| Startistika və ehtimal
Statistika və ehtimal məzmun xətti müxtəlif ədədi kəmiyyətlərlərin orta qiymətinin təyin edilməsi və hesablanması, seçim zamanı təsadüflərin nəzərə alınması, toplanmış məlumatların təsnifatı və qrafiklər üzrə təhlilin aparılması kimi məsələlərin şagirdlər tərəfindən öyrənilməsi məqsədilə daxil edilmişdir. Bu məzmun xətti vasitəsilə ibtidai siniflərdə ehtimal eksperimentlərini yerinə yetirmək, məlumatalrı toplamaq və onları qrafik təsvir etmək kimi məsələlərin öyrənilməsi təmin olunur, yuxarı siniflərdə statistika və onun gündəlik həyata təsirinin daha dərindən öyrənilməsi, toplanmış məlumatlar əsasında mühakiməyürütmə və qərarvermə təcrübəsinin formalaşdırılması üçün zəmin yaradılır.
Riyaziyyat fənni üzrə standartlar orta təhsil kursu çərçivəsində bütün şagirdlər üçün vacib olan məzmunu əhatə edir, şagirdlərin riyazi qavrama qabiliyyətlərini, bilik və bacarıqlarını təsvir edir, ölkədə hər bir şagirdin riyaziyyat sahəsində öyrənə biləcəyi və öyrənməli olduğu məsələləri müəyyən edir, şagirdləri orta təhsilin sonrakı pilləsinə hazırlayır.
Dostları ilə paylaş: |
