. bitkilər də
bostan bitkilərinə aiddir.
Qovunun “Şineyvaz” və “Ağcanabad”, “Tutmaqovun” növlərini, qarpızın isə “Xunu”,
“Çillə”, “Pürcuvar” növləri mövcud olmuşdur. Bu növ bostan məhsullarını qış üçün də tədarük
görərdilər. Bunun üçün qovunu və qarpızı tağlı qırmaq məqsədə uyğun hesab edilirdi. Bundan əlavə
milağ üsulu və qax halına salınmış vəziyyətdə də qovunu qışa saxlamaq mümkün olmuşdur.
Bəhs olunan dövdə bostançılıqla yanaşı bağçılıqda geniş yayılmışdır. Bağçılıqda xüsusən
üzümçülük önəmli yerlərdən birini tuturdu. Təkcə Naxçıvan şəhərində 45 ha qədər üzüm bağı
olmuşdur. Üzüm bağının hər xalvarından orta hesabla 20 tümən və ya 80 rubl gümüş pul əldə
edilmişdir (orta hesabla 30-40 qoyun dəyərində). Təbii ki, meyvə və üzüm bağları baxımından
Ordubad dairəsi daha inkişaflı idi. Rusiyaya birləşdirilənə qədər burada bağçılıq natural xarakter
daşıyırdı. Təsərrüfatın digər sahələri ilə müqayisədə bağçılıq daha gəlirli sahə olduğu üçün
Ordubadda əhalinin əksər hissəsinin məşğuliyyətinə çevrilmişdi. Toplanmış meyvələrin böyük bir
hissəsi qurudulurdu. XIX əsrin sonlarında Ordubadda bağçılıq çox yüksək inkişaf səviyyəsinə
çatmışdı (11, s. 12-13). Ordubad ərazisinin meyvələri öz dadına, keyfiyyətinə görə bütövlükdə
Cənubi Qafqazda məşhur olmuşdur. Ordubadda tut ağaclarının əkininə xüsusi diqqət verilmişdir.
Bu bir tərəfdən ipəkçiliklə bağlıdırsa, digər tərəfdən tutun meyvəsindən döşab, bəhməz
hazırlanması, onun qurusunun çərəz kimi istifadə edilməsi ilə əlaqəlidir. Naxçıvan və Ordubad
şəhərlərində bağçılıqda əsasən alma, ərik, şaftalı, armud xüsusi yer tutardı. Almanın “şafran”,
“qəndilsinab”, “yay alma”, “qırmızıyanaq”, “söyüdü”, “darağı”, “gülabı”, əriyin “ abutalıbı”,
“limon”, “noxudu”, “şalağ”, “ağ növrəstə”, təbərzə”, “may əriyi”, bal yarım”, “badamı”, “ağ ərik”,
şaftalının “güşlü və ya güşdü”, “nazlı”, “tərəli”, “şəkəri”, “zəfəfarai”, “məxməri”, armudun
“şəkəri”, “abbasbəyi”, “hivili”, “daş armud”, “ordubadi” “qış armud” növləri geniş yayılmış,
dadına, tamına görə bölgədə deyil, Naxçıvanın hüdudlarından çox-çox uzaqlarda da özünə məxsus
yer tutmuşlar.
Naxçıvan diyarının tarixinə dair yazılı mənbələrdən biri olan “Naxçıvan şəhəri və Naxçıvan
qəzası” (1882) adlı məqalədə bölgənin təsərrüfat sahələrinə aid sanballı faktlar vardır. Qəzada
əkinəyararlı torpaqların 53.000 desyatin olduğunu göstərən rus müəllifi Konstantin Nikitin yazır:
“Kənd təsərrüfatında əsas sahə bağçılıqdır. Qəzada aşağıdakı meyvə bağları vardır: ərik, alça, üzüm