Xorijiy mamalakatlar iqtisodiyoti va mamlakatshunoslik

2.1.1-rasm. Fors ko’rfazi mamlakatlari va Saudiya Arabistoni eksport hajmi dinamikasi (mlrd. AQSh dollar)

Yuqoridagi jadvalni tahlil qilib ko’radigan bo’lsak Saudiya Arabistoni mintaqada eksport hajmining yuqoriligi bo’yicha ajralib turibdi. 2008-yilda

Saudiya Arabistoni eksporti Fors ko’rfazidagi qolgan mamlakatlar eksportining 47,9% ini va bu ko’rsatkich 2009-yilda 43,4% ni tashkil etdi. 2009-yilda butun mintaqa bo’yicha eksport hajmi keskin pasaydi sababi 2008-yilgi jahon moliyaviy inqirozi Fors ko’rfazi mintaqasidan eng ko’p Saudiya Arabistoni iqtisodiyotiga salbiy ta’sir qildi. 2010-yilda jami mintaqa eksportida Saudiya Arabistoni uushi 42,7% ni, 2011-yilda 42,8%, 2012-yilda bu ko’rsatkich 41,5% ni tashkil etdi. Demak ko’radigan bo’lsak 2010-yildan boshlab Saudiyani ulushi pasayishni boshladi. 2008-yildagi moliyaviy inqiroz Saudiya eksportiga ham salbiy ta’sir qildi sababi 2009-yilda uning mintaqa eksportidagi ulushi 4,5% ga pasaydi. 2010-yilda ham 0,7% pasayish tendensiyasi kuzatildi. Saudiya eksport hajmi 2010-yildan boshlab o’sish tendensiyasiga ega bo’lib eng yuqori ko’rsatkichni 2012-yilda 388,4 mlrd dollarni tashkil etdi. 1995-yil davomida Fors ko’rfazi mamlakatlarini yalpi eksporti 103 mlrd dollarni tashkil etgan bo’lsa shundan Yevropa mamlakatlariga qilingan eksport ulushi 53% ni ya’ni 54,8 mlrd dollar bo’ldi va bunda Saudiyani ulushi 19,8% ni 10,9 mlrd dollarni tashkil etdi. Bu ko’rsatkich 2005-yilda 15,8% ni ya’ni 33,24 mlrd dollarni tashkil etdi. 2013-yilda esa ushbu ko’rsatkich 9,3% ni tashkil etdi.

Manba: www.gccstat.orgFKADHK tashkilotining rasmiy ma’lumotlari asosida muallif tomonidan tayyorlangan.

2.1.2-rasm. Fors ko’rfazi mamlakatlari va Saudiya Arabistoni import hajmi dinamikasi (mlrd. AQSh dollar)

Import tarkibini ko’radigan bo’lsak Saudiya Arabistoni mintaqada import hajmi bo’yicha yuqori o’rinlarda turadi. 2008-yilda Saudiya Arabistonining import hajmi ulushi jami mintaqa ulushining 31,7% ini tashkil etgan bo’lsa bu ko’rsatkich 2009-yilda 32,6% ga yetdi. 2009-yilda Fors ko’rfazi mintaqasidagi mamlakatlarning import hajmi o’tgan yilgiga nisbatan keskin pasaydi. 2008-yilda import hajmi 115,1 mlrd dollar bo’lgan va bu ko’rsatkich 2009-yilda 95,5 mlrd dollarni tashkil etgan. Mintaqa mamlakatlarini eksport tarkibini ko’radigan bo’lsak unda asosiy o’rinni neft va neft mahsulotlari tashkil etadi. Neftning jahon bozoridagi narxining doimiy o’sib borishi natijasida, barcha Fors ko’rfazi arab mamlakatlarining yalpi savdosi 2011-yilda yoqilg’i energiya bozorida ijobiy o’sish ko’rsatkichlariga ega bo’lib, yalpi eksport ko’rsatkichi 41,9% ga oshdi, bu tahminan 851,5 mlrd AQSh dollarini tashkil etdi. Bunda yalpi eksport hajmi bo’yicha eng katta ulush Saudiya Arabistoni hissasiga to’g’ri keldi. Avvalgi yilga nisbatan o’zgarish ko’rsatkichi barcha mamlakatlarda ijobiy bo’lib, eng ko’p o’sish darajasi Quvaytda (56,6) va eng kam o’sish darajasi esa Ummonda (24,8%) kuzatilgan.

Saudiya Arabistoni OPEC tashkilotida o’zining muhim o’rniga ega. Bu mamlakatni OPEC tashkilotida muhim o’rin egallashiga quyidagi omillar sabab bo’ldi:

• jahonda neft qazib olishga eng kam xarajat qiladi 1 barrel 1,5$ ga teng,

  
  

• tarmoq sohasiga yuqori texnologiyalar jalb etilganligi,

  
  

• milliy iqtisodiyot va neft sanoatini bir-biriga uzviy bog’liqligi,  iqtisodiy va siyosiy tizimni barqarorligi.

  
  

Neft va gaz sanoatini rivojlantirish maqsadida hukumat har yili Saudi

Aramco milliy kompaniyasiga 15 mlrd dollar mablag’ ajratadi. Saudiya
Arabistonida 7 ta neftni qayta ishlash zavodlari mavjud bo’lib yiliga 90 mln tonnagacha neft ishlab chiqaradi. Mamlakatda maxsus neft-gaz sohasida qonunchilik yaratilmagan, neft sanoati konsessiya shartnomasi asosida rivojlantiriladi. 2012-yilda Saudiya Arabistoni uglevodorod ishlab chiqarish bo’yicha birinchi o’ringa va uni eksport qilish bo’yicha esa ikkinchi o’rinda bo’ldi. Mamlakat iqtisodiyoti haligacha neftga bog’liq bo’lib OPEC tashkiloti malumotiga ko’ra hukumat daromadlarining 90% ini aynan neftdan kelgan daromad tashkil etgan¹⁸. Saudiya Arabistoni importini geografik tarkibini ko’radigan bo’lsak 2013yilga kelib asosiy import hamkorlari Janubi-sharqiy osiyo mamlakatlari bo’lib asosan Xitoy, Janubiy Koreya va Yaponiya mamlakatlari hisoblanadi. So’nggi yillarda Saudiya Arabistonining ham asosiy import hamkorlari asosan Xitoy,
Yaponia, Janubiy Koreya, Singapur mamlakatlari bo’lib bu mamlakatlardan asosiy import tovarlar tarkibini elektron mahsulotlar tashkil etadi. Fors ko’rfazi mamlakatlarini rivojlanayotgan mamlakatlardan import miqdori 25,0 mlrd AQSh dollarni tashkil qilgan bo’lsa bunda Saudiyaning ulushi 25,4% ni ya’ni 6,25 mlrd AQSh dollar bo’lgan. 2005-yilga kelib mintaqa mamlakatlarini rivojlanayotgan mamlakatlardan import miqdori 76,7 mlrd AQSh dollarni tashkil etdi va bunda Saudiya Arabistonining ulushi 26,8 mlrd dollarga yetdi.



Manba: www.opec.orgNeft eksport qiluvchi mamlakatlar tashkiloti malumotlari asosida tayyorlangan.

2.1.3-rasm. OPEC ga a’zo Fors ko’rfazi mamlakatlarini neft xom ashyosi eksport miqdori dinamikasi (mlrd AQSh dollar)¹⁹

Yuqoridagi grafigni ko’radigan bo’lsak OPEC tashkilotida Saudiya

Arabistoni neft ustidan to’liq ustunlikka ega desak bo’ladi. Ko’rinib turibdiki 2008-yilda Saudiya Arabistonini OPEC dagi neft eksporti hajmi 280,9 mlrd dollarni tashkil etgan va bu ko’rsatkich bo’yicha OPEC ga a’zo Fors ko’rfazi mamlakatlari jami neft eksportining 56,9 % ini tashkil etmoqda deyarli 60% ko’satgich. 2009-yilda esa neft ekspori hajmi 157,4 mlrd AQSh dollarni tashkil etgan va bu ko’rsatkich o’tgan yilgiga nisbatan past bo’ldi. 2009-yilda Saudiya
Arabistonini neft eksporti ulushi 56% ni tashkil etdi.Ko’radigan bo’lsak 2009-yilda jahon neft bozorida 2008-yilgi moliyaviy inqiroz sabab neftga bo’lgan talab keskin pasaydi va OPEC mamlakatlari ham neft qazib chiqarish hajmini kamaytirishga majbur bo’ldi. 2010-yildan boshlab neft eksporti hajmi yana o’sishni boshladi va bu yili uning hajmi 196,1 mlrd dollarni tashkil etdi. Saudiya Arabistonini neft eksporti ulushi 2010-yilda 54,3% ni tashkil etdi ko’radigan bo’lsak Saudiyaning
OPEC tashkilotidagi neft eksporti ulushi Fors ko’rfazi mamlakatlarining jami neft eksportining 50% idan yuqori ko’rsatkichni ifodalamoqda. 2012-yilda Saudiyani OPEC da neft eksporti hajmi rekord ko’rsatkichni 336,1 mlrd dollarni ifodalamoqda va uning Fors ko’rfazi mamlakatlari yalpi eksportidagi ulushi 53,1% ifodalamoqda.