75
İkincisi, bu, dövrünün sadə adamları ilə bərabər imkanlı və
imtiyazlı adamlarının sufiliyi sevməsi və ona kömək göstərməsi,
eləcə də bəzi hallarda bu təlimə qatılması ilə bağlı idi. Sufilərin
artan nüfuzundan bəhrələnmək üçün dövrünün hökmdarları sufi
şeyxlərini yuxarı dövlət vəzifələrinə irəli çəkirdilər. Məs. Süphə-
verdiyyə təriqətinin yaradıcılarından biri olan Ömər Sührəvərdi
xəlifə ən-Nasir li-Dinillahın (1180-1225) müşaviri kimi məsul
diplomatik vəzifəyə təyin olunur. Tarixdən məlumdur ki, əyyubi-
lərnən və Xarəzm Sultanı ilə Xəlifənin gərgin münasibətlərinin
normallaşmasında onun böyük əməyi olmuşdur. O, xəlifənin
adından Suriya və Misirə, əyyubilərin paytaxtı Hələb şəhərində
diplomatik danışıqlarda iştirak etmişdir. Digər tərəfdən, hökm-
darların özləri də təriqətlərin üzvü olur və sufi ideyalarının
daşıyıcılarına çevrilirdilər. Osmanlı Sultanlarının 18-nin Xəlvəti-
yə təriqətinin müxtəlif qollarına aid olduğu məlumdur (26).
“Səfəviyə” təriqətinin banisi Şeyx Səfiəddinin şagirdləri arasında
Ellxanilərin vəziri Rəşidəddin, onun oğlu Məhəmməd Rəşidi və
hətta Elxani hökmdarlarından Əbu Səid kimi görkəmli şəxsiy-
yətlər vardı. İmtiyazlı və varlı adamlar tərəfindən təriqətlərə müx-
təlif xarakterli yardımlar olur, o cümlədən xanəgahlar tikilir, tə-
mir etdirilir və maliyyələşdirilirdi. Azərbaycan hökmdarları tərə-
findən tikilən xanəgahlara misal olaraq, Qazan xanın Təbrizdə,
Məhəmməd Xüdabəndənin Sultaniyədə, Elxani hökmdarlarının
vəziri olmuş, həm də görkəmli tarixçi, filosof, şer və sənət hamisi
kimi tanınmış Rəşidəddin Fəzlüllahın (1247-1318) və oğlu
Qiyasəddinin müxtəlif şəhərlərdə tikdirdiyi xanəgahları göstərə
bilərik (27, 82). Fəzlullah ibn Ruzbihan Xunci yazırdı ki, Uzun
Həsən çox böyük səxavət göstərib, 400-dən artıq dini xeyriyyə
idarəsi (zaviyə və ribat və xanəgah) yaratdı..." (28, 191). Bu
misalların siyahısını bir azda genişləndirmək mümkündür.
Üçüncüsü, sufilər ədəbiyyata, musiqiyə, memarlığa və s. bir
sıra yeniliklər gətirdi. Bu yeniliklər bütövlükdə dünya mədəniy-
yətinin, o cümlədən islam mədəniyyətinin zənginləşməsində
mühüm rol oynamışdır.
76
Sufilərlə bağlı bəhs etdiyimiz populyarlıq və sevgi əsasən
aşağıda göstərilən səbəblərlə izah olunur.
Birincisi, bu, sufiliyin geniş spektrdə təqdim etdiyi və döv-
riyyəyə buraxdığı Allahın eşq yolu ilə dərk edilməsi, vəhdət əl-
vücud, vəhdət əl-şüdut təlimi, “mey, saqi, meyxanə, şam, pərvanə
və s. kimi özünəməxsus sufi rəmzləri, hərf və rəqəmlər mistikası,
insanpərvərlik, demokratizm və s. ilə səciyyələnən” (29) sufilik
ideyaları və sosial görüşləri ilə bağlı idi. Bu ideyalar öz cəlbedi-
ciliyi, orijinallığı, praqmatikliyi ilə dövrünün digər ideyalarından
fərqlənirdi. Sufizmin irəli sürdüyü dünyanın dərki, Allah, yara-
dılış və s. haqqında ideyalar sistemindən müasirləri faydalana
bilir və onları narahat edən bir sıra suallara cavab tapa bilirdilər.
Bu haqda Rəcniş Oşo “Çölün müdrikliyi” əsərində yazırdı: Bu tə-
lim “…yetərincə gerçəkçi (realist), praqmatik, yəni işləkdir.
Abstrakt olmadığı üçün o, göydən daha çox yerə, torpağa
bağlıdır” (30).
İkincisi, bu, sufi ideyalarının gerçəkləşdirilməsi ilə bağlı tət-
biq edilən metod və vasitələrlə bağlı idi. Sufi arifinin əsas metod
və vasitələri ”...ürək, daxili mübarizə, batini təlaş, hərəkət, təmiz-
lik və paklaşdırmadır” (31). İrqindən, milliyyətindən və dinindən
asılı olmayaraq insana sevgi, ona sayğı, onun xidmətində durma,
problemlərinin həllinə kömək sufiliyin başlıca yanaşma prinsiplə-
rindən idi. Onlar öz ideyalarını yayarkən onun təsir effektini yük-
səltmək, ona canlılıq gətirmək üçün musiqidən, rəqsdən (sima),
şer demək, hekayət söyləmək kimi vasitələrdən də geniş istifadə
edirdilər.
Sufilər öz başlıca ideyalarının (Allahın dərk edilməsi) gerçək-
ləşdirilməsində intuisiya və vəcd yoluna üstünlük verərək onu
mütləq həqiqətin dərkində yeganə vasitə hesab edirdilər. Qəzzali
deyirdi ki, «Açıqca gördüm ki, sufilərə məxsus həqiqət kitablar-
dan öyrənilməz. O həqiqətə yalnız insanın təcrübəsi, vəcdi, daxili
dəyişmələri və ilahi eşqlə dünyanı unudub özünü tərk etmək
vasitəsilə çatmaq olar» (15, 14).
Üçüncüsü, bu, sufiliyin mahiyyətindən qaynaqlanan huma-
nizm və insanpərvərliklə bağlıdır. Təlimin humanizm və insan-
77
pərvərliyinin nüvəsində əxlaqi-mənəvi kamil insan dururdu. Və
sufizmin başlıca məqsədlərindən biri kamil insanı yetişdirmək idi.
Bu ideyanın özü toplum üçün çox cəlbedici idi. İnsana böyük də-
yər verən sufizm inanırdı ki, insan öz varlığına tənqidi yanaşmaq-
la, özünü tərbiyələndirməklə, nəfsini qorumaqla, öz mahiyyətini
dərk etməklə elm, ağıl və iradə yolu ilə kamilləşərək vüsalata ye-
tişə bilər. Şəms Təbrizi bu barədə yazırdı: „İnsan özünü bildimi,
hər şeyi biləcək“ (32, 57). Əbu Həhs Sührəverdi isə deyirdi: “Sufi
isə davamlı nəfsini qınayır, elmini yetərli bilmir, bildiklərinə
güvənmir, nəfsini (və elmini) bir kənara ataraq Rəbbinin arzu və
iradəsinə əməl edib fəaliyyət göstərən insandır” (33, 69).
Dördüncüsü, sufilər öz mənəvi-əxlaqi keyfiyyətləri ilə toplu-
ma nümunə idilər. Sufiliyin davranış prinsiplərindən biri edilən
yaxşılığı gizlətmək idi. Sufilik təlimi əxlaqi saflıq, dünya nemət-
lərindən imtina, nəfsin tərbiyələndirilməsi, dini biliklərin kamil
öyrənilməsi və s. kimi keyfiyyətlərin reallaşdırılmasını sadəcə
arzu etmir. Onlar bu keyfiyyətlərin gerçəkliyə çevrilməsi üçün
üzvləri arasında ciddi qaydalar sistemi yaratmışdı. Çünki sufiliyin
başlıca məqsədi Allahda təcəlli edə biləcək kamil insanın
formalaşdırmaq idi. Bu baxımdan hər bir sufi cəmiyyətin hər bir
üzvü üçün əxlaqlılığı, maddi nemətlərə biganəliyi, savadlılığı və
bilikliliyi ilə örnək idi. Əbu Həhs sufilərin pak davranışlarından
bəhs edərək yazırdı: “Sufi davamlı qəlb təmizliyi ilə uğraşan
kimsədir. O, daim nəfsini çirkin sifətlərdən sızıb keçir, pis
şeylərdən təmizlənməklə məşğuldur” (33, 72).
Beşincisi, sufizmin dinindən, irqindən, sosial statusundan
asılı olmayaraq insanlara bir baxması, bir yanaşması, insana insan
kimi dəyər verməsi ilə bağlı idi. Sufililər başqa dindən olanlara,
digər dini inanclara hörmət bəsləyir, hətta başqa dindən olanları
öz aralarına almaqdan belə çəkinmirdilər. Onlar deyirdilər ki, "nə
qədər insan varsa, haqqa da o qədər yol var" Böyük sufi bilim
adamı İbn Ərəbi deyirdi: “Mənim könlüm istənilən formanı gö-
türməyə başlayıb: o həm cüyürlər üçün otlaq, həm xristianlar
üçün monastır, bütpərəstlər üçünsə məbəddir. O təvat edənlər
üçün Kəbə, Tövratın, Quranın səhifələridir” (34, 236). Bütün din-
Dostları ilə paylaş: |