Antik dövrdə maşınqayırma
56
yerləşən əsgərlər arasında vahimə yaradırdı. Onlar qaçaraq gizlənməyə
məcbur olurdular. Sonra Arximedin göstərişi ilə gəmilərin üzərinə
ipdən asılmış metallik qarmaqlar sallanır. Qalaya yaxınlaşan gəmilər
kranlardakı qarmaqlar vasitəsilə bir ucundan tutularaq yuxarıya
qaldırılır, sonra böyük hündürlükdən suya buraxılırdı (şəkil 1.25).
Beləliklə, böyük sürətlə suya düşən gəmi ya yanı üstə düşür, ya da
sürətlə suya girərək içərisinə su dolduqdan sonra batırdı.
Marçelli çətin vəziyyətdə idi. Onun ordusu bütün istiqamətlərdə
məğlubiyyətə uğrayırdı. Romalıların gecə vaxtı şəhərə hücumunun
qarşısını almaq üçün Arximed qala divarlarında adam boyunda deşiklər
açır və bu deşiklərdən düşmənləri skorpionlarla atəşə tutur. Uzun
müddət mühasirədə qalandan sonra Sirakusi şəhəri daxildən olunan
xəyanətin hesabına Marçellinin qoşunları tərəfindən tutulur. Şəhər
alınandan sonra romalılar böyük qəzəb içərisində şəhəri qarət etməyə
başlayırlar. Marçelli ona qarşı maşınlarla cəsarətlə döyüşən Arximedin
salamat tapılıb onun yanına gətirilməsinə göstəriş versə də, Arximed
əsgərlərin qəzəbinə düçar olur. Əsgərlər onun evini axtaran zaman, goca
bir kişinin qum lövhənin üstündə nə isə çəkərək dərin fikrə getdiyini
görürlər. Əsgər gocadan onunla getməsini tələb edəndə Arximed
“Mənim çevrələrimi dağıtma!” deyərək əsgərə qəzəblənir. Bu sonuncu
kəlmə Arximedin ölümü ilə nəticələnir. Əsgər əlindəki xəncərlə onu
qətlə yetirir.
Arximed haqqında əfsanəvi
şəkildə təsvir olunmuş bu
tarixin nə qədər reallığa uyğun
gəlməsi hələ də tarixçilər
arasında mübahisəli olaraq
qalır. Amma buna baxmaya-
raq Arximedin oz ağlının
hesabına böyük Roma ordu-
sunun qarşısını aylarla alması
onun düzəltdiyi maşınların ef-
Şəkil 1.26. Arximedin güzgülərlə düşmən
gəmilərini yandırmasını təsvir edən rəsm.
Antik dövrdə maşınqayırma
57
fektiv tətbiq olunmasından xəbər verir.
Tarixi mənbələrin yazdığına görə, Arximed həm də optika ilə məşğul
olub. Onun haqqında mövcud olan əfsanəyə görə, ona Sirakusinin
müdafiəsi zamanı romalıların gəmilərini uzaq məsafədən cilalanmış,
bürüncdən olan parabolik güzgülərin köməyi ilə yandırmaq nəsib olub
(şəkil 1.26). Tarixi dəlillərə görə Arximed düz, qabarıq və çökük
güzgülərin xassələrinə yaxşı bələd olub, işığın sınmasına aid sınaqlar
aparıb. Lakin optika haqqında onun yazdığı “Katoptrika” adlı əsər bizə
gəlib çatmamışdır.
Arximed Evkliddən və başqa alimlərdən fərqli olaraq antik dövrdə
nadir hallarda yada salınırdı. Arximedin əsərlərinin bizə qəlib çatması
VI-IX əsrlərdə Konstantinopolda onun işinə olan marağın sayəsində
olmuşdur. V əsrdə yaşamış bir riyaziyyatçı onun üç əsərini yenidən
baxaraq təhlil etmişdir. IX əsrdə Konstaninopolda riyaziyyat elmini
təlim edən Lev Fassalonski Arximedin işlərinin toplanması ilə
maraqlanır. Bundan sonra Arximed Yaxın Şərq riyaziyyatçılarına
məlum olur və bir neçə dəfə ərəb dilinə tərcümə olunur.
Latın dilli alimlər Arximed haqqında ilk dəfə olaraq, XII əsrdə onun
“Çevrənin ölçülməsi” əsərinin ərəb dilindən latın dilinə tərcümə
edildikdən sonra xəbər tuturlar. Qerard Kremonskiyə mənsub olan ilk
tərcümə ondan sonrakı 300 ildə Arximedin işlərinin Avropada
araşdırılmasında əsas rol oynayır. Ərəb riyaziyyatçılarından Banu
Musanın tərcüməsi avropalılar üçün maraq doğurub. Bundan sonra
müxtəlif avropalı alimlər müxtəlif vaxtlarda Arximedin işlərinə
müraciət etmişlər. 1269-cu ildə bizanslı Merbekili Vilhelm (ingl.
Willhem van Moerbeke)
Arximedin bütün işlərini birbaşa qədim yunan
dilindən latına tərcümə edir. 1544-cü ildə Merbekili Vilhelmin işləri
yenidən toplu şəklində çap etdirilir. Bundan sonra Arximedin şöhrəti
getdikcə artır və alimlər arasında özünəlayiq yer tutmağa başlayır. Belə
ki, onun işləri bir çox alimlərin, o cümlədən Simon Stevin və Qalileo
Qaliley kimi dahi alimlərin formalaşmasında böyük rol oynamışdır.
Antik dövrdə maşınqayırma
58
Isgəndəriyyəli Ktesibios ( b.e.ə.
ΙΙΙ
əsr)
Y
unan mühəndisi və ixtiraçısı Ktesibios (yun. Ctesibios), b.e.ə.
ΙΙΙ
əsrdə
Ι
və
ΙΙ
Ptolomeyin dövründə yaşayaraq İsgəndəriyyənin Musey
məktəbində fəaliyyət göstərmişdir. Əslində Ktesibios etdiyi ixtiralarına
görə antik dövrün birinci yunan alimi idi. Arximedlə eyni vaxtda
yaşamış, istedadlı ixtiraçının etdiyi texniki yeniliklər Arximedin
işlərindən əvvəl işıq üzü görmüşdür. Buna baxmayaraq mütəxəssislər
tərəfindən o, yunan riyaziyyatçıları və mühəndisləri arasında
Arximeddən sonra ikinci yerə qoyulur.
Ktesibiosun havanın elastikliyi haqqında apardığı işlər texniki
elmlərin inkişafında çox mühüm rol oynamışdır. Ona görə də, onu
“pnevmatikanın atası” adlandırırlar. Sıxılmış havanın ilk dəfə elmi
araşdırılması və praktiki tətbiq olunması onun adı ilə bağlıdır.
Ktesibiosun sıxılmış hava haqqında apardığı elmi işləri təsvir edən
“Pnevmatika” əsəri və başqa dəyərli yazıları bizə gəlib çatmamışdır.
Ktesibiosun işləri haqqında məlumatlara yalnız ondan sonra yaşamış
antik dövrün alimlərinin işlərində rast gəlinir.
Ktesibios Musey məktəbində riyaziyyatın və mexanikanın təməlini
qoyanlardan sayılır və o, bu məktəbin əsas “beyinləri”ndən hesab
edilirdi. Apardığı elmi işlər kimi, onun özünün həyatı haqqında da bizə
çox az məlumat gəlib çatmışdır. Onun atasının bərbər olması və b.e.ə.
285-222 ci illərdə İsgəndəriyyədə yaşaması məlumdur [1.44, 1.45].
“Pnevmatika “ əsərində o, havanın materiya olması barədə fikir
yürüdür. Bu ideyanın əsasında Ktesibios ilk ixtirası olaraq atasının
bərbərxanasında sıxılmış hava ilə işləyən “tənzimlənən güzgünü”, yəni
yuxarı və aşağı hərəkət edə bilən guzgunu düzəldir. Güzgünü hərəkət
etdirən mexanizmin görünməməsi üçün o, tavanda kərənin altinda
yönəldici bir agac lövhə yerləşdirir. Ağacın uclarına diyircəklər
bərkidılir. Sonra bir ucundan güzgü asılmış ip bu diyircəklərdən
keçirilərək aşağıya dartılır. Onun ucuna qurğuşundan hazırlanmış
silindrik yük bağlanır. Bu yük silindrik borunun içərisində yerləşdirilir
Dostları ilə paylaş: |