Zbekiston respublikasi qurolli kuchlar akademiyasi harbiy xavfsizlik va davlat mudofaasi fakulteti

O‘ZBEKISTON RESPUBLIKASI QUROLLI KUCHLAR AKADEMIYASI
HARBIY XAVFSIZLIK VA DAVLAT MUDOFAASI FAKULTETI

1-bosqich 13-guruh tinglovchisi kata leytenant
KOMILOV ALISHER ABDUMANNOB o‘g‘lining


HARBIY TA’LIMDA INNOVATSION PEDAGOGIK
TEXNOLOGIYALARDAN FOYDALANISH fanidan
1- topshiriq ijrosi yuzasidan
BAJARGAN ISHI

Topshiriq: Ta’lim jarayonida ta’lim oluvchi shaxsi.





O‘qitishda an’anaviy va shaxsga yo‘naltirilgan yondashuvning qiyoslanishi





AN’ANAVIY

SHAXSGA YO‘NALTIRILGAN



Tayyor axborotlarning o‘qituvchidan ta’lim oluvchiga uzatilishi

Axborotlarni hamkorlikda izlash



O’qituvchi faol, ta’lim oluvchining faol emasligi (passiv)

O’qituvchi berayotgan bilim absolyut va munozara etilmaydi

O’qituvchi va ta’lim oluvchi ma’lumotlarni izlashda va o‘zlashtirishda hamkorlik

Ta’lim oluvchining xatti-harakati orqali o‘qitish

Mavzu bo‘yicha ta’lim oluvchining oldiga aniq maqsadning qo‘yilishi

Ma’lumotlarni xotirada saqlash

Xikoya qilish va suhbat usulida asoslangan

Ta’lim oluvchining maqsadi aniqlashtirilmagan

Alternativ ma’lumotlar va javoblarga imkon beriladi

Ma’lumotlarni o‘zlashtirish orqali ko‘nikma hosil qilish


1. O‘quvchi shaxsi ta’lim jarayonining obyekti va subyekti sifatida.
2. Shaxs qiyofasining tuzilishi.
3. Pedagogning innovatsion faoliyati va uning tuzilishi.

Shaxs deganda muayyan jamiyatning a’zosi tushuniladi. Odam-inson individi Shaxsga aylanmoo’i uchun ruhiy jihatdan taraqqiy etgan, o’z hususiyati va sifatlari bilan boshqalardan farq qilishi lozim.

Har bir odam Shaxs sifatida turlicha namoyon bo’ladi. U o’zining hususiyati, qiziqishi, qobiliyati, aqliy jihatdan rivojlanganlik darajasi, ehtiyoji, mehnat faoliyatiga munosabati bilan boshqalardan farqlanadi. Bular Shaxsning o’ziga hos hususiyatlari bo’lib, mazkur hususiyatlari rivojlanib ma’lum bir bosqichga etsagina u kamol topgan Shaxs sifatida namoyon bo’ladi. Shaxs ijtimoiy munosabatlar jarayonida qaror topadi.
Shaxsning rivojlanishi avvalo unda Shaxsiy hislatlarning shakllanishi bilan boshlanadi. Rivojlanishi o’zida Shaxsning jismoniy, aqliy va boshqa hislatlarning takomilini namoyon etadigan jarayon bo’lib, bunday hislatlarning tuo’ma, ba’zilari keyinchalik erishgan bo’ladi.
Shaxs nomini olish uchun nimalar kerak?- degan savolning tug’ilishi tabiiydir. Odam ijtimoiy mavjudot sifatidan Shaxsga aylanishi uchun unga ijtimoiy - iqtisodiy hayot sharoitlari muhit va tarbiya kerak bo’ladi. Ana shular hamda Shaxsning nasliy hususiyatlarining takomillashib borishi odamning rivojlanishi, Shaxs sifatida namoyon bo’lishini ta’minlaydi.
Odam bolasining Shaxs sifatida rivojlanishini, uning har tomonlama kamolga etishi uchun pedagogika fani Shaxs rivojlanishining umumiy qonuniyatlarini, unga ta’sir etadigan omillarni, rivojlanish jarayoniga aloqador bosqichlarni aniqlashi kerak. SHuningdek, bola Shaxsining rivojlanishida faoliyatining o’rni va ahamiyatini ham o’rganishi lozim.
Biz yuqorida “rivojlanish” tushunchasini juda ko’p ishlatdik. Endi ushbu tushunchaga atroflicha yondoshib, ta’rif berishga harakat qilaylik. Odam biologik mavjudot sanaladi, tabiiy, biologik va ijtimoiy qonuniyatlarga bevosita bo’ysunadi.
Boshqacha qilib aytganda, Shaxs, inson tirik organizmdir, shu sababli uning hayoti biologiyaning umumiy qonunlariga, yoshlar anatomiyasi va fiziologiyasining mahsus qonunlariga bo’ysunadi. Bulardan tashqari odamning komil inson bo’lib etishuvida aniq maqsad asosida tashkil etilgan hatti-harakat, iroda sifatlarining kamol topishi asosida ayrim nuqsonlarning bartaraf etilishi qiyinchiliklarni engib o’tishga bo’lgan ishonchi ham muhim ahamiyatga egadir.
Ma’lumki, hayoti davomida inson jismoniy va psihik jihatdan o’zgarib boradi. Lekin bolalik, o’smirlik va o’spirinlik davrida rivojlanish nihoyatda kuchli bo’ladi.
Bola mana shu yillarda ham jismoniy, ham ruhiy jihatdan o’sishi, o’zgarishi tufayli Shaxs sifatida kamolga etadi, bunda berilayotgan tarbiya maqsadga muvofiq ta’sir etishi natijasida bola jamiyat a’zosi sifatida kamol topib, murakkab ijtimoiy munosabatlar sistemasida o’ziga munosib o’rin egallaydi.
Anatomik va fiziologik harakterdagi o’zgarishlar jismoniy rivojlanishga taalluqlidir. Odam bo’yining o’sishi, gavda oo’irligining ortib borishi, gavda tuzilishining o’zgarishi, qon bosimi, o’pka sio’imi, tayanch-harakat apparatining holati va boshqalar jismoniy rivojlanish ko’rsatkichlaridir.
Ruhiy jarayonlar va bola ruhiyatidagi o’zgarishlar, chunonchi, diqqat va hotira darajasi, tafakkur hususiyatlari, so’z boyligi hamda nutqning rivojlanganlik darajasi va boshqalar ruhiy rivojlanishga taalluqlidir.
Shaxs rivojlanishida u yoki bu faoliyat turlari (o’yin, o’qish, mehnat va boshqalar)ning turli yoshdagi faoliyatlar mazmuni (maqsadga yo’naltirilganlik, harakatning ongli, rejali bo’lishi, ularning samaradorligi va h.k) shuningdek, aloqa, muomala hamda kishilar o’rtasidagi ijtimoiy munosabatlar mazmuni, ijtimoiy-ahloqiy me’yorlarga bo’ysunish, ijtimoiy burchni anglash, unga nisbatan mas’ullik kabi hususiyatlar ham muhim ahamiyatga ega bo’ladi.
Shaxsning shakllanishida Shaxsiy hislat va sifatlarning rivojlanib, taraqqiy etib borishi muhim o’rin tutadi. Shaxs sifatlarini to’o’ri aniqlash uchun turli munosabatlar jarayonida uni o’rganish maqsadga muvofiqdir.
Bugungi kunda ta’lim-tarbiya tizimi kadrlarning yangi avlodi tafakkurini, ongini shakllantirishga hizmat qiladigan zarur bir soha sifatida namoyon bo’layotgan ekan, Shaxs ta’rifi ham birmuncha oydinlashadi. Kadrlar tayyorlash milliy modelining tarkibiy qismiga kirgan "Shaxs" quyidagicha ta’riflanadi:
Shaxs - kadrlar tayyorlash tizimining bosh sub’ekti va ob’ekti, ta’lim sohasidagi hizmatlarning iste’molchisi va ularni amalga oshiruvchisi.
Demak, Shaxs - ijtimoiy munosabatlar mahsuli bo’lib, ongli faoliyat bilan shuo’ullanuvchi ijtimoiy mavjudot sifatida jamiyatda o’z o’rni bor.
Shaxsning rivojlanishi esa barcha tuo’ma va hosil qilingan hususiyatlar: organizmning anatomik tuzilishi, fiziologik va psihologik hususiyatlar, faoliyat va hatti-harakatning miqdoriy va sifati o’zgarish jarayonidir.
«Innovatsiya» tushunchasi birinchi marta XIX asrda madaniyatshunoslar o`rganishlarida paydo bo`ldi va bir madaniyat elementlarini boshqasiga joriy qilish ma’nosini bildirgan. Uning bu ma’nosi hozirgacha etaografiyada saqlanib qolgan.
XX asr boshlarida yangi bilim sohasi-yangiliklarni kiritish, qullash yuzaga keldi. U mahsulot ishlab chiqarish sohasida texnik yangiliklarni kiritish qonuniyatlarini o`rgana boshladi. YAngiliklarni kiritish haqidagi fan - innovatika -firmalarning yangi reja, xizmatlarni ishlab chiqish va tatbiq etish faoliyatiga talabalari keskin oshib borishi aks ettirilgan holda paydo bo`ldi.
30 yillarda AQSHda «firma innovatsion siyosati», «innovatsion jarayon» atamalari paydo buldi. 60-70 yillarda g`arbda firmalar va boshqa korhonalar amalga oshirilayotgan yangiliklarni empirik tekshirishlar keng quloch yoyadi. SHu bilan birga diqqat ikki asosiy tekshirishlar sohasiga qaratiladi, ularning har birida o`z nazariy - metodologik madaniyati ustun turadi.
Firma yangiliklarni kiritish tashabbuskori va yaratuvchisi sifatida bo`lib, uning yangiliklarni kiritishga «sezuvchanligini», «ta’sirchanligini» va bu ta’sirchanlik bogliqligi boshqarishning tuzilishi va uslublari bilan bog`liqdir.
Tekshirishlar dasturi sifatida «qaror qabul qilish jarayoni» kontseptsiyasi hisoblanib, bunda alternativalarni tanlash va analiz qilish qabul qilingan qarorlarni ketma-ket bosqichlar bilan amalga oshirishga o`tiladi.
Marketing yoki firmaning bozorga yangilik kiritishga, tavakkalchilik omillari, kiritilayotgan yangiliklar muvaffaqiyatini oldindan bilish metodlari, alohida bosqichlar samaradorligi iqtisodiy ko`rsatkichlari va yangilik kiritish umumiyligiga: ustun turuvchi tekshirishlar paradigmasi bo`lib, ochiq tizim va uyin sifat yondashuvi nazariyasi hisoblanadi, unda firmalar bozor bilan o`z muhitlari sifatida o`zaro munosabatda bo`lib va u erda innovatsion jarayonning yakunlovchi bosqich ko`pgina sub’ektlar o`zaro bog`liqligi natijasi bo`lib qoladi, bu sub’etklarning har biri o`z manfaatiga qarab ish olib boradi va o`z sheriklari harakatlarini ehtimolini hisobga oladi.
Bu ikki sohada yangiliklarni kiritishni amaliy tekshirishlar bir qator fanlar nazariy yangiliklaridan foydalanadilar. Ular turmush va mehnat texnik vositalari rivojlanishi qonuniyatlariga murojaat etib, o`rganilayotgan texnika tarixi, tahnik va ijtimoiy o`zgarishlar o`zaro bog`liqligiii o`rganadilar: yangiliklarni kiritishni boshqarish amaliyotiga yangi g`oyalarni rag`batlantiruvchi omillar va uslublar haqidagi sotsiolog va ijtimoiy psixologlar hulosalarini, innovatsion yangilik kirituvchilar va boshqa ishtirokchilar hislatlari haqidagi mulohazalarini faol tatbiq etadilar.
Olimlar yangiliklar kirtishni tekshirish uch bosqichga ajratadilar. Birinchi bosqich yangiliklar muvaffaqiyatiga yordam beruvchi yoki to`sqinlik qiluvchi omillarni o`rganish va turli hil yangiliklar ko`pgina empirik ma’lumotlarni analiz qilish bilan bog`liq.
Ikkinchi bosqich yangilik kiritish jarayonining o`zini, ularni bir soha muhitida ikkinchi sohaga olib o`tish mexanizmini hisobga olish bilan birgalikda o`rganish deb qaraydilar.
Uchinchi bosqichda tadqiqotchi diqqati turli hil innovatsion vaziyatlarni analiz qilish, tavakkalchilikni baholash metodlarini ishlab chiqish, yangiliklarni kiritish sohasida tavsiyanomalar yuzaga keltirishga qaratiladi. Bu bosqichda innovatsion siyosat davlat faoliyati bo`lib qoladi.
Pedagogik innovatsion jarayonlarni G`arbda 50 yillar ohirlaridan boshlab bizning mamlakatimizda keyingi 10 yillikdan boshlab olimlar mahsus o`rgana boshladilar.
Jahon pedagogik jamoatchiligining qiziqishi mahsus innovatsion xizmat, nashriyot, jurnallar nnnovatsion maqolalar ko`rinishida bo`lyapti. Hususan YUNESKO qoshida ta’limni rivojlantirish Osiyo pedagogik innovatsiyalar markazi mavjud bo`lib, dunyodagi turli mamlakatlardagi pedagogik yangiliklarni umumlashtirib, ta’lim masalalari bo`yicha halqaro byuro bilan birgalikda pedagogik jamoatchilikka mahsus nashrlarda ular haqida ma’lumotlar tarqatadi.
Bizning mamlakatimizda pedagogik innovatsiyaning rivojlanishi keng jamoatchi-pedagoglar harakati maktabning tez rivojlanishiga bo`lgan talab va uni pedagoglar amalga oshira bilmasliklari o`rtasidagi yuzaga kelgan qarama-qarshiliklar bilan bog`liq. YAngiliklarni qo`llash umumiyligi kengaydi. SHu sababli yangi bilimlarga bo`lgan talab, yangi «yangilik», «yangi innovatsiya», «innovatsion jarayon» tushunchalarini anglash talabi keskinlashdi.
«Innovatsiya» so`zi lotinchadan kelib chiqqan, uning tarjimasi yangilanish, o`zgartirish, yangilik kiritish degan ma’noni bildiradi.
Innovatsion jarayonning mikrostrukturasini o`rganib olishlar yangilik kiritishning «hayotiy tsikli, (davri)» kontseptsiyasini alohida ko`rsatdilar, u yangilik kiritish vaqt davomida o`tab boradigan jarayon degan fikrdan kelib chiqadi. Bu jarayonda yangilikni yaratilishi va ijro etilishini ta’minlovchi faoliyatlarni turlarga ajratuvchi bosqichlarga bo`linadi. SHu davrga kelib ilmiy adabiyotlarda quyidagi innovatsion jarayonni bosqichlarga ajratish shemasi mavjud:
1. Yangi g`oya paydo bo`lishi yoki yangilik kontseptsiyasn yuzaga kelish bosqichi; uni shartli ravishda fundamental va amaliy ilmiy tekshirishlar (yoki birdan paydo bo`ladigan) natijalaridan kelib chiqadigan yangilik bosqichi deb ataydilar.
2. Kashf etish vaqti, ya’ni amalga oshgan ob’ekt, moddiy yokya ma’naviy mahsulot namuna ko`rinishidagi yangilik yaratish.
3-bosqichda yaratilgan yangilikka amaliy ko`payish topilib uni qo`shimcha ishlab mukammallashtirish amalga oshiriladi; bu bosqich yangilik kiritishdan mustahkam samaradorlikka erishish bilan yakunlanadi. SHundan so`ng yangilikning mustaqil mavjudligi boshlanib, yangilik kiritish jarayoni keyingi bosqichga o`tadi, bu bosqich faqatgina yangilikni qabul qilish shartidagina amalga oshadi. YAngilikdan foydalanish davrida keyingi bosqichlar ko`rinadi.
4-bosqichda yangilikning tarqalishi uning yangi sohalarga diffuziyalanib (qo`shilib) keng tatbiq etilishidan iborat.
5-bosqich yangilikning biror sohada hukmron bo`lishi, bunda hususan yangilik o`z yangiligini yo`qotib, yangilik sifatida mavjud bo`lmay qoladi.
Bu bosqich yangi samarali yangilik paydo bo`lishi yoki uning yanada samarasi bilan almashishi bilan yakunlanadi.
6-bosqich yangilik qo`llanilishi doirasi qisqarib uning yangi mahsuldori bilan almashadi.
YUqorida keltirilgan innovatsion jarayonning bir-birini vaqt bosqichida ketma-ket almashtirib, muntazam tizim uning real rivojlanib borishining soddalashtirilgan shemasini ifodalaydi. Biror aniq innovatsion jarayon bu bosqichlarni o`z ichiga olnb, ular ketma-ketligi va bog`liqligiga so`zsiz rioya qilishi shart emas.
YAngilik kiritishni yangilikni yaratish va tarqatish kompleks va maqsadga muvofiq jarayoni sifatida qarab, uniig maqsadi inson talab va ehtiyojlarini yangi vositalar bilan qondirish bo`lib, bu samaradorligi, muntazam va hayotiyligini ta’minlovchi uslub va tizimlarni ma’lum sifatli o`zgarishiga olib keladi.
Innovatsion jarayon boshqa sifatli holatga o`tish, eskirib qolgan qoida, vaziyat va ahamiyatlarni qayta ko`rib chiqish bilan bog`liq bo`ladi. Bir darajali qator yangiliklar (yig`indisi) umumiyligi innovatsion yahlitligini tashkil etadi.
YAngilik kiritish ichki mantiq va yo`nalishlarga ega bo`lib, u yangilik g`oyasi (fikrni) tug`ilishidan to uning foydalanila boshlanishigacha bo`lgan xarakterlarni rivojlantirish ham innovatsion jarayon ishtirokchilari o`rtasidagi munosabat mantig`ini ifodalaydi.
SHu tariqa yangilik kiritish dinamik tizim bo`lib, ichki mantiq kabi vaqt davomida qonuniy rivojlanishi, uning atrof muhit bilan o`zaro bog`liqligini ifodalaydi. Innovatsion jarayoni tuzilishi yangilikning bir bosqichidan ikkinchi bosqichiga o`tib borishi bilan o`zgarib boradi.
SHu bilan birga yangilikning dinamik hususiyatlaridan uning natija-yakuni va samarasi bog`liq bo`ladi. YAngilikning yakunlaganligi yoki uning imkoniyatlari amalga oshirilganlik darajasi innovatsion jarayonning hamma bosqichlari qanchalik muvaffaqiyatli o`tib borishiga bog`liq bo`ladi. Oddiy ishlab chiqarishdan kengaytirilganiga o`tish keskin vaziyat hisoblanadi, bu o`tish amaliyotda ko`p hollarda amalga oshirilmaydi, bu hol qaysi bir yangilikning yakunlanmasligiga sabab bo`lib, ko`pgina innovatsion muammolar mavjudligini yuzaga keltiradi.
YAngilikning yakunlanganligidan uning samaradorligini belgilash kerak, ya’ni innovatsion jarayon amalga oshirilayottan tizim, turli ko`rsatkichlarga yangilikning amalga oshirilgan imkoniyatlari ta’sirini aniqlash mumkin, shu bilan birga ularning o`zaro bog`liqligi yaqqol ko`rinadi.
«Innovatsion» terminiga yaqin bo`lgan tushunchalar «o`zgarish», «mukammallashtirish», «isloh qilish» tushunchalari hisoblanadi. Ammo ular o`rtasida ma’lum fikrlar ham mavjud.
YAngilik-pedagogik tekshirishlarni baholash asosiy o`lchovlaridan biri bo`lib, u iqtisodiy jarayonning asosiy natijasi, bu har qanday yangilik kiritishning mustaqil qimmati va hususiyatidir.
«YAngi» tushuncha innovatsion pedagogikada markaziy tushunchalardan biri hisoblanadi.
Agarda birinchi - «birinchi yaratilgan» - ta’rifi ilgari umuman ma’lum bo`lmagan biror narsa haqida tasavvur bersa, keyingi yaqindan beri va ayniqsa «yangitdan ochilgan» -ta’riflar esa yangilikda qandaydir darajada «eskilik» elementi, nimadir, ilgari bo`lgan biror narsa borligini ifodalaydi. SHu tariqa yangilikning ikki turi haqida gapirish mumkin.
1. Birinchi marta yaratilgan yangilik. Bu yangilik ihtiroga teng, ya’ni yana o`rnatilgan yangi haqiqat demakdir.
2. Avvalgi mavjud bo`lgan nazariyani yanada takomillashtirib, zamonaga moslashtirishdan iborat.
Bugungi fan-texnika taraqqiyoti jamiyatdagi o‘zgarishlarning jadallashiga, jamiyat hayotiga yangiliklarning kirib kelishiga sabab bo‘lmoqda. Ayniqsa ta‘lim sohasining jamiyat hayotiga ta‘siri, uning o‘zgarishi va rivojlanishida asosiy ahamiyati sezilmoqda.
Tezkor o‘zgarishlar va texnologiyalarning kirib kelishi, texnik va texnologik taraqqiyotni kuzatish va uzluksiz ta‘limda joriy etishni talab etadi. Ta‘lim jarayoni jamiyat taraqqiyotining ijtimoiy omili sifatida faoliyat yuritib, jamiyat va uning barcha sohalarini o‘zgartirishi va rivojlantirishi lozim. Zamonaviy bilim va malakalarni jamiyat va mehnat faoliyatida joriy etilishi taraqqiyotni harakatlantiradi. Shu ma‘noda ta‘lim sohasidagi yangiliklar va o‘zgarishlar ijtimoiy taraqqiyotning omili hisoblanadi.
“Shuning uchun ham mustaqillikning dastlabki yillaridanoq butun mamlakat miqyosida ta‘lim-tarbiya, ilm-fan, kasb-hunar o‘rgatish sohalarini isloh qilishga nihoyatda katta zaruriyat sezila boshladi. Busiz jamiyatimizning biron-bir sohasini o‘zgartirishga kirishib bo‘lmas edi”.1
Tadqiqotlar shuni ko‘rsatadiki, yuksak darajadagi bilimli va malakali kadrlari bo‘lmagan jamiyatda ijtimoiy-iqtisodiy rivojlanish bo‘lmaydi.
Demak jamiyat va ta‘lim sohasidagi o‘zgarishlar o‘zaro uzviy bog‘liq bo‘lib, birining rivojlanishini ikkinchisi ta‘minlab beradi. Shuning uchun ta‘limga jamiyat taraqqiyotining samaradorligini ta‘minlab beruvchi omilllardan biri sifatida qarash mumkin.
O‘zbekiston Respublikasi mustaqilligining dastlabki kunlaridanoq ta‘lim sohasiga alohida etibor berildi. Jamiyatda ta‘lim ustuvor deb e‘lon qilindi. Jamiyatda ta‘limni rivojlantirish uchun turli islohotlar o‘tkazilmoqda. “Ta‘lim to‘g‘risida”gi Qonun va “Kadrlar tayyorlash Milliy dasturi” ta‘lim sohasidagi islohotlarni amalga oshirish dasturi bo‘lib xizmat qilmoqda.
“Ta‘lim to‘g‘risida”gi Qonun va «Kadrlar tayyorlash Milliy dasturi» ta‘lim sohasida amalga oshiriladigan ishlarning maqsadi, vazifalari va yo‘nalishlarini belgilab berdi. Bu vazifalarni amalga oshirish, avvalo, o‘qituvchiga, uning bilimi va kasb mahoratining shakllanganlik darajasiga bog‘liq. O‘qituvchi zimmasiga yuklatilgan vazifalarni nechog‘lik vijdon, aql va kasb mahorati bilan bajarishi jamiyat kelajagini ta‘minlovchi muhim omildir.
“…zamonaviy bilim berish uchun, avvalo, murabbiyning o‘zi ana shunday bilimga ega bo‘lishi kerak”.2 Shuning uchun ham “Kadrlar tayyorlash Milliy dasturi” maqsadi va vazifalarini amalga oshirishning birinchi bosqichida «Pedagog va ilmiy pedagog kadrlar tayyorlash hamda ularning malakasini oshirishni zamon talablariga javob beradigan darajada tashkil etish» belgilangan.3
Hozirgi kunda o‘qituvchi zamon talablariga javob berishi, texnika va texnologiyalarning tezkor o‘zgarishlarini his qila bilishi va o‘z faoliyatini shu o‘zgarishlar asosida tashkil eta bilmog‘i lozim. Shuning uchun ham o‘qituvchi faoliyatida innovatsion metodlardan samarali foydalanish bugungi kun talabidir.