Rüfət Göyüşov
Mülkiyyətçinin əmlakı mirasda məcburi pay hüququ olan
şəxslərin hüquqları ilə yüklü ola bilər. Qanunverici vəsiyyət
azadlığım məhdudlaşdıraraq qanun üzrə birinci dərəcəli qohumlar
üçün mirasda məcburi pay hüququnu müəyyən edir. Odur ki, AR
MM-in 1200-cü maddəsində müəyyən olunmuş qaydaya əsasən,
miras qoyan əşyanı üçüncü şəxsə bağışladıqda, məcburi paya hüququ
olan şəxs, əgər bağışlanmış əşya mirasa daxil olsaydı, onun məcburi
payının arta biləcəyi məbləğdə məcburi payın tamamlanmasını tələb
edə bilər. Əgər mirasın açıldığı vaxtadək hədiyyənin verilməsindən
iki il keçirsə, hədiyyə hesaba alınmır.
Hədiyyənin verilməsindən fərqli olaraq onun qəbulu imkanları
fəaliyyət qabiliyyəti məhdud olan şəxslər üçün qanunverici
tərəfindən genişləndirilmişdir. Belə ki, AR MM-in 667.2-ci
maddəsində müəyyən olunmuş qaydaya əsasən, əgər fəaliyyət
qabiliyyəti olmayan şəxs öz hərəkətlərinin xarakterini və nəticələrini
qiymətləndirməyə qadirdirsə, o da hədiyyəni qəbul edə və hüquqa
uyğun surətdə əldə edə bilər. Lakin əgər qanuni nümayəndə
hədiyyənin qəbul olunmasını qadağan etmişsə və ya qaytarılmasına
dair sərəncam vermişsə, hədiyyə əldə edilmir və ya ləğv edilir.
Ər-arvad arasında bağışlama müqaviləsi ümumi əsaslarla həyata
keçirilir. Bu zaman bağışlamanın predmeti kimi ərin və yaxud
arvadın xüsusi mülkiyyətində onlardan birinə ayrılıqda məxsus olan
əmlak çıxış edir. Bu ya ümumi birgə mülkiyyətdə olan əmlak payı
(əgər paylar müəyyən olunmuşsa), nikaha qədər əldə olunan əmlak və
ya nikah dövründə hədiyyə verilmiş əmlak və s. ola bilər.
Bağışlama müqaviləsinin forması onun predmeti, subyekt tərkibi
və qiyməti ilə müəyyən olunur. Belə ki, AR MM-in 668.1.1-ci
maddəsində müəyyən olunmuş qaydaya görə, daşınmaz əşyaların və
ya həmin əşyalara hüquqların bağışlanması za
82
III fəsil. Bağışlama müqaviləsi
manı bağışlama müqaviləsi notariat qaydasında təsdiqləndikdə
etibarlıdır. Gələcəkdə hədiyyə alanın hədiyyə predmeti üzərində
mülkiyyət hüququnun yaranması və sərəncam verə bilməsi üçün
həmin daşınmaz əmlakın dövlət reyestrində ərazilər üzrə
qeydiyyatının aparılması vacibdir (bax. AR MM, mad.146.2 və
178.1).
Daşmar əşyaların bağışlanması müqaviləsinin forması bu
əşyaların adi və ya rəsmi reyestrdə qeydə alınan ola bilməsindən asılı
olaraq iki fərqli qaydada həyata keçirilir. Belə ki, əgər əşya rəsmi
reyestrdə qeydə alınması tələb olunan daşmar əşyadırsa, o zaman
onun bağışlanması müqaviləsi notariat qaydasında təsdiqlənməlidir
(bax. AR MM, mad.668.1.2). Adi halda daşmar əşya ilə əlaqədar
bağışlama müqaviləsində isə hədiyyə verən əşyanı hədiyyə alana
verməlidir (bax. AR MM, mad.668.1.3).
Tələblərin və hüquqların bağışlanması ilə əlaqədar münasibətlərə
Mülki Məcəllənin tələblərin və hüquqların ötürülməsi qaydasını
tənzimləyən normalarının tələbləri tətbiq olunur. AR MM-in
668.1.4-cü maddəsində əksini tapan qaydaya əsasən, tələblərin və
digər hüquqların bağışlanması zamanı onlar Mülki Məcəllənin
tələblərinə uyğun yazılı surətdə keçirildikdə etibarlı sayılır.
Tələblərə və hüquqlara mülkiyyət hüququnun əldə edilməsi
münasibətlərini tənzimləyən AR MM-in 9-cu fəslinin 3-cü pa-
raqrafmda yerləşən 194.4-cü maddəsində müəyyən olunmuş qaydaya
əsasən, sadə yazılı və ya notarial formada bağlanmış əqdə əsaslanan
tələbin güzəşti müvafiq yazılı formada həyata keçirilməlidir.
Yuxarıda qeyd olunan son iki normanın təhlilindən belə nəticə
çıxartmaq olar ki, şifahi formada bağlanmış əqdə əsaslanan tələbin
bağışlanması şifahi formada da ola bilər.
Konsensual bağışlama müqavilələri mülki dövriyyənin
sabitliyinin təmin edilməsi məqsədilə hər zaman yazılı bağlanmalıdır.
Bu AR MM-in 668.1.5-ci maddəsinin tələbindən irəli gəlir. Orada
qeyd olunur: gələcəkdə bağışlama vəd edildikdə bu vəd notariat
qaydasında təsdiqləndikdə etibarlıdır.
83
Rüfət Göyüşov
3.3.
Bağışlama müqaviləsinin məzmunu
Bağışlama müqaviləsinin əvəzsiz xarakteri və hədiyyə alan
tərəfindən qarşılıqlı icranın olmaması bu müqavilə üzrə tərəflərin
öhdəlik xarakterli hüquq və vəzifələrinin yaranmasını istisna etmir.
İlk baxışdan real bağışlama müqaviləsində tərəflərin öhdəlik
xarakterli hüquq və vəzifələri görünmür. Belə ki, hədiyyə alanın
hədiyyəni qəbul etmək və ya etməmək hüququna paralel hər hansı
vəzifəsi olmur. Hədiyyə verən isə əşyanı hədiyyə alana verməklə real
bağışlama müqaviləsi üzrə vəzifəsini icra etmiş sayıla bilər.
Bağışlama müqaviləsini tənzimləyən normalarda bu müqaviləyə
alqı-satqı haqqında göstərişlərin müvafiq qaydada tətbiq olunması
haqqında xüsusi qayda olmamasına baxmayaraq, məsələyə əmlaka
mülkiyyət hüququnun ötürülməsi və bu sahədə aparıcı müqavilə olan
alqı-satqı müqaviləsi kontekstindən yanaşsaq, o zaman hədiyyə verən
üçün analoji vəzifələrin müəyyən olunduğunu görmək olar.
Məsələn, əşyanın geri alınması barədə iddia irəli sürüldükdə
alıcının və satıcının vəzifələrini tənzimləyən AR MM-in 572- 574-cü
maddələrində müəyyən olunan tələblər, qanun analogiyası
nöqteyi-nəzərdən yanaşsaq, bağışlama müqaviləsinə də tətbiq oluna
bilər və ya olunmalıdır. Belə ki, hədiyyə verilən əşya üçüncü
şəxslərin hüquqları ilə yüklü olarsa və hədiyyə verildikdən sonra
üçüncü şəxslər tərəfindən tələb olunarlarsa, hədiyyə alanın vəziyyəti
mürəkkəb olacaqdır. Belə olan təqdirdə alqı- satqı müqaviləsinin AR
MM-in 572-574-cü maddəsində müəyyən olunan konstruksiyasından
yaralanmaq lazım gələcəkdir. Həmin qaydalan bağışlama
müqaviləsinə analoji olaraq tətbiq etsək, o zaman belə bir norma əldə
etmiş olacağıq. Əgər üçüncü şəxs bağışlama müqaviləsi icra
edilənədək əmələ gəlmiş əsas
84
Dostları ilə paylaş: |